Հայաստանի առեւտրային քաղաքականությունը վերաքննվում է ԱՀԿ-ում

Նոյեմբերի 20-ին՝ Ժնեւում, Առեւտրի համաշխարհային կազմակերպության (ԱՀԿ) քարտուղարությունում մեկնարկել է Հայաստանի Հանրապետության երկրորդ առեւտրային քաղաքականության վերաքննության (ԱՔՎ) լիագումար նիստը՝ ԱՀԿ Գլխավոր Խորհրդի նախագահ, դեսպան Յուհիկո Իհարայի նախագահությամբ:

Նիստին մասնակցում է Հայաստանի Հանրապետության պատվիրակությունը` ՀՀ տնտեսական զարգացման եւ ներդրումների նախարարի տեղակալ Ավագ Ավանեսյանի գլխավորությամբ, հայտնում են նախարարության մամուլի ծառայությունից: Վերջինս հանդես է եկել բացման խոսքով եւ զեկույցով ներկայացրել ՀՀ առեւտրային քաղաքականության զարգացումները:

Որպես հարակից զեկուցող հանդես է եկել ԱՀԿ-ում Իռլանդիայի ներկայացուցիչ, դեսպան Մայքլ Գեֆֆին:

Նիստի շրջանակներում ներկայացվել եւ քննարկվել է երկու փաստաթուղթ` Հայաստանի Հանրապետության առեւտրային քաղաքականության վերաբերյալ ԱՀԿ քարտուղարության կողմից պատրաստված զեկույցը եւ Հայաստանի Հանրապետության կառավարության կողմից պատրաստված զեկույցը:

Լիագումար նիստին մասնակցում են ԱՀԿ անդամ երկրների պատվիրակությունները, ԱՀԿ քարտուղարության համապատասխան պաշտոնյաները, ինչպես նաեւ միջազգային տարբեր կառույցների եւ մարմինների ներկայացուցիչները:

ՀՀ առեւտրային քաղաքականության նկատմամբ ԱՀԿ անդամ երկրների կողմից ցուցաբերվել է մեծ հետաքրքրություն եւ երկրորդ առեւտրային քաղաքականության վերաքննության զեկույցների ներկայացման ժամանակ ԱՀԿ 19 անդամ երկրների ներկայացուցիչներ (ԱՄՆ, ԵՄ, Ճապոնիա, Կանադա, Իսլանդիա, Չինաստան, Հնդկաստան, Վրաստան, Ուկրաինա, Թաիլանդ, Սինգապուր, Ղրղզստան, ՌԴ, Բրազիլիա, Ղազախստան, Պարագվայ, Ուրուգվայ, Տաջիկստան եւ Աֆղանստան) հանդես են եկել ելույթներով` ներկայացնելով Հայաստանի հետ իրենց առեւտրային հարաբերությունների ներկա ընթացքը, զարգացման ուղղությունները, նկատառումները, դիրքորոշումները, ինչպես նաեւ ներկայացրել են հարցեր՝ ակնկալելով հայկական կողմի պարզաբանումները: Բոլոր նշված երկրների ներկայացուցիչները հատկապես նշում եւ կարեւորում էին 2010թ.-ին կայացած ՀՀ առեւտրային քաղաքականության առաջին զեկույցից հետո ոլորտում տեղի ունեցած զարգացումները:

Նոյեմբերի 22-ին նիստի աշխատանքը կշարունակվի եւ հայկական կողմը, ինչպես նաեւ ԱՀԿ քարտուղարության ներկայցուցիչներն ու ԱՀԿ անդամ երկրները հանդես կգան ամփոփիչ ելույթներով:

Լրացուցիչ տեղեկատվություն.

ՀՀ երկրորդ առեւտրային քաղաքականության վերաքննության (ԱՔՎ) գործընթացը մեկնարկել է 2017թ. հոկտեմբերին եւ իրականացվել է գրեթե մեկ տարվա ընթացքում՝ համաձայն ԱՀԿ քարտուղարության հետ երկկողմ համաձայնեցված գործողությունների ժամանակացույցի:

Գործընթացի ընթացքում 2018թ. հունվարին եւ հունիսին ԱՀԿ քարտուղարության փորձագիտական առաքելությունները երկու փաստահավաք այցեր են կատարել Հայաստանի Հանրապետություն, որոնցից յուրաքանչյուրի ընթացքում տեղի են ունեցել մասնագիտական քննարկումներ եւ հանդիպումներ ՀՀ պետական կառավարման մարմինների եւ գերատեսչությունների ներկայացուցիչների հետ: Դրան նախորդել է ԱՀԿ քարտուղարության կողմից համապատասխան հարցաշարով պահանջվող անհրաժեշտ օրենսդրական, իրավական եւ ընթացակարգային փաթեթի տրամադրումը:

Նշյալ աշխատանքների արդյունքում ձեւավորվել եւ ԱՀԿ կողմից սեպտեմբերի 25-ին պաշտոնական շրջանառվել է ՀՀ առեւտրային քաղաքականության վերաքննության՝ ԱՀԿ քարտուղարության զեկույցը (WT/TPR/S/379):

Գրեթե բոլոր ՀՀ պետական կառավարման մարմինների մասնակցությամբ մեծածավալ աշխատանք է իրականացվել նաեւ հայկական կողմի զեկույցի պատրաստման ուղղությամբ, որի արդյունքում էլ ձեւավորվել եւ ԱՀԿ քարտուղարության կողմից շրջանառվել է Հայաստանի Հանրապետության զեկույցը (WT/TPR/G/379): 

Վերոնշյալ գործընթացի շրջանակներում, ԱՀԿ ընթացակարգերին համապատասխան, ԱՀԿ անդամ 11 երկրների կողմից (Իսլանդիա, Չինաստան, ԱՄՆ, Ճապոնիա, ԵՄ, Ուկրաինա, Թաիլանդ, Արգենտինա, Չիլի, Կանադա, Հնդկաստան) ստացվել են 120-ից ավել հարցադրումներ` առեւտրի կարգավորումների, ներքին շուկայի պաշտպանության, տեխնիկական խոչընդոտների կիրառման, հակագնագցման միջոցների, մտավոր սեփականության պաշտպանության, ստանդարտների, տեխնիկական կարգավորումների, հարկային եւ մաքսային ընթացակարգերի, սանիտարա-բուսասանիտարական հարցերի, պետական գնումների, բանկային համակարգի, գյուղատնտեսության եւ առեւտրային քաղաքականության մի շարք այլ ոլորտների վերաբերյալ, որոնց հայկական կողմից տրվել են սպառիչ եւ հանգամանալից պատասխաններ:

Տպել
221 դիտում

Թափառող կենդանիների վնասազերծմամբ զբաղվող ընկերության ընտրության նոր մրցույթ կհայտարարվի

Արցախի ՄԻՊ Արտակ Բեգլարյանը շնորհավորել է արցախյան եռատոնի առթիվ

Զոհրաբ Մնացականյանն ընդունել է միջազգային դիտորդական առաքելությունների ներկայացուցիչներին

Շնորհավորում ենք խորհրդարան անցած երեք քաղաքական ուժերին. «Օրինաց երկիր»

Հայաստանը չի ձգտում դառնալ ՆԱՏՕ-ի անդամ. Նիկոլ Փաշինյան

Ուկրաինայի իշխանությունների որոշումն անխոհեմ է. Պեսկով

Շնորհավորանք ու եռագույն սրտիկ՝ ԱՄՆ դեսպանատնից հայ ժողովրդին

Սուրեն Շահվերդյանը հրաժարական է տալիս Համազգային թատրոնի գեղարվեստական ղեկավարի պաշտոնից

Մեյը հետաձգել է Brexit-ի հարցով քվեարկությունը

Սա աննախադեպ իրադարձություն է, կարևոր նվաճում 3-րդ հանրապետության պատմության մեջ (տեսանյութ)

Անվավեր քվեաթերթիկների վրա այս անգամ հումորներ համարյա չկային․ դրանք անցել էին համացանցի տիրույթ

Մարդու իրավունքների պաշտպանության օրվան նվիրված միջոցառումներ ՊՆ-ում (լուսանկարներ)

Ինչպես են բաշխվել քվեները 2-րդ ընտրատարածքում

Ունեցանք միաբևեռ Ազգային ժողով. «Մենք» դաշինքը՝ ընտրությունների մասին

Գյումրեցի Ջուլիետա Ղուկասյանի սպանությունից 8 օր անց դեռ կասկածյալ չկա

«Սասնա ծռերը» ճանաչել է ԱԺ արտահերթ ընտրությունների արդյունքները, մաղթել արգասաբեր աշխատանք

Ի՞նչ հաջորդականությամբ են ձայները բաշխվել 4-րդ ընտրատարածքում

Ռուսաստանի հետ բարեկամության և համագործակցության համաձայնագիրը դադարեցվում է Պորոշենկոյի որոշմամբ

Ինձ պասիվ էի պահում, որ նախընտրական այս շրջանում չքաղաքականացվեր. Հ. Գալստյանն արդեն 8-րդ օրն է՝ հացադուլի մեջ է

Թեկնածուներից մեկի օգտին քվեարկելուն հարկադրելու առերևույթ դեպք է արձանագրվել. հարուցվել է քրգործ