Կցանկանայի մեդալ նվաճել Բաքվում. Եվրոպայի չեմպիոն Ֆերդինանդ Կարապետյան

Եվրոպայի չեմպիոն ձյուդոիստ Ֆերդինանդ Կարապետյանն (73 կգ) այդպես էլ չկարողացավ մասնակցել աշխարհի 2018 թ. առաջնությանը: Մրցաշարը սեպտեմբերի 20-27-ը կայացավ Բաքվում, իսկ հարեւան երկիրն այդպես էլ անհատական անվտանգություն հայկական պատվիրակությանը չտրամադրեց: Կարապետյանը պետք է մրցավայր մեկներ ՀՀ հավաքականի գլխավոր մարզիչ Արմեն Նազարյանի հետ: Նրանք այնտեղ պետք է լինեին ամենաուշը սեպտեմբերի 18-ին, որպեսզի հասցնեին վիճակահանությանը: Ադրբեջանը հայտնել էր, որ անվտանգություն կապահովի, սակայն, ի վերջո չարեց դա: «Հայկական ժամանակ»-ի հետ զրույցում Կարապետյանը նշեց, որ մինչեւ վերջին րոպեն մասնակցելու հույս է ունեցել:   

«Անընդհատ խոստանում էին, որ այսօր-վաղն անվտանգությունը երաշխավորելու վերաբերյալ այդ թուղթը կլինի, եւ մենք պատրաստվում էինք: Հիանալի մարզավիճակով էի մոտեցել այդ մրցումներին: Մեկնեցինք Թբիլիսի վերջին օրը, արդեն պետք օդանավ նստեինք ու մեկնեինք Բաքու, ՀՀ ձյուդոյի ֆեդերացիայի նախագահը (խմբ. Վարդան Ոսկանյան) զանգեց ու ասաց, որ չենք գնալու, քանի որ անվտանգությունը չեն ապահովում. ադրբեջանցիները չեն տալիս այն նամակը, որը մեր ԱԳՆ-ն պահանջում է: Ադրբեջանցիներն ասել են՝ ուզում եք եկեք, չեք ուզում՝ մի եկեք: Մեր ԱԳՆ-ն նման պայմանների հետ համաձայն չի եղել, եւ այդ պատճառով մեզ թույլ չտվեցին մեկնել»,- ասաց նա:

Դեռ մինչեւ աշխարհի առաջնությունը Ֆերդինանդը նշում էր, որ ցանկանում է Հայաստանի հիմնը հնչեցնել ու դրոշը բարձրացնել Բաքվում: Հիմա էլ ընդգծում է, որ պատրաստ էր գնալ, շատ էր ուզում: Վստահ է, որ պատվով կներկայացներ Հայաստանն ու ի վիճակի էր մեդալ նվաճել:

«Ոտքով էլ կգնայի, ուղղակի թույլ չտվեցին: Քաղաքականությունը չպետք է կապ ունենա սպորտի հետ: Այսպիսի պահերը շատ տհաճ են թե՛ մարզիկների, թե՛ երկրի համար: Մենք, իհարկե կորցրեցինք վարկանիշային շատ միավորներ, չնայած միավորներ դեռ կվաստակենք: Կցանկանայի Բաքվում մեդալ նվաճել: Դա իմ երազանքներից էր»,- ասաց նա:

Մարզիկը ցավում է, որ քաղաքականությունն այսպես խոչընդոտում է սպորտին: Նշում է, որ միջազգային ասպարեզում ադրբեջանցի մարզիկների հետ շփումն ու հարաբերությունները նորմալ են: Կարծում է, որ քաղաքական ամեն ինչ պետք է հեռու լինի մարզաշխարհից:

«Նորմալ հարաբերություններ են. բարեւ, ցտեսություն: Առանձնապես կոնֆլիկտներ չենք ունենում: Սա սպորտ է, սա ընտանիք է, քաղաքական ոչ մի միտք չպետք է լինի»,- ասաց նա:

Առաջիկա ծրագրերի հետ կապված Ֆերդինանդ Կարապետյանը դեռ հստակ ոչինչ չգիտի: Հանգստանալուց հետո վերսկսելու է մարզումները: Դրանից հետո մարզիչները կորոշեն՝ ինչ մրցաշարերի է մասնակցելու:

Տպել
759 դիտում

Ն. Փաշինյանին շնորհավորական հեռագիր է հղել ՀԱՊԿ գլխավոր քարտուղարի պաշտոնակատար Վ. Սեմերիկովը

Սենատը հաստատել է Լին Թրեյսիի թեկնածությունը Հայաստանում ԱՄՆ դեսպանի պաշտոնում

«Սուրբ Գրիգոր Լուսավորիչ» բժշկական կենտրոնի տնօրենի պաշտոնում նշանակվել է Արման Հովակիմյանը

Կենդանաբանական այգում ուսումնասիրությունների արդյունքները կներկայացվեն հանրությանը. Վիրաբյան

ԱՄՆ-ի «Հայ դատի» հանձնախումբը պաշտոնյաներին կոչ է արել չխուսափել «Ցեղասպանություն» բառն օգտագործելուց

Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար

Ձեր օրինակը կարող է վարակիչ լինել. Մարիան Ստրեյֆ-ֆելլերը՝ Աննա Հակոբյանին (լուսանկարներ)

Բուռն պայքար ու հաղթանակ. Հարություն Ուռուտյանը շնորհավորել է Նիկոլ Փաշինյանին ու Սասուն Միքայելյանին

Իսակովի պողոտայում 4 մեքենա է այրվել. կան տուժածներ

Լրագրողին ծեծի ենթարկելու մեջ մեղադրվող ոստիկանները դատապարտվել են տուգանքի

ՀՀԿ-ն գնաց, մնաց ՀՀԿ-իզմը

ՀԱՊԿ գլխավոր քարտուղարի նշանակման հարցը դեկտեմբերի 6-ին չի լուծվել և չէր կարող լուծվել. Եղոյանը արձագանքում է Նազարբաևին

ԵՊԲՀ դիպլոմը կճանաչվի Շրի Լանկայի բժշկական խորհրդի կողմից

Գյումրու 102-րդ ռազմակայանի զինծառայողին կալանավորել են

Մահացածները եղել են մարդատար ավտոմեքենայում. մանրամասներ Սյունիքի ավտովթարից

Ղազախստանում ՀՀ դեսպան Գագիկ Ղալաչյանն իր հավատարմագրերը հանձնեց ՂՀ նախագահին

Նիկոլ Փաշինյանը հեռախոսազրույց է ունեցել Վրաստանի վարչապետ Մամուկա Բախտաձեի հետ

Իրական ընդդիմությունը ԱԺ-ից դուրս է ձեւավարվելու. ինչպես են պայքարելու արտախորհրդարանական ուժերը

ՀՀ ՊՆ է այցելել Մարդու իրավունքների պաշտպանի գրասենյակի պատվիրակությունը

Նազարբաեւը Բելառուսի թեկնածուին աջակցությունն է հայտնել ՀԱՊԿ գլխավոր քարտուղարի պաշտոնում