Յուրի Խաչատուրովը Հայաստանում է. նա մեղադրանքին մեծ կարևորություն չի տալիս, քանի որ վստահ է՝ գործել է օրենքով. պաշտպան

ՀԱՊԿ արդեն նախկին գլխավոր քարտուղար, Մարտի 1-ի գործով սահմանադրական կարգը տապալելու մեջ մեղադրվող, գեներալ-գնդապետ Յուրի Խաչատուրովը գտնվում է Հայաստանում:

Այս տեղեկությունը մեր զրույցում հաստատեց նրա պաշտպան Միհրան Պողոսյանը:

Խաչատուրովը ՀԱՊԿ գլխավոր քարտուղարի պաշտոնից ազատվեց օրեր առաջ՝ նոյեմբերի 2-ին. նա այդ պաշտոնը զբաղեցնում էր 2017 թվականի ապրիլի 14-ից: Խաչատուրովը դատարանի որոշմամբ 5 միլիոն դրամ գրավի դիմաց ազատ էր արձակվել եւ օգոստոսի սկզբից Մոսկվայում շարունակում էր կատարել ՀԱՊԿ գլխավոր քարտուղարի պարտականությունները: Մեղադրանքի առաջադրումից հետո Հայաստանը ՀԱՊԿ գործընկեր պետություններին առաջարկել էր սկսել գլխավոր քարտուղարի փոխարինման գործընթաց:

ՀԱՊԿ գլխավոր քարտուղարի պաշտոնից ազատման եւ քրեական գործի ընթացքի վերաբերյալ մեր մի քանի հարցերին է պատասխանել նրա պաշտպան Միհրան Պողոսյանը:

- Պարոն Պողոսյան, ե՞րբ է Խաչատուրովը վերադարձել Հայաստան:

­- Երբ աշխատանքից ազատման որոշումը հրապարակվել է, Խաչատուրովը միանգամից ձեռնամուխ է եղել քարտուղարության հանձմանը, հանձնել է իր տեղակալին, այցելել է ծնողների շիրմաքարին Վրաստանի հանրապետությունում եւ նոյեմբերի 4-ին արդեն գտնվել է Հայաստանում:

- Ձեր պաշտպանյալը ի՞նչ դիրքորոշում է հայտնել ՀԱՊԿ գլխավոր քարտուղարի պաշտոնից հետ կանչի վերաբերյալ, ի վերջո նրան մեղադրանք առաջադրելուց հետո էր Հայաստանը ՀԱՊԿ գործընկեր պետություններին առաջարկել սկսել գլխավոր քարտուղարի փոխարինման գործընթաց:

- ՀԱՊԿ գլխավոր քարտուղարի պաշտոնում առաջադրվել էր ՀՀ-ի կողմից, եւ 6 սուվերեն պետության ղեկավարներ ընդունել էին նրա թեկնածությունը եւ վերջինիս հետ աշխատանք էին իրականացնում: Այն պարագայում, երբ որ այդ երկրի ղեկավարները որոշում են կայացրել, որ այլեւս չեն ցանկանում տարբեր պատճառներից ելնելով աշխատել, ապա սովորական տրամաբանությունը հուշում է, որ երբ այն մարմինները, ում հետ դու համագործակցելու ես, չեն ցանկանում, որպեսզի այլեւս քո հետ համագործակցեն, աշխատանքն էլ արդեն բնականոն տեղի չի ունենա եւ նա նորմալ է ընդունում այդ հանգամանքը: Ամեն դեպքում նույնիսկ քրեական գործի հարուցումից, մեղադրանք առաջադրելուց հետո էլ վերջինս իր պաշտոնական պարտականությունները իրականացրել է ի շահ Հավաքական անվտանգության պետությունների կազմակերպության եւ որեւէ խոչընդոտ չի եղել իր գործունեությունն իրականացնելու համար:

- Պարոն Պողոսյան, երբ Խաչատուրովին մեղադրանք առաջադրեցին, դուք մեր զրույցում նշեցիք, որ ձեր պաշտպանյալը դիվանագիտական անձեռնմխելիություն ունի, ինչը նշանակում է, որ նրա նկատմամբ չէր կարող քրեական հետապնդում իրականացվել: Այնուհետեւ նաեւ այս որոշումը բողոքարկել էիք: Ի վերջո դա ի՞նչ զարգացում ունեցավ:

- Մենք դա բողոքարկել էինք Վերաքննիչ քրեական դատարան, վերաքննիչ քրեական դատարանը առաջին ատյանի դատարանի որոշումը թողել էր նույնը: Ինչից հետո մենք ներկայացրել ենք վճռաբեկ բողոք նաեւ այդ հիմքով եւ վճռաբեկից մինչ այժմ պատասխան չունենք, չգիտենք՝ վարույթ ընդունել է, թե՝ ոչ:

- Մեղադրանք առաջադրելուց հետո Խաչատուրովի մասնկացությամբ ի՞նչ քննչական դատավարական գործողություններ են կատարվել:

- Որեւէ քննչական գործողություն իր հետ չի իրականացվել:

- Այսինքն՝ մեղադրանք առաջարելուց հետո ինքը որեւէ անգամ չի կանչվել վարույթն իրականացնող մարմնի կողմից:

- Ոչ, որեւէ անգամ չի կանչվել:

- Դուք նախաքննության ընթացքը ինչպե՞ս եք գնահատում, գոհացնո՞ւմ է ձեզ այն ընթացքը, որ ձեր պաշտպանյալի մասով իրականացվում է:

- Ոչ, չի գոհացնում, որովհետեւ ես տեսնում եմ թույլ տված սխալները նախաքննական մարմնի կողմից՝ իմ պաշտպանյալի հանդեպ: Առաջին օրվանից դա արձանագրել էինք, սկսած պաշտպանության իրավունքի, անմեղության կանխավարկածի խախտումներից: Այս ամեն ինչը տեղի է ունեցել կոնկրետ ժամանակահատվածում, միգուցե այլ անձանց մեղադրանքը հիմնավորելու համար, միգուցե վարույթն իրականացնող մարմնի կողմից գործի քննության ցանկալի ընթացքը ապահովելու համար: Ամեն դեպքում Յուրի Խաչատուրովին մեղադրանք առաջադրելը եղել է անհիմն, նաեւ քաղաքական ենթատեքստ է այս ամենի մեջ առկա, ինչը նաեւ ակնհայտ է ԱԱԾ տնօրենի եւ ՀՔԾ պետի գաղտնազերծված զրույցից:... Կարծում ենք, որ վերջի վերջո ճիշտ եզրահանգման կհանգի Հատուկ քննչական ծառայությունը եւ կհաստատի, որ Յուրի Խաչատուրովը առաջադրված մեղադանքին առնչություն չունի, ինչը նաեւ արձանագրել է առաջին ատյանի դատարանը՝ կալանավորումը որպես խափանման միջոց կիրառելիս:

- Այսինքն՝ դատարանը գտել էր, որ Խաչատուրովը առաջադրված մեղադրանքի հետ առնչություն չունի՞, թե՞ որ հիմքեր չկան նրան կալանավորելու:

- Գտել էր, որ առաջադրված մեղադրանքին առնչություն չունի:

- Եթե դատարանը գտել է, որ ձեր պաշտպանյալի մեղադրանքը նրա հետ որեւէ առնչություն չունի, այդ դեպքում ինչո՞ւ է որպես այլընտանքային խափանման միջոց գրավ կիրառել:

- Հենց այդ պատճառով ենք նաեւ բողոքարկել դատարանի որոշումը:

- Խաչատուրովը նույնպե՞ս այն կարծիքին է, որ իր մեղադրանքը քաղաքական ենթատեքստ ունի:

- Ինքը, հանդիսանալով զինվորական փորձ ունեցող անձնավորություն, այս ամեն ինչին չէի ասի, որ նորմալ է վերաբերվում, սակայն այդքան մեծ կարեւորություն չի տալիս, քանի որ վստահ է, որ իր ցանկացած գործողություն, ցանկացած պաշտոնում պաշտոնավարելիս եղել է օրինական եւ օրենքի հիման վրա: Այս ամեն ինչը նաեւ քրեական գործի քննությունը կապացուցի, որ վերջինս որեւէ անօրինականություն, քրեական օրենսգրքով նախատեսված որեւէ արարք չի իրականացրել եւ գործել է զինվորական կանոնադրության հիման վրա:

Նշենք, որ Մարտի 1-ի գործով մեղադրանք է առաջադրվել նաեւ Ռոբերտ Քոչարյանին, իսկ որպես մեղադրյալներ են ներգրավվել ՀՀ պաշտպանության նախկին նախարար Միքայել Հարությունյանը, Մարտի 1-ի գործով քննչական խմբի նախկին ղեկավար Վահագն Հարությունյանը եւ սույն գործով փորձագետը:

Տպել
572 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին