Է՜, թող կտրողը կտրեր, մկրատը դրած էր. Սուրիկ Խաչատրյան

15/10/2015 schedule13:14

Սյունիքի մարզպետ Սուրիկ Խաչատրյանը երեկ մեզ հետ զրույցում պնդում էր, թե Սերժ Սարգսյանի աշխատանքային այցը Սյունիք «ընտիր է անցել»:

Տեղեկացրել էինք, որ Սարգսյանը Գորիսում պետք է մասնակցեր վերակառուցված Գրիգոր Տաթեւացու անվան հրապարակի բացմանը եւ կտրեր կարմիր ժապավենը, բայց նա եկել է հրապարակ, կարճ զրուցել քաղաքացիների հետ եւ արագ հեռացել՝ այնտեղ թողնելով զարմացած մարդկանց: Սյունիքի մարզպետը, սակայն, պնդում էր, թե հրապարակի բացում նախատեսված չի եղել: 

- Պարոն Խաչատրյան, Գորիսում Սերժ Սարգսյանը պետք է մասնակցեր հրապարակի բացմանը եւ կտրեր կարմիր ժապավենը, բայց նա անակնկալ կերպով շատ արագ նստել է մեքենան ու հեռացել...

- Արարողակարգում դա չկար, բայց նախագահը կանգնեց եւ հանդիպեց ժողովրդի հետ: Հիմա թող ժապավեն կապողը մտածի՝ խի է կապել, ինչի համար է կապել, երբ որ մի բան արարողակարգում չկա: Հիմա ժապավեն էր կապված, թե պարան էր կապված, չգիտեմ ինչ էր կապված, խի՞ եք ուզում կապեք նախագահի այցի հետ: Նախագահի արարողակարգում այդպիսի բան չկար, տեսել է, որ ժողովուրդը հավաքված են, ինքը կանգնեց, իջավ, ժողովրդին ողջունեց, շփվեց եւ շարունակեց ճանապարհը, ինչի՞ մասին է խոսքը:

- Պարզապես ժապավենի կողքին էլ մկրատներ էին դրված, դա հուշում էր, որ պիտի կտրվի այդ ժապավենը:

- Է թող կտրողը կտրեր, մկրատը դրած էր, թող կտրեր, դա ի՞նչ կապ ուներ նախագահի այցի հետ: Ոչ մի կապ չուներ:

- Դուք այնտեղ էիք գորիսեցիների հետ խոսակցության ժամանակ, ի՞նչ խնդիր է եղել, որ Սարգսյանն արագ հեռացել է:

- Ընդհանրապես խնդիր չի եղել, շատ ջերմ մթնոլորտ էր, շատ նորմալ հարաբերություն էր ժողովրդի եւ նախագահի միջեւ, չէր կարող որեւէ խնդիր լիներ, որովհետեւ գիտեք, Սյունիքում, մասնավորապես Գորիսում, բոլորը նախագահին հարգում, սիրում են:

- Ըստ ձեզ, սահմանադրական հանրաքվեի ժամանակ Սյունիքում քանի՞ տոկոս «այո» կգրանցվի:

Մարզպետի հեռախոսը, սակայն, անջատվեց: Օրվա ընթացքում այդպես էլ հնարավոր չեղավ խոսակցությունը շարունակել:

Մեր տեղեկություններով, Սարգսյանը Սյունիքում ՀՀԿ կառույցի նիստ է անցկացրել, մանրամասն անդրադարձ է եղել դեկտեմբերի 6-ին նշանակված հանրաքվեին: Նիստը շատ երկար է տեւել: Սարգսյանը ինչ-որ հրահանգներ է տվել: Ի դեպ, նրա այցը հենց սահմանադրական հանրաքվեի հետ է կապված:

Երեկ, երբ Սյունիքի մարզպետի խորհրդական Վոլոդյա Ավետիսյանին հարցրինք, թե քանի տոկոս «այո» են ակնկալում հանրաքվեի ժամանակ, եւ ինչպես են տրամադրված սյունեցիները սահմանադրական փոփոխությունների հանդեպ, նա պատասխանեց. «Չեմ կարող այդ հարցին պատասխանել, որովհետեւ չգիտեմ, չեմ ուսումնասիրել»: Մարզպետի հետ է՞լ չի եղել նման խոսակցություն՝ քանի տոկոս եք ակնկալում «այո»-ի համար. այս հարցին Հովհաննիսյանը պատասխանեց. «Դեռ ոչ: Երկուշաբթի օրվանից այդ հարցով կսկսվեն աշխատանքները, մյուս շաբաթ կոնկրետ կպատասխանեմ: Դեռ ոչ մի բան ասված չէ, արված չէ»:

Ի դեպ, Վոլոդյա Հովհաննիսյանը, որը Սերժ Սարգսյանի այցի կազմակերպչական աշխատանքներում նշանակված է եղել Սիսիանի պատասխանատու, երեկ ասում էր, թե Սարգսյանին Սիսիանում շատ բարձր տրամադրությամբ են դիմավորել: «Ես միայն Սիսիանում եմ եղել եւ պատասխանատու եմ եղել Սիսիանի եւ Տոլորսի հատվածների համար: Գնացել եմ տեսնելու, թե ինչպես է ժողովրդի տրամադրությունը, ինչպես են դիմավորում, բարձր տրամադրությամբ: Սիսիան, Տոլոս հատվածը պետք է հողածածկ ճանապարհ լիներ, բայց ժողովուրդը դիմեց մարզպետին, մարզպետը դիմեց նախագահին, նախագահի անմիջական հանձնարարությամբ կապի եւ տրանսպորտի նախարարը եկավ Սիսիան, նայեց, գտավ որ այդ հողածածկը բնակլիմայական պայմաններից ելնելով, չի աշխատելու, ասֆալտապատեցին նախագահի ցուցումով եւ ժողովուրդը անկեղծ շնորհակալ էր, որովհետեւ երկար տարիներ գյուղամիջյան ճանապարհները չէին ասֆալտապատվել: Մարդիկ շնորհակալ էին եւ անկեղծորեն մեծ ոգեւորությամբ դիմավորում էին: Իսկ Սիսիանի հատվածը լավագույն ճանապարհ էր կառուցվել, նրանց տրամադրությունը շատ լավ էր՝ դեպի Սիսիան տանող, իրոք, 21-րդ դարին հարիր ասֆալտապատվել էին, ժողովուրդը անկեղծ շնորհակալությամբ էր լցված»,- ասում էր Սուրիկ Խաչատրյանի խորհրդականը:

Հարցին՝ Սիսիանում Սերժ Սարգսյանը քաղաքացիների հետ զրույցներ ունեցե՞լ է, նա պատասխանեց. «Ե՛վ Տոլորսի, ե՛ւ Սիսիանի բնակիչների հետ զրուցեց: Ոչ ոք չգիտեր, որ ինքը պիտի կանգնի, իջնի: Սիսիանի հրապարակում  ինքը կանգնեց, ոչ ոք չէր սպասում, հանկարծակի կանգնեց, իջավ, մարդիկ էին հավաքված, ուզում էին տեսնել՝ նախագահը ինչպես է գնալու: Մի քանի մարդ մոտեցան, շնորհակալություն հայտնեցին եւ շատ ջերմ մթնոլորտում տեղի ունեցավ այդ հանդիպումը»:

Ուզում եք ասել՝ բնակիչները ոչ մի բողոք չունեի՞ն  հարցին Հովհաննիսյանը պատասխանեց. «Չէ, ոչ մի բողոք, պարզապես ասացին՝ խնդրում ենք, մեր քաղաքում երիտասարդության համար պայմաններ ստեղծեք, որ մնան, մեր քաղաքը բարգավաճի: Այդպիսի հարցեր, այդպիսի ցանկություն: Իսկ բողոքներ՝ ոչ մի բողոք»:

Տպել
2290 դիտում

Լենա Նազարյանը Facebook սոցիալական ցանցում հրապարակել է «Իմ քայլը» դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից

ԱՄՆ-ն տրամադրում է 8 մլն դոլար՝ ընտրություններում ՀՀ կառավարությանն օժանդակելու համար

Հենրիխ Մխիթարյանի հարսանիքի օրը դեռ որոշված չէ. նշել է նրա մայրը

Ծաղկաձորում կազմակերպվում է եռօրյա միջոցառում՝ հայերեն Վիքիպեդիայում բժշկական հոդվածների ստեղծման համար

ՀՀԿ-ն ներկայացրել է ռեյտինգային ընտրակարգով առաջադրված թեկնածուներին

ԱԱ չեմպիոն Ֆրանսիան, փոխչեմպիոն Խորվաթիան չհաղթեցին Ազգերի լիգայի իրենց խմբերում

Քննարկվում է 500 մլն դոլարի ներդրման ծրագիր, կառուցվելու է մի քանի գործարան. Նիկոլ Փաշինյան

Մեր բանակի համար առավել օգտակար կլինեն ուղղաթիռները. ռազմական փորձագետ

Հերմինե Նաղդալյանի ամուսինը անսահման անշարժ գույք ունի

Աստված մի արասցե՝ ընտրակաշառք բաժանելու փորձ արվի եւ ես իմանամ ոչ թե իրավապահներից, այլ՝ մամուլից. վարչապետ

Վայոց ձորի կադաստրի մարզային ստորաբաժանման աշխատակիցները դիմում են վարչապետ Փաշինյանին

Ապահովել որակ եւ արագացնել կառուցապատման տեմպերը. Արշակյանն այցելել է Թալին-Լանջիկ ճանապարհահատված

Կոռուպցիան՝ բուժհաստատություններում. պետությանն ավելի քան 500 մլն դրամի վնաս է հասցվել. հարուցվել է 41 քրեական գործ