Պաշտոնի չարաշահո՞ւմ է եղել Ավանի մշակույթի տանը. ում քույրն է 2008-ից «ընտրված» տնօրենը

Երաժիշտ, խմբավար Վաչագան Նավասարդյանը երկար տարիներ աշխատել է որպես «Տաթեւ» մանկապատանեկան երգչախմբի խմբավար: Երգչախումբը 1993 թվականից անհասցե դեգերելով տարբեր մշակութային կենտրոններում՝ որոշ ժամանակ աշխատել է Արամ Խաչատրյան համերգասրահի փորձասենյակում, Խնկո Ապոր գրադարանի մի անկյունում, Կամերային երաժշտության տանը եւ այլն:

Եվ վերջապես, երբ 2008 թվականին «Տաթեւ»-ին տարածք են տրամադրել Ավան մշակույթի տանը, 10 տարի անշահախնդիր աշխատելուց հետո, երգչախմբի ղեկավարի տարիների ներդրումն ավարտվել է՝ առանց պատճառի աշխատանքից հեռացվելով:

««Տաթեւ» մանկապատանեկան երգչախումբը 93 թվականի ցուրտ ու մութ տարիներից աշխատել է Խնկո Ապոր գրադարանում, այնտեղ հավաքել էինք շուրջ 100 աշակերտի եւ անվճար պարապում էինք: Այդ ժամանակվա խմբի մեջ էին երգչուհի, դերասանուհի Իվետա Եդիգարյանը, Արամ Mp3-ին, երգահան կոմպոզիտոր Մարտին Խաչատրյանը, երգչուհի Շուշան Բրուտյանը եւ շատ ուրիշներ, մասնակիցներից շատերը հիմա արտերկրում են, հայտնի մարդիկ են ու շարունակում են երաժշտությամբ զբաղվել: Այդ տարիներից մինչեւ օրս ես անվճար պարապում եմ տարբեր երեխաների հետ»,- պատմեց խմբավար Նավասարդյանը:

Լուսանկարում՝ Վաչագան Նավասարդյան

Վաչագան Նավասարդյանը հայտնեց, թե ինչպես է 2008 թվականին «Տաթեւ» երգչախումբ հաճախող սաների ծնողներից մեկը, Ավանի թաղապետարանում կրթության եւ մշակույթի բաժնի պետ եղած ժամանակ, առաջարկել երգչախումբը տեղափոխել Ավան մշակույթի տուն: Վերջինս սիրով ընդունել է հրավերը եւ 42 հազար դրամ աշխատավարձով 2008 թվականից աշխատել է այդտեղ:

Ընդունվելու օրվանից Նավասարդյանը պարբերաբար մշակույթի տան տնօրեն Անահիտ Բունիաթյանից նվագակցողի հաստիք է խնդրել, սակայն տարբեր պատճառաբանություններով մերժվել: Նավասարդյանն այլընտրանք չունենալով, ամեն ամիս իր 42 հազար դրամ աշխատավարձից 15 հազարը տրամադրել է նվագակցողին:

«Մի օր, հերթական անգամ նվագակցողի հաստիքի հարցը բարձրացնելիս՝ գլխավոր հաշվապահը բերեց ինձ հաստիքացուցակը՝ ապացուցելու համար, թե տեսեք՝ ինչքան մարդ է հաստիքով աշխատավարձ ստանում եւ հնարավորություն չունեն: Ցուցակը հերթով նայում էի, տեսա՝ նվագակցող է գրված, դիմացն էլ բավականին բարձր աշխատավարձ: Պարզվեց, երկար տարիներ ես իմ աշխատավարձից եմ վճարել նվագակցողի համար, մինչդեռ դրան հատկացված գումար է եղել, որը տնօրենն է ստացել: Այդ մասին, առանց ամաչելու, նա ինքն ինձ ասաց, երբ հարցրեցի, թե ով է ստանում»,- պատմեց Նավասարդյանը:

Վերջինիս փոխանցմամբ՝ ավելի ուշ՝ Անահիտ Բունիաթյանն իր երեխայի դաշնամուրի ուսուցչին է տարել որպես նվագակցող մշակույթի տանը տեղավորել, ասելով. «Ես այստեղի տնօրենն եմ, ես եմ որոշում»: Նավասարդյանի խոսքով՝ նոր նվագակցողը անվճար խմբակ հաճախող երեխաների հետ սկսել է վոկալի դասեր անցկացնել եւ գումար պահանջել նրանցից:

Ամեն տարի ամռանը մեկ ու կեսից երկու ամիս տնօրենը արձակուրդ է ուղարկել Նավասարդյանին, այդ ընթացքում խմբավարը չի վճարվել. «Ես ուզում եմ հասկանալ, թե այդքան տարի իմ աշխատավարձը ինչ է եղել, քանի որ գիտեմ, որ քաղաքապետարանը թաղապետարանի միջոցով տրամադրել է այդ գումարը»:

Անահիտ Բունիաթյանը հունիսի մեկին Նավասարդյանին պարտադրել է դիմում գրել եւ արձակուրդ մեկնել, սակայն օգոստոսի երեքին Նավասարդյանը ծանուցում է ստացել, որ իր հետ երկու ամիս առաջ աշխատանքային պայմանագիր է խզվել:

«Բունիաթյանը շուրջ տասը հոգու անուն ազգանուն է նշել փաստաթղթում, որոնք իբր թե հեռացվել են աշխատանքից, սակայն ընդամենը երկու հոգու է հեռացրել, որից մեկը ես եմ: Երբ գնացի նրա մոտ եւ պարզաբանում խնդրեցի, անգամ չբարեհաճեց դեմքիս նայել, համակարգչով խաղ էր խաղում, դա շատ վիրավորական է, ի վերջո հոր տարիքի մարդ եմ»,- ասաց Վաչագան Նավասարդյանը: Նավասարդյանը նշեց, որ Բունիաթյանն իրեն ասել է, որ աշխատանքից հեռացնելու պատճառը վերջինիս թոշակի անցնելն է:

ՀԺ-ի հետ զրույցում Ավանի մշակույթի տան տնօրենը Նավասարդյանին աշխատանքից հեռացնելը պարզաբանեց վերջինիս թոշակի անցնելով եւ սակավաթիվ խումբ ունենալով: Անահիտ Բունիաթյանը փոխանցեց, որ տարեկան 20 երեխա էլ չի ունեցել խումբը: Մինչդեռ Նավասարդյանը վստահեցնում է, որ 30-ին մոտ երեխաների հետ է միշտ պարապել, ինչը խմբավարը բացատրում է անվճար պարապմունքներ իրականացնելու հետ:

«Տասը տարի է՝ ինչ Նավասարդյանը մեզ մոտ խմբավար է աշխատում եւ արդեն մեծ է՝ 74 տարեկան: Ես, որպես տնօրեն, որպես երաժիշտ՝ նոր շունչ եմ ուզում, նոր ձայն եմ ուզում: Չեմ ուզում Նավասարդյանի մանկավարժական որակների մասին խոսել՝ զուտ մանկավարժական էթիկայի կանոններից ելնելով: Նրա օրոք ես չեմ ստացել այն որակը, որպեսզի հպարտությամբ ասեմ, որ ունեմ հրաշալի երգչախումբ»,- ասաց Անահիտ Բունիաթյանը:

Այսօր Ավանի մշակույթի տուն է հաճախում մոտ 300 երեխա: Կենտրոնն ունի անվճար եւ վճարովի խմբակներ, սակայն տնօրենը չցանկացավ ֆինանսների վերաբերյալ մեզ որեւէ տեղեկատվություն տրամադրել:

Վերջինս փաստեց, որ որպես ղեկավար, իրավունք ունի կենսաթոշակի տարիքում ցանկացած աշխատողի ազատել աշխատանքից, եւ որ իր քայլերը օրենքի սահմաններում են արվել: «Վաչագան Նավասարդյանը պետք է շնորհակալ լինի ինձնից որպես ղեկավարի, որ թոշակի տարիքում նրան աշխատելու հնարավորություն եմ տվել»,- ասաց նա:

Անահիտ Բունիաթյանը չմեկնաբանեց այն, որ տարիներ շարունակ նվագակցողի կլորիկ գումարն ինքն է ստացել. «Իրեն նվագակցող չէի հատկացնում, որովհետեւ անորակ դաշնակահար էր բերել: Բազմիցս առաջարկել եմ, որ ես կարող եմ լինել, որ ունեմ բավարար մասնագիտացում, բայց չի ցանկացել»:

Տնօրենը նշեց, որ Նավասարդյանն ինքն էլ չի ունեցել համապատասխան որակավորում. «Նոր էի նշանակվել տնօրեն, ոչ մեկին չէի ճանաչում այստեղ, թաղապետարանից զանգեցին, ասեցին, որ բարեկամ ունեն, որը երգչախումբ ունի եւ շատ որակյալ աշխատող է: Համաձայնվեցի, բայց նա ընդամենը կլարնետի դասատուի որակավորում ուներ, այս 10 տարվա ընթացքում ես չստացա այն որակը, որն ինձ պետք էր»,- ասաց Անահիտ Բունիաթյանը:

Վերջինս նաեւ փոխանցեց, որ Ավան մշակույթի տան հիմնադրման օրվանից ինքն է այդտեղ տնօրենը:

Սա, թերեւս պատահական չէ, քանի որ Անահիտ Բունիաթյանը Տարոն Մարգարյանի մտերիմ ընկերոջ՝ Արմեն Բունիաթյանի քույրն է:

Արմեն Բունիաթյանը, բացի Տարոն Մարգարյանի օգնականը լինելուց, համատեղ բիզնեսի համասեփականատեր է եղել: Նշենք, որ Տարոն Մարգարյանին եւ Արմեն Բունիաթյանին պատկանող «Ռոբերտ-Տարոն» ընկերությունը 2015-2018 թվականների հունիսին պետությունից խոշոր չափի հափշտակություն էր կատարել: «Ռոբերտ-Տարոն» ընկերության՝ պետությունից կատարած հափշտակության դեպքը բացահայտվել է ոստիկանության կողմից:

Անահիտ Բունիաթյանը չցանկացավ մեկնաբանել, թե ինչ հիմքով է նշանակվել մշակույթի տան տնօրեն, նշեց, որ իր եղբոր՝ Արմեն Բունիաթյանի եւ Տարոն Մարգարյանի ընկերությունն ու մտերմիկ հարաբերությունները դրա հետ ոչ մի կապ չուն: «Ես՝ Անահիտ Բունիաթյանն եմ, ես տնօրենն եմ այս հիմնարկության եւ Արմեն Բունիաթյանը ոչ մի կապ չունի այս հիմնարկի հետ: Չքաղաքականացնե՛ք մշակույթի գործունեությունը: Ես երեք մասնագիտություն եւ բարձր որակավորում ունեմ այս պաշտոնը զբաղեցնելու համար»,-ասաց նա:

Հիշեցնենք, որ ի պաշտպանություն Տարոն Մարգարյանի փողոց դուրս եկածների թվում էր նաեւ Անահիտ Բունիաթյանը: Ավանի մշակույթի տան տնօրենը Տարոն Մարգարյանի «աջակիցների» շարքում առաջիններից էր:

Տպել
11815 դիտում

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը