Մենք դրա անհրաժեշտությունը չենք գտել. Վահրամ Բաղդասարյանը՝ Սերժ Սարգսյանի կողմից ՀՀԿ ցուցակը գլխավորելու մասին

Ազգային ժողովի ԵԼՔ խմբակցության պատգամավոր Ալեն Սիմոնյանը Հայաստանի Հանրապետական կուսակցության նոյեմբերի 11-ին տարածած քաղաքական հայտարարության նախագիծը համարում է անհիմն: Հիշեցնենք, որ ՀՀԿ-ն նոյեմբերի 11-ի ԳՄ եւ խորհրդի նիստերից հետո տարածել է 15 էջանոց հայտարարության նախագիծ, որը բաղկացած է հետևյալ բաժիններից՝  2018թ. ապրիլ-հոկտեմբեր ամիսներին իրավիճակի զարգացման հիմնական հանգրվանների գնահատականը, Փաշինյանի պաշտոնավարումը. սպասումներ և իրականություն, ՀՀԿ-ի սխալներն ու բացթողումները, արձանագրած արդյունքները, ՀՀԿ-ի առաջիկա անելիքները եւ ՀՀԿ խորհրդի որոշումը։ 

Ապրիլ-մայիս ամիսների իրավիճակի զարգացման գնահատականում նշվում է, որ Նիկոլ Փաշինյանի նախաձեռնած ցույցերի պատճառը Սերժ Սարգսյանի վարչապետ ընտրվելն էր, ինչը ներկայացվեց որպես պաշտոնավարման երրորդ ժամկետ։

Փաշինյանին մեղադրանք է հասցեագրվում նաև որպես 2008-ի մարտի 1-ի անկարգությունների հրահրող․ «Ապրիլի 22-ին ՀՀ վարչապետը (Սերժ Սարգսյանը) հանդիպեց ցույցերի կազմակերպիչ Նիկոլ Փաշինյանին: Նկատի ունենալով, որ հենց ինքը` Նիկոլ Փաշինյանն է եղել 2008թ. մարտի 1-ին տեղի ունեցած բախումների հրահրողներից մեկը, որոնց արդյունքում եղան մարդկային զոհեր, ՀՀ վարչապետը նրան հիշեցրեց իրավիճակի սրման վտանգները եւ իրավապահների հետ բախումների պարագայում հնարավոր հետեւանքների ծանրությունը: Սակայն հանրությանը դա ներկայացվեց որպես ցուցարարների դեմ ուժ կիրառելու սպառնալիք, թեեւ հետագա գործողությունները, ինչպես նաեւ ապրիլի 22-ի հանդիպմանը նախորդած օրերին իրավապահների քայլերը հստակ ցույց տվեցին, որ իշխանությունները չունեին նման ծրագրեր եւ նպատակներ»։

Այս հայտարարության ուշագրավ մասը, թերեւս այս մեղադրանքն է, երբ ՀՀԿ-ն հնչեցնում է վարչապետի պաշտոնակատարի հասցեին: Իշխանությունից Ալեն Սիմոնյանը նշեց, որ ով Մարտի մեկից խոսի, ՀՀԿ-ն թող պարզապես լռի: ՀՀԿ-ից Վահրամ Բաղդասարյանն էլ հայտարարեց, որ ՀՀԿ-ն լռելու մտադրություն չունի: Նախկին իշխանության ներկայացուցիչը հարց տվեց՝ ինչո՞ւ է խտրականություն դրսեւորվում եւ բոլորը չէ, որ իրենց կատարածների համար պատասխանատվություն են կրում: Մասնավորապես, Բաղդասարյաննը մատնանշեց ՊՊԾ գնդի գրավումը, ոստիկանների սպանությունը եւ «Սասնա ծռեր» խմբի ներկայացուցիչների կալանքի փոփոխությունը:

«Իշխանություններին միշտ ասվել է, որ այդ ամենի կազմակերպիչները դուք եք, բայց ժողովրդին ո՞վ էր հանել դուրս: Ես չեմ ցանկանա այդ ամենի մեջ խորանալ, քննությանը պետք է մասնակցեն բոլորը եւ մենք չպետք է խանգարենք նախաքննությանը: Դա գաղտնիք չէ, որ ցույցերի կազմակերպիչները Նիկոլ Փաշինյանն ու Լեւոն Տեր-Պետրոսյանն են եղել: Իրենք էլ չեն հրաժարվում, որ իրենք են եղել կազմակերպիչները»,- ասաց նա:

ԵԼՔ-ից, սակայն Ալեն Սիմոնյանը կարծում է, որ ՀՀԿ-ն եւս մեկ անգամ պետք է ընթերցի նոր իշխանության հասցեին հնչեցված քննադատությունները, ապա իրենց բացթողումների մասին հատվածը եւ հրաժարվի ընտրություններին մասնակցելու գաղափարից: «Այս ընտրություններին լինելու է ՀՀԿ-ի եւ Սերժ Սարգսյանի հեռացումը: Այս ընտրությունները լինելու են հեղափոխության ընտրություն եւ վարչապետ Նիկոլ Փաշինյանի ընտրություն»:

Ալեն Սիմոնյանը նշեց, որ ՀՀԿ-ն, ՀՀԿ-ի ղեկավարը, Վիգեն Սարգսյանը պետք է ճանաչեն ժողովրդին, նրանց հետ կապ ունենան, բայց նրանք որեւէ անգամ չեն մտածել ժողովրդի ցավի մասին, միայն ցավն են ավելացրել: «Նրանք չեն ճանաչում ժողովրդին, չեն գիտակցում նրանց ցավը, ուստի նրանք ինձ համար չեն ընկալվում որպես ընդդիմություն, նրանք ընկալվում են որպես ռեւանշիստների մի խումբ»:

ՀՀԿ-ից Վահրամ Բաղդասարյանը հակադարձեց եւ հայտարարեց, որ ՀՀԿ-ն ժողովրդից չի հայցելու իշխանություն կամ պաշտոն: «Մենք գնում ենք ծանր աշխատանքի: Այս էյֆորիայի ազդեցության տակ ընդդիմադիր դաշտում լինել, բայց ճիշտ օգտագործելով այս քարոզարշավի շրջանը՝ լուրջ շանսեր ունենք 2-րդ քաղաքական ուժը լինելու: ՀՀԿ-ն ԱԺ-ում լուրջ քաղաքական ներկայացվածություն է ունենալու»,- վստահեցրեց Վահրամ Բաղդասարյանը:

Սիմոնյանը ռեալ չի համարում, որ ՀՀԿ-ն 2-րդ տեղն է զբաղեցնելու ԱԺ-ում եւ առհասարակ իրատեսական չի համարում, որ Սերժ Սարգսյանի գլխավորած ուժը կհաղթահարի անցողիկ շեմը: Միաժամանակ իշխանության ներկայացուցիչը չի շտապում մատնանշել այն ուժին, որը կզբաղեցնի ընդդիմության տեղը: «Անցել են այն ժամանակները, երբ իշխանությունները իրենց քննադատող ուժեր էին նշանակում: Մենք չենք նշանակելու մեր ընդդիմությանը, դա կորոշի ՀՀ քաղաքացին, եւ մենք կենթարկվենք այդ որոշմանը: Եթե ՀՀ քաղաքացին որոշի, որ մենք չենք լինելու իշխանության, ապա դա հաստատ ՀՀԿ-ն էլ չի լինելու: Իրենց արածները մարդիկ հիշում են, գիտեն՝ ինչ են արել, եւ մարդիկ իրենց մերժել են»:

ՀՀԿ-ն ունի իր հստակ հիմնավորումը, թե ինչու ինքը պետք է լինի միակ ընդդիմությունը Նիկոլ Փաշինյանի իշխանությանը: «Մինչեւ ապրիլի 23-ը քաղաքական ուժերը կանգնում էին Ամիրյան եւ Նալբանդյան փողոցների վերջում եւ հետեւում էին իրադարձություններին, մտածում էին՝ գնալ, միանալ, թե՝ ոչ: 23-ին, երբ Սերժ Սարգսյանը հրաժարական տվեց, բոլոր կողմերից միացան հրապարակի ժողովրդին, որպեսզի հայտարարեն, որ իրենք էլ են հեղափոխության մասնակից, բայց, երբ տեսան, որ իրենց համար աթոռներ չկան, նրանք սկսեցին վերադառնալ ընդդիմություն, բայց իրենք շինծու ընդդիմություն են: Ազգային ժողով ներկայանալուց հետո որեւէ մեկ անգամ չենք խոչընդոտելու կառավարության աշխատանքին: Այն բոլոր դրական քայլերը, որոնք կլինեն, մենք կողջունենք: Մենք լինելու ենք կառուցողական ընդդիմություն, ոչ թե՝ վայրահաչող»,- ասաց նա եւ ավելացրեց, որ երկու բեւեռ կա՝ Նիկոլ Փաշինյան եւ ՀՀԿ-ն. «Մնացածը այս ու այն կողմ են գնում, բայց ոչ իշխանության մեջ տեղ կա, ոչ՝ ընդդիմության»:

Այնուհետեւ Վահրամ Բաղդասարյանն անդրադարձավ դեռ մայիսին հնչած այն հայտարարությանը, որ ՀՀԿ-ում քննարկվում է կուսակցության ղեկավարի փոփոխության հարց: Նրա խոսքերից պարզ դարձավ, որ այդ հարցը օրակարգից դուրս չէ: «Համագումար կլինի, ամեն ինչ պարզ կլինի: Կուսակցության արդիականացումը դեռ նախորդ համագումարի ժամանակ էինք մեր առջեւ դրել: Քաղաքական իրադարձությունները չթողեցին, որ մենք մեր ծրագրերը իրականացնենք»,- ասաց նա եւ հարցին՝ ինչու Սերժ Սարգսյանը չի գլխավորում ՀՀԿ համամասնական ցուցակը, պատասխանեց.  

«Մենք դրա անհրաժեշտությունը չենք գտել: Առաջիկա համագումարի ժամանակ մենք բոլոր հարցերի պատասխանը կտանք: Ինչը խորհրդով հնարավոր էր կատարել, մենք այդ փոփոխությունները կատարել ենք: Համագումարը թույլ կտա կատարել այլ փոփոխություններ»:

Տպել
3641 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում