Պուտինն այցելում է Ադրբեջան. խորտակվող «Տիտանիկ»-ի մեծ մտրակն ու փոքր քաղցրաբլիթը

ՌԴ նախագահ Վլադիմիր Պուտինը 2018 թվականի սեպտեմբերի 25-ին այցելում է Բաքու: Մի խումբ ադրբեջանական հասարակական գործիչներ, որոնց մեծամասնությունը ընդդիմադիր քաղաքական գործիչներ են, Կլոր սեղան են կազմակերպել՝ նվիրված Պուտինի Ադրբեջան այցի նշանակության գնահատմանը:

Միջոցառման արդյունքներով ընդունվել է հայտարարություն, որում նշված է խաղաղությանն ու Ադրբեջանի անկախությանը սպառնալիքի մասին, որը բխում է Ռուսաստանի հետ ներկայիս հարաբերությունների բնույթից:

Նշվում է Ադրբեջանում ռուսամետ գործիչների «հինգերորդ շարասյան» գոյության մասին, որոնց ՌԴ-ն օգտագործում է հակաադրբեջանական քաղաքականության մեջ: «Ադրբեջանի իշխանությունը պետք է շատ կարճ ժամկետում հստակություն մտցնի մեր հասարակության մեջ ուղղորդված արտահոսող տեղեկություններում ՀԱՊԿ-ին եւ Ռուսաստանի տնօրինած այլ դաշինքներին Ադրբեջանի հնարավոր անդամակցության մասին»,- հայտարարում են ՌԴ հակառակորդները, մեջբերում է Արցախպրեսը:

Կլոր սեղանի մասնակիցները վստահ են, որ Կրեմլը վարում է հետխորհրդային երկրներն իր վերահսկողության տակ վերադարձնելու քաղաքականություն՝ դրա համար օգտագործելով ահաբեկչությունն ու անջատողականությունը, օտար տարածքներ իբրեւ խաղաղարար ուժեր ռուսական բանակը մտցնելը:

Կլոր սեղանի մասնակիցներն աջակցում են ռազմատեխնիկական եւ տնտեսական ոլորտներում ադրբեջանա-ռուսական կապերին, սակայն հանդես են գալիս Ադրբեջանում ռուսերենի էլ ավելի մեծ տարածման դեմ եւ դատապարտում են «Ադրբեջանում ժողովրդավարության զարգացմանը Կրեմլի հակազդեցությունը»:

Միեւնույն ժամանակ, ըստ «Բի-բի-սի»-ի, Ռուսաստանի նախագահ Վլադիմիր Պուտինը սեպտեմբերի 25-ին կայցելի Ադրբեջան շատ պարզ նպատակով՝ հիշեցնելու, որ Ռուսաստանը նախկինի պես առաջատար դիրքերում է տարածաշրջանում, որի հետ հարկավոր է հաշվի նստել: Այս մասին ասվում է BBC-ի «Պուտինը Բաքվում. Մեծ մտրակն ու փոքր քաղցրաբլիթը» հոդվածում:

Նշվում է, որ Մոսկվայի դիրքերը տարածաշրջանում զգալիորեն խախտվել են, կապված շարունակվող միջազգային պատժամիջոցների եւ վերջերս Հայաստանում տեղի ունեցած իրադարձությունների հետ, գրում է Պանարմենիանը:

Շատերն Ադրբեջանում համարում են, որ ՌԴ-ն խորտակվող «Տիտանիկ» է: Այդ մասին ասել է Օքսֆորդի համալսարանի տարածաշրջանի գծով փորձագետ Լեյլա Ալիեւան: Սակայն խորտակվող «Տիտանիկը» մեծ առեւտրային ու տնտեսական գործընկեր է, որի տեղն այսօր պատրաստ չեն զբաղեցնել Ադրբեջանի ավանդական դաշնակիցները՝ Թուրքիան ու Իրանը: Ուստի, Բաքուն, օրինակ, շարունակում է ռուսական զենք գնել, գրում է պարբերականը:

«ՌԴ ադրբեջանական համայնքը պաշտոնապես մոտ կես միլիոն է: Ըստ ՌԴ ԿԲ-ի, ամեն տարի ՌԴ-ից Ադրբեջան է փոխանցվում 1,2 մլրդ դոլար: Եթե զարգացումներն անբարենպաստ լինեն, Ադրբեջանը կարող է կրկնել 2008-ի վրացական սցենարը: ՌԴ-ից կարող են սկսել արտաքսել ադրբեջանցիներին:

Կրեմլը նաեւ կարող է որոշել, որ ժամանակն է սատարել Ադրբեջանի ազգային փոքրամասնություններին՝ քրդերին, թալիշներին, լեզգիներին: Նրանց քանակը մեծ չէ, բայց նրանք գլխացավանք են Բաքվի համար:

Հոդվածում նշվում է, որ ՌԴ-ն Ադրբեջանին ճնշելու նաեւ տնտեսական լծակներ ունի: Եվ, անկասկած, այս ամենին գումարվում է Լեռնային Ղարաբաղի խնդիրը:

«Ռուսաստանը կարող է սկսել առավել ակտիվ սատարել Հայաստանին, ինչպես Ադրբեջանի հանդեպ ճնշումը սաստկացնելու միջոցով, այնպես էլ ՀՀ նոր ղեկավարության հետ առավել սերտ հարաբերություններ ստեղծելու համար: Անշուշտ, դա երկակի հետեւանքներ կարող է ունենալ, քանի որ մինչ այժ ՌԴ-ն հանդես էր գալիս որպես յուրօրինակ արբիտր եւ զսպող գործոն ղարաբաղյան հակամարտության կարգավորման հարցում: Զրկվել այդ կարգավիճակից, կնշանակի հեղինակությունը հարվածի տակ դնել, չհաշված որ հերթական տարածաշրջանային հակամարտություն Կովկասում ՌԴ-ին պետք չէ:

Մի կողմից, Մոսկվան չի ցանկանա սրել ղարաբաղյան հակամարտությունը, մյուս կողմից՝ Կրեմլը միշտ չէ, որ իրեն ռացիոնալ է պահում: Տակտիկական եզրակացությունները կարող են գերակշռել ռազմավարական նպատակահարմարության նկատառումները, ինչպես արդեն բազմիցս է եղել»,- գրում է պարբերականը:

Նշվում է, որ Ադրբեջանի նախագահ Ալիեւի համար իշխանափոխությունը Երեւանում մտահոգության մեծ առիթ է, այդ թվում նաեւ այն պատճառով, որ Մոսկվան դրան չմիջամտեց:

«Պուտինը կարող է աջակցություն խոստանալ Ալիեւին ներքին ընդդիմության հետ պայքարում, թեեւ այս հարցում նրա իրական հնարավորությունները սահմանափակ են՝ մնում է միայն տանկեր մտցնել Բաքու: Մոսկվան կարող է նաեւ որպես բրոքեր հանդես գալ ադրբեջանա-իրանական հարաբերություններում՝ բարդ հարցերի լուծման համատեքստում, սակայն, այստեղ էլ ՌԴ ազդեցությունը հարկ չկա գերագնահատելու:

Այնպես որ, հավանաբար, Պուտինը մեծ մտրակ է տանում Բաքու եւ փոքր քաղցրաբլիթ»,-ասվում է հոդվածում:

Ավելի վաղ հայտնի դարձավ, որ ՌԴ նախագահ Վլադիմիր Պուտինը կայցելի Հայաստան պաշտոնական այցով: Հստակ ամսաթիվը դեռ հայտնի չէ:

Տպել
5468 դիտում

Ուկրաինաբնակ Արտյոմ Դալաքյանը պաշտպանել է աշխարհի չեմպիոնի տիտղոսը (տեսանյութ)

Այս Ամանորին ռուսաստանցի զբոսաշրջիկների համար առաջին տեղում Հայաստանն է. Ն. Փաշինյանի կարծիքով՝ տուրիստական բում կլինի

Երևանում՝ Արգիշտի փողոցում, բախվել են մեքենան ու թիվ 74 երթուղու «Գազելը». կա 7 վիրավոր

Վրաստանին ու նոր նախագահին առաջիկա տարիներին հաջողություններ եմ մաղթում. Արմեն Սարգսյան

Արթուր Բաղդասարյանը հեռանում է քաղաքականությունից, խոստանում է վերադառնալ՝ հենց ժողովուրդն ուզի

Գողություն Մակարավանքից. հափշտակել են արծաթե մոմակալներն ու հանգանակության գումարը

Վրաստանի առաջին կին նախագահը երդվեց՝ ի հեճուկս ընդդիմության բողոքի ակցիաների

Վաղը երեկոյան ժամերից սպասվում են տեղումներ, մառախուղ, ձյուն, ջերմաստիճանը կնվազի

Վրացական ընդդիմությունը բողոքի ցույցով հասել է Թելավի, ոստիկանությունը փակել է ճանապարհը (տեսանյութ)

Վրաստանում տեղի ունեցավ Սալոմե Զուրաբիշվիլիի երդմնակալության արարողությունը (տեսանյութ)

Գիշերը ժամը 03:00-ին մեքենա է ընկել Արփա գետը, 2 հոգի հիվանդանոցում են

«Իմ քայլը» կստանա 88 մանդատ, ԲՀԿ-ն՝ 26, «Լուսավոր Հայաստան»-ը՝ 18. ԿԸՀ-ն բաշխեց մանդատները

Խանջյան փողոցում մահվան ելքով վրաերթի մասնակից «Սպիտակցի Հայկոն» ստորագրությամբ բաց է թողնվել

Երևանում զենքի սպառնալիքով առևանգել են ոստիկանության Արմավիրի վարչության պետի եղբոր տղային

Արմեն Սարգսյանը շնորհավորական ուղերձ է հղել Ղազախստանի նախագահ Նուրսուլթան Նազարբաևին

Կաթողիկոսն ընդունել է «Լուսավոր Հայաստան» կուսակցության խորհրդարանական խմբակցությանը

«Իմ քայլը» ստացել է քվեների 70.42%-ը, ԲՀԿ-ն՝ 8.26%-ը, «Լուսավոր Հայաստանը»՝ 6.37%-ը. վերջնական

Վլադիմիր Պուտինն իրականացրել է 14-ամյա Արտյոմի երազանքը, տղան տպավորված է

ՀՀ նախագահը ժամանել է Վրաստան՝ մասնակցելու Սալոմե Զուրաբիշվիլիի երդմնակալությանը

Գյումրիում հարսանիքից վերադարձող ընտանիքը վթարի է ենթարկվել․ զոհվել են ամուսիններ