Խոսում է եւ ցուցադրում է ՕԵԿ-ը

07/05/2015 schedule18:20

Արդեն մի քանի քառօրյա է, ԱԺ «Օրինաց երկիր» խմբակցությունը աննախադեպ ակտիվություն է ցուցաբերում:

Յուրաքանչյուր հարցի քննարկման ժամանակ ՕԵԿ-ն իր բոլոր 5 պատգամավորներով պարտաճանաչ նստած է լինում դահլիճում, բոլոր հինգով հերթագրվում հարցեր տալու, այնուհետեւ, ելույթներ ունենալու համար, վերջում մի ելույթ էլ ունենում են խմբակցության անունից: Խոսափողներից շարունակ լսվում է ՕԵԿ-ականների ձայնը. խոսում են ոչ միայն քննարկվող հարցերից, այլ նաեւ ընթացքում «պատմական էքսկուրսներ» անում, վերլուծում, խոսում, խոսում, խոսում... Խորհրդարանի աշխատանքները լուսաբանող լրագրողները հուսահատ ընկնում են աթոռներին, այլ խմբակցությունների պատգամավորներն էլ արդեն սկսում են նյարդային նշաններ ցույց տալ: Բանն այն է, որ ԱԺ նիստերը սկսել են ուղիղ հեռարձակվել Հ3 հեռուստաընկերությամբ, որը կապվում է ՕԵԿ նախագահ Արթուր Բաղդասարյանի անվան հետ: Ու հիմա ՕԵԿ-ականները առիթը բաց չեն թողնում՝ հանրությանը ցույց տալու, թե որքան ակտիվ են իրենք ու որքան գործ են անում:

Իշխող կոալիցիան լքելուց եւ կրկին ընդդիմություն հռչակվելուց հետո ՕԵԿ-ը, իհարկե, ԱԺ-ում ակտիվացել էր, բայց հիմա այդ ակտիվությունը եռապատկվել, քառապատկվել է: Parliamentmonitoring կայքի ավտոմատ հաշվիչի տվյալներով, օրինակ, ԱԺ 5-րդ գումարման 3-րդ նստաշրջանում (2013-ի գարուն) ՕԵԿ-ականները հնչեցրել են 15 հարց եւ ունեցել են 9 ելույթ՝ բոլորով միասին: 4-րդ նստաշրջանում (2013-ի աշուն)՝ հնչեցրել են 19 հարց եւ ունեցել 12 ելույթ: 5-րդ եւ 6-րդ (2014-ին գարուն եւ աշուն) նստաշրջաններում, երբ արդեն ընդդիմություն էին հռչակվել, անհամեմատ ակտիվացել են: Օրինակ, վերջին՝ 6-րդում հնչեցրել են 52 հարց եւ ունեցել 32 ելույթ: Հիմա 7-րդ նստաշրջանն է, որը միայն հունիսին է ավարտվելու ու վերջին քառօրյայի տվյալներն էլ ավտոմատ հաշվիչը վաղը միայն կգումարի, բայց արդեն արձանագրվել է 34 հարց եւ 33 ելույթ. ընդ որում՝ արտահերթի տվյալները հանած:

Երեկ, երբ ՕԵ պատգամավոր Հովհաննես Մարգարյանին հարցրեցինք՝ ինչո՞վ է պայմանավորված իրենց այս ակտիվությունը, նա էլ հարցրեց. «Իսկ ՕԵԿ-ը ե՞րբ ակտիվ չի եղել»: 

- Պարզ թվաբանություն կարող ենք անել, պարոն Մարգարյան, հիմա առանձնապես ակտիվ եք եւ դա պայմանավորվում է նրանով, որ ԱԺ նիստերը ուղիղ հեռարձակվում են ՕԵԿ Հ3 հեռուստաընկերությամբ. այդ կերպ ՕԵԿ-ը նաեւ փորձում է իր PR-ի հարցը լուծել:

- Մոնիտորինգի արդյունքներով մենք 2013-14թթ.-ին ճանաչվեցինք ամենաակտիվ խմբակցությունը: Մենք միշտ էլ ակտիվ ենք եղել, հիմա էլ շարունակում ենք, սա մեր առաքելությունն է: PR-ի խնդիր ՕԵԿ-ն իր առջեւ չի դրել, իսկ Հ3-ը ՕԵԿ հետ որեւէ աղերս չունի: Ստացվում է մի վիճակ, որ երբ ակտիվ չես, մեղադրում են պասիվության մեջ, երբ ակտիվ ես, փորձում են շահարկել ակտիվությունը:

- Իսկ դուք տեղյա՞կ եք, որ բավական դժգոհություններ կան արդեն ե՛ւ պատգամավորների շրջանում, ե՛ւ լրագրողների:

- Ի՞նչ դժգոհություն:

- Այն, որ ջուրծեծոցի է արդեն դառնում:

- Կարեւոր նախագծեր են քննարկվում, հիմա ի՞նչ է, փորձենք անտարբեր անցնե՞լ: Ես չգիտեմ՝ ինչ են ուզում մարդիկ ասել, չի կարելի շահարկել ամեն ինչ: Ես ընդամենը մի բան կխոստանամ, կաշխատենք տասնապատկել մեր ակտիվությունը: Դա միայն օգուտ կբերի մեր ընտրողին եւ ժողովրդին: Ինչքան օրենքը շատ ճանապարհ անցնի, այնքան հղկված կլինի: Հիմա ինչ ուզում է ասեն, մենք սովոր ենք դրան: Ինչ պոզուպոչ ասես ուզում են կպցնել, թող կպցնեն, բայց ժողովուրդն ամենաիմաստունն է: Հիմա ամբողջ ժողովուրդը թող հետեւի՝ ինչով է զբաղված խորհրդարանը: Սա միայն կնպաստի արդյունավետության բարձրացմանը: Մենք շարունակելու ենք մեր ակտիվ աշխատանքը՝ անկախ նրանից՝ ով ինչ կասի:

ԲՀԿ խմբակցության ղեկավար Նաիրա Զոհրաբյանը ՕԵԿ ակտիվացման վերաբերյալ երեկ ասաց, որ ցանկացած քաղաքական ուժ իր հնարավորությունների շրջանակներում փորձում է բարձրացնել հարցեր եւ լինել ակտիվ: «Այստեղ ոչ մի դատապարտելի բան չկա, եւ ես չեմ ցանկանում որեւէ գնահատական տալ որեւէ քաղաքական ուժի գործունեությանը: Ամեն քաղաքական ուժ ինքն է որոշում իր մարտավարությունը: Եթե ՕԵԿ-ը որոշել է, որ ինքը այս մարտավարությունը պիտի ընտրի, բոլոր պատգամավորներով բոլոր հարցերի, խնդիրների վերաբերյալ պիտի խոսեն, ուրեմն՝ իրենք մի բան գիտեն, որ անում են»,- ասաց Զոհրաբյանը: Հարցին՝ կարծում եք՝ դա կբարձրացնի՞ նրանց վարկանիշը, Զոհրաբյանը պատասխանեց. «Դրա արդյունքները մենք կտեսնենք ընտրություններից հետո, որոնք սարերի հետեւում չեն արդեն»:

Իշխող ՀՀԿ-ն որոշել է համբերատար գտնվել: ՀՀԿ խմբակցության ղեկավար Վահրամ Բաղդասարյանը երեկ ասում էր, որ նիստերի ուղիղ հեռարձակումը, բնականաբար, իր դերն ունի ՕԵԿ-ի ակտիվացման գործում, բայց միայն ժամանակը ցույց կտա, թե դա որքանով կազդի նրանց վարկանիշի վրա:

- Պարոն Բաղդասարյան, իսկ դա չի՞ խանգարում ԱԺ աշխատանքներին:

- Դե, բավական դանդաղում են աշխատանքները, բայց արտահերթեր ենք անում: Կան օրենքներ, որոնք արդեն քննարկված, մարսված, ամեն ինչ արդեն պարզ, եւ հանկարծ՝ ելույթ ելույթի հետեւից, երբ կարելի է ընդհանրապես ելույթ չունենալ: Օրինագծերի քննարկումների ժամանակ նաեւ թեմայից շեղումներ են լինում:

- Կարո՞ղ է, ի վերջո, խնդիր առաջանա:

- Չէ, բնական հունով գնում է ամեն ինչ, արտահերթերով հասցնում ենք: Անհրաժեշտություն լինի, նորից արտահերթ կհրավիրենք:

- Այսինքն՝ պատրաստ եք հանդուրժել:

- Հո չե՞նք բռնանալու: Մարդիկ օրենքի խախտում չեն կատարում:

- Ընկերական է՞լ չեք խոսելու:

- Ընկերական կարող է, բայց չեմ կարծում՝ կա անհրաժեշտությունը: Մարդիկ քննարկման կարիք են զգում, եւ մենք համբերատար եւ ուշադիր լսում ենք իրենց բոլոր ելույթները: Համենայնդեպս՝ ելույթներից վնասակար բան չկա:

Տպել
1678 դիտում

ՀՀ քաղաքացիություն չունեցող անձինք նույնպես կարող են մասնակցել Երեւանի ավագանու ընտրություններին

Հեռախոսային խոսակցությունների գաղտնիությունը խախտելու փաստով ԱԺ-ում տեղի կունենա առաջին նիստը

Երեւանում վթարի է ենթարկվել նախկին պատգամավոր Գագիկ Մխեյանի որդին՝ էլցանցի գլխավոր տնօրենի խորհրդականը

Վարչապետի որոշմամբ՝ նշանակվել է անշարժ գույքի կադաստրի կոմիտեի ղեկավարի տեղակալ

Երեւան-Սեւան ճանապարհին կայանած մեքենային է բախվել մեկ այլ մեքենա. կա 3 վիրավոր, այդ թվում՝ 2 երեխա

Հայաստանում Կոնգոյի դեսպանը հավատարմագրերի պատճենն է հանձնել ՀՀ ԱԳ նախարարին

«Լրագրողներ առանց սահմանների» կազմակերպությունը դատապարտել է խուզարկությունները Yerevan.Today-ում

Պուտին-Էրդողան հանդիպման արդյունքները. Իդլիբի շուրջ զինված գործողություններ, հարձակում չի լինի

Այսօր ու վաղը Հայաստանի մեծ մասում սպասվում է անձրեւ, ամպրոպ, քամու ուժգնացում

3 տարբեր մեդալներ ու խրախուսումներ՝ ԱԻ նախարարության մի շարք աշխատակիցների

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին