Էյֆորիան կանցնի ՀՀԿ-ի հեռանալուն պես. Լիլիթ Ավագյանի հոդվածը

07/10/2018 schedule13:55

Խորհրդարանական դե յուրե մեծամասնությունը՝ ՀՀԿ-ն, կյանքի բոլոր իրավիճակներում իր հույսը դնում է  ՀՅԴ-ի եւ ԲՀԿ-ի վրա: Այս երեք ուժերի համար միավորումը, բաժանումը, դարձյալ միավորումը տեխնիկական հարց է:  

Ինչը եղավ հոկտեմբերի 2-ին, երբ խորհրդարանական երեք ուժեր՝ ՀՀԿ-ն, ԲՀԿ-ն եւ ՀՅԴ-ն, անակնկալ, աշխատանքային օրվա ավարտին, փոփոխություններ առաջարկեցին ԱԺ կանոնակարգ-օրենքում, եւ խորհրդարանն՝ արտահերթ նիստով, ձայների 67 «կողմ»-ով, ընդունեց օրինագիծը: Փոփոխված օրինագծի «առանցքը» հետեւյալ կետն էր. «Եթե քննարկման ժամանակ խոչընդոտվում է նիստի բնականոն ընթացքը, եւ նիստը վարողի ձեռնարկած միջոցառումների ընթացքում այն հնարավոր չի լինում վերականգնել, ինչպես նաեւ՝ երբ խոչընդոտվում է պատգամավորների մասնակցությունն ԱԺ նիստին, այդ թվում՝ սպառնալիքի միջոցով, ապա ԱԺ նիստը համարվում է ընդհատված, որի վերաբերյալ ԱԺ նախագահը հանդես է գալիս հայտարարությամբ»:

ԱԺ այս երեք ուժերը համաձայն չեն վարչապետի հետ՝ սույն թվականի դեկտեմբերի սկզբին արտահերթ խորհրդարանական ընտրություններ անցկացնել: Նրանք վստահ են, որ համաժողովրդական նման պահանջ չկա:

Րոպեների ընթացքում ՀՀ քաղաքացիներն արձագանքեցին վարչապետի կոչին՝ հավաքվել ԱԺ մատույցներում եւ իրենց անմիջական ներկայությամբ փորձեցին հիմնավորել հակառակը՝ ԱԺ արտահերթ ընտրությունների անցկացումը՝ րոպե առաջ, հասարակական պահանջ է:

Այն, որ քվեարկությունից հետո նախագծին «կողմ» քվեարկած պատգամավորները անգամ ԱԺ շենքից դուրս գալու փորձ չարեցին, ստիպեց նրանց ասել, թե ժողովուրդը հետհեղափոխական էյֆորիայի մեջ է, թե իրենց հանդեպ ատելության դոզան չափազանց մեծ է:

Նշվեց նաեւ, թե ԱԺ արտահերթ ընտրությունները դեկտեմբերին անցկացնելու՝ վարչապետի պահանջը նշանակում է հնարավորություն չտալ մյուս կուսակցություններին՝ նախապատրաստվելու: Եվ որ, ի վերջո, դեռեւս պատրաստ չէ «Կուսակցությունների մասին» օրենքը, պատրաստ չէ նաեւ «Ընտրական օրենսգիրքը», իսկ կառավարության ղեկավարը իր պայմաններն է թելադրում՝ հղում անելով անորոշ մի սուբյեկտի՝ «ժողովրդին»:

Մինչեւ թավշյա հեղափոխությունն ընտրողներին թույլ չէր տրվում արտահայտել սեփական կամքը, քանի որ միահեծան իշխանություն ունեցող ՀՀԿ-ն վստահ էր՝ ժողովրդին թողնել այնպիսի կարեւոր հարցի լուծում, որպիսին ընտրությունն է, լուրջ չէ: Ժողովուրդը միշտ ձայնը տալիս է ընդդիմությանը, այսինքն՝ լավ չի պատկերացնում Հայաստանին սպառնացող մարտահրավերները: Կարճ ասած՝ ընտրությունները կեղծվում էին՝ հնարավոր բոլոր միջոցներով:

Այսօր, երբ ընտրողները հնարավորություն ունեն ազատ կամարտահայտմամբ ընտրել իրենց թեկնածուին, ինչպես եղավ Երեւանի ավագանու ընտրությունների դեպքում, ՀՀԿ-ն դարձյալ «հիմնավոր» հակափաստարկ ունի՝ ժողովուրդն էյֆորիայի մեջ է:

Ասել, որ չկա հետհեղափոխական էյֆորիա, արդար չէ. էյֆորիա կա, եւ այդ էյֆորիան կլինի այնքան ժամանակ, քանի դեռ ՀՀ քաղաքացիները զգում են Ռոբերտ Քոչարյանի, ՀՀԿ-ի վերադարձի հնարավորությունը:

Եթե նախկին իշխանությունները շահագրգռված են էյֆորիայի հանդարտեցմամբ, չպետք է բոլոր հնարավոր ձեւերով փորձեն տապալել ԱԺ արտահերթ ընտրությունների արագ անցկացումը:

Հիմնավորումը, թե կուսակցությունները պատրաստ չեն այսքան կարճ ժամանակահատվածում նախապատրաստվել ընտրություններին, եւս արդարացված չէ. ՀՀԿ-ն, ԲՀԿ-ն եւ ՀՅԴ-ն մշտապես, բոլոր ընտրություններին, վերարտադրվել են՝ իրենց նախընտրած տոկոսներով:

Այս կուսակցություններին ոչ այնքան պետք է ժամանակ՝ պատրաստվելու ընտրություններին, այլ փոխելու իրենց վերաբերմունքն ընտրությունների հանդեպ. առանց ընտրակաշառքի ու վարչական լծակների՝ այս կուսակցություններն անգամ անցողիկ շեմը հաղթահարելու խնդիր ունեն: Եվ դա տեսանք Երեւանի ավագանու ընտրությունների ժամանակ, որտեղ ՀՀԿ-ն խոհեմաբար իր թեկնածուին չառաջադրեց:

Իհարկե, այս հինգ ամիսները ավելի արդյունավետ կարող էր օգտագործել նաեւ կառավարությունը՝ պատրաստելով «Կուսակցությունների մասին» օրենքի նախագիծը, «Ընտրական օրենսգրքի» փոփոխությունների ամբողջական փաթեթը: Այս երեք ուժերը այսքան միասնական ու ակտիվ չէին լինի, եթե վստահ չլինեին, որ որոշ հարցերում կառավարությունը արդյունավետ չի աշխատում:

Ամեն դեպքում, ներքաղաքական այս ճգնաժամից հիմնականում տուժում են նրանք, ովքեր տուժել են միշտ՝ ՀՀ քաղաքացիները:

Խոչընդոտելով խորհրդարանական ընտրությունները հնարավորինս շուտ կազմակերպելուն՝ ԱԺ դե յուրե մեծամասնությունը նաեւ ուղղակի դեմ է գնում Սահմանադրությանը:

Անցնելով կառավարման խորհրդարանական կարգի՝ ԱԺ մեծամասնությունն ունի հստակ ֆունկցիա՝ առաջադրել վարչապետի թեկնածու, ձեւավորել կառավարություն:

Մայիսին բոլորիս աչքի առաջ այս խորհրդարանը վարչապետ առաջադրեց Նիկոլ Փաշինյանին:

Առաջադրումը համաժողովրդական ճնշմամբ էր, հասկանալի է:

Եթե Հանրապետականը չի կարողանում կատարել մեծամասնության իր գործառույթը, այսինքն՝ անգործունակ է, հետեւաբար պետք է ազնվություն ունենա հեռանալու: Ընդ որում, որքան արագ, այնքան լավ:

Ընտրողներն էյֆորիայի մեջ են թե ոչ, դա քաղաքական որեւէ ուժի մտահոգության հարցը չէ՝ իբրեւ թե՝ ընտրողները սխալ, ոչ օբյեկտիվ ընտրություն կանեն: Քաղաքական բոլոր ուժերը անընդհատ սխալվել են: Ընդ որում, դա արել են՝ առանց ժողովրդից ամաչելու:

Երբ ժամանակին Կրթության եւ գիտության նախարար Արմեն Աշոտյանը, երկրում կրթության առաջին պատասխանատուն, չամաչեց հազարավոր աշակերտներից ու նրանց ներկայությամբ Գագիկ Ծառուկյանին անվայել խոսքեր ուղղեց, նա հստակ գիտեր, որ վատ բան է անում: Բայց արեց: Դա դասական օրինակ է, թե հանրապետական կարիերիստ չինովնիկը ինչի կարող է ընդունակ լինել:

Հիմա նման արժեքներ կրող մարդիկ մտահոգվում են, թե՝ խեղճ ժողովուրդ, մի սխալվիր, հանկարծ էմոցիոնալ որոշումներ չընդունես, ինչպես արեցիր Երեւանի ավագանու ընտրություններին:

Այս ուժի ռեինկառնացիայի հավակնություններով հասարակությանը ստիպում է միավորվել մեկ ուժի կամ, ավելի անկեղծ լինենք, մեկ անձի շուրջ:

Լավ է դա, թե վատ, հնարավոր կլինի քննարկել արդեն արտահերթ խորհրդարանական ընտրություններից հետո: Կարծում ենք, դեկտեմբերին:

Տպել
3652 դիտում

Կերպարանափոխվեցինք մեր դուխի հաշվին. Յուրա Մովսիսյան

Քրեական հեղինակություն Նորատուսցի Արան կալանավորվեց

Ուկրաինայի Ուժգորոդ քաղաքում հայկական կիրակնօրյա դպրոց է բացվել

Բակո Սահակյանն այցելել է Բերձոր, ներկայացրել Քաշաթաղի շրջանի վարչակազմի ղեկավարին

ՀՀ ֆուտբոլի հավաքականն արժանապատիվ խաղով խոշոր հաշվով հաղթեց Մակեդոնիային. 4:0

ԵԽԽՎ-ում լավ չեն վերաբերվում կողմնապահ հայտարարություններին. Լենա Նազարյանը՝ դրսում ՀՀԿ-ի պահվածքի մասին

Արթիկում որմնանկար է հայտնաբերվել. հեղինակն անհայտ է

Վալերի Օսիպյանն այսօր 12 ոստիկանի կոչումներ է շնորհել (լուսանկարներ)

ՀՀ նախագահն ընդունել է կառավարության հրաժարականը

Ազգային ժողովն արձակվելուց հետո պահպանում է իր լիազորություններն ամբողջ ծավալով. Ա. Բաբայան

Բեն Ավետիսյանը՝ Շուշաննա Թովմասյանի հարսանիքին

Աշխարհը չէր հասկանում, թե ինչ է նշանակում պրոֆեսիոնալ նվագախումբ, որը երիտասարդական է, բայց մենք համոզեցինք. Սմբատյան

Խանդոյանի նկարով պաստառը Հայաստան-Մակեդոնիա ֆուտբոլային խաղի ժամանակ

Իմ գերխնդիրը ոչ թե քաղաքապետ դառնալն է, այլ քաղաքը կառուցելը. ես ծառայելու եմ ժողովրդին. Սևակ Միքայելյան

ՀՀ վարչապետը հրաժարական ներկայացրեց

Մեր ձեռքը մեկնած է, օդում է՝ նոր խաղի կանոներով աշխատելու համար. Միրզոյանը՝ Հունան Պողոսյանի մասին

Կարեւոր է, որ «Ելք» խմբակցությունն ակտիվ դերակատարում ունենա առաջիկայում. վարչապետ

Մեր նպատակն իսկապես նույնն է. Ռուստամյանը՝ Փաշինյանի հետ հանդիպման ժամանակ (լուսանկարներ)

Եկանք այն փոխզիջման, որ 4-րդ ուժը կարող է հայտնվել ԱԺ-ում, եթե հավաքել է առնվազն 2% քվե. Միրզոյան-ԲՀԿ հանդիպում

55-ամյա տղամարդը պատահաբար խմել է քացախաթթվային էսենցիա և մահացել