Բյուջե՝ 100 «կողմ»-ով. վարչապետին բզիկ-բզիկ չեն անի

18/11/2015 schedule09:00

2016 թվականի բյուջեի նախագիծը խորհրդարանում կընդունվի առանց մեծ խոչընդոտների, առնվազն 100 «կողմ» ձայներով:

Խորհրդարանական ոչ իշխանական նախկին քառյակը, որ Տիգրան Սարգսյանի վարչապետության օրոք բյուջեի նախագծի եւ կատարողականի քննարկումների ժամանակ նախկին վարչապետին ստիպում էր ժամերով կանգնել ԱԺ ամբիոնի մոտ եւ պատասխանել իրենց հարցերին ու լսել անխնա քննադատություններ կառավարության հասցեին, գործող վարչապետ Հովիկ Աբրահամյանին չի բզկտի: Նախօրեին մեկնարկած քննարկումները, իհարկե, դեռ շարունակվում են, բայց բացառությամբ մի երկու «շեղումների», դրանք ընթանում են մեղմ ու բարեհամբույր մթնոլորտում: Չնայած 2016-ի բյուջեի նախագծով կանխատեսվում է 2.2 տոկոս տնտեսական աճ, այսինքն, կիսով պակաս նախորդ տարվանից (հիշեցնենք, 2015-ի նախագծով 4.1 տոկոս աճ էր խոստացվել), չնայած աղքատությունը, փորձագիտական գնահատականներով, երկրում զգալիորեն խորանալու է, օտարերկրյա ներդրումները, ըստ նույն կանխատեսումների, նվազել են եւ կնվազեն, հարկային մուտքերը 8 միլիարդ դրամով պակաս են լինելու, քան նախատեսված էր 2015-ի բյուջեով, այդուամենայնիվ, խորհրդարանը գրեթե միաձայն «այո» կասի Հովիկ Աբրահամյանի բերած բյուջեին:

Պատգամավորների ելույթները 2016-ի բյուջեի նախագծի շուրջ այսօր կշարունակվեն, բայց ընդհանուր առմամբ, պատկերն արդեն պարզ է: ՀՀԿ-ն իր ողջ կազմով, բնականաբար, «կողմ» է քվեարկելու երկրի գլխավոր ֆինանսական փաստաթղթին: ԲՀԿ-ն երեկ արդեն ակնարկեց, որ «կողմ» է, թեեւ հստակ հայտարարություն չի շտապում անել: «Տնտեսական աճ ապահովելը բարդ է: Եթե մինուս չունենք, ես դա համարում եմ կարեւոր գործ, պահել իրավիճակը` արդեն հիմք է, որ երկու, երեք տարի հետո ունենալու ենք ավելի կայուն աճ: Պետք է ոչ ստանդարտ մեթոդներ կիրառել եւ ներքին ազդակների հետ միասին դրսից գումար բերենք: Ես կողմ եմ վարկեր բերեն: Ո՞ւմ են տալիս վարկերը. ով ավելի մեծ վստահություն ունի»,- երեկ ԱԺ ամբիոնից հայտարարեց ԲՀԿ-ական պատգամավոր Միքայել Մելքումյանը՝ զուգահեռ գովաբանելով նաեւ սահմանադրական փոփոխությունները:

Նույն խմբակցության գործարար պատգամավոր Գուրգեն Արսենյանն էլ նախօրեին զեկուցողին մեղմորեն հարցնում էր՝ ո՞ր ճյուղերում եք աճ նախատեսել: Մի խոսքով, իրեն ընդդիմադիր հռչակած ԲՀԿ խմբակցության հիմնական մասի հետ ամեն ինչ պարզ է: Դատելով սահմանադրական փոփոխությունների քվեարկության ժամանակ արձանագրված արդյունքից, չի բացառվում, որ անգամ ԲՀԿ-ի օսկանյանական թեւը «կողմ» քվեարկի 2016-ի բյուջեի նախագծին, թեեւ դա քիչ հավանական է: Խոսքը Վարդան Օսկանյանի, Վահե Հովհաննիսյանի, Էլինար Վարդանյանի, Ստեփան Մարգարյանի, ինչպես նաեւ «Ալյանս» կուսակցության նախագահ Տիգրան Ուրիխանյանի մասին է:

Անգամ Հայ ազգային կոնգրես խմբակցությունը, հնարավոր է, իր ողջ կազմով «դեմ» չքվեարկի 2016-ի բյուջեին: Ամեն դեպքում, մի պատգամավոր սույն խմբակցությունից կարող է բացառություն լինել: Այսինքն, 7-ի փոխարեն 6 «դեմ» կարող է լինել այս խմբակցությունից: Կառավարության վարած քաղաքականության նկատմամբ մեղմացել են նաեւ նախկին վարչապետ Հրանտ Բագրատյանի մոտեցումները: Հիշեցնենք, նա ոչ միայն երկրի գլխավոր փաստաթղթի քննարկումների ժամանակ էր ջախջախում նախկին վարչապետին, այլ ընդհանրապես առիթը բաց չէր թողնում՝ Տիգրան Սարգսյանին եւ նրա կառավարությանը հողին հավասարեցնելու համար: Բագրատյանն, իհարկե, պասիվ չէ, այլ ճիշտ հակառակը, ավելին, երեկվա քննարկման ժամանակ նրա հնչեցրած հարցը մեծ աշխուժություն մտցրեց նիստերի դահլիճում, բայց այս դեպքում նա թվերի, տնտեսական կրախի ու երկրի կործանման մասին չէր խոսում: «Դուք ո՞նց եք նայում, մեզ սաղ օրը նկարում են: Ես մինչեւ տնից հասնում եմ էստեղ՝ 18 կամերա ինձ նկարում է: Եթե դրանց նկարածները գումարենք՝ իմ ամբողջ կյանքը էկրանի առաջ է: Արդեն հիմա շենքում բակի կողմից էլ են դրել: Այսինքն, դուք ի՞նչ եք մտածում, էդքան մտածում եք մեր մասին, մեր առողջության մասին, որ մենք հանկարծ սխալ քայլ չանենք, չգիտեմ, լեւի չգնանք, ինչ չանենք... Տենց սաղ նկարում եք: Արդեն հրավիրում են ռեստորան՝ հաց ուտելու՝ հարցնում եմ՝ ձեզ մոտ նկարո՞ւմ են, թե՞ չէ, մտածում եմ՝ գա՞մ, թե՞ չէ: Մարդ ես, էլի, ուզում ես մի հատ անեկդոտ պատմես, բան: Դե տունն էլ չխոսամ, չասեմ՝ ամեն ինչ լսվում, ամեն ինչ նկարվում է: Դուք ո՞նց եք դրան նայում՝ որպես ԱԺ համապատասխան հանձնաժողովի նախագահ»,- ԱԺ Պաշտպանության, ազգային անվտանգության եւ ներքին գործերի մշտական հանձնաժողովի նախագահ Կորյուն Նահապետյանին հարցրեց Բագրատյանը, երբ վերջինս ներկայացում էր հանձնաժողովի եզրակացությունը համապատասխան ոլորտներում ծախսերի վերաբերյալ: Նահապետյանը հայտարարեց, որ Բագրատյանը չափազանցնում է եւ այդուամենայնիվ, խորհուրդ տվեց բարձրացված հարցով հանդես գալ օրենսդրական նախաձեռնությամբ: Բագրատյանը նետեց. «Ինձ ձեռ մի առեք, մի բան ենք ասում, ասում եք՝ հանդես եկեք օրենսդրական նախաձեռնությամբ: 28 անգամ հանդես եմ եկել, մի անգամ քննարկե՞լ եք ստեղ: Եթե ընդդիմություն ես` չունես օրենսդրական նախաձեռնության իրավունք: Ինչ ասեմ, շարունակեք տուգանել: Պատասխանատվություն դուք չեք զգում, հասկանո՞ւմ եք: Դուք մարդկանց տուգանում եք ամեն տեղ, ա՛յ մարդ, տուալետ սկի չենք կարողանում գնալ»:

Հայ հեղափոխական դաշնակցությունը, որը եւս դեռ չի շտապում պաշտոնապես հայտարարել՝ ինչպես է քվեարկելու 2016-ի բյուջեի նախագծին, բայց մասնավոր զրույցներում նշում է, թե «կողմ», այդուամենայնիվ, չի քվեարկի: Տեղեկություններ կան, որ ՀՅԴ-ն կամ չի մասնակցի քվեարկությանը, կամ էլ «ձեռնպահ» կքվեարկի:

ՕԵԿ-ի դեպքում կարծես թե հստակ է, թեեւ սույն խմբակցությունը եւս դեռ պաշտոնական հայտարարություն չի արել, բայց նրանք դեմ են Հովիկ Աբրահամյանին եւ վերջինիս ներկայացրած բյուջեի նախագծին:

Ժառանգությունը «դեմ» կքվեարկի իր ողջ կազմով:    

Թերեւս կանխատեսելով, որ 2016-ի բյուջեի նախագիծն ընդունվելու է առնվազն 100 «կողմ»-ով, այս անգամ վարչապետ Հովիկ Աբրահամյանն ընդհանրապես ԱԺ ամբիոնին չմոտեցավ: Փաստաթուղթը, հիշեցնենք, ներկայացրեց եւ պատգամավորների հարցերին պատասխանեց ֆինանսների նախարար Գագիկ Խաչատրյանը: Այնինչ, Սարգսյանի վարչապետության օրոք այս փաստաթուղթը այնպիսի կոշտ դիմադրության էր արժանանում ԱԺ-ում, որ մի կերպ էր ընդունվում:

Տպել
3126 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում