Ինտերպոլն ունի նոր նախագահ, իսկ Կրեմլը մտահոգված է ընտրության մթնոլորտով

Ինտերպոլի նոր նախագահ է ընտրվել Հարավային Կորեայի ներկայացուցիչ Կիմ Ջոն Յանգը, նշենք որ վերջինիս մրցակիցը ռուսաստանցի գեներալ, Ինտերպոլի փոխնախագահ Ալեքսանդր Պրոկոպչուկն էր։ Կրեմլը դատապարտել է Արեւմուտքի ճնշումները ընտրությունների ընթացքում: Այս մասին հայտնում է Ամերիկայի ձայնը:

Միջազգային ոստիկանության Ինտերպոլի նախագահի պաշտոնում չորեքշաբթի օրն ընտրվել է Հարավային Կորեայի ներկայացուցիչ Կիմ Ջոն Յանգը: Ինտերպոլի գլխավոր քարտուղար Յուրգեն Սթոքը լրագրողին հայտնել է, որ ընտրությունները եղել են ազատ եւ թափանցիկ:

Նախագահի ընտրությունը տեղի ունեցավ Դուբայում փակ քվեարկության միջոցով:

Նորընտիր նախագահը կղեկավարի կառույցը հաջորդ 2 տարիների ընթացքում: Այս պաշտոնին Կիմը փոխարինեց Մենգ Հոնգվեիին Չինաստանից, ով վերջերս հրաժարական տվեց՝ Չինաստանում իր նկատմամբ քրեական հետապնդման պատճառով: Հոնգվեիի հրաժարականից հետո Կիմը իրականացնում էր նախագահի պարտականությունները:

Ընտրություններին նրա մրցակիցն էր ռուսաստանցի գեներալ, Ինտերպոլի փոխնախագահ Ալեքսանդր Պրոկոպչուկը, որի թեկնածությանն աջակցում էր Ռուսաստանը: ԱՄՆ եւ Եվրոպան դեմ էին Պրոկոպչուկի թեկնածությանը, քանի որ մտահոգություններ ունեին կրեմլամետ թեկնածուի ընտրության հարցում: Մի շարք եվրոպական երկրներ անգամ սպառնացել էին, որ կլքեն կառույցը, եթե նախագահ ընտրվի Կրեմլի թեկնածուն:

Բացի այդ, վերջերս ԱՄՆ-ի մի խումբ սենատորներ մեղադրեցին Ռուսաստանին գլոբալ այս կառույցը օգտագործելու եւ դրա միջոցով այլախոհների նկատմամբ հետապնդումներ իրականացնելու մեջ:

Ինտերպոլի գլխավոր քարտուղարը, սակայն հերքում է մտահոգությունները:

«Որեւէ կապ չունի, թե ինչ ազգության է պատկանում նախագահը: Այդ փաստը չի ազդում Ինտերպոլի չեզոքության եւ մեր կազմակերպության անկախության վրա»,- հայտարարել է կառույցի գլխավոր քարտուղարը:

Ռուսաստանն իր հերթին ափսոսանք է հայտնել իր թեկնածուի պարտության կապակցությամբ, սակայն ընդունել է ընտրության արդյունքները:

«Մենք ափսոսանք են հայտնում, որ մեր թեկնածուն չընտրվեց, սակայն միեւնույն է չկան հիմքեր չհավատալու ընտրությունների արդյունքներին»,- ասել է նախագահ Պուտինի խոսնակ Դմիտրի Պեսկովը:

Սակայն Կրեմլը արձանագրել է, որ ընտրություններն անցել են ճնշող մթնոլորտում: «Եթե հիշենք մեր եվրոպացի գործընկերների վերջին հայտարարությունը, ապա պետք է փաստենք, որ ընտրություններն անցել են աննախադեպ ճնշման եւ ընտրությունների մեջ խառնվելու մթնոլորտում»,- ասել է Կրեմլի խոսնակը:

Գեներալ Պրոկոպչուկը հրաժարվել է մեկնաբանություններ տալ այս առիթով:

Հիշեցնենք, որ Ինտերպոլի հիմնական գործառույթն է նպաստել աշխարհում ոստիկանական մարմինների միջեւ համագործակցության հաստատմանը: Այն իրավասու չէ խառնվել քաղաքական, կրոնական, ռասայական կամ այլ տեսակի հակամարտությունների, ինչպես նաեւ չունի գործակալներ, որոնք իրավասու են իրականացնել ձերբակալություններ:

Տպել
306 դիտում

ՀՀ տարածքում կան դժվարանցանելի ավտոճանապարհներ, Լարսի ճանապարհը փակ է բեռնատարների համար

Հրազդանի տներից մեկի տանիքում մոտ 30 տարեկան տղամարդու են հայտնաբերել՝ կախված վիճակում

Ուկրաինայի ՆԳՆ-ը հետախուզում է հայտարարել հայազգի մեծահարուստ Սարկիսով եղբայրների նկատմամբ

Կողոպուտ բենզալցակայանում. 29 հազար դրամ հափշտակած կասկածյալը ձերբակալված է

Այսօր ու վաղը սպասվում են ձյան տեղումներ, մառախուղ, ջերմաստիճանը կնվազի 4-6 աստիճանով

ՌԱԿ-ն իր համակիրներին կոչ էր արել քվեարկել «Իմ քայլը» դաշինքի օգտին, հուսով է՝ հույսերը կարդարանան

Վահե Էնֆիաջյանը վերահաշվարկ է պահանջել. ձայներն ավելացել են 6-ով

Ստեփանավանի ողբերգական հրդեհի փաստով կստեղծվի հատուկ աշխատանքային խումբ. մարզպետ

Նարեկ Սարգսյանի ձերբակալության մասին լուրը հրապարակելը քարոզչության վերջին օրը զուգադիպություն էր. Օսիպյան

ՀՀ-ում կամավոր բաժին է ներկայացել 2006 թվականից հետախուզվող կինը

Հայտնի է 20-րդ դարում ամենաշատը հեռարձակված հիթը

Գործընկերություն կառուցելու հիմքում մենք դնում ենք հայաստանամետ քաղաքական մոտեցում. նախարար

Մոսկվայում կկանգնեցնեն Շառլ Ազնավուրի արձանը

Հանրապետության գլխավոր տոնածառը գրեթե պատրաստ է, լույսեր են վառվում (տեսանյութ)

Սպասում ենք Հայաստան-Սփյուռք աննախադեպ համախմբման. Եվրոպայի հայերի համագումարի շնորհավորանքը

Գյումրի, Մարալիկ քաղաքներում, Աշոցքի, Ամասիայի տարածաշրջաններում, Ախուրյանում ձյուն է տեղում

Ընդդիմությունը պետք է հարցերի լուծումների այլ ճանապարհ առաջարկի, քան իշխանությունը. Քոչարյան

Մեր գլխավոր նպատակը ժողովրդավարությունն է. Փաշինյանը պատասխանել է թուրք լրագրողի հարցերին

Անգլիայում 14-ամյա ֆուտբոլիստը մահացու վնասվածք է ստացել խաղի ժամանակ

Ընտրություններ՝ առանց թաղայինների