Լո՞ւրջ, դիկտատուրայի մասին արձանագրում են արե՞լ. Միրզոյանի հեգնանքը՝ ՀՀԿ-ի քաղաքական հայտարարությանը

Փոխվարչապետ Տիգրան Ավինյանը ռեյտինգային ընտրակարգով առաջադրվելու է թիվ 2 ընտրատարածքում՝ Արաբկիր, Աջափնյակ եւ Դավթաշեն վարչական շրջաններում: Ավինյանը, սակայն Կենտրոնի բնակիչ է եւ սպասվում էր, որ պետք է առաջադրվի թիվ 4 ընտրատարածքում, որը ներառում է Կենտրոն, Էրեբունի եւ Նուբարաշեն վարչական շրջանները: Տեղեկացանք, որ Կենտրոնում ՔՊ-ի ռեյտինգային թեկնածուները շատ են, ուստի կուսակցությունում որոշել են, որ մարդկային ռեսուրսները հնարավորինս պետք է բաշխեն ամբողջ ընտրատարածքով՝ առավելագույն քվեներ ստանալու համար:

Ազգային ժողովում «Հայկական ժամանակը» Տիգրան Ավինյանից հետաքրքրվեց, թե ինչու է առաջադրվում Արաբկիրում, եթե Կենտրոնից է: «Տրամաբանությունը՝ որեւէ տեղ լինելու, շատ սկզբունքային չէ։ Որեւէ սկզբունքային հարց չկա, թե որ ընտրատեղամասում պետք է առաջադրվեմ ես, Արայիկը Հարությունյան, Արարատը Միրզոյան կամ մեր քաղաքական թիմի մյուս անդամները»։

Տիգրան Ավինյանը նշեց, որ ՀՀԿ-ն չի կարող լինել ընդդիմություն: «Ես կարծում եմ՝ Հանրապետական կուսակցությունն ինչպես տապալել է իշխանական կուսակցություն լինելու իր հնարավորությունը, նույն ձեւով էլ կարող է տապալել ընդդիմություն լինելու հնարավորությունը։ Ես չեմ տեսնում մրցակցություն ՀՀԿ եւ մեր մեջ»,- նկատեց Ավինյանն ու հայտարարեց, որ ընդդիմադիր դաշտը կձեւավորվի ընտրություններից հետո:

Արմեն Աշոտյանը մի քանի օր առաջ հայտարարել էր, որ իշխող Քաղաքացիական պայմանագիր կուսակցությունը ցանկանում է ԱԺ-ում 85 տոկոս մանդատ ունենալ եւ հարցրել էր. «Տնաշեննե՛ր, ձեր ինչի՞ն է պետք 85 տոկոսը»: Հարցին՝ արդյո՞ք իշխանությունը նման մենաշնորհի ցանկություն ունի, Ավինյանը պատասխանեց. «Ընտրությունների արդյունքները պետք է որոշի ժողովուրդը: Եթե ժողովուրդը որոշի, որ մենք պետք է հավաքենք 85 տոկոս, մենք կհավաքենք 85 տոկոս, եթե այդպես չորոշի՝ կհավաքենք այնքան, ինչքան կորոշի: Մեր ընտրական ցուցակը լինելու է բազմազան եւ ներառված են լինելու տարբեր հասարակական-քաղաքական գործիչներ, ներգրավված են լինելու տարբեր ոլորտներից մասնագետներ եւ համոզված եմ, որ ԱԺ-ի գալիք ընտրությունների արդյունքում մենք ունենալու ենք բավականին ուժեղ եւ կայացած ԱԺ»: 

Նոյեմբերի 11-ին ՀՀԿ քաղաքական թիմը քաղաքական հայտարարության նախագիծ էր տարածել, որտեղ արձանագրված էին իրենց թույլ տված սխալներն ու բացթողումները: Տիգրան Ավինյանը մեր զրույցում հայտարարեց, որ ՀՀԿ-ն իր սխալներից դաս չի քաղել: «Նրանք շարունակաբար կատարել են նույն սխալը, իսկ այդ սխալը, ուրեմն այդ սխալը կայանում է անկեղծ չլինելու մեջ»,- ասաց նա եւ անդրադառնալով մեր այն դիտարկմանը, որ Նիկոլ Փաշինյանին այդ հայտարարության մեջ ներկայացնում են դիկտատոր, Ավինյանն արձագանքեց. «Անհեթեթ հայտարարությունների շարքից է»:

Առաջին փոխվարչապետ Արարատ Միրզոյանն էլ ՀՀԿ-ին առաջարկում է ընտրություններին մասնակցելու եւ քաղաքական հայտարարություններ տարածելու փոխարեն «պաուզա» վերցնել: «Եթե ես լինեի ՀՀԿ-ի տեղը, չնայած ես չեմ պատկերացնում, թե ո՞նց կարող էր այդպես լինել, ես ուղղակի պաուզա կվերցնեի քաղաքական կյանքին մասնակցությունից, որովհետեւ այն բոլոր խնդիրները, որոնք մենք այսօր ունենք ներքաղաքական կյանքում, թե արտաքին աշխարհում, արմատներով գնում են դեպի ՀՀԿ-ի վարած քաղաքականություն`սկսած կադրայինից, վերջացրած կոռուպցիայով, թալանով: Բոլոր արատավոր երեւույթների պատճառն իրենք են, հիմա էդ մարդիկ եկել եւ խոսում են դիկտատուրայից: Լո՞ւրջ, դիկտատուրայի մասին արձանագրո՞ւմ են արել: Կամ որոշել են այդպես էլ չանկեղծանալ հասարակության հետ եւ իրենք իրենց նույնիսկ չխոստովանեն, որ իրենք են մեղավորը: Կամ ադեկվատ չեն, կամ շարունակում են մարդկանց խաբել»:

Նա ընդգծեց, որ մինչեւ հեղափոխությունը ՀՀ-ում միջնադարյան ֆեոդալային համակարգ էր գործում, որտեղ իշխանները շահագործում էին մնացածին. «Չեմ պատկերացում՝ ոնց ընդհանրապես կարելի է քվեարկել ՀՀԿ-ի օգտին»,- նկատեց Միրզոյանը:

Դիտարկմանը, թե ՀՀԿ-ն պնդում է, որ միակ ընդդիմությունը կլինի եւ իր՝ խորհրդարանում չհայտնվելու դեպքում իշխանությունը կունենա միայն գրպանային ընդդիմություն, Միրզոյանն արձագանքեց. «Այդ դիսկուրսը ինձ չի հետաքրքրում, թող իրենք կողմնորոշվեն՝ ով է իրական, ով՝ ոչ։ Ես չիրական ընդդիմության անհրաժեշտություն չեմ տեսնում։ Դասագրքային բանաձեւ կա՝ բոլոր նրանք, ովքեր կառավարությունում ընդգրկված չեն, ընդդիմություն են»։

Տպել
934 դիտում

Արցախի ՊԲ հրամանատար Լեւոն Մնացականյանը եւ ԱԱԽ քարտուղար Վիտալի Բալասանյանը աշխատանքից ազատվե՞լ են

Բնակիչների ահազանգերը տասնապատկվել են և դա լավ է, պետությունը առողջանում է. Հայկ Մարության

Սիրիահայ ուսանողների ուսման վարձը փոխհատուցելու համար կառավարությունը 13,7 մլն դրամ կհատկացնի

Անցկացվում է գումարտակի մարտավարական զորավարժություն

Չավուշօղլուն կմեկնի Բաքու` մասնակցելու արտգործնախարարների խորհրդի 39-րդ նիստին

Սպանված ոստիկան Յուրի Տեփանոսյանի կինը ներգրավվել է որպես իրավահաջորդ՝ փոխարինելով տուժողի հորը

Դեկտեմբերի 13-ին Երևանում կկատարվեն երթեւության կազմակերպման փոփոխություններ

Առանձին դեպքերում նկատվել են վարչական ռեսուրսի չարաշահման դեպքեր. ՔՈ հայտարարությունը

Վիճակագրական կոմիտեի նախագահ Ստեփան Մնացականյանն արձակուրդ է գնում

Փրկարարները կանխել են 9-րդ հարկից նետվել սպառնացող մարդու ինքնասպանության փորձը

Փոխվարչապետի որոշմամբ սահմանվել են քաղծառայողի փորձաշրջանի հետ կապված առանձնահատկությունները

Վաչագան Ղազարյանի խափանման միջոցի վերաբերյալ որոշումը կհրապարակվի 4 ժամից. նա մասնակցել է նիստին եւ հայտարարություն արել

Ժամը 20:00-ի դրությամբ բքի և տեսանելիության բացակայության պատճառով Վարդենյաց լեռնանցքը փակ է

Հինգ տարի հետո մեր դպրոցն անճանաչելի է դառնալու. Արայիկ Հարությունյան

Ըստ մեղադրանքի՝ որովայնը մարմնի ո՞ր մասն ա. Սաշիկ Սարգսյանի որդու համար պարզ չէ մեղադրանքի էությունը

Քրիստինե Սարգսյանը նշանակվել է «Առողջապահական ծրագրերի իրականացման գրասենյակ»-ի տնօրենի ԺՊ

Հարուցվել է քրեական գործ՝ կրկնակի քվեարկության փորձ կատարելու դեպքի առթիվ. ՔԿ

Գոռ Մինասյանը ճանաչվել է Գյումրու 2018-ի լավագույն մարզիկ

Չարենցավանում Փաշինյանը հորդորեց դասի գալ, մարզպետը նշանակեց տնօրենին, ծնողները դժգոհ մնացին

N17 հատուկ դպրոցի խորհուրդն այսօր չկարողացավ տնօրեն ընտրել. իսկ կարգը կխախտվի՞