Էլի չստացվեց. «ԱՄ»-ն Ռուզան Խաչատրյանի հետ չէ

20/09/2018 schedule16:15

Տպագրվել է «Հայկական Ժամանակ» օրաթերթի՝ 2005 թվականի սեպտեմբերի 20-ի համարում

ՀԺԿ եւ «Ազգային միաբանություն» հարաբերություններին հերթական փորձությունն է սպասվում: Ամեն ինչ սկսվեց նրանից, որ Կենտրոն համայնքում թաղապետի թեկնածու առաջադրվեց ՀԺԿ վարչության անդամ Ռուզան Խաչատրյանը: Դրանից հետո ընդդիմադիր բոլոր կուսակցությունները, այդ թվում նաեւ «Ազգային միաբանության» նախագահ Արտաշես Գեղամյանը, հայտարարեցին, որ սատարում են Ռուզան Խաչատրյանին: Սակայն, ըստ Ռուզան Խաչատրյանի, ընդամենը հայտարարեցին, որովհետեւ ինքը լուրջ կասկածներ ունի, որ «Ազգային միաբանությունը» ՏԸՀ իր տեղերը վաճառել է Խաչատրյանի մրցակից Գագիկ Բեգլարյանին:

Իսկ «ԱՄ» փոխնախագահ Ալեքսան Կարապետյանի դիրքորոշումն իրեն սատարելու հարցում Ռուզան Խաչատրյանը համարում է ոչ միայն լղոզված, այլ նաեւ նշում է, թե «ԱՄ» փոխնախագահն ասել է, որ իրենց կուսակցությունը սատարելու է նրան, ով կհաղթի: Անդրադառնալով մեղադրանքներից ամենալրջագույնին՝ հանձնաժողովներում տեղերը ծախելուն, «Ազգային միաբանության» փոխնախագահ Ալեքսան Կարապետյանը Ռուզան Խաչատրյանի նմանօրինակ հայտարարությունը համարում է իդիոտիզմ եւ վստահեցնում, որ իրենք հանձնաժողովի եւ ոչ մի տեղ չեն ծախել: Ինչ վերաբերում է Ռուզան Խաչատրյանի մնացած պնդումներին, ապա «ԱՄ» փոխնախագահը հարկ է համարում առանձին հորդորով դիմել ՀԺԿ վարչության  անդամ տիկին Խաչատրյանին.

«Ես խորհուրդ եմ տալիս Ռուզան Խաչատրյանին՝ ընդդիմադիր դաշտի մեջ կռիվ չգցել եւ որոշ քաղաքական ուժերի պատվերը չկատարել՝ սեփական նպատակին հասնելու համար: Չի կարելի անձնական խնդիրները լուծելու համար փնովել մնացած ամեն-ինչ եւ բոլորին: Մենք ընդդիմության հետ դեռ լրջագույն խնդիրներ ունենք միասին լուծելու, որոնցից ամենակարեւորը սպասվող հանրաքվեն է, ուստի Ռուզան Խաչատրյանը ճիշտ կանի ձեռնպահ մնա ընդդիմադիր ճակատը քայքայող հայտարարություններից: Մենք հայտարարել եւ հայտարարում ենք, որ սատար ենք կանգնելու  ազատ եւ արդար ընտրություններին: Իսկ թե լեգիտիմ ընտրությունների արդյունքում կընտրվի Ռուզան Խաչատրյանը, Գագիկ Բեգլարյանը թե մեկ ուրիշը, մենք կընդունենք ժողովրդի կատարած ընտրությունը»,- փոխանցում է Ալեքսան Կարապետյանը:

Այսպիսով, ակնհայտ է, որ Ռուզան Խաչատրյանի հաղթանակը Կենտրոնի թաղապետի ընտրություններում ամենեւին էլ կարեւոր չէ դիտվում «Ազգային միաբանության» համար: Ավելին, ըստ այս կուսակցության վերնախավի ներկայացուցիչների հետ ունեցած զրույցների, նրանք գոհ են Գագիկ Բեգլարյանի աշխատանքից, ու եթե վերջինս Սերժ Սարգսյանի շրջապատի մարդ չհամարվեր, «Ազգային միաբանությունը» հրապարակավ գոհունակություն կհայտներ թաղապետի աշխատանքից: Այս պարագայում անհասկանալի է, թե ինչու էր «Ազգային միաբանությունը» հայտարարում Ռուզան Խաչատրյանին սատարելու մասին եւ ինչու է հիմա հանդես գալիս գործուն զղջմամբ: Ի դեպ, նշենք նաեւ, որ Կենտրոնի թաղապետի ընտրարշավի հարցում խիստ պասիվ է նաեւ «Հանրապետություն» կուսակցությունը, որն ըստ էության իր դաշնակցին օգնելու որեւէ գործնական քայլ չի անում:

Հ.Գ. ՏԸՀ-ներում իրենց տեղերը Ռուզան Խաչատրյանի հետ չկիսելու փաստը «Ազգային միաբանությունում» բացատրում են նրանով, որ իրենց երիտասարդական կազմակերպության ղեկավար Վիլեն Արեւշատյանը առաջադրված է ավագանու թեկնածու, եւ ՏԸՀ այդ տեղերը, ինչպես «ԱՄ» նախագահ Արտաշես Գեղամյանն է ասում, համալրված են հենց նրա կողմնակիցներով: Նշենք, որ որեւէ հիմք չկա պնդելու, որ Վիլեն Արեւշատյանի կողմնակիցները նաեւ Գագիկ Բեգլարյանի կողմնակիցները չեն, չնայած համոզված կարելի է պնդել, որ նրանք Ռուզան Խաչատրյանի կողմնակիցները չեն: Նշենք նաեւ, որ ՏԸ հանձնաժողովները ամեն կոնկրետ ընտրությունից հետո լուծարվում են, եւ հաջորդ ընտրության նախաշեմին ձեւավորվում են նորերը: Այնպես որ, ՏԸՀ տեղը որեւէ մեկին տրվում է տվյալ կոնկրետ ընտրության համար, այլ ոչ թե ընդմիշտ:

Տպել
1311 դիտում

Մուրացիկ և թափառաշրջիկ երեխաների խնդիրներով մտահոգ աշխատանքային խմբի քննարկում ոստիկանությունում

Ինչ են նվաճել 2018 թ. ընթացքում տարվա լավագույն 10 մարզիկների թեկնածուները

Վարդենյաց լեռնանցքում տեղ-տեղ մերկասառույց է, ճանապարհը փակ է բեռնատարների համար

Ուրա՞ Մարտի 1-ը, արա՛, Պոպլավոկում, որ մարդ էին խփում. թեժ բանավեճ Քոչարյանի ազատությունը պահանջող ցույցի ժամանակ

Պաշտպանները միջնորդել են Մանվել Գրիգորյանին 20 մլն դրամ գրավով ազատել. որոշումը կհրապարակվի վաղը

Թուրքմենստանում ՀՀ դեսպանը հավատարմագրերի պատճենը հանձնեց Թուրքմենստանի փոխվարչապետին

Բակո Սահակյանն այցելել է Ստեփանակերտում կառուցվող Մայր տաճարի շինհրապարակ

ՀՀ ԶՈՒ ԳՇ պետն ընդունել է տարբեր բնույթի հարցերով դիմած քաղաքացիներին

Ծաղկաձորում ամանորյա հանգիստը կարող է արժենալ մինչեւ 2 մլն դրամ

Սպիտակի երկրաշարժի 30-րդ տարելիցին նվիրված միջոցառումներ Ֆրանսիայում

Ներքաղաքական լարվածության թուլացում ակնկալելը վաղ է. նոր իրավիճակի լույսն ու ստվերը

Աշխատանքային այցով Լեհաստանում էր ՀՀ ՊՆ պատվիրակությունը

Կորեայի ձորում կորած քաղաքացու որոնողական աշխատանքները շարունակվում են

Սկսում ենք երկարատեւ պայքար. պահանջում են Քոչարյանին ազատ արձակել

«Ստեփանավանի Բ/Կ»-ում պաշտոնեական կեղծիքով յուրացման համար տնօրենին առաջադրվել է մեղադրանք

Կրկին նախապայմաններ. Էրդողանի աշխատակազմը արձագանքել է Փաշինյանի հայտարարությանը

Դոլարը Հայաստանում թանկանում է, եվրոն՝ էժանանում

Մի՛ վառիր կամ թաղիր ՀՀԿ-ին․ Դիանա Գասպարյանի տարբերվելու կոչը

Ադրբեջանում ընթանում է Կարեն Ղազարյանի դատավարությունը (տեսանյութ)

Աննա Հակոբյանն աշխատանքային այցով կմեկնի Շվեյցարիայի Համադաշնություն