Գալուստիչը` փոխնախարար

01/12/2010 schedule15:40

Վերջինս մինչ այս` 2002 թվականից, առողջապահության նախարարությունում տարբեր` «չերեւացող» պաշտոններ է զբաղեցրել: Փոխնախարար նշանակվելուց առաջ էլ Տիգրան Սահակյանը ղեկավարում էր առողջապահության նախարարության կրթության, գիտության եւ անձնակազմի կառավարման վարչությունը: Ավելի վաղ փոխնախարարի մյուս թափուր պաշտոնում էր նշանակվել առողջապահության նախարարության ծրագրերի իրագործման գրասենյակի տնօրեն Սերգեյ Խաչատրյանը: Այս գերատեսչությունում իրարանցումն ու փոխատեղումները սկսվեցին վարչապետի «կոռուպցիակործան» հայտնի ելույթից հետո, երբ նա խոսեց առողջապահության եւ կրթության ոլորտներում խորացած կոռուպցիայի, ինչպես նաեւ դրա դեմ պայքարի շրջանակներում կադրային փոփոխություններ իրականացնելու մասին: Վարչապետի այդ ելույթին հետեւեց առողջապահության երկու փոխնախարարների աշխատանքից ազատումը, որը թեեւ սեփական դիմումի համաձայն էր, բայց դիտվեց որպես հենց այդ պայքարի արդյունք: Ու կոռուպցիայի դեմ պայքարը, փաստորեն, եկավ հանգեց նրան, որ Գալուստ Սահակյանի որդուն նշանակեցին առողջապահության նախարարի տեղակալ: Նշենք, որ նա ղեկավարում է նաեւ առողջապահության նախարարության միջգերատեսչական բժշկական հանձնաժողովը: Տիգրան Սահակյանը, որ այս ընթացքում քիչ է որեւէ կերպ աչքի ընկել, վերջերս զանգվածային լրատվամիջոցների հերոսն էր դարձել այն պատճառով, որ ամբողջ մեկուկես ամիս անհասանելի է եղել առողջական ծանր վիճակում գտնվող կալանավոր Հրանտ Մխոյանի ներկայացուցչի համար: Սրտամկանի երկու կաթված ստացած կալանավորը կարիք է ունեցել վիրահատության, ինչի համար պահանջվել է նշված հանձնաժողովի փորձաքննության եզրակացությունը, որի ղեկավարին գտնելը, սակայն, խիստ բարդ գործ է եղել: Նշենք նաեւ, որ ՀՀԿ կարկառուն անդամ Գալուստ Սահակյանի որդու մասին նախարարությունում լուրեր են շրջանառվում, թե երբ բուժօգնության կազմակերպման վարչության պետի տեղակալի պաշտոնում աշխատանքի ընդունվելիս անհրաժեշտ է եղել անձնական թերթիկը լրացնել, ընտանեկան դրության վերաբերյալ տողում նա գրել է` ապահովված: Հավելենք, որ Տիգրան Սահակյանը պարտադիր ժամկետային զինվորական ծառայություն չի անցել, իսկ թե ինչ հիմքով, նրա կենսագրականից այդպես էլ պարզ չի դառնում: Ինչեւէ: Տպավորություն է, որ կոռուպցիայի դեմ պայքարի մասին վարչապետի անհանդուրժող ելույթը, որից կոռուպցիան մի պահ հաստատ դողացել ու մկան ծակն է մտել, իրականում ընդամենը ԲՀԿ-ական նախարար Հարություն Քուշկյանի ղեկավարած գերատեսչությունում ՀՀԿ-ի դիրքերն էլ ավելի ամրապնդելու նպատակ էր հետապնդում: Քուշկյանն այժմ շրջապատված է բացառապես այնպիսի տեղակալներով, որոնք կամ Հանրապետական կուսակցության անդամ են, կամ էլ վայելում են այդ կուսակցության ղեկավարության վստահությունը: Հանրապետական են առողջապահության նախարարի տեղակալներ Հայկ Դարբինյանը եւ Ալեքսանդր Ղուկասյանը, որոնք վարչապետի ելույթից հետո պահպանեցին իրենց պաշտոնները: Նորանշանակ փոխնախարարներից էլ, ինչպես կարելի էր կռահել, հոր հետքերով է գնացել Տիգրան Սահակյանը: Նա եւս ՀՀԿ անդամ է: Իսկ ահա Սերգեյ Խաչատրյանը թեպետ անկուսակցական է, սակայն ՀՀԿ նվիրյալ անդամ, կոմպոզիտոր Ռոբերտ Ամիրխանյանի փեսան է: Հայտնի կոմպոզիտորի պատգամավորության օրոք ու, ըստ որոշ տեղեկությունների, ոչ առանց նրա ջանքերի էլ Սերգեյ Խաչատրյանը նշանակվել է ՀՀ ԱՆ ծրագրերի իրագործման գրասենյակի ղեկավար: Իսկ ինչ վերաբերում կրթության եւ գիտության նախարարութանը, որը ղեկավարում է ՀՀԿ անդամ Արմեն Աշոտյանը, կադրային այսպիսի փոփոխություններ տեղի չունեցան, եւ այս դեպքում բավարար համարվեց ընդամենը կրթական համակարգում կոռուպցիոն երեւույթների դեմ պայքարի համալիր գործողությունների ծրագիր մշակելը: Սա, թերեւս, զարմանալի չէ, քանի որ կրթության եւ գիտության այդ օրերին գործող երկու փոխնախարարները (հիմա նրանց թիվը 3-ն է) ՀՀԿ-ին իրենց հավատարմությունն ապացուցելու խնդիր չունեին: Արա Ավետիսյանը նույն Հանրապետական կուսակցության անդամ է արդեն բավական երկար ժամանակ, իսկ Մանուկ Մկրտչյանը թեեւ անկուսակցական է, բայց հայտնի է «Ֆլեշ» ընկերության նախագահ Բարսեղ Բեգլարյանի հետ ունեցած ջերմ հարաբերություններով: Բարսեղ Բեգլարյանն էլ իր հերթին համարվում է Սերժ Սարգսյանի մերձավոր անձանցից մեկը, ինչը գաղտնիք չէ, թերեւս, ոչ մեկի համար: Ու որ վարչապետի` կոռուպցիայի դեմ պայքարն այստեղ էլ կընդմիջվի այնքան ժամանակ, քանի դեռ մեր իշխանությունները հերթական շոուի կամ ինչ-որ մի անցանկալի պաշտոնյայից ազատվելու, իրենցից մեկի սիրասուն զավակին տեղավորելու անհրաժեշտություն չեն զգացել, թերեւս կասկած չի հարուցում:

Տպել
844 դիտում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը

Մշակույթի նախարարությունը Վահագն Մարգարյանի հիշատակին հուշ երեկո է կազմակերպելու

Արտակ Զեյնալյանը խորհրդակցություն է անցկացրել Քրեակատարողական ծառայության ղեկավարների հետ

Թաեքվոնդոյի ֆեդերացիայում հնարավոր իրավախախտումների վերաբերյալ քրգործ է հարուցվել. Խաչիկյան

Հնարավոր է ԳԹԿ-ն շտեմարաններ տպագրի. պահանջարկը մեծ է