20 միլիոն եվրո՝ Հենրիխ Մխիթարյանին Թուրինի «Յուվենտուս» տանելու համար

13/01/2015 schedule18:40

2015 թվականի առաջին օրերից հայկական մարզաշխարհը փոթորկվում է Հենրիխ Մխիթարյանի մասին լուրերով. մեր ազգային հավաքականի ֆուտբոլիստի ծառայություններով լրջորեն հետաքրքրված է Իտալիայի ուժեղագույն ակումբը՝ գործող չեմպիոն Թուրինի «Յուվենթուսը»:

Հունվարի 5-ին իտալական «Tuttosport» պարբերականը, որը մշտապես առանձնանում է «Յուվենտուսի» նկատմամբ ունեցած համակրանքով, գրեց հետեւյալը. ««Յուվեյի» ղեկավարությունը ֆուտբոլային հայտնի գործակալ Մինո Ռայոլայի հետ միասին լրջորեն ուսումնասիրում է տրանսֆերային շուկան. մեր թիմին անհրաժեշտ է հարձակվողական ոճի կիսապաշտպան: Հիմնական նպատակը թուրքական «Գալաթասարայի» հոլանդացի կիսապաշտպան Ուեսլի Սնեյդերն է, իսկ որպես ալտերնատիվ տարբերակ քննարկվում է Դորտմունդի «Բորուսիայի» հայ ֆուտբոլիստ Հենրիխ Մխիթարյանը»: Հետագա օրերին պարզ դարձավ, որ «Գալաթասարայը» հրաժարվել է բաց թողել Սնեյդերին ու թուրինյան ակումբի տրանսֆերային հիմնական թիրախը դարձել է Մխիթարյանը: «Չեմ ժխտի, որ Մխիթարյանը մեր տրանսֆերային հետաքրքրությունների շարքում է: Նա լիովին համապատասխանում է մեր խաղաոճին»,- օրեր առաջ հայտարարել է «Յուվենտուսի» մարզական տնօրեն Ջուզեպե Մարոտան, իսկ ակումբի գլխավոր մարզիչ Մասիմիլիանո Ալեգրին էլ ավելացրել է, թե առայժմ հայտնի չէ՝ կհամաձայնվի՞ արդյոք «Բորուսիան» բաց թողել Մխիթարյանին: Ըստ լուրերի, իտալական ակումբը պատրաստ է 20 միլիոն եվրո վճարել հայ ֆուտբոլիստի համար: Հիշեցնեմ նաեւ, որ «Յուվենտուսի» հետ աշխատող Մինո Ռայոլան Մխիթարյանի գործակալն է: «Յուվենտուսում» է հանդես գալիս նաեւ Ռայոլայի մեկ այլ ֆուտբոլիստ՝ աշխարհի լավագույն կիսապաշտպաններից, ֆրանսիացի Պոլ Պոգբան, ում տրանսֆերային արժեքը ներկայումս գնահատվում է 72 միլիոն եվրո:

Հնարավո՞ր է արդյոք Հենրիխ Մխիթարյանի տեղափոխությունը «Բորուսիայից» «Յուվենտուս»՝ բնականաբար այո. ցանկացած ֆուտբոլիստի կարիերայում նման տեղափոխությունները սովորական են: Դեռ 2012 թվականին, երբ Մխիթարյանը հանդես էր գալիս Դոնեցկի «Շախտյորում», Չեմպիոնների լիգայի մրցաշարում «Յուվենտուսի» հետ խաղից հետո իտալական «La Stampa» պարբերականին տված հարցազրույցում այն հարցին, թե ցանկանո՞ւմ է տեղափոխվել «Յուվենտուս», Մխիթարյանը պատասխանել էր. «Հնարավոր է դա մի օր իրականություն դառնա: Այս թիմում խաղացել է իմ ֆուտբոլային կուռքը՝ Զինեդին Զիդանը»: Բայց հիշենք նաեւ մի քանի պատճառներ, որոնք ուղղակի բացառում են Մխիթարյանի տեղափոխությունը «Յուվենտուս» առնվազն այս ձմեռային տրանսֆերային պատուհանի ընթացքում: Նախ եւ առաջ՝ Չեմպիոնների լիգայի ընթացող մրցաշարի 1/8 եզրափակիչում «Բորուսիան» մրցելու է հենց «Յուվենտուսի» հետ: Լիգայի կանոնակարգի համաձայն էլ, ֆուտբոլիստը նույն մրցաշրջանում չի կարող հանդես գալ 2 թիմերի կազմում: Սա նշանակում է, որ եթե Հենոն տեղափոխվի «Յուվենտուս», ապա չի կարող մասնակցել ակումբային ամենահեղինակավոր՝ Չեմպիոնների լիգայի մրցաշարին: Միեւնույն ժամանակ, դժվար է պատկերացնել ու հասկանալ, թե ինչպես կարող է լրջագույն նպատակներ ունեցող թիմը մրցաշրջանի կեսին հրաժարվել իր լավագույն, համակարգաստեղծ ֆուտբոլիստներից մեկից: Առավել եւս, որ «Բորուսիան» աննախադեպ ուշադրության է արժանացնում Մխիթարյանին, ինչին ականատես եղանք անցյալ տարեվերջին, երբ Մխիթարյանը ժամանեց Երեւան: 2014 թվականի վերջերին հայ ֆուտբոլիստը մկանային վնասվածք ստացավ. համաձայն բժիշկների եզրակացությունների, Մխիթարյանի վերադարձը խաղադաշտ կանխատեսվում է հունվարի վերջերին: Ու ահա՝ հայ ֆուտբոլիստի ապաքինումը արագացնելու համար «Բորուսիան» հատուկ բժիշկ-ֆիզիոթերապեւտ է կցել Մխիթարյանին, ով նախ Հենոյին ուղեկցեց Դուբայ, որտեղ հայ ֆուտբոլիստը անցկացրեց իր հանգիստը, ապա Երեւան՝ Հայաստանի ֆուտբոլի ֆեդերացիայի ավանդական արարողությանը մասնակցելու ու Ամանորն անցկացնելու համար: «Բորուսիայի» բժիշկ-ֆիզիոթերապեւտը ամենուր հետեւում էր Հենոյին, ներկա էր անգամ ՀՖՖ-ի միջոցառմանը, որի ընթացքում, ի դեպ, Մխիթարյանը 5-րդ անգամ կարիերայի ընթացքում ճանաչվեց Հայաստանի լավագույն ֆուտբոլիստ: Ոչ լավագույն մրցաշրջանն անցկացնող «Բորուսիան» ու ոչ լավագույն ֆուտբոլային տարին անցկացրած Մխիթարյանը առայժմ շատ են հարկավոր իրար, ու ընթացող ձմեռային տրանսֆերային պատուհանի ընթացքում Հենոյի տեղափոխությունը «Յուվենտուս» անհավանական իրադարձությունների շարքից է: Առավել եւս անհայտ է, թե արդյո՞ք տեղափոխության դեպքում Մխիթարյանը տեղ կունենա թիմի հիմնական կազմում. այստեղ դեռ խաղում է համաշխարհային ֆուտբոլի ուժեղագույն կիսապաշտպաններից մեկը՝ Անդրեա Պիրլոն: Իսկ հայտնի է, որ Մխիթարյանի համար առաջնայինը ֆուտբոլն է, իր տեղը հիմնական կազմում: Այնպես որ, փոխարինողի, պահեստայինի նստարանը Մխիթարյանի համար չէ: Միգուցե այս տրանսֆերը կայանա ամռանը:    

Ներկայումս Հենրիխ Մխիթարյանը Դորտմունդի «Բորուսիայի» հետ ուսումնամարզական հավաքի է Իսպանիայի Լա Մանգա քաղաքում: Հայ ֆուտբոլիստը արդեն սկսել է մարզվել, ու բժիշկներն արձանագրել են, որ ապաքինումը արագ է ընթանում: 

Տպել
1333 դիտում

Մոսկվայում շինարարության աշխղեկ հայն ընկել է 3 մետր բարձրությունից և մահացել հիվանդանոցում

Ուզում էր գնալ ընտանիքի մոտ. «Շերեմետևոյում» մահացած հայի ազգականը պատմել է նրա մասին

Զոհրաբ Մնացականյանը հանդիպել է Ստրասբուրգի Հայ համայնքի և ԵԽ հայազգի պաշտոնյաների հետ

Նիկոլ Փաշինյանն այցելել է PicsArt ընկերության հայաստանյան գրասենյակ (լուսանկարներ)

Ուզում ենք անել անհնարինը, որովհետև անհնարինն է մեզ համար հնարավոր դառնալու. Փաշինյանը՝ Աշտարակում և Ապարանում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)