Մենք մեր գույնը չենք փոխելու. Ալբերտ Բազեյան

07/11/2018 schedule17:45

Տպագրվել է «Հայկական Ժամանակ» օրաթերթի՝ 2005 թվականի նոյեմբերի 3-ի համարում

Հարցազրույց «ԱՎ» կուսակցության նախաձեռնող խմբի անդամ Ալբերտ Բազեյանի հետ:

- Պարոն Բազեյան, ընդդիմության երեք թեւերը՝ Գեղամյանի, Ստեփան Դեմիրճյանի ու Արամ Զ.Սարգսյանի, արդեն սկսել են իրենց, կարելի է ասել, ընտրապայքարը, եւ ձեր գլխավորած «Ազգային վերածնունդը» ոչ մի թեւում չկա: 

- Այս պահին դեռ մենք գրանցված կուսակցություն չենք: Օրերս կգումարվի մեր հիմնադիր համագումարը, որի ժամանակ էլ մենք կհայտարարենք մեր ծրագրային հիմնադրույթներն ու գործողությունների ծրագիրը եւ կսկսենք ակտիվորեն գործել: Մենք այսօր շունչ քաշելու ժամանակ չունենք, եւ երեւի մեր գործընկերները եւս, հաշվի առնելով մեր ծանրաբեռնվածությունը, մեզ չեն դիմում:

- Ընդունո՞ւմ եք, որ ընդդիմադիր ճամբարն այսօր բաժանված է երեք բեւեռի:

 - Այո, մենք եւս արձանագրում ենք, որ առկա է ձեր ասած իրողությունը, եւ դա փաստ է: Սակայն մենք ամեն ինչ արել ենք, որ ընդդիմադիր դաշտը չպառակտվի, որ ընդդիմությունը հանդես գա միասնական ճակատով, ու եթե չի ստացվում, դա արդեն մեր մեղքն ու պատասխանատվությունը չէ:

- Իսկ ինչո՞ւ չի ստացվում:

- Ես չէի ուզենա մեր ընդդիմադիր այս կամ այն գործընկերոջ քաղաքական վարքագծին գնահատական տալ, սակայն մեր համագումարում որոշակի հարցերի պատասխաններ անպայման կհնչեն:

- Պարոն Բազեյան, մինչ զբաղված եք կուսակցաշինարարությամբ, ժամանակն անցնում է: «Ազգային վերածնունդը» կհասցնի՞ արդյոք սահմանադրական փոփոխությունների վերաբերյալ իր մոտեցումները ներկայացնել հանրությանը:

- Սահմանադրական փոփոխությունների վերաբերյալ «Ազգային վերածնունդը» իր հստակ դիրքորոշումը կհայտնի իր համագումարում, որից հետո երկու շաբաթ ժամանակ կունենանք մեր գործընկերների հետ միասին, կամ առանց նրանց, ակտիվորեն հանդիպելու ժողովրդի հետ: Համագումարից հետո հստակ կլինի, թե քաղաքական ի՞նչ արժեքների, ի՞նչ ուղղվածության է «Ազգային վերածնունդը», եւ ժողովուրդն ինքը կորոշի իր վերաբերմունքը մեր հանդեպ: Մի բան հստակ է՝ մենք մեր գույնը երբեք չենք փոխել. ընդդիմություն եղել ենք այս իշխանություններին եւ շարունակելու ենք մեր ընդդիմադիր գործունեությունը: Պարզապես, համագումարի ընթացքում առավել հստակ կներկայացնենք, թե մենք ինչպես ենք տեսնում ստեղծված իրավիճակից դուրս գալու ելքերը:

Ինչ վերաբերում է սահմանադրական փոփոխությունների այս նախագծին, ապա այս հարցում մեր տեսակետը փոքր-ինչ տարբերվում է մեր ընդդիմադիր գործընկերների մոտեցումներից: Ժամանակին նույն «Հանրապետություն» կուսակցությունում, երբ քննարկվում էր Սահմանադրության հարցը, մենք ասում էինք, որ միայն հայտարարելով, թե Քոչարյանը լեգիտիմ չէ, դա բավական չէ, որպեսզի ժողովուրդը գնա եւ «ոչ» ասի նախագծին: Որովհետեւ կան հասարակական որոշակի շերտեր, որոնք ուզում են հասկանալ, թե ինչո՞ւ չի կարելի ընդունել այդ նախագիծը: Մենք պարտավոր ենք անդրադառնալ նաեւ նախագծի բովանդակային կողմին՝ հիմնավորելով, թե ինչու է պետք ասել «ոչ»:

Մերժելով բովանդակային քննարկումները՝ մեր որոշ գործընկերներ իշխանությանը տվել են հնարավորություն հայտարարելու, որ բոլոր ընդդիմադիր քաղաքական ուժերը եւս համոզված են, թե առաջարկվող փոփոխությունները լուրջ առաջընթաց են, բայց քանի որ այս իշխանությունն են դրանք ներկայացնում, մերժում են: Մինչդեռ, դա այդպես չէ, եւ մենք կներկայացնենք այն լուրջ ետընթացը, որն առկա է առաջարկվող նախագծում, եւ կհիմնավորենք, թե ինչու է պետք նաեւ բովանդակային առումով մերժել այդ փաթեթը: Իհարկե, ամենակարեւորն այն է, որ բոլոր ընդդիմադիր ուժերը, որոնք կա՛մ ակտիվ բոյկոտի կողմնակից են, կա՛մ «ոչ»-ի, պատրաստ լինեն անհրաժեշտ պահին զանգվածային միջոցառումներ կազմակերպելու եւ ժողովրդին ոտքի հանելու:

-Նույն բանն է ասում նաեւ «Հանրապետություն» կուսակցությունը: Ուրեմն, ինչո՞ւմն է ձեր տարաձայնությունը:

- Այդ տարաձայնություններին ես արդեն անդրադարձել եմ, եւ բոլոր հերյուրանքների ու զրպարտանքների պատասխանը տրված է: Իսկ տարաձայնություններից մեկն էլ այն էր, որ եթե իրենք հայտարարում են, թե Քոչարյանը լեգիտիմ չէ, նշանակում է ապօրինի է նաեւ հանրաքվեն անցկացնելու նրա հրամանագիրը, ուրեմն պետք չէ իշխանափոխությունը կապել կոնկրետ հանրաքվեի գործընթացի հետ: Թող գնան իրենց հեղափոխությունն անեն՝ դա չկապելով հանրաքվեի հետ: Բացի այդ, եթե իրենք կարծում են, որ հեղափոխությունը սկսվում է ծիրանագույն ատրիբուտիկայից, ապա ես այստեղ ասելու բան չունեմ: Մենք ասում ենք՝ պետք չէ իշխանափոխության կամ հեղափոխության կոնկրետ ժամկետներ հրապարակել եւ անընդհատ ժողովրդին հուսահատեցնել: Այլ պետք է աշխատել՝ միշտ պատրաստ լինելով ցանկացած գործընթաց վերածել իշխանափոխության, եթե, իհարկե, դրա համար լինի անհրաժեշտ հիմք:  

- Այսինքն, դուք այն կարծիքին եք, որ նոյեմբերի 27-ին ե՞ւս ոչինչ տեղի չի ունենալու:

 - Ոչինչ չի կարելի բացառել, եւ երբեք պետք չէ ասել երբեք: Ամեն ինչ կախված է ընդդիմության միասնական պայքարից եւ նպատակային գործողություններից: Եթե ընդդիմությունը կարողացավ միասնական լինել, միայն այդ դեպքում ժողովուրդը կգնա միասնական ընդդիմության ետեւից: Հակառակ դեպքում, այո, ոչինչ չի ստացվելու: 

- «Հանրապետություն» կուսակցությանը հրավիրելո՞ւ եք «Ազգային վերածնունդի» համագումարին:

- Մենք հրավիրել ենք ընդդիմադիր դաշտի բոլոր կուսակցություններին, այդ  թվում նաեւ «Հանրապետություն» կուսակցությանը: Մնացածն իրենց խնդիրն է՝ կգա՞ն, թե՞ չեն գա:

Նաիրա Զոհրաբյան

Տպել
519 դիտում

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին

Ազգերի լիգա. Հայաստանի համար սկսվեց մեծ հույսերով, ավարտվեց, ինչպես միշտ

Նիկոլ Փաշինյանին ներկայացվել է գյուղտեխնիկայի արտադրություն հիմնելու ներդրումային ծրագիրը

Դեկտեմբերի 9-ի նախընտրական ցուցակներում ամբողջությամբ նույն տվյալներով 208 տարբեր մարդիկ կան

Գյումրու վրաերթի հեղինակն ինքնակամ ներկայացել է ոստիկանություն

Ով է փոխարինելու գեներալ Ղահրամանյանին՝ Վ. Սարգսյանի անվան ռազմական համալսարանի պետի պաշտոնում

Արմեն Սարգսյանը շնորհավորական ուղերձ է հղել Մոսկվայի եւ Համայն Ռուսիո Պատրիարք Կիրիլին

Զիբիլիքսի աղմկոտ գործով ամբաստանյալ, ՀՀԿ-ական Հրայր Անտոնյանն ընդունում է մեղադրանքը. գործը կքննվի արագացված կարգո՞վ

ՀՊՏՀ Գյումրու մասնաճյուղում եւ թիվ 37 դպրոցում կոռուպցիոն չարաշահումներով քրգործեր են հարուցվել

ՀՀ ԶՈՒ աշխատանքային խումբը մեկնել է Մոսկվա

Աֆղանստանում քննարկվել է խաղաղապահ զորքերի սպառազինությունը եւ տեխնիկական հագեցվածությունը

Անցկացվել են հայ-գերմանական երկկողմ ռազմաքաղաքական խորհրդակցությունները

Անհրաժեշտ է քայլ առ քայլ առաջ գնալ. Աննա Հակոբյանը՝ ԼՂ պատերազմի ժամանակ զոհվածների ընտանիքների խնդիրների լուծման մասին

Լուսացույցների տեղափոխություն Սայաթ-Նովայի պողոտա-Չարենցի փողոց խաչմերուկում

Քննարկվում են քրեակատարողական հիմնարկներն օտարալեզու գրականությամբ համալրելու հնարավոր ուղիները

Խարդախությամբ բանկից  փորձել են 1 մլն. եվրո հափշտակել. հայտարարվել է հետախուզում

Իմ քաղաքական գնահատականները շարունակում են մնալ նույնը՝ Սերժ Սարգսյանի նկատմամբ. վարչապետ

Հայաստանը կարեւորում է Խորվաթիայի հետ համագործակցության ընդլայնումը. հանդիպում նախագահականում