ԼՂՀ նախագահի հարցը լուծված է

18/05/2015 schedule08:11

Արցախի ապագա ղեկավարության հարցում ամեն ինչ կարծես թե հստակեցված է: Մայիսի 3-ին կայացած խորհրդարանական ընտրություններից հետո ԼՂՀ քաղաքական ուժերի միջեւ ակտիվ բանակցություններ էին ընթանում, որոնք ավարտվել են:

Հիշեցնենք, այս ընտրությունների ելքից էր կախված, թե ով 2017թ.-ին կլինի Արցախի հաջորդ նախագահը: Ընտրություններում հաղթած «Ազատ հայրենիք» կուսակցության փոխնախագահ, ԼՂՀ դեռեւս գործող ԱԺ փոխնախագահ Արթուր Թովմասյանը երեկ որոշ մանրամասներ է հայտնել բանակցություններից եւ ձեռք բերված պայմանավորվածություններից:

- Պարոն Թովմասյան, գիտենք, որ բանակցություններ էին ընթանում խորհրդարան անցած ուժերի միջեւ, ինչպե՞ս են դրանք ավարտվել:

- Երկրի նախագահը, որպես հաղթած քաղաքական ուժ, «Ազատ հայրենիք» կուսակցության նախագահ, երկրի վարչապետ Արայիկ Հարությունյանին առաջարկեց ստանձնել Ազգային ժողովի նախագահի պաշտոնը: Արայիկ Հարությունյանը նպատակահարմար է գտել մնալ վարչապետի պաշտոնում, որովհետեւ մեզ մոտ ԱԺ ընտրություններից հետո կառավարությունը հրաժարական չի ներկայացնում, այլ խորհրդարանին է ներկայացնում իր գործունեության ծրագիրը եւ հավանություն ստանալու դեպքում շարունակում է իր աշխատանքը: Մեզ մոտ առանց որեւէ հուշագրի ե՛ւ 2007-ին, ե՛ւ 2012-ին 3 քաղաքական ուժերով, որոնք ներկայացված են ԱԺ-ում՝ ԱԺԿ-ն, ՀՅԴ-ն եւ «Ազատ հայրենիք», պաշտպանել ենք գործող նախագահ Բակո Սահակյանին եւ վերջինիս նախընտրական ծրագրում ներկայացված են այս կուսակցությունների տնտեսական ծրագրերի լավագույն հիմնադրույթները: Հիմա մենք հաղթել ենք ԱԺ ընտրություններում: 2017-ին, գիտեք, որ Արցախում տեղի են ունենալու հերթական նախագահական ընտրությունները, իհարկե, եթե չլինեն սահմանադրական փոփոխություններ: Համենայնդեպս, այս պահին Արցախը նախագահական երկիր է եւ մենք ցանկանում ենք՝ անկախ ով կլինի նախագահի թեկնածուն, 2017-ին այս 3 քաղաքական ուժերով միասնաբար սատարել նրան: ԱԺ նախագահի պաշտոնում բոլորիս համար ամենաընդունելի թեկնածուն փորձված քաղաքական գործիչ Աշոտ Ղուլյանն է: Փոխնախագահի պաշտոնը մենք առաջարկել ենք Դաշնակցությանը: Եթե ասենք, որ նրանք իրականում ձգտում էին այդ պաշտոնին, սխալ կլինի: Երկար բանակցություններից հետո որոշվեց, որ 17-ի նախագահական ընտրություններին գնալու ենք 3 քաղաքական ուժերով, եւ ՀՅԴ-ն համաձայնություն տվեց:

- Բայց մենք գիտենք, որ Դաշնակցությունը Արցախում նախագահական նկրտումներ ունի, խոսակցություններ կային, որ հնարավոր է, հաջորդ նախագահական ընտրություններում Արթուր Աղաբեկյանը դառնա ԼՂՀ նախագահ: Հիմա, փաստորեն, նա պահպանում է փոխվարչապետի պոստը, նաեւ ԱԺ փոխնախագահի պոստն է նրանց հանձնվում: Արդյո՞ք սա ԼՂՀ-ում իշխանությունը ՀՅԴ-ին հանձնելու սահուն ճանապարհ չէ:

- Եթե «Ազատ հայրենիքը» համամասնականով 18-19 տոկոս ձայն ստանար, հաստատ նախագահի թեկնածու չէր առաջադրի: Գուցե մինչեւ ԱԺ ընտրությունները Արթուր Աղաբեկյանը նախկինում հայտարարել է նման բան: Հիմա ինչի՞ վրա պիտի հույս դնի ՀՅԴ կամ ԱԺԿ թեկնածուն: Պիտի հույսը դնի, թե «Ազատ հայրենիքը» ում է սատարելու, չէ՞: Առանց ԱՀ սատարելու, նախագահական ինստիտուտի պահպանման դեպքում, իմ կարծիքով, որեւէ մեկը չի կարող դառնալ ԼՂՀ նախագահ: Սա իմ խորին համոզմունքն է:

- Միգուցե հաշվարկում են, որ կաշխատեն, վարկանիշը կբարձրանա:

- Այսօր շուտ է դրա մասին խոսելը, ես էլ ժամանակին գտել եմ, որ ժամանակավրեպ էր Արթուր Աղաբեկյանի հայտարարությունը, բայց դա իր սահմանադրական իրավունքն է: Ես նրա այդ հայտարարությունը որակել եմ՝ ոչ լավ, ոչ վատ: Առայժմ չգիտենք՝ կառավարման ինչպիսի ձեւ է լինելու Արցախում: Հենց որոշվեց, որ նախագահական, «Ազատ հայրենիքը» իր լիդերը ունի: Ինչ կառավարման ձեւ լինի, ինքը կորոշի՝ գնո՞ւմ է նախագահական ընտրություններին, թե ոչ: Համենայնդեպս, ԱՀ 6 հազար անդամներից մեկը չկա, որ նախագահական ինստիտուտի պահպանման դեպքում դեմ լինի, որպեսզի վարչապետը առաջադրվի այդ պաշտոնում: Բայց վերջին խոսքը պատկանում է իրեն:

- Այսինքն՝ եթե նախագահական ինստիտուտը պահպանվում է, ըստ էության, հայտնի է, որ ԼՂՀ հաջորդ նախագահը դառնում է Արա Հարությունյա՞նը:

- Չէ, ինքը պիտի... համենայնդեպս՝ եթե ինքը առաջադրվի, մեր կուսակցությունում որեւէ մեկը տխուր չի լինի: Բայց ժամանակավրեպ են նման հայտարարությունները: Նաեւ ողջունում եմ մեր 2-րդ նախագահ Արկադի Ղուկասյանի պահվածքը, երբ նրան հարցրեցին՝ առաջիկա նախագահական ընտրություններին մասնակցելո՞ւ է, հայտարարեց, որ հիմա ժամանակը չէ դրա մասին խոսելու:  

- Հաշվի առնելով, որ Արա Հարությունյանը դեռ ձեր համագումարում հայտարարեց, որ ժամանակն է Արցախում անցում կատարել կառավարման խորհրդարանական համակարգին, ենթադրվում է, որ այդ համակարգին անցնելու դեպքում էլ նա մնալու է ուժեղ վարչապե՞տ:

- Մեր կուսակցությունում այդ ուղղությամբ չենք մտածում: Այո, Արա Հարությունյանը հայտարարել է սահմանադրական փոփոխությունների մասին: Ես գտնում եմ, որ ՀՀ-ում ինչ ղեկավարման ձեւ լինի, նույնը պետք է լինի ԼՂՀ-ում:

- Դուք, փաստորեն, զիջեցիք ԱԺ փոխնախագահի պոստը ՀՅԴ-ին: Հիմա որտե՞ղ եք լինելու:

- Մենք երկար զրուցել ենք ԱՀ նախագահի հետ՝ ի՞նչ է տալիս մեզ ԱԺ փոխնախագահի պաշտոնը: Ես եղել եմ ԼՂՀ 2-րդ գումարման ԱԺ նախագահ, 5-րդ գումարման ԱԺ փոխնախագահ, 4 անգամ նույն ընտրատարածքից մեծամասնականով պատգամավոր եմ ընտրվել, ԱԺ-ում բոլոր հնարավոր պաշտոնները զբաղեցրել եմ: 1998-ի եւ 2002-ի նախագահական ընտրություններում զբաղեցրել եմ 2-րդ տեղը: Հիմա կլինեմ ԱՀԿ ԱԺ «Հայրենիք» խմբակցության ղեկավարը: Եւ կզբաղվեմ իմ սիրած՝ գիտակրթական գործով: Վերջապես՝ կհրատարակենք ԱՀ 10-ամյակի կապակցությամբ իմ ղեկավարությամբ կազմված գիրքը, որ Արա Հարությունյանը ասել էր՝ իմաստ չունի ընտրություններից առաջ հրատարակել, նախընտրական գովազդ կդիտվի:

Տպել
4967 դիտում

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում