Կոստանյանը լրիվ խառնել էր սաղ

22/05/2015 schedule12:49

ՀՀ գլխավոր դատախազ Գեւորգ Կոստանյանը երեկ մի քանի ժամ շարունակ երկրի թիվ 1 քաղաքական ամբիոնից դասախոսություն էր կարդում՝ փորձելով ինքնակայանալ:

Ընթացքում այնքան ոգեւորվեց իր ժեստիկուլյացիաներով, խրոխտ տոնայնությամբ եւ ԱԺ ամբիոնի առջեւ ընդունած արտիստական կեցվածքով, որ անգամ հայտնի քրեական գործերը խառնեց իրար:

Կոստանյանի եւ պատգամավորների հարցուպատասխանի երեկվա գլխավոր թեման Լիսկան էր: «Ժառանգություն» խմբակցության պատգամավոր Զարուհի Փոստանջյանը հայտարարեց, որ Կոստանյանը Սուրիկ Խաչատրյանի տան մոտ 2013-ի հունիսի 2-ին տեղի ունեցած արյունալի դեպքերից հետո ի սկզբանե ստանձնել է հովանավորչությունը եւ խախտել բազմաթիվ քրեադատավարական նորմեր, միջադեպից մի քանի օր անց՝ չունենալով փորձաքննության տվյալներ, հայտարարել, թե ինչ է տեղի ունեցել: «Դա ձեր կանխակալ դիրքորոշումն էր եւ հովանավորչության փաստացի դրսեւորում»,- ասաց Փոստանջյանը: Կոստանյանն ասաց, թե պատգամավորը զգույշ չէ իր արտահայտություններում: «Մի անգամ կարդայիք բոլոր որոշումները գործի վերաբերյալ, հաստատ այդ հայտարարությունները չէիք անի: Բոլոր որոշումների մեջ ամեն կետի վերաբերյալ կա սպառիչ պատասխան: Ուղղորդման հետ կապված ես վիճելիության խնդիր երբեք չեմ տեսել: Մինչեւ Գորիս գնալը ես անմիջապես գնացել եմ հոսպիտալ, տեսել եւ զրուցել եմ Արտակի հետ: Անմիջապես, երբ գիշերը դեպքը եղավ, առավոտյան 9-ին հոսպիտալ եմ գնացել: Արտակ Բուդաղյանը պատմել է, թե ինչ է տեղի ունեցել, թե ով է եղել դեպքի վայրում՝ ինչքան ինքը հիշում էր»: Փոստանջյանը հակադարձեց, որ դատախազն անընդհատ էլ միջամտում է նախաքննական մարմնի գործունեությանը՝ իր խտրական որոշումներով: Նա նաեւ հարցրեց. «Ինչո՞ւ չեք գնում ռազմաբազա եւ ձերբակալում Վալերի Պերմյակովին եւ հանձնում հայ իրավապահներին»: Կոստանյանն ասաց, թե ՀՀ-ի եւ ՌԴ-ի իրավապահների համար սա աննախադեպ իրավիճակ է: «Վարույթի փոխանցման եւ դրանից բխող հետեւանքների հետ կապված այս պահի դրությամբ ես չեմ կարող ավելին ասել։ Շատ կոպիտ ասած՝ ոնց որ ունենաս մի հիվանդ, որի հիվանդությունը անգամ գրքերի մեջ նկարագրված չէ։ Դրա բուժման մեխանիզմները պետք է դեռեւս քննարկել։ Աննախադեպ վիճակ է թե՛ Հայաստանի, թե՛ Ռուսաստանի պրակտիկայի համար։ Հիմա մենք մեր գործընկերների հետ քննարկում ենք, որպեսզի լուծումը լինի միայն միջազգային իրավունքին համապատասխան»,- ասաց Կոստանյանը։ Փոստանջյանը նշեց, որ Պերմյակովի ձերբակալությունն օրինական չի եղել եւ այդ անօրինականությունը դատախազը պետք է վերացներ՝ պատասխանատվության կանչելով ԱԱԾ աշխատակիցներին, ոստիկանությանը եւ այլն: Այնինչ, չի արել, եւ ինքը հաղորդում է ներկայացրել անգործության մասին, որին ընթացք չի տրվել:

ՀՀԿ-ական պատգամավոր Լեւոն Մարտիոսյանը դատախազին հորդորեց հստակ հայտարարել, որ այդ անձը կպատժվի, եթե այդ հանցագործությունը կատարել է, որպեսզի Սուրիկ Խաչատրյանի հետ կապված հասարակական ընկալման առումով խնդիրներ չառաջանան: ««Ապացուցվե՞ց անձի մեղավորությունը, անձի մասնակցությունն այդ հանցագործությանը՝ դատի կտամ ցանկացածին: Ապացուցվե՞ց, որ անմեղ է՝ ինչ հասարակական ընկալում, ինչ պահանջ, ինչ կարծիք ուզում է լինի՝ երբեք դատի չեմ տա: Բայց եթե ապացուցվեց՝ ցանկացածի քրեական պատասխանատվության կենթարկեմ: Կոնկրետ այս դեպքո՞ւմ էլ ապացուցվեց՝ ես եմ մեղադրանքը պաշտպանելու: Ապացույցները ձեռք բերվեց՝ դատի կտամ ցանկացածի՝ Սուրիկ Խաչատրյան չէ, ցանկացած Սուրիկ Խաչատրյանի: Հանգիստ եղեք, ես այդ խնդիրը չունեմ»,- մատը թափ տալով՝ ինքնավստահ տոնով հայտարարեց դատախազը: Այլ բան է, որ իրավապահներն ամեն ինչ արել եւ անում են, որ այդ ապացույցները կոծկվեն եւ Լիսկայի հանցագործությունները չբացահայտվեն:

Մի շարք պատգամավորներ Կոստանյանին ինքնադրսեւորվելու հնարավորություն տվեցին՝ համապատասխան հարցեր տալով նրան: Մի շարք պատգամավորների հարցերին պատասխանելիս էլ դատախազը պարզապես դեմագոգիայով էր զբաղված: ՀԱԿ պատգամավոր Լյուդմիլա Սարգսյանը դժգոհեց. «Տպավորություն է, որ դուք թեկնածուական թեզ եք պաշտպանում, ոչ մի հարցի կոնկրետ չեք պատասխանում»: Երբ ՀԱԿ խմբակցության ղեկավար Լեւոն Զուրաբյանը նշեց, որ մամուլը հեղեղված է չարաշահումների ու թալանի մասին նյութերով, եւ հարցրեց՝ եթե Սերժ Սարգսյանի կողմից չեք ուղղորդվում, ինչո՞ւ չեք արձագանքում դրանց, խոսքը, օրինակ, «Նաիրիտի» 30 միլիոն դոլարի թալանի, ՀԷՑ-ում տեղի ունեցած գողության մասին է: Կոստանյանը պատասխանեց. «Եթե ասում եք՝ ՀԷՑ-ում տեղի է ունեցել այսինչ խախտումը, այդ փաստը ինքնին ինձ համար դեռեւս բավարար չէ, որպեսզի ես սկսեմ քրեադատավարական պրոցես։ Մենք ինքնուրույնաբար, առանց քրեադատավարական պրոցես սկսելու, նման ստուգումներ անելու լիազորություններ չունենք»։ Դատախազին հարց ուղղվեց նաեւ Վերահսկիչ պալատի բացահայտումների մասին: Նա հայտարարեց, թե ՎՊ-ից որեւէ փաստաթուղթ չի ստացել:

Իսկ երբ ՀՅԴ խմբակցության քարտուղար Աղվան Վարդանյանը դատախազից հետաքրքրվեց դերասան Վարդան Պետրոսյանի մասնակցությամբ ավտոպատահարի գործի ընթացի մասին եւ նշեց, որ կարծես ողջամիտ ժամկետների խնդիր կա, դատախազը պատասխանեց. «Վարդան Պետրոսյանի հետ կապված դատավճիռը եղավ, բողոքարկվեց Վարդան Պետրոսյանի գործը, Վճռաբեկ դատարանն անգամ վերադարձրեց, այսինքն՝ վճիռը մտավ օրինական ուժի մեջ»: Հիշեցնենք, սակայն, որ դերասանի գործով կողմերից ոչ մեկը Վճռաբեկ դատարան չի դիմել: Ինչպես երեկ armtimes.com-ին ասաց Պետրոսյանի պաշտպանը, դատախազը երեկ ընդհանրապես իր հայտարարություններով քրեական օրենսգիրքը 180 աստիճանով շրջեց:

Գլխավոր դատախազության 2014 թվականի հաշվետվության քննարկումը կշարունակվի ԱԺ հաջորդ քառօրյայում: Երեկ 11 պատգամավոր հերթագրվեց ելույթների համար:

Տպել
3280 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին