Ես դեռ բուհում անելիքներ ունեմ. քաղաքապետը չի պատրաստվում թողնել ՃՇՀԱՀ-ն

02/11/2014 schedule11:19

Երեկ՝ ժամը 11-ի սահմաններում, Ճարտարապետության եւ շինարարության Հայաստանի ազգային համալսարանի (ՃՇՀԱՀ) բակից արդեն պարզ էր՝ բուհում սովորական օր չէ: «Կամ ներս մտեք, կամ իջեք ներքեւ», «Տղանե՛ր, արագ»,- հրահանգում էր համալսարանի աշխատակցուհին բոլոր նրանց, ովքեր հայտնվում էին մուտքի աստիճանահարթակին:

Քիչ այն կողմ՝ խմբված էին կոստյումով պաշտոնյաներ՝ դիմավորելու Երեւանի քաղաքապետ Տարոն Մարգարյանին: Նա չուշացավ, եւ րոպեներ անց՝ մեկնարկեց ՃՇՀԱՀ խորհրդի նիստը, որի ժամանակ պետք է բուհի ռեկտոր ընտրվեր: Տարոն Մարգարյանը, ով էլ վարում էր երեկվա նիստը, ինչպես հայտնի է, այդ խորհրդի նախագահն է: Այստեղ նույնպես, ինչպես վերջին մի քանի տարիներին, հանրապետության, համենայնդեպս՝ բոլոր խոշոր բուհերի դեպքում, ձեռագիրը նույնն էր՝ թեկնածուն մեկն էր եւ նա մրցույթից մի որոշ ժամանակ առաջ նշանակվել էր բուհի ռեկտորի պաշտոնակատար: Խոսքը վերաբերում է Շինարարների միության նախագահ, տեխնիկական գիտությունների դոկտոր, պրոֆեսոր Գագիկ Գալստյանին: Խորհրդի նախագահ Տարոն Մարգարյանը հայտարարեց՝ նիստի օրակարգում ռեկտորի ընտրությունն է եւ ընթացիկ հարցեր: Ընտրությունը կատարվեց, ընթացիկ հարցերին անդրադարձ չեղավ: «Անցավ միաձայն», «անցավ միաձայն» պարբերաբար կրկնում էր նիստը վարողը, որովհետեւ կանոնակարգային բոլոր հարցերը, որոնք դրվում էին քվեարկության, որեւէ անհամաձայնության չէին հանդիպում: Խորհրդի 32 անդամներից ներկա էին 30-ը: Բոլորն էլ մասնակցել էին քվեարկությանը եւ դարձյալ միաձայն ընտրել Գագիկ Գալստյանին:

Բուհի՝ նիստին ներկա գտնված որոշ աշխատակիցներ վստահեցնում էին, թե այն, որ Ճարտարապետաշինարարական համալսարանի ռեկտորի թեկնածուն մեկն է, ճիշտ չէ համեմատել այլ բուհերում արձանագրված նմանատիպ իրավիճակների հետ, որովհետեւ այս դեպքում Գագիկ Գալստյանն ունի անվիճելի հեղինակություն, բարձր պրոֆեսիոնալիզմ եւ հարուստ կենսագրություն, ու հետեւաբար՝ նրա հետ մրցակցության մեջ մտնելը պարզապես կլիներ անիմաստ: Ընդգծվում էր, որ վերջին ամիսներին, ինչ Գալստյանը եղել է ռեկտորի ժամանակավոր պաշտոնակատար, բուհում էական առաջընթաց է գրանցվել. պրոֆեսորադասախոսական կազմի աշխատավարձը բարձրացել է 20 տոկոսով, բարեկարգվել է համալսարանի պուրակը՝ ներդրվել է ոռոգման կաթիլային համակարգ, տեղադրվել են նստարաններ: Վերանորոգվել են համալսարանի մի շարք միջանցքներ, լսարաններ եւ ՃՇՀԱՀ-ի՝ Մանուկ Աբեղյանի անվան ավագ դպրոցի մարզադահլիճը: Ու ստացվում է, որ այս ամենը հաշվի առնելով էլ՝ չի գտնվել մեկը, որն իրեն ավելի արժանի կհամարեր ռեկտորի պաշտոնը զբաղեցնելու համար:

Ճարտարապետության եւ շինարարության Հայաստանի ազգային համալսարանի խորհրդի նիստի ավարտից հետո քաղաքապետ Տարոն Մարգարյանից հետաքրքրվեցինք, թե չի՞ պատրաստվում հրաժարվել այս բուհի խորհրդի նախագահի պաշտոնից: Օրինակ, որ ՀՀ վարչապետ Հովիկ Աբրահամյանը մտադիր է թողնել Հայաստանի պետական տնտեսագիտական համալսարանի խորհրդի նախագահությունը՝ արդեն իսկ պաշտոնական հաստատում է ստացել: Ստորեւ ներկայացնում ենք Մարգարյանի պատասխանն ու մեր հետագա զրույցը.

- Ուրեմն, ես նաեւ խորհրդի կողմից եմ ընտրվել, եւ այսօր մենք ընտրեցինք մեր նորընտիր ռեկտորին, եւ համոզված եմ՝ մեր համագործակցությունը ավելի ակտիվ եւ ավելի շարունակական է լինելու:

- Այսինքն՝ չե՞ք պատրաստվում հրաժարվել:

- Բայց ինչի՞ համար պետք է հրաժարվեմ: Ես գտնում եմ, որ դեռ անելիքներ ունեմ այս բուհում: Երբ որ անելիքներ չունենամ, այդ ժամանակ կմտածեմ:

- Հովիկ Աբրահամյանի դեպքում հրաժարվելու պատճառաբանությունը զբաղվածությունն է, բայց միջազգային կազմակերպություններն իրենց զեկույցներում  համարում են, որ պետական պաշտոնատար անձանց ներկայացվածությունը խորհրդում ճնշում է բուհի ինքնավարությունը: Դուք համամի՞տ չեք, որ ձեր ներկայությունը դա է անում:

- Ես առաջին անգամ եմ լսում նման բան ձեզանից, բայց ես էլի եմ կրկնում՝ ես դեռ բուհում եւ խորհրդի կազմում անելիքներ ունեմ: Երբ որ ավարտեմ, այդ ժամանակ կմտածեմ:

- Իսկ միաձայն քվեարկություններին ո՞նց եք վերաբերվում:

- Եթե բոլորը թեկնածուին հարգում են՝ միանշանակ դրական:

Տպել
646 դիտում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը

Մշակույթի նախարարությունը Վահագն Մարգարյանի հիշատակին հուշ երեկո է կազմակերպելու

Արտակ Զեյնալյանը խորհրդակցություն է անցկացրել Քրեակատարողական ծառայության ղեկավարների հետ

Թաեքվոնդոյի ֆեդերացիայում հնարավոր իրավախախտումների վերաբերյալ քրգործ է հարուցվել. Խաչիկյան

Հնարավոր է ԳԹԿ-ն շտեմարաններ տպագրի. պահանջարկը մեծ է