Նոր ծանոթություններ ՄԱԿ-ում. վարչապետի առաջին երկու օրերը Նյու Յորքում

ՀՀ վարչապետ Նիկոլ Փաշինյանը աշխատանքային այցով գտնվում է Նյու Յորքում, որտեղ սեպտեմբերի 18-ին մեկնարկել է ՄԱԿ Գլխավոր ասսամբլեայի 73-րդ նստաշրջանը: Վարչապետը Նյու Յորք է ժամանել սեպտեմբերի 23-ին եւ արդեն հասցրել է մի քանի հանդիպումներ ունենալ: Նախ, սեպտեմբերի 23-ի երեկոյան նա հանդիպել է Նյու Յորքի, ինչպես նաեւ ԱՄՆ համայնքային կառույցների, հայկական կազմակերպությունների բազմաթիվ ներկայացուցիչների հետ: Փաշինյանը ներկայացրել է Հայաստանում տիրող իրավիճակը, խոսել խորհրդարանական արտահերթ ընտրությունների, Հայաստան-Սփյուռք կապերի, ՀՀ արտաքին քաղաքականության եւ տնտեսական թեմաների շուրջ:

Սեպտեմբերի 24-ին Փաշինյանը մասնակցել է «Թմրանյութերի համաշխարհային խնդրի լուծմանն ուղղված գործունեության գլոբալ կոչ» թեմայով գագաթաժողովին: Այնուհետեւ ՀՀ վարչապետը ելույթ է ունեցել Նելսոն Մանդելային նվիրված խաղաղության գագաթաժողովի բացմանը:

Սակայն, քաղաքական առումով առավել հետաքրքրական են սեպտեմբերի 24-ին տեղի ունեցած հանդիպումները: Առաջիկա արտահերթ խորհրդարանական ընտրությունների թեման քննարկվել է ՄԱԿ-ի գլխավոր քարտուղար Անտոնիո Գուտերեշի հետ: Երկուստեք կարեւորվել է ընտրախախտումների հնարավորությունը տեխնիկապես բացառող բարեփոխումների իրականացումը: Այդ համատեքստում, վարչապետը կարեւորել է ՄԱԿ-ի կողմից տեխնիկական աջակցության շարունակական անհրաժեշտությունը:

Գուտերեշը վարչապետի հետ հանդիպման ընթացքում եւս մեկ անգամ անդրադարձել է Հայաստանում տեղի ունեցած քաղաքական փոփոխություններին եւ նշել, որ դա իշխանության խաղաղ փոխանցման փայլուն օրինակ է: ՄԱԿ-ի գլխավոր քարտուղարի մակարդակով արված հայտարարությունը հերթական անգամ ընդգծում է մեր երկրում տեղի ունեցող իրադարձությունների համամարդկային արժեքներին հավատարիմ լինելու սկզբունքը:

ՄԱԿ-ի Գլխավոր քարտուղարի հետ քննարկվել է նաեւ արցախյան հակամարտությունը: Վարչապետը շնորհակալություն է հայտնել Գուտերեշին` հակամարտության խաղաղ կարգավորման ուղղությամբ ԵԱՀԿ Մինսկի խմբի համանախագահների եւ ԵԱՀԿ գործող նախագահի անձնական ներկայացուցչի ջանքերին լիակատար աջակցություն ցուցաբերելու համար:

Նյու Յորքում Փաշինյանը հանդիպել է նաեւ Կիպրոսի նախագահ Նիկոս Անաստասիադիսի հետ: Երկուստեք շեշտվել է հայ-կիպրական հարաբերությունների բարեկամական բնույթը եւ կարեւորվել դրանց խորացումը: ՀՀ վարչապետը անհրաժեշտ է համարել տնտեսական ոլորտում կապերի խորացումն ու առեւտրաշրջանառության ծավալների ավելացումը: Փաշինյանն ու Անաստասիադիսը տնտեսական կապերի զարգացման գործում անհրաժեշտ են համարել բիզնես ֆորումի անցկացումն ու այդ ուղղությամբ համապատասխան քայլերի իրականացումը:

Կիպրոսի նախագահի հետ եւս քննարկվել է Արցախի հարցը: Բնականաբար հակամարտությունների մասին խոսելիս հնարավոր չէր շրջանցել Հյուսիսային Կիպրոսը, որը 1974 թ. գտնվում է թուրքական ուժերի վերահսկողության տակ: Ընթացող թուրք-հունական բանակցություններում վերջին տարիներին որոշակի առաջընթաց նկատվում է, սակայն խնդրի վերջնական լուծումը հեռու է: Անաստասիադիսը եւ Փաշինյանը կարեւորել են հիմնախնդիրների լուծումը խաղաղ բանակցությունների միջոցով: Հանդիպման վերջում Փաշինյանը հրավեր է ստացել Անաստասիադիսից՝ այցելել Կիպրոս իրեն հարմար ժամանակահատվածում:

Ոչ պակաս կարեւոր էր նաեւ Ռուանդայի նախագահ Փոլ Կագամեի հետ հանդիպումը: Զրուցակիցները քննարկել են ինչպես երկկողմ հարաբերություններին, այնպես էլ հոկտեմբերին Երեւանում կայանալիք Ֆրանկոֆոնիայի միջազգային կազմակերպության գագաթաժողովի նախապատրաստական աշխատանքներին վերաբերող հարցեր: Փաշինյանն ու Կագամեն համոզմունք են հայտնել, որ գագաթաժողովը նոր էջ կբացի Հայաստանի եւ Ռուանդայի հարաբերություններում, կնպաստի համագործակցության զարգացմանն ու խորացմանը: ՀՀ վարչապետը տեղեկացրել է Կագամեին, որ գագաթաժողովի շրջանակում անցկացվելու է նաեւ տնտեսական ֆորում եւ հրավիրել ռուանդացի գործարարներին այդ միջոցառմանը: Սա հատկապես կարեւոր է, քանի որ Ռուանդայում գործարարների համար ստեղծված են բավական բարենպաստ պայմաններ: Վերջին երեք տարիների ընթացքում Ռուանդան այդ ցուցանիշով գերազանցել է նաեւ Հայաստանին:

Ընդհանրապես, Ռուանդայի կառավարությունը համարվում է ամենաարդյունավետներից մեկը Աֆրիկայում: Ոչ վաղ անցյալում ցեղասպանություն եւ քաղաքացիական պատերազմ վերապրած այս երկիրը օրինակելի արդյունքներ է ցույց տալիս տնտեսության զարգացման եւ կառավարության արդյունավետ գործունեության տեսանկյունից: 1994 թ. ի վեր Ռուանդան տնտեսական եւ դեմոգրաֆիկ աճ է ապրում: Ռուանդան երբեմն անվանում են «աֆրիկյան Սինգապուր»:

Շատ է խոսվում, իհարկե, որ Ռուանդայի տնտեսական հրաշքը տեղի է ունեցել ժողովրդավարության հաշվին: Այդ պնդումը չափազանց մոտ է իրականությանը: Ներկայիս նախագահ Փոլ Կագամեն առաջին անգամ ընտրվել է 2000 թ., սակայն իշխանությունը փաստացի նրա ձեռքում էր գտնվում դեռեւս 1994 թ.: Բացի այդ, 1994 թ. նրա իշխանության գալուց հետո երկրի 6 միլիոն բնակչությունից 2 միլիոնը ենթարկվեցին պատասխանատվության նախկինում կատարած հանցագործությունների համար: Հանուն արդարության, սակայն, հարկ է նշել, որ Կագամեին հաջողվել է ռեպրեսիվ մեթոդներով կառուցել արդյունավետ գործող պետական համակարգ եւ զարգացող տնտեսություն:

Ինչեւէ, ժողովրդավարության զարգացումը կամ հետընթացը յուրաքանչյուր երկրի ներքին գործն են, իսկ տնտեսական համագործակցությունը կարող է երկուստեք օգուտներ բերել: Հոկտեմբերին Երեւանում կայանալիք Ֆրանկոֆոնիայի գագաթնաժողովը հարմար առիթ է այդ համագործակցությունը հստակեցնելու եւ խորացնելու համար:

Տպել
3948 դիտում

Պատրաստվում ենք ինտենսիվանցել Հայաստան-ԱՄՆ հարաբերությունները. Նիկոլ Փաշինյան

ՏԻՄ ընտրությունները ցույց տվեցին, որ ակնհայտ է հեղափոխության հաղթանակը. Նիկոլ Փաշինյան

Էդուարդ Շարմազանովն աշխատանքային այցով մեկնել է Սանկտ Պետերբուրգ եւ Մոսկվա

Անհապաղ փոխեք միգրացիոն օրենքները. Դոնալդ Թրամփ

Երեւանում մեկնարկել է «Եվրասիական շաբաթ» միջազգային ֆորումը

Հոկտեմբերի 26-ին Հյուսիսային եւ Հարավային Կորեաների միջեւ տեղի կունենա ռազմական բանակցություններ

Ն. Փաշինյանն Անթիլիասում այցելել է Ցեղասպանության մատուռ, առանձնազրույց ունեցել Արամ Ա կաթողիկոսի հետ

Մարդու իրավունքների պաշտպանի միջամտությամբ անձն ազատ է արձակվել քրեակատարողական հիմնարկից

Քննչական կոմիտեն ընտրախախտումների վերաբերյալ երեկ 3 հաղորդում է ստացել

ՀՀԿ-ն վաղ առավոտյան Գործադիր մարմնի նիստ էր հրավիրել. քննարկումների մասին կհայտնեն ԱԺ արտահերթ նիստին

Ընտրակաշառք, կեղծ քվեաթերթիկ, քվեարկել են 1 անգամից ավելի կամ ուրիշի փոխարեն. 16 դեպքով նախապատրաստվում են նյութեր

Արմավիրի քաղաքապետ է ընտրվել «Քաղաքացիական պայմանագիր»-ը ներկայացնող Դավիթ Խուդաթյանը

Կապանում ՔՊ-ի թեկնածուն պարտություն է կրել, հաղթել է անկուսակցական Գեւորգ Փարսյանը

Հրազդանի քաղաքապետ է ընտրվել Սևակ Միքայելյանը՝ Սասուն Միքայելյանի որդին

Առաջին կին քաղաքապետը. Էջմիածնում քաղաքապետ է ընտրվել ՔՊ-ն ներկայացնող Դիանա Գասպարյանը

Գյումրիում ոստիկանները ծեծել են Առաքելյան եղբայրներին, տղաները կալանավորված են (տեսանյութ)

Հայաստանի մեծ մասում սկսվող շաբաթն անձրեւոտ կլինի. եղանակը՝ առաջիկա օրերին

«Սիրահարդ եմ, Երևան» խորագրով հեծանվավազքը՝ քաղաքապետ Հայկ Մարությանի մասնակցությամբ (լուսանկարներ)

Ազատամարտիկ Արթուր Կարապետյանի անվան պուրակում բացվեց Երևանի 2800-ամյակի հուշարձանը.ներկա էր քաղաքապետը

Ժամը 17-ի դրությամբ ՏԻՄ ընտրություններին մասնակցել է ընտրելու իրավունք ունեցողների 35.23%-ը