Դերասաններ կան, որ ինձ հետ չեն շփվում. Իրինա Հարությունյանը վերադարձել է Ստանիսլավսկու թատրոն

Դերասանուհի, ՀՀ վաստակավոր արտիստ Իրինա Հարությունյանը սեպտեմբեր ամսից վերադարձել է Կոնստանտին Ստանիսլավսկու անվան ռուսական դրամատիկական թատրոն: Դերասանուհուն երկար ժամանակ թույլ չէին տալիս վերադառնալ թատրոն, որտեղ նա աշխատել էր ավելի քան տասը տարի: ՀԺ-ն քանիցս անդրադարձել է նրա խնդրին:

Մի քանի ամիս առաջ Իրինա Հարությունյանը դիմել էր ՀՀ վարչապետի տիկին Աննա Հակոբյանին եւ մշակույթի նախարար Լիլիթ Մակունցին՝ խնդրելով վերջիններիս աջակցությունը: Սակայն խնդիրը, կարծես թե, լուծում չէր ստանում, թատրոնի տնօրեն Ֆրեդ Դավթյանը բազմաթիվ պատճառաբանություններ բերելով՝ չէր ցանկանում վերջինիս հետ ընդունել թատրոն: 

«Երկար ճանապարհ անցա, վերադարձս հեշտ չէր, շատ խոչընդոտներ կային, բայց ի վերջո, մշակույթի փոխնախարար տիկին Նազենի Ղարիբյանի աջակցությամբ ու միջամտությամբ ստացվեց»,- ՀԺ-ի հետ զրույցում ասաց դերասանուհին: Իրինա Հարությունյանի խոսքով՝ երբ նորից խոչընդոտներ են ստեղծվել, մշակույթի փոխնախարար Նազենի Ղարիբյանն օգնականների միջոցով կապ է հաստատել թատրոնի տնօրեն Ֆրեդ Դավթյանի հետ, եւ այս անգամ հարցը վերջանական լուծում է ստացել մշակույթի նախարարության կողմից:

Հիշեցնենք, որ ավելի վաղ, ՀԺ-ի հետ զրույցում Ֆրեդ Դավթյանն այս հարցի լուծումը հենց այդպես էլ տեսնում էր, ասելով, որ ինքն ընդամենը տնօրեն է, իսկ թատրոնում դերասանների ազատման կամ ընդունման հրամանները հաստատվում են մշակույթի նախարարության կողմից:

Դավթյանը, խոսելով Իրինա Հարությունյանի մասին, չէր զլանում ամեն անգամ կրկնել, որ դերասանուհին թատրոնից կոնֆլիկտով է հեռացել, այնուամենայնիվ, Իրինա Հարությունյանն իր վերադարձի այսքան ձգձգվելը կապում է Ստանիսլավսկու կոլեկտիվի հետ: Դերասանուհին նշում է, որ որոշ դերասանների դեմ արտահայտվելն է տնօրինության մոտ հակասական կարծիքների հիմք հանդիսացել:

Այսօր էլ Ստանիսլավսկու թատրոնում դերասանների մի խումբ կա, որոնք Իրինայի հետ չեն շփվում, սակայն վերջինս վստահեցմամբ՝ նրանք այնքան էլ շատ չեն: «Մնացածի հետ, եթե ոչ լավ, ապա չեզոք հարաբերությունների մեջ եմ, որովհետեւ իրենք նորմալ ադեկվատ մարդիկ են: Բայց դերասանուհիներ էլ կան, որոնք մոռացել են անգամ թատերական էթիկայի մասին: Մոռացել են, թե ինչպես պետք է իրենց պահեն թատրոնում, բեմի վրա կամ փորձի ժամանակ: Գերադասում եմ նրանց մասին չխոսել, քանի որ նրանք հանկարծակի հայտնված մարդիկ են թատրոնում եւ ես դա ասում եմ առանց որեւիցե վախի»,- ասաց նա:

Վերադարձից հետո Իրինա Հարությունյանը մեկ ամիս ոչ մի ներկայացման մեջ չի խաղացել, ասում է՝ որոշակի խնդիրներ կային: Կոնստանտին Ստանիսլավսկու անվան թատրոնի նոր եթերաշրջանը բացվել է սեպտեմբերի 14-ին, սակայն դերասանուհու վերադարձը բեմ եղել է հոկտեմբերի 7-ին:

Առաջին ներկայացումը, որում օրեր առաջ խաղացել է դերասանուհին՝ «Մորգանի խնամին» է, մարմնավորել է Մագդալենայի դերը: «Մորգանի խնամին»-ին թատրոնի նախկին գեղղեկավար Ալեքսանդր Գրիգորյանի բեմադրած գործերից է, որը 5 տարի դադարից հետո կրկին խաղաց դերասանուհին:

«2008 թվականից մինչեւ 2013-ը խաղացել եմ այդ դերը, բայց այս անգամ հուզմունքս աննկարագրելի էր, հուզիչ էր դահլիճը, բեմը: Տարբեր զգացողություններ ունեի: Էն որ մարդիկ ասում են՝ դժվար է լինում հետ վերադառնալը, նորից հունի մեջ ընկնելը եւ այլն, ինձ համար ավելի շատ հոգեբանական էր դա, բայց դա էլ մի պահ տեւեց: Մարմինս, ձեռքերս ու ոտքերս այնքա՜ն սովոր են այս բեմին, որ չէր կարող ոչինչ խորթ լինել: Կարող եմ ասել, որ ո՛չ բեմն ինձ հուսախաբ արեց, ո՛չ ես բեմին ու իմ հանդիսատեսին»,- ասաց դերասանուհին:

Իրինա Հարությունյանի փոխանցմամբ՝ կան դերասաններ որոնց հետ գրեթե 10 տարի է աշխատել այդ թատրոնում, կան նաեւ այնպիսիք, որոնց հետ նախկինում մեկ տարի է աշխատել, նրանք իր հեռանալու ժամանակ նորեկներ են եղել, սակայն  վերադարձին դեմ են եղել:«Այդ դերասաններն իրենց կարծիքը թող իրենց տանը, իրենց ընկերների հետ կիսեն: Անհասկանալի է, թե ինչու պետք է դերասաններից մի քանիսի կարծիքը որոշիչ դեր խաղար որեւէ մեկի ստեղծագործական կյանքում: Նրանք չէ, որ պետք է որոշեին թատրոնում իմ աշխատել կամ չաշխատելը»,- ասաց նա:

Իրինա Հարությունյանը մոտակա օրերին նոր ներկայացում ունի, հոկտեմբերի 21-ին հանդես է գալու «Խանում» ներկայացման մեջ, որին շատ-շատ է սպասում: Դերասանուհին մեզ հետ զրույցում իր մտահոգությունը հայտնեց թատրոնի մինչ օրս գեղարվեստական ղեկավար չունենալու հետ կապված:

«Գերադասելի կլիներ, որ այս մեկ տարվա ընթացքում մեզ մոտ գեղարվեստական ղեկավար նշանակվեր, թեկուզ ժամանակավոր, բայց չէր կարելի թատրոնը թողնել առանց գեղարվեստական ղեկավարի, որովհետեւ դա ազդել է մեր թատրոնի, թե՛ մթնոլորտի, թե՛ որակի վրա: Երբ որ կոլեկտիվում չի լինում ղեկավար, այդտեղ տարբեր վտանգներ են առաջ գալիս»,- ասաց նա:

Դերասանուհին նաեւ նշեց, որ տեղյակ չէ, թե թատրոնում ինչպիսի քննարկում է եղել վերջին շրջանում, եւ թե ինչ չափանիշներով են գեղղեկավարի պաշտոնում առաջադրված հինգ թեկնածուից երեքին մերժել՝ թողնել երկուսին:

«Որպես այդ թատրոնի դերասանուհի կարող եմ ինչ-որ կարծիք ունենալ, բայց չեմ կարծում, որ այն ինչ-որ ձեւով ազդեցություն պիտի թողնի: Այսօր ամենակարեւորն այն է, որ մեր թատրոնը սրտացավ եւ խիստ ղեկավար ունենա, որովհետեւ Սամսոնիչի մահից հետո ամեն ինչ խախտվել է, այստեղ խառնվել է՝ մեծն ու փոքրը ճիշտն ու սխալը, ուժեղն ու թույլը, գլխավորն ու երկրորդականը: Այդ ամենը ղեկավարի պակասից է: Ալեքսանդր Գրիգորյանը 52 տարի ղեկավարել է այս թատրոնը, շատ ուժեղ ղեկավար է եղել, կարողացել է թատրոնը պահել տարբեր տարիների, տարբեր դժվար պայմանների, եւ ինչու ոչ՝ տարբեր իշխանությունների օրոք»,-ն նկատեց Իրինա Հարությունյանը:

Ինչ վերաբերում է գեղարվեստական ղեկավարի երկու թեկնածուներին, ապա  դերասանուհին ասաց, որ երկուսից Սուրեն Շահվերդյանին է ճանաչում, գիտի, որ իրենց թատերական աշխարհից է, սակայն իր հետ չի աշխատել եւ չգիտի, թե նա ինչպիսի ղեկավար կլինի, իսկ Կարեն Ներսիսյանին բացարձակապես չի ճանաչում եւ ոչ մի տիպի կարծիք ունենալ իր կարող:

Տպել
6389 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում