Վիրահայոց թեմը գրադարան եւ համայնքային կենտրոն է վարձակալել. թեմապատկան 3-րդ կենտրոնը Թբիլիսիում

Թբիլիսիի Սուրբ Գևորգ եկեղեցու հարևանությամբ բացվել է Ամենայն հայոց կաթողիկոս Վազգեն առաջինի անունը կրող երիտասարդական և համայնքային կենտրոն ու գրադարան: 

Ինչպես հայտնում է Aliq.ge-ն, գաղափարը Վիրահայոց թեմինն է, իրականություն է դարձել բարերարների միջոցով, ովքեր վարձակալել են տարածքը: Սա թեմապատկան երրորդ կառույցն է Թբիլիսիում՝ Հայարտուն և Թումանյանի տուն կենտրոններից հետո: Նախաձեռնության հեղինակները վստահեցնում են՝ նոր կենտրոնի անհրաժեշտությունը կար՝ հաշվի առնելով նշված երկու կենտրոնների խիստ ծանրաբեռնված գործունեությունը և գործունեության արդյունքը.

«Այս կենտրոնի կարիքը կար, որովհետև մենք անհրաժեշտություն ունենք ունենալ համայնքային գրադարան, մենք կարիք ունենք ունենալ տեղ, որտեղ բաց են դռները բոլոր ժամանակներում մեր համայնքի և մեր երիտասարդների համար, ովքեր ունեն նախաձեռնություններ, ծրագրեր, որոնք իրականացնելու համար տեղի դժվարություն են ունեցել, այստեղ այդ հնարավորությունները տրվելու են»,- «Ալիք մեդիային» ասել է Վիրահայոց թեմի առաջնորդ տեր Վազգեն եպս. Միրզախանյանը:

Համայնքային գրադարան հիմնելու գաղափար եղել է վաղուց, ժամանակին գրքերը պահվում էին Թբիլիսիի հայկական դրամատիկական թատրոնի շենքում, ապա Թումանյանի տուն էին տեղափոխվել, սակայն այստեղ էլ երկար չմնացին: Ընթացքում նկատեցին, որ նորաոճ գրադարակները Թումանյանի տան ընդհանուր բովանդակությանը համահունչ չեն.

«Ուստի ժամանակին դիմեցինք Հայաստանի երրորդ նախագահ Սերժ Սարգսյանի տիկնոջը՝ Ռիտա Սարգսյանին, և նրա օգնությամբ ձեռք բերվեցին հնաոճ գրապահարաններ, որոնցում պահում ենք այն հիմնական գրքերը, որոնք այսօր անհրաժեշտ են Թումանյանի տուն այցելողի և այդ գրքերով հետաքրքրվողների համար»,- նշում է թեմական առաջնորդը։

Մնացած գրքերը գրապահարանների հետ միասին այժմ նորաբաց սրահում են:

Վրաստանում ՀՀ արտակարգ և լիազոր դեսպան Ռուբեն Սադոյանն ասում է. «Սա կարելի է անվանել ոչ միայն մշակութային, այլև կրթական օջախ, մենք նույնպես գեղարվեստական գրականություն կնվիրաբերենք այս գեղեցիկ կրթօջախին, մեր բոլոր կրթօջախները, կարելի է ասել, գերծանրաբեռնված են: Դա և՛ եկեղեցու, և՛ վիրահայերի շնորհիվ է, որ այդ կրթօջախներն իրականում աշխատում են ծայրագույն ծանրաբեռնվածությամբ, և այս կրթօջախի բացումը շատ մեծ անհրաժեշտություն էր»: 

Գրադարան-կենտրոնի ղեկավարումը վստահել կարելի էր միայն թեմի երիտասարդության բաժնի տնօրինությանը և մասնագետներին, իսկ գրադարանավարի մասնագետի պակաս կա. Սրբազանը հույս հայտնեց, որ համայնքից կգտնվեն մասնագետներ, ովքեր կդիմեն՝ քարտադարան ստեղծելու գործն անելու համար, այլապես ստիպված կլինեն Հայաստանից հրավիրել: Հստակ չէ նաև, թե գրքերն արդյո՞ք դուրս են թողնվելու, թե՞ տեղում են ընթերցվելու: Այն, որ ընթերցելու համար նախ պետք է տառաճանաչության ու հայերենի իմացության խնդիր լուծել, Սրբազանը համաձայն է, բայց այս առումով ևս լավատես է. այս խնդիրը ևս լուծում է թեմը՝ շաբաթօրյա և կիրակնօրյա դպրոցների օգնությամբ:

Սրբազանը հորդորեց գործել միայն բարության, ուղղամտության, չբամբասկոտության  դաշտում, նախկինում եթե բացթողումներ եղել են, հիմա դրա իրավունքը չունենք:

Թեմի առաջնորդը լավատես է՝ վարձակալած տարածքը լավագույնս կարող է ծառայել գրադարանին. ամռանը սառեցվելու է, ձմեռը՝ ջեռուցվելու, մնում է ընթերցողի պակաս չունենա:

Տպել
322 դիտում

Արտակարգ պատահար Գյումրիում. մեքենան հարվածել է ընթացող գնացքին (տեսանյութ)

Թուրքիայում շուրջ 16 միլիոն մարդ սովի է մատնված, աղքատ է բնակչության 60 տոկոսը. զեկույց

Գյումրիում քիչ առաջ պոլիէթիլենային տոպրակի մեջ դրված նորածին տղաներ են հայտնաբերվել

Կոտայքի մարզում 36-ամյա քաղաքացին ընկել է ջրանցքը. վիճակը միջին ծանրության է

ԲՀԿ-ում պայթյո՞ւն է սպասվում. պատգամավորները սկսել են միմյանց մասին սկանդալային հայտարարություններ անել

Սուրեն Պապիկյանը ներկայացրել է Արմավիրի նորանշանակ մարզպետին

Վստահ եմ՝ ամեն ինչ անում եք, որպեսզի զգոնությունը սահմանների վրա չպակասի, ընդհակառակը, ավելի բարձրանա. նախագահ

Էջմիածնում կլանները գլխատված են. Ն. Փաշինյանը՝ թեկնածուի հայտարարության մասին

Արմավիրում անակնկալ հյուրասիրություն, աղ ու հաց էին կազմակերպել Ն. Փաշինյանի համար (տեսանյութ)

Ինքնիշխան պետության ներքին գործերի մասին դեսպանը խոսել է առանց շփոթմունքի. Զախարովան՝ Միլսի ելույթի մասին

Նկար, յուղանկար, ջրանկար. Սյունիքի նախկին մարզպետի ունեցվածքն ու թանկարժեք իրերը

Չորս մարդու մահվան պատճառ դարձած ավտովթարի դեպքի առթիվ գործ է հարուցվել, բեռնատարի վարորդը ձերբակալվել է

ՀՀ-ն կարող է լավ հարթակ լինել ՌԴ-ից Իրան դեղեր ու բուժտեխնիկա արտահանելու առումով. Ա. Թորոսյան

Փոխվարչապետի պաշտոնակատար Մհեր Գրիգորյանն ընդունել է Արցախի պետնախարարի գլխավորած պատվիրակությանը

«Թումո»-ն բարեկամության լավագույն օրինակ է. Հայկ Մարությանը հանդիպել է Փարիզի քաղաքապետ Անն Իդալգոյի հետ

Նոր ընդդիմությանը սպասելիս. դրա ձեւավորումը անկասելի է

Երևանի քաղաքապետ Հայկ Մարությանը ներկա է գտնվել Փարիզում «Թումո» կենտրոնի բացմանը

Աննա Հակոբյանը եւ մաեստրո Տիգրան Մանսուրյանն այցելեցին Մաթեւոսյան կենտրոն-թանգարան

Արթիկում վիճաբանության ընթացքում 16-ամյա տղային դանակահարելու կասկածանքով ձերբակալվել է երկու անձ

Երգիչ Արա Մարտիրոսյանը սրտի ծանր վիրահատության է ենթարկվել․ մանրամասներ