Ինչպե՞ս է ազդում տեխնոլոգիական առաջընթացը կրթության մեթոդների վրա․ սեմինար Երեւանում

14/11/2018 schedule16:53

Հայաստանի կրթության եւ գիտության նախարարությունը,  «KARDÉS» կազմակերպությունը, ՀԲԸՄ Հայաստանը եւ ՀԲԸՄ Հայկական վիրտուալ համալսարանը (ՀՎՀ) համագործակցում են Հայաստանի դպրոցներում ԱՏՀ-ն որպես կրթական առցանց տեխնոլոգիաների վրա հիմնված նոր ուսումնական մեթոդ ներկայացնելու նպատակի շուրջ: 

Ինչպես հայտնում են ՀԲԸՄ Հայաստանի մամուլի ծառայությունից, Հայաստանյան դպրոցների ուսուցիչների համար կազմակերպված առաջին սեմինար-դասընթացը տեղի ունեցավ Երեւանում նոյեմբերի 14-ին՝ ԱՏՀ-ի միջազգային օրը: Շուրջ 100 մասնակից Լոռու, Կոտայքի, Արմավիրի, Արարատի մարզերից եւ Երեւանից մասնակցեցին սեմինարին՝ ծանոթանալով Աշխարհատեղեկատվական համակարգին, տեղանքի վերլուծությանը եւ ԱՏՀ-ն որպես ուսումնական գործիք կիրառելու կարեւորությանը: Սեմինարը վարեց «KARDÉS» կազմակերպությունը, որը մասնագիտացած է խորհրդատվության, վերապատրաստման, կարողությունների զարգացման բնագավառներում, ինչպես նաեւ ԱՏՀ-ն դպրոցական ուսումնական ծրագրերում ներառելու հարցերում:

«Կրթության արդիականացումը կառավարության կարեւորագույն առաջնահերթություններից է, որի նպատակն է նորարարական մոտեցումները եւ գործիքները ներմուծել կրթական համակարգ», - ասաց ՀՀ կրթության եւ գիտության նախարարի պաշտոնակատար Արայիկ Հարությունյանը: Ողջունելով «KARDÉS»-ի, ՀՎՀ-ի եւ ՀԲԸՄ-ի հետ համագործակցությունը՝ նա կարեւորեց ժամանակակից սարքերը եւ գործիքները աշակերտների զարգացման համար լիարժեք կիրառելու անհրաժեշտությունը:

Տեխնոլոգիական առաջընթացը շոշափելի փոփոխությունների է ենթարկել կրթության մեթոդները: Այսօր կրթության առաջնային նպատակն է՝ զարգացնել աշակերտների հետազոտական եւ վերլուծական հմտությունները, ինչպես նաեւ ստացած գիտելիքները գործնական խնդիրների լուծման համար կիրառելու կարողությունը:

«Գեոտեխնոլոգիաները, ինչպես նաեւ բիոտեխնոլոգիաները եւ նանոտեխնոլոգիաները, 21-րդ դարի երեք կարեւոր  ուղղություններն են համարվում: ԱՏՀ-ն հարցումների եւ որոշակի չափանիշների վրա հիմնված, խնդիրների լուծմանն ուղղված առաջադրանքների ամբողջություն է, որն իր մեջ ներառում է դաշտային աշխատանք եւ տալիս է մասնագիտական հմտություններ պահանջված ոլորտներում»,- ասաց «KARDÉS»-ի հիմնադիր եւ տնօրեն Բագրատ Բալաբանյանը:

ԱՏՀ-ի կիրառումը կնպաստի Հայաստանում «STEM/ԳՏՃՄ» (գիտություն, տեխնոլոգիա, ճարտարագիտություն եւ մաթեմատիկա) կրթության զարգացմանը: Այս համակարգն աշակերտներին կսովորեցնի ինչպես  օգտագործել, ստեղծել եւ տարածել քարտեզներ, հավաքել եւ ներմուծել տվյալներ, կատարել բազմապիսի վերլուծություններ եւ աշխատել մեծածավալ տվյալների հետ: Արդյունքում աշակերտները կզարգացնեն իրենց քննադատական եւ տարածական մտածողությունը:

«ԱՏՀ-ն կրթական, նորարարական գործիք է, որ ՀՎՀ-ն կիրառել է վերջին տարիների ընթացքում: «KARDÉS»-ի հետ միասին մենք կներդնենք մեր փորձը եւ գիտելիքները՝ օնլայն կրթության առաջադեմ տեխնոլոգիաները հայկական դպրոցներում ներառելու համար»,- ասաց ՀԲԸՄ ՀՎՀ հիմնադիր եւ նախագահ, ՀԲԸՄ Կենտրոնական վարչության անդամ Երվանդ Զորյանը, ով միջոցառմանը մասնակցում էր Skype-ով:

«KARDÉS»-ը, Կրթության եւ գիտության նախարարության եւ ՀՎՀ-ի հետ համագործակցության միջոցով, հայ աշակերտներին կներկայացնի ԱՏՀ-ն եւ տեղանքի վերլուծության գործիքակազմը՝ տրամադրելով անվճար արտոնագրեր, ուսուցիչների վերապատրաստման դասընթացներ եւ ուսումնական ծրագրեր:

Միջոցառման ընթացքում Երվանդ Զորյանը եւ Բագրատ Բալաբանյանը վիրտուալ ստորագրեցին փոխըմբռնման համաձայնագիր՝ վավերացնելով «KARDÉS»-ի եւ ՀՎՀ-ի համագործակցությունը:

Տպել
298 դիտում

Արցախի ՊԲ հրամանատար Լեւոն Մնացականյանը եւ ԱԱԽ քարտուղար Վիտալի Բալասանյանը աշխատանքից ազատվե՞լ են

Բնակիչների ահազանգերը տասնապատկվել են և դա լավ է, պետությունը առողջանում է. Հայկ Մարության

Սիրիահայ ուսանողների ուսման վարձը փոխհատուցելու համար կառավարությունը 13,7 մլն դրամ կհատկացնի

Անցկացվում է գումարտակի մարտավարական զորավարժություն

Չավուշօղլուն կմեկնի Բաքու` մասնակցելու արտգործնախարարների խորհրդի 39-րդ նիստին

Սպանված ոստիկան Յուրի Տեփանոսյանի կինը ներգրավվել է որպես իրավահաջորդ՝ փոխարինելով տուժողի հորը

Դեկտեմբերի 13-ին Երևանում կկատարվեն երթեւության կազմակերպման փոփոխություններ

Առանձին դեպքերում նկատվել են վարչական ռեսուրսի չարաշահման դեպքեր. ՔՈ հայտարարությունը

Վիճակագրական կոմիտեի նախագահ Ստեփան Մնացականյանն արձակուրդ է գնում

Փրկարարները կանխել են 9-րդ հարկից նետվել սպառնացող մարդու ինքնասպանության փորձը

Փոխվարչապետի որոշմամբ սահմանվել են քաղծառայողի փորձաշրջանի հետ կապված առանձնահատկությունները

Վաչագան Ղազարյանի խափանման միջոցի վերաբերյալ որոշումը կհրապարակվի 4 ժամից. նա մասնակցել է նիստին եւ հայտարարություն արել

Ժամը 20:00-ի դրությամբ բքի և տեսանելիության բացակայության պատճառով Վարդենյաց լեռնանցքը փակ է

Հինգ տարի հետո մեր դպրոցն անճանաչելի է դառնալու. Արայիկ Հարությունյան

Ըստ մեղադրանքի՝ որովայնը մարմնի ո՞ր մասն ա. Սաշիկ Սարգսյանի որդու համար պարզ չէ մեղադրանքի էությունը

Քրիստինե Սարգսյանը նշանակվել է «Առողջապահական ծրագրերի իրականացման գրասենյակ»-ի տնօրենի ԺՊ

Հարուցվել է քրեական գործ՝ կրկնակի քվեարկության փորձ կատարելու դեպքի առթիվ. ՔԿ

Գոռ Մինասյանը ճանաչվել է Գյումրու 2018-ի լավագույն մարզիկ

Չարենցավանում Փաշինյանը հորդորեց դասի գալ, մարզպետը նշանակեց տնօրենին, ծնողները դժգոհ մնացին

N17 հատուկ դպրոցի խորհուրդն այսօր չկարողացավ տնօրեն ընտրել. իսկ կարգը կխախտվի՞