Ռուս-ադրբեջանական խաղեր. սակարկություն Ղարաբաղով

22/10/2015 schedule17:18

«Երբեք մի ասա՝ երբեք»,- հայտարարել էր Նյու Յորքում տեղի ունեցած ՄԱԿ-ի գլխավոր ասամբլեայի նստաշրջանին մասնակցելու նպատակով ԱՄՆ մեկնած Ադրբեջանի արտգործնախարար Էլմար Մամեդյարովը՝ չհերքելով Եվրասիական տնտեսական միությանը Ադրբեջանի հնարավոր անդամակցությունը:

«Սպուտնիկ» գործակալության հետ զրույցում Մամեդյարովն ասել էր, թե այժմ Ադրբեջանը կենտրոնացած է հնարավորինս մեծ թվով երկկողմ հարաբերություններ կառուցելով Եվրասիական բլոկի երկրների հետ: 

« Հայաստանի կողմից գրավված տարածքների առկայությունը թույլ չի տալիս մեզ Հայաստանի հետ գտնվել նույն միության կազմում: Եթե Հայաստանը դուրս բերի իր զորքերը, եթե բացվեն սահմանները, եթե լինի իրավիճակի կարգավորում, եթե լինի տնտեսական բաղադրիչ Հայաստանի եւ Ադրբեջանի միջեւ, ո՞վ գիտի՝ ինչ տեղի կունենա վաղը: Ինչպես ասում են՝ երբեք մի ասա՝ երբեք»,- Մամեդյարովի խոսքերը մեջբերել են ռուսական «Ռոսիա 24» հեռուստաընկերությունն ու «Ինտերֆաքս-Ադրբեջանը»: Էլմար Մամեդյարովը նշել է, թե Բաքուն իր արտաքին քաղաքականությունը վարում է՝ հենվելով միայն ազգային շահերի վրա: 

Մինչ այս ԵՏՄ անդամ Ղազախստանի նախագահը հայտարարել էր, որ քննարկվում է Ադրբեջանի՝ ԵՏՄ կազմ մտնելու հնարավորությունը: Ռուսաստանը եւս չի թաքցնում, որ շատ ցանկանում է Ադրբեջանին տեսնել ԵՏՄ կազմում եւ անթաքույց ջանքեր է գործադրում այդ ուղղությամբ:

Այնինչ, Ադրբեջանը պատրաստ է ԵՏՄ մտնել Ղարաբաղը ստանալու գնով: Հիշեցնենք, սակայն, ԵՏՄ-ում բոլոր որոշումները կայացվում են կոնսենսուսով, եւ եթե ԵՏՄ անդամ Հայաստանը իր համաձայնությունը չտա, Ադրբեջանը չի կարող մուտք գործել այդ կառույց: ՌԴ-ն, իհարկե, մեծ լծակներ ունի Հայաստանին ճնշելու: Ընդամենը 2013-ին էր, երբ Պուտինը խափանեց ՀՀ-ԵՄ 4 տարի տեւած բանակցությունների ավարտից հետո ԵՄ Ասոցացման եւ խորը եւ համապարփակ ազատ առեւտրի գոտու շուրջ համաձայնագրի նախաստորագրումը Վիլնյուսում՝ մի շարք սպառնալիքների շնորհիվ (գազի գնի թանկացում, Ադրբեջանին զենքի վաճառք եւ այլն): Ադրբեջանի մուտքը ԵՏՄ՝ Ղարաբաղը կորցնելու գնով հեռանկարը, սակայն, բոլորովին այլ բան է: Եվ ուրեմն, հնարավո՞ր է Ադրբեջանի անդամակցումը ԵՏՄ-ին, ու ի՞նչ ազդեցություն կունենա դա ԼՂ խնդրի կարգավորման վրա. կարո՞ղ է Հայաստանը կանխել այդ անդամակցումը:

Միջազգային եւ անվտանգության հարցերի հայկական ինստիտուտի ղեկավար, քաղաքագետ Ստյոպա Սաֆարյանը երեկ մեզ հետ զրույցում ասում էր, թե որեւէ մեկը չի կարող ասել՝ երբ տեղի կունենա Ադրբեջանի անդամակցումը ԵՏՄ-ին, բայց ակնհայտ է, որ ՌԴ-ն խնդիր է դրել Հարավային Կովկասի հանրապետություններին ԵՏՄ մտցնել: Ադրբեջանի անդամակցության հարցերը, սակայն, կախված են մի քանի գործոններից, ու այնպես չէ, որ Ալիեւը չի գիտակցում ԵՏՄ-ին անդամակցելու վտանգները:

«Բայց քանի որ ղարաբաղյան հարցը արդեն գերնպատակ է դարձել Ադրբեջանի համար, թերեւս փորձում են ՌԴ-ի հետ սակարկության մեջ մտնել հենց Ղարաբաղի հարցով, որը շատ հայտնի բանաձեւ ունի. Ղարաբաղ՝ ԵՏՄ-ին Ադրբեջանի անդամակցության դիմաց: Այս կոնտեքստում պատահական չէ ժամանակ առ ժամանակ ԶԼՄ-ներում հայտնվող գոնե մի քանի շրջաններ հանձնելու գաղափարը: Այսինքն, ՌԴ-ն հասկանում է, որ չի կարող Ղարաբաղը բոլոր տարածքներով վերադարձնել Ադրբեջանին եւ փորձում է անուղղակի շշուկներ դնել շրջանառությամբ մեջ, որ գոնե Ադրբեջանը բավարարվի մի քանի տարածքներով: Հիմա այն փուլում ենք, երբ ՌԴ-ն ուզում է հասկանալ, թե արդյոք Ադրբեջանը կբավարարվի՞ մի քանի շրջանով, իսկ մյուս կողմից՝ Ադրբեջանը փորձում է հասկանալ՝ արդյոք Ռուսաստանը ի զորո՞ւ կլինի վերադարձնել Արցախը եւ նրա տարածքները, եթե ինքը համաձայնի մտնել ԵՏՄ: Այսինքն, կողմերը հետախուզում են միմյանց»,- ասում էր քաղաքագետը: ԵՏՄ մտնելու որոշումը, սակայն, ըստ նրա, միայն Բաքվով չի պայմանավորված:

Արեւմուտքը, որը եւս տարածաշրջանում ուժեղ խաղացող է, թեեւ հիմա պաշտոնական Բաքվի հետ վատ հարաբերություններ ունի, սակայն կխոչընդոտի Ադրբեջանի անդամակցությունը ԵՏՄ-ին՝ փորձելով դա թույլ չտալ: «Մի կողմից այս հանգամանքը, մյուս կողմից՝ Ղարաբաղ՝ անդամակցության դիմաց գործարքի անհստակությունը, երրորդ կողմից էլ Ալիեւի՝ իշխանությունը կորցնելու վախերը, բավական դժվարացնում են որոշման կայացումը»,- ասում էր Սաֆարյանը: Հայկական կողմը, ըստ նրա, պետք է ջանք չխնայի ռուս-ադրբեջանական հնարավոր գործարքը վիժեցնելու համար, որը, անկասկած, իրականանալու է Ղարաբաղի հաշվին, այնպես, ինչպես Ադրբեջանը վիժեցրեց հայ-թուրքական հարաբերությունների կարգավորումը:

Նկատառմանը, որ Ռուսաստանը կարող է լուրջ ճնշումներ գործադրել Հայաստանի վրա՝ ստիպելով համաձայնել Ադրբեջանի անդամակցությանը, քաղաքագետը պատասխանեց. «Այնուամենայնիվ, չի հաջողվի ճնշել ամբողջ Հայաստանի ժողովրդին եւ պարտադրել վավերացնել Ադրբեջանի անդամակցության որոշումը: Թերեւս հենց այս խորապատկերում բավական հետաքրքրիր է դառնում Հայաստանում սահմանադրական փոփոխությունների խնդիրը, երբ, ըստ էության, որոշումը պետք է կայացվի ավելի բազմադերակատար միջավայրում, խորհրդարանական կառավարման դեպքում: Այս դեպքում ՌԴ-ն գործ չունի միայն երկրի նախագահի հետ, ՌԴ-ն պետք է ճնշի խորհրդարանի բոլոր ուժերին եւ ամբողջ հասարակությանը»:

Բայց այդ ուժերի գերակշիռ մասը պրոռուս են՝ մեր նկատառմանը Սաֆարյանն արձագանքեց. «Բոլորը կաշկանդված են լինելու, եթե կա Ղարաբաղի խնդիրը: Որեւէ մեկը չի գնա այդ դավաճանությանը, անկախ իրենց ռուսահպատակ վարքագծի: Մի բան ակնհայտ է, որ Հայաստանը, որքան էլ շատ խիստ պրեսինգի տակ է, ունի ազատության մի փոքր դաշտ, որտեղ նա կարող է գործել»: Քաղաքագետի կարծիքով, Հայաստանը պետք է վաղօրոք հայտարարի, որ Ադրբեջանը անդամակցությունից առաջ մի շարք նախապայմաններ պետք է բավարարի, այդ թվում՝ ԼՂՀ-ի հետ իր սահմանների ճշգրտումը. դա յուրօրինակ վետո կլինի:

Տպել
2503 դիտում

Սպասվում է անձրև և ամպրոպ, քամու ուժգնացում, առանձին հատվածներում հնարավոր է նաև կարկուտ

ՀՀ ոստիկանությունն Արցախի գործընկերներին կնվիրաբերի տրանսպորտային միջոցներ և սարքավորումներ

Տրագիզմ կլինի, եթե պարզվի՝ Փաշինյանը Մսրա Մելիքն էր Հայաստանի գլխին, հետո ՀՀԿ-ն էլ չի փրկի. Աշոտյան

Բրազիլուհին մոլորվել է Սևաբերդ գյուղից դեպի Ակնալիճ տանող լեռնային հատվածում

Վաղը Հայաստանի խորհրդարանի հիմնադրման 100-ամյակն է. հրավիրված է 600 հյուր

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն

Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

ԱԻՆ սեյսմիկ ծառայության թիմը՝ «Գեովիկտորինա» մրցույթի հաղթող

Ասում են՝ արտահերթ խորհրդարանականին կողմ չենք քվեարկի, Սերժը կասեր՝ իյա, իրո՞ք, էդ դու՞ք եք որոշում. վարչապետ

Հայ-գերմանական համագործակցությունը բարձր մակարդակի վրա է. Տոնոյանն ընդունել է Գերմանիայի դեսպանին

Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Բոլոր ուժերը իսկապես պայքարում են, ոչ ոք թատրոն չի տալիս, ոչ մեկի համար ոչինչ գրված չէ այս անգամ. վարչապետ

Սարյանի պուրակում տեղադրված դաշնամուրի վրա առաջինը նվագեց մաեստրո Մանսուրյանը

Կոնկրետ Տարոն Ավիայի հարցով չեմ զբաղվում. Տիգրան Ավինյանը Գյումրիում ասուլիս է անցկացրել

Մանիպուլյատիվ մեթոդներ. Լը Մոնդի ու Վաշինգթոն Փոստի «ֆեյքերը»