«Այո»-ն պոլիտեխնիկում. ձայնս գաղտնի թող մնա

22/11/2018 schedule14:10

Տպագրվել է «Հայկական Ժամանակ» օրաթերթի՝ 2005 թվականի նոյեմբերի 19-ի համարում

Սահմանադրական փոփոխությունների նախագծի քարոզչությունը երեկ հասավ Երեւանի ճարտարագիտական համալսարան: «Այո»-իստները պոլիտեխնիկ էին իջեցրել ԱԺ պատգամավորների դեսանտ հետեւյալ կազմով` ՀՀԿ-ական Սամվել Նիկոյան, ՕԵԿ-ական Գրիգոր Մարգարյան եւ ՀՅԴ-ական Ոստանիկ Մարուխյան: Սցենարը նույնն էր, որով վերջին շրջանում հանդես են գալիս «այո»-ի քարոզիչ եռյակները բուհերում` խոսում են նախագծի առավելությունների մասին եւ, բնականաբար, ոչ մի խոսք թերությունների մասին: Սակայն պոլիտեխնիկյան արշավը թեկուզ քիչ, բայց, այնուամենայնիվ, տարբերվեց մյուս բուհերի նմանատիպ միջոցառումներից: Նախ մթնոլորտը այնքան քծնողական չէր, ինչպես այլուր: Եւ քարզարշավին եկած պատգամավորներն էլ հանկարծ շեղվեցին սովորական սցենարից:

Օրինակ՝ Սամվել Նիկոյանը անսպասելիորեն  խիստ դրական արտահայտվեց Վրաստանում տեղի ունեցած Վարդերի հեղափոխության վերաբերյալ: «Եթե նախկինում բավական դանդաղ քայլերով էր ընթանում Հարավային Կովկասի երեք երկրների եվրոինտեգրացումը, ապա Վարդերի հեղափոխությունից հետո արագացման պրոցեսներ սկսեցին տեղի ունենալ Հարավային Կովկասում: Ի՞նչ շահեց Վրաստանը դրանից: Հսկայական ներդրումներ, լուծեց իր ազգային խնդիրներից գոնե մեկը` Աջարիայի հարցը... Վրաստանը այլ ելք չուներ: Վրաստանի փրկությունը միայն հեղափոխությունն էր»,-արձանագրեց պրն Նիկոյանը: Վերջինս նման համոզմունք հայտնեց, որպեսզի հետո ասի, թե Հայաստանի զարգացումը ոչ թե հեղափոխական, այլ «էվոլյուցիոն» ճանապարհն է:

Դասախոսների եւ ուսանողների` քարոզիչներին ուղղած հարցերը հիմնականում վերաբերում էին առանց հանրաքվեի սահմանների փոփոխման հնարավորությանը, որը, ըստ նախագծի, կարելի է իրականացնել միայն ԱԺ-ում անցկացված մի քվեարկության միջոցով, նախագահի անձեռնմխելիությանը, երկքաղաքացիության արգելքի վերացման պարագայում երկքաղաքացիների ընտրելու եւ ընտրվելու իրավունքներին, Երեւանի քաղաքապետի ընտրովիությանը  եւ այլն: Պատասխանողները բերում էին արդեն հայտնի փաստարկներ, որոնք ինքնին արդեն խորացնում են կասկածը: Օրինակ՝ սահմանների փոփոխության մասին հարցին ի պատասխան նրանք ասում էին, թե իրենց կարծիքով, եթե հարց առաջանա սահմանները փոխելու, ապա չնայած ԱԺ-ի իրավասությանը, այնուամենայնիվ, հարցը անպայման կդրվի հանրաքվեի:

Եթե իրենց կարծիքով այդպես է, ապա ինչո՞ւ սահմանների հարցը միանգամից հանրաքվեով լուծելու պարտադրանքը չի ամրագրվել նախագծում: Սա, բնականաբար, չմանրամասնվեց: Չէին մանրամասնում, թե եթե երկքաղաքացիության արգելքը ուզում են հանել, ապա ինչո՞ւ հենց փոփոխությունների նախագծով չեն սահմանափակել երկքաղաքացիների ընտրելու եւ ընտրվելու իրավունքը: Եթե Երեւանի քաղաքապետի պաշտոնը դառնում է ընտրովի, ապա ինչո՞ւ հենց նախագծում չեն ամրագրել, որ ընտրությունը պետք է իրականացվի ուղղակի, այն դեպքում, երբ երեք քարոզիչներն էլ կողմ էին ուղղակի ընտրություններին, իսկ նախագծով հնարավորություն է ստեղծում, որ քաղաքապետը ընտրվի ավագանու միջոցով եւ այլն եւ այսպես շարունակ: Իսկ  ինչպիսի՞ լուծում է առաջարկում այս նախագիծը մի շատ հավանական սցենարի, երբ ՀՀ նախագահը եւ վարչապետը համաձայնության չգան որեւէ նախարարի նշանակելու պարագայում:

Ասենք, որեւէ թեկնածուի շուրջ համաձայնության չեն գալիս եւ վերջ: Ի՞նչ է լինելու այդ դեպքում: Նախագահը չի կարող վարչապետին հեռացնել պաշտոնից, վարչապետը չի կարող նախագահին հեռացնել, եւ հարցը մնում է օդում կախված: Սա կոչվում է ճգնաժամ: «Խնդիրը տեխնիկական առումով որոշակի բարդություն պարունակում է: Հստակ կարգավորման մեխանիզմը ցայտուն չի երեւում: Տեխնիկական առումով լուծման մեխանիզմները հստակ չեն»,- խոստովանեց պրն Նիկոյանը: Վերջինս կարծում է, որ եթե նման խնդիր ծագի, ապա լուծումը կգտնվի ինչ-որ «Փոխադարձ զսպումների մեխանիզմի մեջ»: Ո՞վ է ում զսպելու: Բազմաթիվ պատգամավորներից բաղկացած, ընտրությունների միջոցով ձեւավորված խորհրդարանը նախագահի՞ն, թե՞ ժողովրդի ուղղակի քվեն ստացած նախագահը՝ խորհրդարանին:

Հստակ պատասխան չհնչեց: Ինչեւէ, քարոզչությունը պոլիտեխնիկում այդպիսով ավարտվեց: Մի քանի հետաքրքիր դիտարկումներ: Հանդիպումը սկսվելուց առաջ պոլիտեխնիկի, այսպես կոչված, քիմիական մասնաշենքում, որի մեծ լսարանում էլ հենց անցնում էր հանդիպումը, պատերին փակցված էին «այո»-ն քարոզող պաստառներ: Հանդիպման ընթացքում համալսարանի աշխատակիցները դրանք հանգիստ, առանց աղմուկի հանեցին՝ հայտարարելով, թե «արդեն հերիք է»: Մեկ այլ դիտարկում եւս: Ճարտարագիտական համալսարանի ռեկտոր Յուրի Սարգսյանի պահվածքը առանձնանում էր մեր մյուս բուհերի ռեկտորների պահվածքից: Վերջինս չէր խոչընդոտում «ընդդիմադիր» հարցեր տվողներին: Նույնիսկ թույլ էր տալիս, որ նույն «ընդդիմադիր» հարց ուղղած դասախոսները էլի հարցեր տան:

Բայց անակնկալն այն էր, որ հանդիպման ավարտին ռեկտոր Յու.Սարգսյանը այդպես էլ կոչ չարեց «այո» քվեարկել: Ընդամենը ասաց, որ յուրաքանչյուրը ինքն է որոշելու, թե ինչպես քվեարկի, իսկ իր դիրքորոշման մասին հայտարարեց, որ դա գաղտնի է պահելու: Ինչո՞ւ: «Ես չեմ կարծում, որ տարաբնույթ հարցերին, որոնց նկատմամբ ունես տարաբնույթ վերաբերմունք, պետք է տաս փաթեթային պատասխան: Նախագծի շատ դրույթներ ինձ համար ընդունելի չեն, իսկ շատ դրույթներ էլ համապատասխանում են իմ առարկություններին, որոնց պատճառով ժամանակին դեմ եմ քվեարկել գործող Սահմանադրությանը»,-մեր հարցին ի պատասխան ասաց ռեկտորը՝ այդպես էլ չհայտնելով, թե ինչպես է քվեարկելու նոյեմբերի 27-ին:

Հայկ Գեւորգյան

Տպել
860 դիտում

Կողոպուտ բենզալցակայանում. 29 հազար դրամ հափշտակած կասկածյալը ձերբակալված է

Այսօր ու վաղը սպասվում են ձյան տեղումներ, մառախուղ, ջերմաստիճանը կնվազի 4-6 աստիճանով

ՌԱԿ-ն իր համակիրներին կոչ էր արել քվեարկել «Իմ քայլը» դաշինքի օգտին, հուսով է՝ հույսերը կարդարանան

Վահե Էնֆիաջյանը վերահաշվարկ է պահանջել. ձայներն ավելացել են 6-ով

Ստեփանավանի ողբերգական հրդեհի փաստով կստեղծվի հատուկ աշխատանքային խումբ. մարզպետ

Նարեկ Սարգսյանի ձերբակալության մասին լուրը հրապարակելը քարոզչության վերջին օրը զուգադիպություն էր. Օսիպյան

ՀՀ-ում կամավոր բաժին է ներկայացել 2006 թվականից հետախուզվող կինը

Հայտնի է 20-րդ դարում ամենաշատը հեռարձակված հիթը

Գործընկերություն կառուցելու հիմքում մենք դնում ենք հայաստանամետ քաղաքական մոտեցում. նախարար

Մոսկվայում կկանգնեցնեն Շառլ Ազնավուրի արձանը

Հանրապետության գլխավոր տոնածառը գրեթե պատրաստ է, լույսեր են վառվում (տեսանյութ)

Սպասում ենք Հայաստան-Սփյուռք աննախադեպ համախմբման. Եվրոպայի հայերի համագումարի շնորհավորանքը

Գյումրի, Մարալիկ քաղաքներում, Աշոցքի, Ամասիայի տարածաշրջաններում, Ախուրյանում ձյուն է տեղում

Ընդդիմությունը պետք է հարցերի լուծումների այլ ճանապարհ առաջարկի, քան իշխանությունը. Քոչարյան

Մեր գլխավոր նպատակը ժողովրդավարությունն է. Փաշինյանը պատասխանել է թուրք լրագրողի հարցերին

Անգլիայում 14-ամյա ֆուտբոլիստը մահացու վնասվածք է ստացել խաղի ժամանակ

Ընտրություններ՝ առանց թաղայինների

78 հաղորդում, 2 քրգործ. ամփոփ տվյալներ՝ ընտրությունների օրվա և քարոզարշավի հաղորդումներից

Ինչպես կարելի է ստանալ ընտրատեղամասի տեսանկարահանումների պատճենները

Ո՞վ կփոխարինի Արա Մինասյանին. թափուր պաշտոնի մրցույթում հաղթողները երեքն են