Երևան
21 °C
Դրանց տարածքները դրվել
են այս
կամ այն
բիզնես նախագծի
տակ` ջնջելով
պատմության հետքը:
Կառուցապատող ընկերությունները որոշ
դեպքերում ունեն
հուշարձանի քարերը
պահպանելու եւ
շենքը տեղափոխելու
պայմանագիր, սակայն
կամ քանդել
են շենքը,
կամ քարերը
տեղափոխել` հետագայում
կորցնելով դրանց
հետքը:
«Պետական կարիքների զոհեր» ՀԿ նախագահ Սեդրակ Բաղդասարյանը մեզ է ներկայացրել հարուստ նյութեր` Հին Երեւանի ոչնչացման վերաբերյալ: Իսկ ոչնչացված կամ այլանդակված շենքերը շատ են: «Գեներալ-գուբերնատորի տունը, որտեղ հետագայում աշխատել է նաեւ Առաջին հանրապետության կառավարությունը, այսօր դարձել է «Տաշիր պիցցա» (Հանրապետության փողոցում - Գ. Ա: Այստեղ աշխատել են Հովհաննես Քաջազնունին, Սիմոն Վրացյանը, Սարգիս Կասյանը եւ այլ ականավոր գործիչներ: Կաբինետը, որտեղ նստել են Կասյանը, Քաջազնունին, այսօր դարձել է խոհանոց: Մենք ջնջում ենք մեր պատմությունը: Վերջերս 150 հազար դոլար տվեցին մի երգչուհու, չգիտես ինչի համար: Այդ գումարով կարելի էր պատմամշակութային հուշարձան վերանորոգել»,-մեզ հետ զրույցում պատմում է Բաղդասարյանը եւ ներկայացնում այլ պատմություններ:
Ըստ Սեդրակ Բաղդասարյանի, պատմամշակութային հուշարձանների ոչնչացումը սկսվեց 2000թ.-ից, երբ սկսվեց Հյուսիսային պողոտայի կառուցման գործընթացը: Չնայած 2004թ. հրապարակվեց կառավարության 1616-Ն որոշումը` Երեւանի պատմության եւ մշակույթի անշարժ հուշարձանների ցանկը հաստատելու մասին, բայց դա էլ չփրկեց հուշարձանները:
Թումանյան 23 հասցեում էր գտնվում հայտնի գինեգործ Սողոմոնյանի տունը (1890-ական թթ.), որի նկուղային հարկում գործում էր գինու արտադրամաս: Սողոմոնյանը արտադրել է նաեւ կոնյակ, որը 1893 թ.-ին Չիկագոյում ոսկե մեդալ է շահել: 1990-ականներին այս տունը դարձավ ՀՀԿ-ի գրասենյակը, որն ավելի ուշ տեղափոխվեց Մելիք-Ադամյան փողոց եւ մինչ օրս կուսակցության գրասենյակն է: Շենքին հատկացված տարածքն այնքան փոքր ու նեղ էր, որ շենքը ձեւափոխվեց, ռուսերեն «թ» տառի ձեւ ընդունեց: 1,5 հարկանի կառույցը դարձավ եռահարկ, դադարելով հուշարձան լինելուց:
Պատմության եւ մշակույթի անշարժ հուշարձանների ու պատմական միջավայրի պահպանության եւ օգտագործման մասին օրենքի համաձայն, հուշարձանը կարելի է տեղափոխել միայն բացառիկ դեպքերում: Իսկ «Եվրոպայի ճարտարապետական ժառանգության պաշտպանության մասին» միջազգային կոնվենցիան, որը վավերացրել է նաեւ Հայաստանը, հուշարձանի տեղափոխումը թույլատրում է միայն այն դեպքում, եթե դրան փլուզում է սպառնում, ասենք` սողանքից կամ այլ աղետից: Կոնվենցիայի հոդված 4-ը արգելում է քանդել հուշարձանները: Հայաստանն այսպիսով խախտում է միջազգային կոնվենցիայի դրույթները: Ի դեպ, Հայաստանը սույն կոնվենցիան վավերացրել է դեռեւս 5 տարի առաջ` 2008թ.-ին, սակայն մինչ օրս ազգային օրենսդրությունը սրան չի համապատասխանեցնում:
Արամ Մանուկյանի տունը` Արամի 9 հասցեում, «Գլենդել հիլզ» ընկերության կողմից քանդվել է: Ոչնչացված են միջնապատերն ու տանիքը, իսկ երեսապատը, որն իբր պետք է ընկերության պահպանության տակ լիներ, ձյան ու անձրեւի տակ է:
Աֆրիկյանները Երեւանում ունեցել են 4 տուն, որոնցից 1-ը քանդված է, երկրորդն էլ քանդելու ընթացքի մեջ է: Կանգուն է միայն ֆասադային մասը, քարերը համարակալվել են տեղափոխելու համար: Շենքը Տերյան 11-13 հասցեներում է եւ Երեւանի միակ արձանիկներով շենքն է: Տերյան 11-13 հասցեն 2005թ. Երվանդ Զախարյանը ճանաչել է որպես Գլխավոր պողոտայի տարածք եւ տվել «Դվին Հոլդինգ»-ին, որը պետք է այդտեղ կառուցապատման ներդրումային աշխատանքներ իրականացներ` բիզնես ծրագիր: 2010թ. տարածքի սեփականատեր է ճանաչվում «Միլենիում Կոնստրակշենը», որի հիմնադիրներից մեկը նույն «Դվին Հոլդինգն» է:
Արամի փողոցում էին գտնվում մեծահարուստ Թադեւոսյան եղբայրների 4 տները (19-րդ դարի վերջ): Շենքերից երկուսը քանդվել են: 2,5 հարկանի շենքի (Արամի 36) տարածքում, որտեղ 1915թ.-ից եղել է Թադեւոսյանների երշիկի գործարանը: Այս տանն է ապրել Լուսավորության ժողկոմ Ա. Մռավյանը: Հիմա այդ տարածքը վերածվել է աղբանոցի: Այստեղ կառուցապատման իրավունք էր ձեռք բերել Ռուսաստանի հայերի միության նախագահ Արա Աբրահամյանը, ով նախ շենքերից մեկի ետնամասը քանդեց, կառույցը դարձնելով վթարային: Հետո էլ դիմելով Մշակույթի նախարարությանը, թե` թույլ տվեք քանդեմ, տեղափոխեմ, քարերը տարել է անհայտ ուղղությամբ: «Ես չեմ բացառում, որ Աբրահամյանը քարերը տարել է Մալիշկայում իր համար տուն է սարքել»,-պատմում է Ս. Բաղդասարյանը: Արամի 38 հասցեում ապրել է Ստեփան Շահումյանը: Այս տունը նույնպես քանդել է ՌՀՄ նախագահը:
Նալբանդյան 20ա եւ 20բ հասցեներում (այժմ` Վազգեն Սարգսյան փ.) տեղակայված էին Ջանփոլադյանի թատրոնը եւ Գիլանյանի տունը: Ջանփոլադյանի թատրոնում (1842թ.)` նաեւ հայտնի որպես Սպայի տուն, եղել են նաեւ որմնանկարներ` նույնպես պետության կողմից պահպանվող: 1913թ. այս թատրոնում է տեղի ունեցել «Անուշ» օպերայի երեւանյան պրեմիերան: 1923թ. շենքն ազգայնացվել է եւ որպես ակումբ տրվել կարմիրգվարդիականներին: Մինչեւ 2005-2006թթ. այն եղել է Սպայի տուն: Գիլանյանի տանն (1909-1911թթ.) արտադրվում էր հանքային ջուր եւ լիմոնադ, որը Կառլովի Վարիում ոսկե մեդալ է ստացել: Տունն ունեցել է ամառային տնակներ, որոնցից մեկում 6 տարի ապրել է Խաչատուր Աբովյանը: Գրողի կենսագրության այն հատվածը, որ «նա դուրս է եկել տնից եւ այլեւս չի վերադարձել», վերաբերում է հենց այս հասցեին: Մինչ օրս այս շինություններն ու եւս 6 հուշարձան ընդգրկված են կառավարության կողմից հաստատված ցանկի մեջ եւ իբր դեռ պահպանվում են պետության կողմից, այնինչ, իրականում քանդվել են 2005-06 թթ: Սպայի տան երեսքարերը, ինչպես նաեւ որմնանկարները չեն պահպանվել: Ի դեպ, թատրոնի շենքը գտնվում էր ՊՆ-ի բալանսում եւ քանդվել է Սերժ Սարգսյանի` նախարար եղած տարիներին, այսինքն` նրա գիտությամբ: Հուշարձանի քանդման վերաբերյալ վերջերս մի առիթով Սերժ Սարգսյանն ասել է. «Ինչ է, էդ քոլիկը ես պետք է պահեի՞»:
Բաղդասարյանը Գլխավոր դատախազության կայքից վերբեռնել է մի տեղեկանք, որտեղ դատախազության պետական շահերի վարչությունը հաստատել էր, որ ապօրինի քանդվել են թվով 29 պատմամշակութային հուշարձաններ, որոնցից ոչ մեկը չի վերականգնվել նոր տեղում: Հետագայում փաստաթուղթը սրբագրվել է: Այնտեղից հանված է նաեւ Սպայի տան մասին տեղեկությունը: Դատախազությունը տեղեկանքով ներկայացրել է փաստ, առանց որեւէ քայլ ձեռնարկելու: Նորմալ երկրում սա կդիտվեր որպես սկանդալ, փաստաթուղթը կներկայացվեր հանրության լայն շրջանակներին: Մեզ մոտ այն սուսուփուս տեղադրվել է կայքում:
Երեկ փորձեցինք տեղեկանալ այս եւ այլ շենքերի երեսաքարերի պահպանման վիճակի մասին: Դրանք պահպանելու պատասխանատվություն ստանձնած ընկերություններին նաեւ խնդրեցինք քարերը լուսանկարելու հնարավորություն տալ: Արա Աբրահամյանին պատկանող «Սոգլասիե-Արմենիա» ընկերությունում խոստացան մեր հարցին օրվա ընթացքում պատասխանել, բայց չպատասխանեցին: «Ռենկո Ս.Պ.Ա.» ընկերությունից հայտնեցին, որ այդ հարցով զբաղվում է տեխնիկական տնօրենը, որն այս օրերին գտնվում է Իտալիայում: Ընկերության ճարտարապետն էլ հարցին անտեղյակ էր: Արամի 74 շենքը քանդած «Գապբնակշին» ընկերության հետքերը կորել են: Ընկերության տնօրեն Գագիկ Պապոյանը խարդախության մեղադրանքով ձերբակալված է: Իսկ Բուզանդի 4 եւ 9 հասցեի պահպանությամբ «զբաղվող» «Գլենդել Հիլզի» հեռախոսներին մոտեցող չեղավ:
Կառավարության 2004թ. որոշման
մեջ նշված
է 14 հուշարձան,
որոնք դեռ
պիտի «տեղափոխվեն»,
որոնցից 5-ն
արդեն ուղղակի
քանդվել է:
«Պետական կարիքների
զոհեր» ՀԿ
նախագահ Սեդրակ
Բաղդասարյանի պնդմամբ,
շնորհիվ գաղջ
կառավարման, մենք
այսօր տոնում
ենք ոչ
թե Էրեբունի-Երեւանի տոնը,
այլ` Երեւան
սիթիի:
Գագիկ Աղբալյան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
«Դինամո»-ում «Թաեքվոնդոյի» մարզիչը հայհոյել է ֆեդերացիայի նախագահին, ապա՝ ծեծի ենթարկել
Հայաստանն ու Չինաստանը համագործակցում են միջազգային հարթակներում. Հակոբ Արշակյան
Վենետիկի արվեստի միջազգային 60-րդ բիենալեին Հայաստանը կներկայանա պաշտոնական տաղավարով
16-ամյա տղան դանակահարել է 43-ամյա ոչ սթափ տղամարդուն. ձերբակալելիս պատանու մոտ թմրամիջոց է հայտնաբերվել
Ադրբեջանն էթնիկ զտումներ է իրականացրել Լեռնային Ղարաբաղի հայերի նկատմամբ․ Ջուդի Չու
ԼՂ-ում տեղակայված ռուս-թուրքական համատեղ մշտադիտարկման կենտրոնն ավարտում է իր գործունեությունը
ՔԿ զինվորական քննչական գլխավոր վարչության չորրորդ կայազորային բաժինը նոր ղեկավար ունի
Հայ ժողովուրդը կրկին ոտքի կկանգնի, ինչպես դա արեց Ցեղասպանությունից հետո․ ԱՄՆ կոնգրեսական
© 2024 Հայկական ժամանակ