Վարդան Ղուկասյանը պոռնիկ չի դառնա. նա խիստ զայրացած է

03/09/2015 schedule12:00

Գյումրիի նախկին քաղաքապետ Վարդան Ղուկասյանը երեկ armtimes.com-ի հետ զրույցում վստահեցրել է, թե ամենեւին էլ «Ոչ»-ի քարոզարշավ չի տանում սահմանադրական փոփոխությունների դեմ, պատգամավոր դառնալու ցանկություն էլ չունի: Բայց նա մի շարք ուշագրավ հայտարարություններ էլ է արել:

- Պարոն Ղուկասյան, ասում են, Գյումրիում «Ոչ»-ի ակտիվ քարոզարշավին եք լծվել, այո՞:

- Ո՞վ է ասում, ո՞ր այլասերվածն է ասում:

- Դե՞մ չեք սահմանադրական փոփոխություններին:

- Սահմանադրական փոփոխությունների մեջ կետեր կան, որ դեմ եմ միանշանակ: Կետեր կան: Էն այլասերված կետը, որ ամոթ է, քննարկման առարկա չէ, առաջինը դա, երկրորդն էլ, եթե մարդը կուսակցական չէ, ինչո՞ւ ենք նրա սահմանադրական իրավունքները փակում, որ ինքը չգնա Ազգային ժողով: Ենթադրենք, ես չեմ ուզում կուսակցական լինել, բայց ես դնում եմ եւ ուզում եմ գնալ պառլամենտ: Դա մարդու իրավունքների դեմ չէ՞, որ մարդը չի ուզում կուսակցականացվել եւ ինքը կարող է հաղթել հզոր կուսակցություններին, մենակ գնալ: Դա շատ ճիշտ բան եմ ասում, բոլորը պետք է հասկանան դա: Ինչո՞ւ ենք ամբողջությամբ կուսակցականացնում երկիրը: Ես այդ սկզբունքին ընդհանրապես դեմ եմ: Մեկ էլ կարդացել եմ, որ տեղական ինքնակառավարման կապակցությամբ ինչ-որ սահմանափակումներ կան: Ընդհանրապես դեմ եմ, որ տեղական ինքնակառավարման մարմինների լիազորությունների սահմանափակում լինի, չեմ խորացել շատ դրա վերաբերյալ, բայց ընդհանուր սահմանադրական բարեփոխումներին կողմնակից եմ: Բայց այդ կետերը միանշանակ եթե մեջն եղավ, դեմ եմ: Օրինակ, կոնկրետ այդ այլասերված կետը... Հետո դուք` կանայք պիտի ավելի շուտ եւ ավելի շատ դեմ լինեք դրան, քան մենք, որովհետեւ դուք կմնաք, տղամարդիկ իրար հետ կամուսնանան ու դուք կմնաք, խայտառակություն կլինի: Բա դուք ո՞ւր գնաք, ի՞նչ անեք: Հետո ասում են` Թուրքիա են գնում, ստեղ են գնում, ընդեղ են գնում: Բա ի՞նչ անեն էդ խեղճերը:

- Բայց բոլորը հո այդպես չեն:

- Դե, բոլորի մասին չեմ ասում, ո՞նց կարող եմ բոլորի մասին ես այդպիսի բան ասեմ: Դու, օրինակ, դեմ չե՞ս դրան: Դեմ ե՞ս, թե չէ:

- Բայց դա ֆիզիոլոգիական շեղում է, հո չե՞նք սպանելու, մորթելու իրենց:

- Մորթել, սպանելը ո՞րն է, տղամարդը տղամարդու հետ լինի, պիտի թողնենք, որ անեն, հա՞: Ամո՛թ է, էլի, վերջը, չի կարելի:

- Դուք կուսակցականացնելու մասին էիք խոսում, բայց նախագծով չի արգելվում առանց որեւէ կուսակցության անդամագրվելու, համամասնական ցուցակով խորհրդարան անցնել:

- Չէ, դա սխալ է: Դա դառնում է կանոնադրություն, որ դրանից դուրս չմտածեն: Կան մարդիկ, որ ավելի ազատ են ուզում եւ ուզում են քաղաքականությամբ չզբաղվել ու հզոր են, թող գնան, ի՞նչ է պատահել: Այս օրինագիծը, ասում եմ, որ մարդու իրավունքների սահմանափակում է:

- Կարո՞ղ է մեծամասնական ընտրակարգով պատգամավորի թեկնածու առաջադրվելու մտադրություն ունեիք:

- Չէ, չունեմ, չեմ ուզում ընդհանրապես քաղաքականությամբ զբաղվել:

- Այսինքն, վերջակե՞տ եք դրել:

- Չեմ ուզում, հա, հիմա հոգիս այդպես է ինձ թելադրում:

- Իսկ եթե ձեր նշած կետերը չփոխե՞ն: Ասացիք...

- Եթե այդ գեյերի հետ կապված չփոխվի, ես միանշանակ դեմ եմ լինելու: Ճիշտն ասած, քաղաքականությամբ չեմ այլասերվելու: Դա սատանայի կետն է, ով ուզում է, ինչ ուզում է ասել, ես պոռնիկ չեմ դառնա: Հասկացա՞ք: Ամո՛թ է: Այս ազգը առաջին քրիստոնյա պետությունն է եղել եւ իմ ամբողջ ազգին բերել, տենց բան ընդունել, ես չեմ էլ պատկերացնում, որ դա տենց կարող է լինի, չնայած, չեմ էլ հավատա, որ Ազգային ժողովը կարող է դա ընդունի, կամ` ո՞նց կարող է դա լինի: Իսկ ինչո՞ւ եք դա անո՞ւմ որ, էս ինչո՞ւ եք սենց խառնվել, ի՞նչն է պատճառը, ի՞նչ են ուզում դա անել, ինչո՞ւ են դա խորացրել, հանե՛ք դա, մնացածը բոլորը իրենց, ի՞նչ է եղել, այդ կետը թող հանեն, արա՛, տղամարդ ենք մենք, ամո՛թ է:

- Բայց մարդու իրավունքներ...

- Դը պաշոլի ն... (զսպում է իրեն), ի՞նչ մարդու իրավունքներ, ի՞նչ մարդու իրավունքի մասին է խոսքը, կակ ռազ, Աստվածաշունչը գրել է մարդու իրավունքը ինչ ձեւի պիտի լինի, դե թող էսօր անասունների հետ էլ լինեն, ի՞նչ է եղել, մարդու իրավունք է, էլի:    

- Այդպես էլ է պատահում:

- Արա, աշխարհի վերջն է: Ամոթ է, ամոթ է, մեղք ենք, ազգովի մեղք ենք: Ամոթ է, վերջը ձեւ կա էնելու, դրան էլ ձեւ կա, բան կա, հոգին պղծեցին, հիմի էլ դրա հետեւից են ընկե՞լ: Գիտե՞ք ինչ կա, որ ասում են` մեկը հերիք է, միլիոնը քիչ է, այ, այդ սկզբունքն է: Հիմա բացի դրանից արդեն անցել են այլ այլասերված բաների:

- Ավելի բեթա՞ր, ի՞նչ նկատի ունեք:

- Դե, դրանից էլ ի՞նչ բեթար, բեթար է, էլի, էլ բեթար ո՞նց կեղնի: Ասենք, կնիկ մարդը էնե, հասկացանք, տղամարդը ինչ է... ա՛յ քեզ բան, հա, հիմա կնիկ մարդ է, հակում ունի, բան ունի, թեկուզ էդ ձեւի կամ էն ձեւի...: Ամոթ է, խայտառակություն է:

- Այսինքն, հակառակ պարագայում դուք ակտիվ «Ոչ»-ի ճակատում կներգրավվե՞ք:

- Ազիզ ջան, ես ընդհանրապես ոչ մի տեղ չեմ լինի, ես իմ խոսքը կասեմ ու ես իմ ձայնը ունեմ: Ընդհանրապես քաղաքականության մեջ էլ չեմ մտնելու, բայց եթե հանկարծ դրանք հանեն, միանշանակ կողմնակից կլինեմ սահմանադրական բարեփոխումներին:

- Բայց «Այո»-ի ճակատում էլ չեք լինի՞:

- Կլինեմ «այո»-ի ճակատում, եթե հանկարծ այդ կետը հանեն: Վ ասնավնոմ` այդ կետը:

- Պարոն Ղուկասյան, խոսվում է, որ Վարդան Օսկանյանը նոր կուսակցություն է բացում, Ռոբերտ Քոչարյանն էլ, որ դեմ է սահմանադրական փոփոխություններին, հարցազրույցով է հանդես գալու եւ այդ նոր միավորը «Ոչ»-ի ճակատում է լինելու: Դուք ինչպե՞ս եք վերաբերվում:

- Այդ կետի հետ կապված են իրենք լինելո՞ւ, թե՞ ուրիշ բանի:

- Չէ, ուրիշ բանի:

- Ես չգիտեմ, չեմ էլ կարդում, հավատացեք, չեմ հետաքրքրվում, չեմ էլ կարդում, նորությունները չեմ լսում, որ հանգիստ մնամ: Մի քիչ ուզում եմ ներվերս հանգստանան, էլի: Ինչքան հնարավոր է, ձեր լրատվությունից... էս երկիրը քանդեց լրատվությունը, ասեմ քեզ: Հավատա ինձ: Որովհետեւ այնքան է թելադրված լրատվությունը, որ ազատ լիներ, ճիշտը խոսեին... մի հուսադրող բան չենք տեսնում: Ա՛յ, դա շատ վատ է: Հիմա գրեք, որ այդ գեյերը հանեք, կողմ կլինեմ, չեն հանի, դեմ եմ:

- Ռոբերտ Քոչարյանի «Ոչ»-ի ճակատն էլ ձեզ չի հուզո՞ւմ:

- Դրա հետ կապ չունեմ, չեմ էլ ուզում քննարկել: Իրանք գիտեն, իրանցից հարցրեք:

Հ.Գ. Նշենք, որ Վարդան Ղուկասյանը խոսում է Սահմանադրության նախագծի 34 հոդվածի մասին, որտեղ նշված է. «Ամուսնական տարիքի հասած կինը եւ տղամարդն իրենց կամքի ազատ արտահայտությամբ միմյանց հետ ամուսնանալու ու ընտանիք կազմելու իրավունք ունեն»: Վենետիկի հանձնաժողովի անդամ Քրիստոֆ Գրաբենվարտերն էլ ընդամենը օրեր առաջ Երեւանում քաղաքական ուժերի հետ հանդիպման ժամանակ հայտարարեց, որ միասեռ ամուսնությունները պետք է թույլատրվեն, ըստ ԵԴ նախադեպային իրավունքի:

Տպել
2542 դիտում

Արմեն Սարգսյանի հրամանով վարչական դատարանի դատավորներ են նշանակվել

Արցախի զինկոմի որդին հոր հետ վիճելու համար, ընկերների հետ ծեծել է քաղաքացուն (տեսանյութ)

ՆԱՏՕ-ի փորձագետները վերապատրաստման դասընթացներ են անցկացնում ՌՈւՀ-երի ներկայացուցիչների համար

Ինչպե՞ս նորոգել ռազմական նշանակության օբյեկտներն ու ենթակառուցվածքները. քննարկում բելառուսական կողմի հետ

ԵԱՏՄ գազի ընդհանուր շուկայի պայմանագրի կկնքվի 2025 թ-ին. հանդիպում Մոսկվայում

Հայաստանի քաղաքացիներին՝ խաղաղություն ու բարօրություն. Պուտինը շնորհավորել է Արմեն Սարգսյանին ՀՀ Անկախության տոնի առթիվ

Երիտասարդ հունահռոմեականները ԱԱ-ից վերադարձել են 1 ոսկով, 2 արծաթով

Սփյուռքի նախարարը կհանդիպի Եգիպտոսի վարչապետի հետ

Խաղաղություն եւ մեծագույն հաջողություններ. Բակո Սահակյանը շնորհավորել է ՀՀ անկախության 27-րդ տարեդարձը

Հրազդանի նախկին քաղաքապետ Արամ Դանիելյանի նկատմամբ հարուցվել է քրգործ. պաշտոնական

Արա Բաբլոյանը պաշտոնական այցով կմեկնի Շվեյցարիա

Թուրք սահմանախախտ երեխայի ծնողները խնդրում եմ ՀՀ իշխանություններից հետ վերադարձնել իրենց որդուն

Երթուղայինով՝ «պպզած». առանց ռազմավարության

Էլի չստացվեց. «ԱՄ»-ն Ռուզան Խաչատրյանի հետ չէ

55 միլիոն դրամ. ավտոմեքենաների տեխզննությամբ զբաղվող ընկերությունները մասնակի վերականգնել են պետության պատճառված վնասը

Խասիաթ. եթե կալանավորել են՝ կդատեն

Մոլախաղեր, գյուղատնտեսություն եւ ընդերք. տնտեսական կառուցվածքը կառավարությանը չի բավարարում. վարչապետ

Մեծ դեբատ. Հանրային հեռուստաընկերության եթերում կբանավիճեն Երեւանի քաղաքապետի թեկնածուները

«Ռոնալդու. կատարելության տենչով» գիրքը հասանելի է հայերենով

ԱՊՀ անդամ երկրներին ներկայացվել է կոռուպցիայի դեմ պայքարում ՀՀ փորձն ու աննախադեպ արդյունքները