Դեբեդավանում մի աշակերտը դանակահարել է մյուսին. պահանջել են դասամիջոցին դուրս գալ դպրոցից

Տավուշի մարզի Դեբեդավան համայնքի միջնակարգ դպրոցում նոյեմբերի 8-ին արտակարգ դեպք է տեղի ունեցել. 9-րդ դասարանում սովորող տղաներից մեկը դանակով հարվածել է 11-րդ դասարանցի մի աշակերտի: Բարեբախտաբար վնասածքը լուրջ չէ: Տուժած տղային նախ առաջին բուժօգնություն է ցուցաբերել դպրոցի բուժքույրը, այնուհետեւ աշակերտը տեղափոխվել է Նոյեմբերյանի բժշկական կենտրոն: Այստեղ էլ անհրաժեշտ բուժգնություն ստանալուց, վերքը վիրակապվելուց հետո գնացել է տուն: Այսօր, երկուսն էլ դպրոց չեն հաճախել: Դանակով հարվածած աշակերտը՝ իր արարքի համար ամաչելու պատճառով:

Դեբեդավանի դպրոցի տնօրեն Մարինե Հարությունյանի հետ զրուցել են տեղի ունեցածի վերբերյալ:

- Տիկին Հարությունյան, ինչպե՞ս տեղի ունեցավ դեպքը:

- Դասամիջոցի հերթապահության ժամանակ 9-րդ եւ 11-րդ դասարանի երկու տղա կռվել են: Մեկը հերթապահ է եղել, ասել է դուրս եկեք, մյուսը չի ենթարկվել: Վիճել են իրար հետ: 9-րդ դասարանցին կրթության առանձնահատուկ պայմանների կարիք ունեցող երեխա է՝ դիտարկված է որպես այդպիսին, եւ իր մոտ բավականին խնդիրներ կան՝ էմոցիոնալ է, հուզառատ, բորբոքվող, ագրեսիվ եւ այլն: Նա էլ որ քաշել է, ասել է իջիր, դասամիջոց է, 9-րդ դասարանցին չի ենթարկվել: Ու կպել են իրար: Պարզվել է, որ 9-րդ դասարանցին առավոտից գրպանում մի փոքրիկ դանակ ունի, հանել է, այդ երեխայի ոտքը ծակել՝ ծնկից վերեւ՝ հետեւի մասում:

- Իսկ այդ հերթապահությունը ինչ է ենթադրում:

- Դասամիջոցին ե՛ւ ուսուցիչներ ունենք հերթապահ, ե՛ւ բարձր դասարանի աշակերտներ, որպեսզի միջանցքներում աղմուկ չլինի, երեխաները չվազվզեն, փոշի չբարձրացնեն: Իրենց մոտ կանգնած է եղել նաեւ հերթապահ ուսուցիչը: Մի երիտասարդ աղջիկ ունենք, նա է եղել կողքներին կանգնած: Ու ինքն էլ է տեսել այդ ամենը, տեսել է, որ օրինական պահանջում է, ասում է՝ դասամիջոց է, երեխեք դուրս եկեք, նա չի ենթարկվել:

- Բայց պարտադի՞ր է դասամիջոցին դուրս գնալը, աշակերտը իրավունք չունի՞ ուզում է դուրս գնալ, ուզում է ներսում մնալ՝ դասարանում, միջանցքում:

- Այո, եթե հանգիստ, խելոք կանգնում է, իրավունք ունի մնալու, բայց եթե աղմկում է, վիճում է, բարձր խոսում է, ասել է դուրս եկեք:

- Այսինքն՝ 9-րդ դասարանցի աշակերտը վիճո՞ւմ էր ինչ-որ մեկի հետ:

- Այո, վիճում էր: 12-րդ դասարանի մի աղջկա հետ վիճում էր, տղան էլ, որ ասել է՝ հանգստացեք, իջեք, չի ենթարկվել, ու այդպես վեճ է առաջացել իրենց միջեւ:

- Ուսուցիչը, որն այդտեղ էր, չէ՞ր կարողանում վեճը հարթել:

- Վայրկյաններ է տեւել իրար հետ վիճելը ու ոտքը ծակելը:

- Աղջկա հետ վեճը ինչի՞ շուրջ էր, պարզե՞լ եք:

- Այո, պարզել եմ: Հերթապահներից մեկն էլ այդ աղջիկն է եղել՝ 12-րդ դասարանի աշակերտուհի: Միջանցքի հերթապահներ են եղել այդ երեխաները:

- Բայց ինչի շուրջ էր վեճը:

- Հենց դրա շուրջ էին վիճում, որ աղմկում եք, դուրս եկեք:

- Աղջիկն է՞լ էր ասում՝ աղմկում ես, դուրս արի:

- Այո:

- Այդ դեպքում մինչեւ նրա հետ վիճե՞լը ինչ էր անում, ինչու էր աղմկում:

- Չեմ ասո՞ւմ՝ երեխան պրոբլեմաշատ երեխա է, ամբողջ օրը դասղեկը նրա թեւը բռնած ման է գալիս, որ այս երեխային չխփի, այն երեխային չխփի: Իր մոտ մի քիչ խնդիրներ կան: Ծնողին քանի անգամ դիմել ենք, առաջարկել ենք, որ երեխային տարեք հոգեբան, հոգեբույժի մոտ, վերջիվերջո խնդիր ունի, որը տարիքի հետ խորանում է: Ընդամենը մի քանի օր առաջ մանկավարժական խորհրդի նիստ էինք արել, չէի հասցրել քաղվածքը ուղարկել անչափահասների գծով տեսուչին, որ խնդրում ենք այդ երեխային հաշվառման վերցնել, վերահսկողության տակ պահել, որովհետեւ տարիքի հետ անկառավարելի է դառնում: Նա շատ ագրեսիվ է, դասարանցիները լրիվ նրանից վախենում են, որովհետեւ ասում է՝ այսպես կանեմ, այնպես կանեմ: Մեր երիտասարդ ուսուցչուհիները նրանից վախենում են, ասում է՝ որ աչքերը չռում է, վախենում եմ, որ կարող է եւ գա, խփի:

- Տիկին Հարությունյան, եթե ներառականի աշակերտ է, դպրոցն էլ համապատասխան իրավունքը ունի, նշանակում է՝ մասնագետներ էլ պիտի ունենաք: Ձեր մասնագետները չե՞ն աշխատում իր հետ:

- Գիտե՞ք ինչպես է, առաջին փուլում դիտարկում է ներառականի ուսուցչի օգնականը: Երկրորդ փուլում մի քանի տարի առաջ «Ծատինյան» կենտրոնից էին գալիս, իսկ արդեն այս վերջին երկու տարին գալիս են Նոյեմբերյանի «Հույսի կամուրջ» հասարակական կազմակերպությունից: Դիտարկում են, այդ երեխան իրեն այնպես է պահում, խելացի էլ պատասխաններ տալիս, նույնիսկ ասում են՝ նրան ինչու եք ներառել: Բայց երեխայի մոտ բռնկման պահերը որ սկսվում են, ահավոր վտանգավոր է դառնում: Ուզում եմ ասել՝ հետեւում ենք, բայց նրա մոտ տարիքի հետ այդ խնդիրը շատ խորանում է: Պետք է ծնողը տանի համապատասխան մասնագետների մոտ, մի հատ տեսնեն նրա հետը ինչ է կատարվում:

Դեպքի վերաբերյալ հաղորդում է ստացվել ոստիկանությունում: Լրատվական ծառայությունը տեղեկացնում է հետեւյալը. նոյեմբերի 8-ին՝ ժամը 14:45-ին, հիվանդանոցից ոստիկանության Նոյեմբերյանի բաժնում հաղորդում է ստացվել, որ «աջ ազդրի ծակած, կտրած վերք» ախտորոշմամբ բուժօգնության է դիմել 2002 թ. ծնված Ռ. Օ.-ն: Մեկնած օպերատիվ խումբը պարզել է, որ Ռ.Օ.-ն վնասվածքը ստացել է նույն օրը, ժամը 12.20-ի սահմաններում՝ Դեբեդավան բնակավայրի միջնակարգ դպրոցի դասասենյակում, 2003 թ. ծնված Գ. Ե.-ի հետ վիճաբանության ժամանակ, վերջինիս կողմից գրպանի դանակով հարվածելու հետեւանքով:
Նշանակվել է դատաբժշկական փորձաքննություն: Կատարվում է քննություն:

Տպել
3257 դիտում

Մի քանի ժամով կլհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին