ՀՀ դիպկորպուսի պերճանքն ու...

15/07/2011 schedule13:06

Այս ընթացքում ՀՀ արտգործնախարար Էդվարդ Նալբանդյանը հասցրեց հօդս ցնդեցնել իր անձի շուրջ ստեղծված այն միֆը, թե նա մեծ դիվանագետ է: Խնդիրը, սակայն, միայն Նալբանդյանը չէ: Վերջին տարիներին ՀՀ դիպկորպուսը համալրվում է անձանցով, ովքեր դիվանագիտության հետ որեւէ կապ չունեն: Ովքե՞ր են մեր դեսպանները, ինչո՞վ են նրանք իրականում զբաղված այլ երկրներում, ինչո՞ւ է Սերժ Սարգսյանը հենց նրանց նախընտրում:

Մուրադ Մուրադյան (ԲԱՄՕ-ի Մուրադ) - Հայտնի այս շինարարին Սերժ Սարգսյանն անցյալ տարվա աշնանը նշանակեց Իրաքում Հայաստանի արտակարգ եւ լիազոր դեսպան:  Ծնվել է Գեղարքունիքի մարզի Ծովինար գյուղում, ավարտել գյուղատնտեսական ինստիտուտը, այնուհետեւ Ռուսաստանում հիմնադրել ԲԱՄՕ ընկերությունը եւ սկսել շինարարական գործունեություն ծավալել ՌԴ-ում: Ինչո՞ւ Սերժ Սարգսյանը ԲԱՄՕ-ի Մուրադին արտակարգ եւ լիազոր դեսպանի կոչում շնորհեց եւ ուղարկեց Իրաք, ի՞նչ է անում այս անձը այնտեղ:

Անդրանիկ Մանուկյան (Սերվիսի Անդո), Ուկրաինայում ՀՀ արտակարգ եւ լիազոր դեսպան -  Ծնվել է Հրազդանի Աղավնաձոր գյուղում, ավարտել է ժողտնտեսության ինստիտուտը, այնուհետեւ Սանկտ Պետերբուրգի ֆինանսա-տնտեսագիտական ինստիտուտը: Աշխատել է Հրազդանի ցեմենտի գործարանում` որպես բանվոր, ՀՀԿ Երեւանի քաղաքային կոմիտեում` հրահանգիչ, «Հայավտովազ» տեխսպասարկում առեւտրաարդյունաբերական ֆիրմայում` գլխավոր տնօրեն: Այնուհետեւ դարձել է ԱԺ պատգամավոր, կառավարության աշխատակազմի ղեկավար-նախարար, պետեկամուտների նախարար, տրանսպորտի եւ կապի նախարար, Սերժ Սարգսյանի խորհրդական: Այդ ընթացքում Անդրանիկ Մանուկյանը հասցրեց Երեւանում կառուցել «Մետրոպոլ» հյուրանոցը, «Մետրոպոլի» հետեւի շենքը, որտեղ այժմ տեղակայված «Վիվասելը» եւ այլն: Մի խոսքով, Մանուկյանը եւս ակտիվորեն զբաղված էր շինարարական բիզնեսով:

Օլեգ Եսայան (ԼՂՀ ԱԺ նախկին նախագահ), ՌԴ-ում ՀՀ արտակարգ եւ լիազոր դեսպան - Ծնվել է ԼՂՀ Մարտունու շրջանի Սոս գյուղում, ավարտել է ԵՊՀ տնտեսագիտական ֆակուլտետը, աշխատել ԼՂՀ Մարտունու շրջանի գործադիր կոմիտեում, եղել է ԼՂՀ երկրորդ եւ երրորդ գումարման ԱԺ նախագահը, հետագայում նշանակվել ՀՀ արժեթղթերի պետական հանձնաժողովի նախագահ: Սրանից հետո` 2006-ի հունիսից սկսվեց Օլեգ Եսայանի դիվանագիտական կարիերան. նա, նախ, Ռոբերտ Քոչարյանի կողմից նշանակվեց Բելառուսում ՀՀ արտակարգ եւ լիազոր դեսպան, իսկ արդեն 2010-ի հունվարին Սերժ Սարգսյանը նրան նշանակեց ՌԴ-ում ՀՀ արտակարգ եւ լիազոր դեսպան:        

Հովհաննես Մանուկյան, Վրաստանում ՀՀ արտակարգ եւ լիազոր դեսպան - Ծնվել է Գյումրիում, ավարտել ԵՊՀ իրավաբանական ֆակուլտետը, աշխատել ՀՀ ԳԽ քարտուղարի օգնական, եղել է ԿԸՀ անդամ, դատավոր,  ՀՀ տնտեսական գործերով վերաքննիչ դատարանի նախագահ, ՀՀ վճռաբեկ դատարանի նախագահ: Նրա կենսագրության մեջ նշվում է, որ նաեւ լավ խոհարար է, համով ուտեստներ է պատրաստում:

Վլադիմիր Բադալյան (ԱԺ պատգամավոր Աշոտ Աղաբաբյանի` Բուռնաշի եւ Սերժ Սարգսյանի աշխատակազմի ղեկավար Կարեն Կարապետյանի մտերիմն է), Թուրքմենստանում ՀՀ արտակարգ եւ լիազոր դեսպան - Ծնվել է Երեւանում, ավարտել պոլիտեխնիկական ինստիտուտը, մասնագիտությամբ ճարտարագետ-հարստացնող է: Աշխատել է Ղազախստանի լեռնամետալուրգիական գործարան-գիտաարտադրական միավորումում վարպետ, ճարտարագետ, «Հրազդան» մարզահամալիրի տնօրեն: Նա ավելի շատ հայտնի էր որպես «Հրազդան» «յառմրկայի» տնօրեն: Այնուհետեւ դարձել է ԱԺ պատգամավոր, ՀՀԿ անդամ է: Նրան եւս արտակարգ եւ լիազոր դեսպանի կոչում է շնորհել Սերժ Սարգսյանը:

Արմեն Խաչատրյան (ԱԺ նախկին նախագահ), Բելառուսում ՀՀ արտակարգ եւ լիազոր դեսպան - Ծնվել է Երեւանում, ավարտել Խ. Աբովյանի անվան մանկավարժական ինստիտուտի բանասիրական ֆակուլտետը: Աշխատել է Ձորաղբյուրի միջնակարգ դպրոցում որպես հայոց լեզվի եւ գրականության ուսուցիչ, ՀՀԿ Շահումյանի շրջկոմի հրահանգիչ, Երեւանի թիվ 191 դպրոցի տնօրեն, հոր հետ հիմնադրել է «Հրաչյա Աճառյան» համալսարանը եւ դարձել սույն բուհի պրոռեկտոր, այնուհետեւ ԱԺ պատգամավոր եւ ԱԺ նախագահ: Խիստ ուշագրավ մի դետալ եւս. Խաչատրյանի կենսագրական տվյալների մեջ նշված է, որ նրա կենսագրական տվյալները զետեղված են «Նշանավոր մարդիկ» համաշխարհային հանրագիտարանում, եւ նա ԱՄՆ կենսագրական ինստիտուտի կողմից ճանաչվել է «Տարվա մարդ»: Արմեն Խաչատրյանին արտակարգ եւ լիազոր դեսպանի կոչում շնորհեց Ռոբերտ Քոչարյանը` նշանակելով Ուկրաինայում ՀՀ դեսպան, այնուհետեւ Սերժ Սարգսյանը Խաչատրյանին ուղարկեց Բելառուս` փոխարենը նշանակելով Անդրանիկ Մանուկյանին:

Հ.Գ. ՀՀ-ում Մեծ Բրիտանիայի եւ Հյուսիսային Իռլանդիայի թագավորության դեսպան Չարլզ Լոնսդեյլը 20-ամյա դիվանագիտական փորձ ունի եւ տիրապետում է 4 լեզուների: ՀՀ-ում Գերմանիայի Դաշնային Հանրապետության  դեսպան Հանրս-Յոխեն Շմիդթը գրեթե 30-ամյա դիվանագիտական փորձ ունի: ՀՀ-ում Լեհաստանի դեսպան Զդիսլավ Ռաչինսկին ավելի քան տասնամյա դիվանագիտական փորձ ունի: ՀՀ-ում Հունաստանի դեսպան Իոաննիս Կորինթիոսը 35-ամյա դիվանագիտական փորձ ունի: Նրանք բոլորը անցել են լուրջ դիվանագիտական դպրոց, մասնագիտությամբ դիվանագետ են, տիրապետում են մի քանի լեզուների:

Տպել
773 դիտում

Լենա Նազարյանը Facebook սոցիալական ցանցում հրապարակել է «Իմ քայլը» դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից

ԱՄՆ-ն տրամադրում է 8 մլն դոլար՝ ընտրություններում ՀՀ կառավարությանն օժանդակելու համար

Հենրիխ Մխիթարյանի հարսանիքի օրը դեռ որոշված չէ. նշել է նրա մայրը

Ծաղկաձորում կազմակերպվում է եռօրյա միջոցառում՝ հայերեն Վիքիպեդիայում բժշկական հոդվածների ստեղծման համար

ՀՀԿ-ն ներկայացրել է ռեյտինգային ընտրակարգով առաջադրված թեկնածուներին

ԱԱ չեմպիոն Ֆրանսիան, փոխչեմպիոն Խորվաթիան չհաղթեցին Ազգերի լիգայի իրենց խմբերում

Քննարկվում է 500 մլն դոլարի ներդրման ծրագիր, կառուցվելու է մի քանի գործարան. Նիկոլ Փաշինյան

Մեր բանակի համար առավել օգտակար կլինեն ուղղաթիռները. ռազմական փորձագետ

Հերմինե Նաղդալյանի ամուսինը անսահման անշարժ գույք ունի

Աստված մի արասցե՝ ընտրակաշառք բաժանելու փորձ արվի եւ ես իմանամ ոչ թե իրավապահներից, այլ՝ մամուլից. վարչապետ

Վայոց ձորի կադաստրի մարզային ստորաբաժանման աշխատակիցները դիմում են վարչապետ Փաշինյանին

Ապահովել որակ եւ արագացնել կառուցապատման տեմպերը. Արշակյանն այցելել է Թալին-Լանջիկ ճանապարհահատված

Կոռուպցիան՝ բուժհաստատություններում. պետությանն ավելի քան 500 մլն դրամի վնաս է հասցվել. հարուցվել է 41 քրեական գործ