Արա Աբրահամյանը նոր ծրագիր ունի. երկուշաբթի նա կլինի Հայաստանում

21/11/2015 schedule15:20

Ռուսաստանի հայերի միության նախագահ Արա Աբրահամյանը, որ անցյալ ամիս հայտարարեց Հայաստանում նոր կուսակցություն բացելու մասին, եկող շաբաթ նոր ծրագրի մասին հայտարարություն է անելու:

Մեր տեղեկություններով, նա Երեւան կժամանի երկուշաբթի երեկոյան: Այս անգամ, սակայն, ինչպես հայտնում են մեր աղբյուրները, հայտարարությունը ոչ թե քաղաքական է լինելու, այլ տնտեսական: Աբրահամյանը, ինչպես մեզ հաջողվեց պարզել, միայնակ չի գալիս ՀՀ: Նրա հետ կլինի ինչ-որ խոշոր գործարար: Այս անգամ էլ Ռուսաստանի հայերի միության նախագահը հայտարարելու է տնտեսական ինչ-որ շարժում սկսելու մասին, որը մասնաճյուղեր է ունենալու ՌԴ-ում, Լոս Անջելես քաղաքում:  

Իր սկանդալային մամուլի ասուլիսից հետո Արա Աբրահամյանը կտրականապես հրաժարվում է շփվել հայ լրագրողների հետ: Նա խիստ նեղսրտած է ասուլիսին հետեւած հրապարակումներից եւ Հայաստանից հնչող հեռախոսազանգերին չի պատասխանում: Մենք տեղեկացրել էինք, որ նոր կուսակցություն ստեղծելու նրա պրոյեկտը այստեղ բարձրացված մեծ աղմուկից հետո լուրջ կասկածի տակ է: Տեղեկություններ կան, որ այդ աղմուկից հետո Աբրահամյանը զուգահեռաբար բանակցություններ է սկսել ՌԴ իշխանությունների հետ Պետդումայի 2016 թվականի խորհրդարանական ընտրություններում 77-ամյա Արթուր Չիլինգարովի տեղը զբաղեցնելու նպատակով: Այս հեռանկարը, սակայն, ինչպես մեզ հաջողվեց ճշտել, կարծես թե չի իրագործվելու:

Իշխանական շրջանակներում տեղեկություններ կան, որ քննարկվում է նաեւ տարբերակ, որ Արա Աբրահամյանը Հայաստանում իր կուսակցությունը հիմնադրելու փոխարեն 2017-ի խորհրդարանական ընտրություններում ընդամենը ֆինանսավորի Արամ Սարգսյանի ղեկավարած դեմոկրատական կուսակցությունը: Համենայնդեպս, ՀՀ քաղաքական դաշտ մուտք գործելու մասին Աբրահամյանի արած հայտարարությունից եւ բոլոր կողմերից նրա դեմ սկսված դեմարշից հետո Ռուսաստանի հայերի միության նախագահը հետեւություններ է արել եւ զուգահեռ այլ ծրագրեր էլ է մտմտում: Դրանցից մեկի մասին էլ եկող շաբաթ նա կհայտարարի: Ամեն դեպքում, այստեղ Աբրահամյանի համար թիմ հավաքելու աշխատանքներ ընթանում են: Մեր հարցերին երեկ պատասխանել է Ռուսաստանի հայերի միության առաջին փոխնախագահ, Հայաստանի դեմոկրատական կուսակցության նախագահ Արամ Սարգսյանը:

- Պարոն Սարգսյան, Արա Աբրահամյանը կարծես թե անջատել է հեռախոսը եւ լրագրողների հետ չի շփվում: Նեղացա՞ծ է իր ասուլիսին հետեւած մեծ աղմուկից հետո:

- Ինքը հիմա հարցազրույց չի ուզում տալ, որովհետեւ իր ծրագիրն ունի, ծրագիրն ուզում է իրականացնի, շարունակություն ունի, ինչ-որ բաներ պիտի անի ու հիմա մամուլի հետ չի ուզում շփվի, ասում է` ինչ ուզում են, թող գրեն:

- Նեղացել է, փաստորեն:

- Չէ, այն անհեթեթությունները, որ գրեցին... նեղանալու հարց չկա, հիմա այդպես է որոշել, այլեւս հետաքրքիր էլ չէ, թե ինչ են գրել: Այնպես որ, պիտի մի քիչ սպասեք, մինչեւ բոլոր բաների մասին հայտարարի: Ես էլ այդ թեմայով չեմ խոսի, ես ընդամենը այդ կազմակերպության առաջին փոխնախագահն եմ, ծրագրերը նրանն են:

- Ինֆորմացիա կար, որ կարծես թե այդքան էլ ոգեւորված չէ այլեւս նոր կուսակցություն բացելու գաղափարով եւ զուգահեռ փորձում է պետդումա մտնելու բանակցություններ վարել:

- Կյանքը ցույց կտա, թե ինքը ինչ է, ոնց է, շարունակում է, թե չի շարունակում: Ոչ մի խոչընդոտ չկա:

- Նաեւ խոսակցություն կա, որ չի բացառվում` Արա Աբրահամյանը ձեր ղեկավարած կուսակցության վրա խաղադրույք անի առաջիկա խորհրդարանական ընտրություններում:

- Ես ձուկը ջրում բազառ չեմ անում: Եվ բացի դրանից, կուսակցությունը ինքը կորոշի, եթե իր գաղափարախոսությանը հարիր է եւ ծրագրին համապատասխան է, կորոշի` իր համար դա ընդունելի է, թե ոչ: Սա դեռ լրիվ սկիզբն է իր տնտեսական ծրագրի իրականացման: Նորից եմ կրկնում` իր ծրագիրը սոցիալ-տնտեսական զարգացման ծրագիր է, դա դեռ ոչ մի քաղաքական բաղադրիչ չունի: Կգա ժամանակը, կխոսենք: Հիմա նախօրոք ի՞նչ քննարկենք:

- Իսկ որոշում կա՞, դեմկուսը առանձին կմասնակցի՞ առաջիկա խորհրդարանական ընտրություններին:

- Միանշանակ: Ախր, դեմոկրատական կուսակցությունը 28 տարվա կուսակցություն է: Հո երեկվա կուսակցությունը չէ՞: Հո Արա Աբրահամյանը չեկա՞վ, նոր մենք դարձանք կուսակցություն: Մենք մեր ծրագրով գնում ենք, շարունակում ենք: Եթե նկատում եք, ես իմ քաղաքական գործունեությունը երբեւիցե չեմ խառնել հասարակական կազմակերպության գործունեության հետ: Մենք ունենք մեր ուրույն գիծը եւ այդ մեր գծով էլ շարունակում ենք: Մենք հանրաքվեի հետ կապված մեր սեփական որոշումը կայացրել ենք, որը կապ չունի այս հասարակական կազմակերպության եւ մնացած բոլոր հարցերի հետ: Երբեւիցե մեր ինքնուրույնության վերաբերյալ հարցական դնել, կներեք, դա կլինի, մեղծ ասած, անհեթեթություն: Մենք այդպիսին կանք, այդպիսին եղել ենք, որեւէ մի տեղ տեսե՞լ եք, որ մենք շեղված լինենք մեր հիմնական գաղափարական գծից: Չեք տեսնի:

- Այսինքն, միանշանակ մասնակցելու եք ընտրություններին:

- Իհարկե, պետք է մասնակցենք: Եվ շատ լուրջ էլ մասնակցելու ենք: Հին ընտրություններում մեր հերթը չէր, մեզ ուղղակի իրենց իսկ խոստովանությամբ եւ իրենց լեզվով ասած, բլոկ արեցին շատ հստակ:

- Ո՞վ արեց, այդ ինչպե՞ս:

- Ո՞նց են անում: Մեր հանդիպումներին գայիք, տեսնեիք` ինչ պայմաններ էին: Հիմա ընտրություններին միանշանակ մասնակցելու ենք, հանրաքվեին էլ արդեն հայտարարել ենք, որ կքվեարկենք դեմ:

- Իսկ եթե Արա Աբրահամյանը բացի իր կուսակցությունը, դեմկուսը հնարավո՞ր է նրա հետ դաշինքով մասնակցի ընտրություններին, թե՞ առանձին կմասնակցի:

- Արդեն ասացի, մենք ունենք մեր սեփական գաղափարախոսությունը, մեր ծրագիրը, եթե կուսակցությունը համագումարի ժամանակ համապատասխան որոշում կկայացնի` այո: Ես կուսակցության նախագահն եմ, բայց ռիսկ չեմ անի դիրքորոշում հայտնել, կուսակցության համագումարը որոշում կընդունի:

- Իսկ եթե առանձին-առանձին մասնակցեք, այդ դեպքում չե՞ք խանգարի իրար:

- Կիկոսի մահը դարձրիք: Ժամանակը կգա, կորոշենք, ինչո՞ւ եք ուզում ենթադրություններ անենք:

- Շատ քիչ ժամանակ է մնացել ընտրություններին:

- Դեռ տարիուկես կա, ի՞նչ է պատահել, կհասցնենք դրա մասին խոսել, հավատացեք:

- Ե՞րբ է նախատեսված ձեր համագումարը:

- Դեռ չենք որոշել, երբ նախատեսենք, կհայտարարենք: Հավանաբար, եկող տարի կլինի:

Տպել
3491 դիտում

Երթևեկության կազմակերպման փոփոխություն կլինի Միկոյան-Գալշոյան փողոցների խաչմերուկում

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ