Ռիսկերը կառավարելի են. Փաշինյանն արդեն կրում է «ժողովրդի վարչապետ» տիտղոսը, ուրեմն էլ ո՞ւմ վարչապետ են ընտրելու, իրե՞նց

ՀՀ վարչապետ Նիկոլ Փաշինյանը երեկ Ազգային ժողովի մոտ տեղի ունեցած բողոքի ակցիայի ժամանակ հայտարարեց, որ արտահերթ ընտրությունների պետք է գնալ իր հրաժարականի ճանապարհով: Որոշ քաղաքագետներ ու քաղաքացիների մի ստվար զանգված մտավախություն ունեն, որ Փաշինյանի հրաժարականի դեպքում հակահեղափոխությունը կարող է մեծ թափով գլուխ բարձրացնել եւ Հանրապետականներն այդպիսով կընտրեն նոր վարչապետ:

Քաղաքագետ Ստյոպա Սաֆարյանը, չնայած չի բացառում Փաշինյանի հրաժարականի դեպքում հանրապետականների կողմից վարչապետի թեկնածու առաջադրելու տարբերակը, այնուամենայնիվ, կարծում է, որ խորհրդարանն արձակելու ցանկացած տարբերակի դեպքում բոլոր որոշումները կայացվելու են ժողովրդի գործոնի ներքո:

Այս պահին Ազգային ժողովի արձակման մի քանի ճանապարհ կա: Դրանցից մեկը խորհրդարանական ուժերի ընդհանուր համաձայնության տարբերակն էր, որը, սակայն երեկ չստացվեց:

Մյուս տարբերակը սահմանադրական փոփոխությունների ու հանրաքվեի ճանապարհն է: Ստյոպա Սաֆարյանը մեր զրույցում ասաց, որ, իր կարծիքով, այս տարբերակը շատ ժամանակատար ու ֆինանսատար է, դրա համար էլ տեխնիկապես հնարավոր չէ ընտրությունները կազմակերպել մինչեւ դեկտեմբեր. «Հանրաքվեի, սահմանադրական փոփոխությունների եւ ժողովրդաիշխանության այս օղակի կիրառման մասին, կարծում եմ, իմաստ չունի խոսել, որովհետեւ դա ժամանակատար ու ռեսուրսատար է լինելու: Հանրաքվեն այդպես մեկ օրում չի կազմակերպվում: Կա քարոզարշավ, կա հանրաքվեի բողոքարկման ժամանակ, եւ այլն, եւ այլն: Սա ակնհայտորեն չի տեղավորվում Նիկոլ Փաշինյանի դեկտեմբերյան օրացույցի մեջ»,- ասաց Սաֆարյանը՝ հավելելով, որ մնում է մեկ տարբերակ. Փաշինյանը գնում է իր հայտարարած՝ հրաժարականի տարբերակով, որի դեպքում էլ ՀՀԿ-ն, ԲՀԿ-ն ու ՀՅԴ-ն զգալու են ժողովրդի ճնշումը:

Սաֆարյանը չի բացառում նաեւ մեծաքանակ քաղաքացիներ փողոց դուրս գալու եւ այդ ձեւով խորհրդարանական ուժերի վրա ճնշում գործադրելու տարբերակը. «Այս կտրվածքով՝ քաղաքական ճնշումները, անկախ նրանից, թե որ տարբերակով կգնան, անխուսափելի կոմպոնենտ են: Որ ճանապարհով էլ լինի՝ ժողովրդի գործոնի տակ որոշումների կայացումն ուղղակի անխուսափելի է: Սա պետք է մեկընդմիշտ հասկանալ: Հիմա, առայժմ, Նիկոլ Փաշինյանը հայտարարել է երրորդ տարբերակի մասին: Այսինքն՝ հրաժարականի ճանապարհը: Բայց դա դեռ չի նշանակում, թե այս պահին ուշ է խոսել մյուս տարբերակների մասին»,- «Հայկական ժամանակ»-ին ասաց Ստյոպա Սաֆարյանը:

Ինչ վերաբերում է երեկ տեղի ունեցած բողոքի ակցիային, Սաֆարյանի խոսքով՝ Նիկոլ Փաշինյանը երեկ ուղղակի շատ կարճ ժամանակում, րոպեների ընթացքում մոբիլիզացրեց ֆանտաստիկ մեծ քանակություն՝ ցույց տալով, թե ինչ կլինի, եթե ՀՀԿ-ն, ԲՀԿ-ն ու ՀՅԴ-ն դեմ գնան հեղափոխությանը: Մեր հարցին՝ ինչու՞ վարչապետն ընտրեց ոչ թե քաղաքացիներին կրկին փողոց կանչելու տարբերակը, որն, ըստ էության, հնարավոր էր, այլ հրաժարականի ճանապարհը, քաղաքագետը պատասխանեց.

«Փաշինյանն, անկեղծ ասած, շատ ճիշտ վարվեց քաղաքացիներին տուն ուղարկելով: Ի վերջո նոնսենս կդառնա: Իշխանության մի մասը՝ գործադիրը, պատկանում է ժողովրդին ու Փաշինյանին: Հետեւաբար՝ ինչ իմաստ կա ո՞ր հրապարակը փակեն, ո՞ր փողոցը կամ ո՞ւմ եւ ինչի՞ համար են վնաս պատճառելու: Դա իմաստ ուներ մինչեւ ապրիլի 23-ը: Հիմա նման անհրաժեշտություն բացարձակապես չկա: Այժմ հասարակական մթնոլորտն ակնհայտորեն խտանում է երեկվա քվեարկության մասնակից երեք ուժերի դեմ: Եւ դա քաղաքական պրոցես է, դա շարունակվելու է եւ խտանալու: Իսկ այդ պատգամավորները իսկապես լրջագույն խնդիրներ են ունենալու՝ գործի գնալու, տանից դուրս գալու եւ այլ առումներով»,- մեր զրույցում ասաց Ստյոպա Սաֆարյանը:

Նա նշում է, որ ՀՀԿ-ի եւ ԲՀԿ-ի հաշվարկը եղել է այն, որ ժամանակ կանցնի, հանրային աջակցությունը կթուլանա, էյֆորիան կանցնի եւ այլն, եւ այդ ուժերն իրենք իրենց վարչապետին կընտրեն.

«Դա ակնհայտ է եղել հենց առաջին օրից: Բայց ասացեք ինձ խնդրեմ, եթե բան չի փոխվել, եթե Նիկոլ Փաշինյանը ուղղակի իր վստահության քվեն է ստանում Երեւանի ընտրություններում՝ 81 տոկոս՝ այդպիսով հնարավորություն ստանալով լուծել արտահերթ ընտրությունների խնդիրը, ուրեմն ժողովուրդն է որոշում»,- ասաց Սաֆարյանը:

Ինչ վերաբերում է վարչապետի այլ թեկնածու առաջադրելու ռիսկերին՝ քաղաքագետը կարծում է, որ դրանք կառավարելի են, եւ կարեւորն այն է, որ հեղափոխությունից հետո մի հետաքրքիր խնդիր է լուծվել. «Նիկոլ Փաշինյանն այլեւս կրում է «ժողովրդի վարչապետ» տիտղոսը: Ուրեմն իրենք էլ ո՞ւմ վարչապետ են ընտրելու, իրե՞նց: Ի՞նչ պայմաններում են ընտրելու, փակ դռների հետեւո՞ւմ, արտագնա նիստ Ծաղկաձորո՞ւմ: Որտե՞ղ են ընտրելու, եթե Ազգային ժողովը կարող է պաշարվել հաշված րոպեների ընթացքում, ինչպես երեկ եղավ»,- մեր զրույցում ասաց Սաֆարյանը:

Վերջինս կարծում է, որ քաղաքական այդ ուժերի ներսում կան մարդիկ, որոնք ակնհայտորեն չեն համակերպվում հեղափոխության մտքի հետ, եւ նրանց միամիտ ձեւով թվում է, թե այս ամենը հնարավոր է հետ շրջել. «Նրանք չեն հասկանում, որ իրենք ուղղակի հետեւանքների դեմ են կռիվ տալիս, ոչ թե հանուն ինչ-որ նպատակի: Եւ ավելի են ծանրացնում իրենց վիճակը: Էդ մարդիկ չեն հասկանում, որ հասկանային, էս տասը տարի էսպես կկառավարեի՞ն: Իրենք չեն հասկանում, թե որ երկրում են, որ ժողովրդին են կառավարում»:

Այս ամենով հանդերձ՝ Սաֆարյանը նշում է, որ շատ հանգիստ լինել պետք չէ եւ լավ է, որ ժողովուրդը անհանգիստ է, որովհետեւ այդ դեպքում օրինագծին կողմ քվեարկած քաղաքական ուժերը կհասկանան իրենց գլխի գալիքը. «Ժողովուրդը զայրացած է, ալեկոծված է եւ դա շատ լավ է: Պետք է էդ քաղաքական ուժերը պատկերացնեն իրենց գլխի գալիքը: Եւ այլեւս սեր ու հանդուրժողականություն չպահանջեն: Ի դեպ՝ նրանք մոռանում են, եւ երեւի թե արժե հիշեցնել, որ Նիկոլ Փաշինյանը դեռ չի հստակեցրել, թե էս բազմամյա կոռուպցիայի համար ովքեր են պատասխան տալու: Սա քաղաքական սահմանման խնդիր է՝ որ շրջանակին ներել, որ շրջանակին չներել: Բավական է իշխանությունն ընդամենը էս հստակեցումները կատարի ու էս մարդիկ այլեւս քաղաքականության մեջ չեն լինի»,-«Հայկական ժամանակ»-ի հետ զրույցում ասաց քաղաքագետը:

Մեր հարցին՝ այդ հստակեցումների ժամանակը հիմա՞ է, Սաֆարյանը պատասխանեց, որ եթե խոսում ենք ռիսկերի կառավարումից, ապա այո, արդեն պետք է ուրվագծվի այդ շրջանակը. «Որովհետեւ ակնհայտորեն հազարավոր մարդիկ են ներքաշված եղել Հայաստանի թալանի, կողոպուտի, կոռուպցիայի մեջ: Նիկոլ Փաշինյանն ակնհայտորեն առաջին դեմքերից էն կողմ չի անցել եւ բավական է՝ նրանց ուղղակի հիշեցնի, որ եթե անգամ խոսելու իրավունք ունեն, ապա միայն դատարանի դահլիճից»:

Տպել
7951 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում