Իսրայելի Կնեսետի փոխնախագահը դատապարտել է Ադրբեջանի գործողություններն ընդդեմ Արցախի

04/04/2016 schedule16:26

ՀՀ ԱԺ Հայաստան-Իսրայել բարեկամական խմբի ղեկավար Արտակ Զաքարյանը, խմբի անդամներ Ալեքսանդր Արզումանյանը, Էդմոն Մարուքյանը, Կարեն Բեքարյանը, Թեւան Պողոսյանը, Հրանտ Բագրատյանը եւ Նաիրա Կարապետյանը այսօր հանդիպել են Իսրայելի Կնեսետի փոխխոսնակ, Իսրայել-Հայաստան պատգամավորական բարեկամական խմբի ղեկավար Թալի Պլոսկովի գլխավորած պատվիրակության հետ:

ՀՀ ԱԺ մամլո ծառայության փոխանցմամբ, հանդիպման ընթացքում քննարկվել են երկու երկրների խորհրդարանական հարաբերությունների հետագա զարգացմանը վերաբերող հարցեր: Խորհրդարանականները խոսել են երկու ժողովուրդներին կապող պատմական ընդհանրություններից, ներկայում ունեցող միանման խնդիրներից, սեփական երկրի սահմանների պաշտպանության եւ անվտանգության թեմաներից:

Ողջունելով հյուրերին՝ Արտակ Զաքարյանը կարեւորել է Իսրայելի խորհրդարանականների մասնակցությունը Հայոց ցեղասպանության 100-րդ տարելիցի միջոցառումներին: Հանձնաժողովի նախագահը, խոսելով հայ-ադրբեջանական հարաբերություններից եւ Լեռնային Ղարաբաղի հիմնախնդրից, նշել է, որ Հայաստանը ձգտում է բոլոր տիպի խնդիրները լուծել խաղաղ եւ քաղաքական ճանապարհով: Արտակ Զաքարյանը նշել է, որ ապրիլի 2-ի գիշերը ադրբեջանական զինուժը հարձակվել է ղարաբաղյան դիրքերի վրա: Ընդգծվել է, որ մինչ այդ հրետակոծվում էին նաեւ Հայաստանի սահմանները, սակայն վերջին օրերի զարգացումն ուղղված է եղել միայն Լեռնային Ղարաբաղի դեմ՝ նպատակ ունենալով գնդակոծել ԼՂՀ խաղաղ բնակչությանն ու պաշտպանական ստորաբաժանումներին: Ըստ պարոն Զաքարյանի՝ Ադրբեջանը ռազմական ագրեսիա է ծավալել՝ խախտելով բոլոր պայմանավորվածություններն ու բանակցային սկզբունքները:

Հանձնաժողովի նախագահը նշել է, որ Ադրբեջանը փորձում է ԼՂ հիմնախնդիրը տանել ռազմական լուծման ճանապարհով: Արտակ Զաքարյանի խոսքով՝ Ադրբեջանը կիրառել է լայն զինանոց: «Հայաստանը եւս տարբեր երկրներից ձեռք է բերում զենք ու զինամթերք, սակայն դրանք ուղղված են խաղաղության պահպանմանը եւ տարածաշրջանային կայունությանը»,-ասել է պարոն Զաքարյանը: Նշվել է, որ Հայաստանը, փաստացի, ԼՂ-ի հետ միասին հանդիսանում է տարածաշրջանի կայունության միակ երաշխավորը: Խաղաղության հասնելու ամենակարճ ճանապարհը, ըստ Արտակ Զաքարյանի, ԼՂ-ի եւ ՀՀ-ի հետ երկխոսությունն է՝ ԵԱՀԿ ՄԽ բանակցային ձեւաչափում:

Հյուրերը եւս ընդգծել են Իսրայելի Կնեսետի եւ ՀՀ Ազգային ժողովի հետ հարաբերություններն ակտիվացնելու անհրաժեշտությունը, ինչպես նաեւ պատրաստակամություն հայտնել աջակցելու համագործակցությանը փոխադարձ կարեւորություն ունեցող մի շարք ոլորտներում՝ տնտեսական, մշակութային, զբոսաշրջության:

Խոսելով ղարաբաղա-ադրբեջանական հակամարտ զորքերի շփման գծում տեղի ունեցող իրադարձություններից՝ Իսրայել-Հայաստան պատգամավորական բարեկամական խմբի ղեկավար, Կնեսետի փոխխոսնակ Թալի Պլոսկովը խստորեն դատապարտել է Ադրբեջանի ռազմական գործողությունները Լեռնային Ղարաբաղի դեմ եւ կոչ է արել հաստատել խաղաղություն: Կնեսետի պատգամավորները նշել են, որ խնդրի միակ լուծումը խաղաղությունն է, որը երկարատեւ գործընթաց է:

Հայ խորհրդարանականները եւս կարեւորել են խորհրդարանական կապերի զարգացումը, խոսել են տարածաշրջանային խնդիրներից, անդրադարձ կատարել Իսրայելում հայկական համայնքի եւ Հայաստանում հրեական համայնքի կարեւոր դերակատարմանը բարեկամական հարաբերություններում:

Տպել
990 դիտում

ԵՄ-ն 850 000 եվրո է տրամադարում խորհրդարանական ընտրությունների վերահսկման համար

Որեւէ մեկը չփորձի ՀՀ քաղաքացուն նվաստացնել՝ 5 հազար դրամ առաջարկելով. վարչապետ

Ինչպե՞ս է հայ տղամարդը մահացել Մոսկվայի օդանավակայանում. ՌԴ ՔԿ-ն տեսանյութ է հրապարակել

Լենա Նազարյանը Facebook սոցիալական ցանցում հրապարակել է «Իմ քայլը» դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից

ԱՄՆ-ն տրամադրում է 8 մլն դոլար՝ ընտրություններում ՀՀ կառավարությանն օժանդակելու համար

Հենրիխ Մխիթարյանի հարսանիքի օրը դեռ որոշված չէ. նշել է նրա մայրը

Ծաղկաձորում կազմակերպվում է եռօրյա միջոցառում՝ հայերեն Վիքիպեդիայում բժշկական հոդվածների ստեղծման համար

ՀՀԿ-ն ներկայացրել է ռեյտինգային ընտրակարգով առաջադրված թեկնածուներին

ԱԱ չեմպիոն Ֆրանսիան, փոխչեմպիոն Խորվաթիան չհաղթեցին Ազգերի լիգայի իրենց խմբերում

Քննարկվում է 500 մլն դոլարի ներդրման ծրագիր, կառուցվելու է մի քանի գործարան. Նիկոլ Փաշինյան

Մեր բանակի համար առավել օգտակար կլինեն ուղղաթիռները. ռազմական փորձագետ

Հերմինե Նաղդալյանի ամուսինը անսահման անշարժ գույք ունի

Աստված մի արասցե՝ ընտրակաշառք բաժանելու փորձ արվի եւ ես իմանամ ոչ թե իրավապահներից, այլ՝ մամուլից. վարչապետ