Պաչաջյանը կթողնի մարզչությունը, եթե այն խանգարի ֆուտբոլ խաղալուն

Հայաստանի ֆուտբոլի ազգայի հավաքականի նախկին կիսապաշտպան Լեւոն Պաչաջյանը մի քանի օր է՝ սկսել է համատեղել ֆուտբոլիստի ու մարզչի աշխատանքը: Օրեր առաջ ֆեյսբուքի իր էջում տեղեկացրեց, որ իր շվեդական «Լինշոպինգ» ակումբն իրեն վստահել է 17 տարեկանների թիմը: «Հայկական ժամանակ»-ի հետ զրույցում ֆուտբոլիստը խոսեց իր սաների հնարավորությունների մասին:

«Շվեդիայում բազմապիսի առաջնություններ կան։ Կա շրջանի, քաղաքի, հյուսիսային եւ հարավային մասերի առաջնություն եւ այլն։ Քանի որ թիմը նոր է (բայց ոչ խաղացողները), դեռ պետք է նայենք: Ձմեռվանից հետո նոր կերեւա, թե կոնկրետ որ առաջնությանն ենք մասնակցելու։ Իսկ պոտենցիալը շատ լավն է։ Ես զարմացած եմ, թե այդ 20 հոգանոց կոլեկտիվի մեջ ինչքան տաղանդավոր եւ ֆիզիկապես ուժեղ ֆուտբոլիստներ կան։ Պետք է նաեւ նշեմ՝ նրանցից 2-ը՝ 2-ն էլ ընդամենը 17 տարեկան, արդեն հասցրել են մեզ հետ (խմբ. նկատի ունի ակումբի գլխավոր թիմը) մի շարք խաղերի մասնակել եւ իրենց շատ լավ դրսեւորել։ Այնպես որ ճիշտ եւ պրոֆեսիոնալ աշխատանքի դեպքում նրանց լավ ապագա է սպասվում»,- ասաց նա՝ ավելացնելով, որ առաջին մարզումից հետո շատ տպավորված է:

Պաչաջյանը մանկապատանեկան թիմեր մարզելու փորձ ունի: 2015-ին 2 ամիս աշխատել է «Տեբի Յունայթեդում» մինչեւ 14 տարեկանների հետ։ Թողել է մարզչությունը, քանի որ խանգարել է ֆուտբոլ խաղալուն: Հիմա ակումբն այնպես է կազմակերպել, որ նրա՝ ֆուտբոլիստի կարիերան չտուժի. 17 տարեկանների թիմը 2 մարզիչ է ունենալու, մարզումների ժամերն էլ հարմար են:

«Այս պահին խնդիր չկա, քանի որ 17 տարեկանների մարզումները սկսվում են հենց մեր մարզումից հետո, եւ ես անգամ չեմ հասցնում մարզահագուստս փոխել։ Առաջիկայում որպես ֆուտբոլիստ արձակուրդ եմ եւ ամբողջովին ժամանակս կտրամադրեմ երիտասարդների հետ աշխատանքին։ Իսկ հետագայում, եթե խանգարի, ապա ընտրությունը կընկնի ֆուտբոլիստի կարգավիճակի վրա»,- ասաց նա։

35-ամյա Պաչաջյանն այս աշխատանքը լավ հնարավորություն է համարում: Սա կարեւոր է փորձ ձեռք բերելու հարցում, քանի որ ֆուտբոլիստի կարիերան ավարտելուց հետո նախատեսում է մնալ ֆուտբոլում: Մյուս տարի փորձելու է ժամանակ գտնել մարզչական կարգ ձեռք բերելու ու մասնագիտական գիտելիքները խորացնելու համար: Ամեն դեպքում, սրանք ապագայի պլաններ են, իսկ խաղացողի կարգավիճակին առայժմ չի պատրաստվում հրաժեշտ տալ:

«Կարիերաս ավարտելու մասին իհարկե մտածում եմ, բայց ամենաքիչը 3 տարուց ։) Այս պահին շատ լավ մարզավիճակում եմ, եւ պատկերացրեք՝ 2 մրցաշրջան «Լինշոպինգում» խաղալով բաց եմ թողել ընդամենը 2 հանդիպում այն էլ դեղին քարտերի պատճառով։ Ինչո՞ւ պետք է թողնեմ ֆուտբոլիստի կարիերան :)»,- ասաց նա:

Հաջորդ մրցաշրջանի համար որպես ֆուտբոլիստ պայմանագիր ունի ակումբի հետ. նախնական համաձայնություն կա: Այժմ ճշգրտվում են մազչի պարտականությունների հետ կապված հարցն ու ժամկետները: Պաչաջյանը նշում է, որ ամեն դեպքում 1 տարվա պայմանագիրը կտարածվի նաեւ մարզչի աշխատանքի վրա:

Տպել
518 դիտում

Մերժվել է 23-ամյա արտիստի հրաժեշտը կազմակերպելու խնդրանքը. նախարարությունը դեռ չի կողմնորոշվել ընթացակարգի ժամկետներում

Լավագույն ժամանակն է, որ մենք՝ հայերս, ևս մեկ հեղափոխություն անենք. Արմեն Սարգսյան

ԵՄ-ն 850 000 եվրո է տրամադարում խորհրդարանական ընտրությունների վերահսկման համար

Որեւէ մեկը չփորձի ՀՀ քաղաքացուն նվաստացնել՝ 5 հազար դրամ առաջարկելով. վարչապետ

Ինչպե՞ս է հայ տղամարդը մահացել Մոսկվայի օդանավակայանում. ՌԴ ՔԿ-ն տեսանյութ է հրապարակել

Լենա Նազարյանը Facebook սոցիալական ցանցում հրապարակել է «Իմ քայլը» դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից

ԱՄՆ-ն տրամադրում է 8 մլն դոլար՝ ընտրություններում ՀՀ կառավարությանն օժանդակելու համար

Հենրիխ Մխիթարյանի հարսանիքի օրը դեռ որոշված չէ. նշել է նրա մայրը

Ծաղկաձորում կազմակերպվում է եռօրյա միջոցառում՝ հայերեն Վիքիպեդիայում բժշկական հոդվածների ստեղծման համար

ՀՀԿ-ն ներկայացրել է ռեյտինգային ընտրակարգով առաջադրված թեկնածուներին

ԱԱ չեմպիոն Ֆրանսիան, փոխչեմպիոն Խորվաթիան չհաղթեցին Ազգերի լիգայի իրենց խմբերում

Քննարկվում է 500 մլն դոլարի ներդրման ծրագիր, կառուցվելու է մի քանի գործարան. Նիկոլ Փաշինյան

Մեր բանակի համար առավել օգտակար կլինեն ուղղաթիռները. ռազմական փորձագետ