Անդրանիկի ու Չաուշի նկարների կողքին Հովսեփի նկարն ենք դնելու. կապիտանին հողին են հանձնել

05/04/2016 schedule20:50

«Հզոր տղա, հերոս տղա, 27 տարեկան, կապիտան, Վազգեն Սարգսյանի անվան ինստիտուտն ավարտած, երկու անչափահաս երեխաների հայր: Արմատներով սասունցի էր, որոնք 100 տարի առաջ տեսել են պատերազմն ինչ է, ջարդն ինչ է: Ես չեմ ուզում շատ վեհ բառեր ասել նրա մասին, բայց կարող եմ ասել, որ եթե կյանքում մի լավ մարդ տեսել եք, իմացեք, որ Հովսեփն էդպիսի մարդ էր». Արմավիրի մարզի Ապագա համայնքի ղեկավար Արտաշես Բարսեղյանն այսպես բնութագրեց Արցախի դիրքերի պաշտպանության համար իր կյանքը նվիրաբերած Հովսեփ Կիրակոսյանին:

Այսօր Ապագայում հողին են հանձնել հայրենիքի պահապանի, երկու փոքրիկների հոր մարմինը: Հովսեփը Մատաղիսի զորամասում ինժեներա-սակրավորային վաշտի հրամանատարն էր, ընտանիքի հետ Արցախ էր տեղափոխվել 2006-ից: «Ընտանիքով գնացել էին սահման պահելու»,- մեկնաբանեց գյուղապետը, ում համար Հովսեփը համագյուղացի եւ հարեւան լինելուց զատ նաեւ մեծ մարդ էր:

Գյուղապետը պատմեց, որ ղարաբաղա-ադրբեջանական շփման գծում իրադրության սրման հենց առաջին օրը որոշել է Արցախ մեկնել: Դեռ ճանապարհին է եղել, երբ իրեն տեղեկացրել են, որ իր համագյուղացի կապիտանը վիրավոր է:

«Ես ամսի 2-ին առավոտյան ժամը 9:30-ին ճանապարհվել եմ Մարտակերտ: Ճանապարհին իմացա, որ Հովսեփը վիրավորվել է: Գնացի, սկսեցի  հոսպիտալներում փնտրել: Մարտակերտի հիվանդանոցի գլխավոր բժիշկը զանգահարեց, իմացավ, որ Հովսեփը մահացած է: Տեղափոխեցի դիահերձարան, հետո Ստեփանակերտ, Ստեփանակերտից Էջմիածին: Մենք չէինք գնացել զոհ բերելու նպատակով, գնացել էինք պատերազմի, բայց դե այնպես ստացվեց, որ Հովսեփին բերեցի»,- ասաց գյուղապետը:

Նա նաեւ ընդգծեց, որ հարազատներն են ցանկացել Հովսեփին ընտանեկան գերեզմանատանը հուղարկավորել:

«Բայց մեր գյուղի հուշարձանի մոտ, հաղթական պատի վրա, Զորավար Անդրանիկի եւ Գեւորգ Չաուշի կողքին Հովսեփի նկարը դնելու ենք, Ազատամարտի հերոսներին նվիրված խաչքարի կողքին էլ իր խաչքարն ենք դնելու»,- տեղեկացրեց գյուղապետը՝ հավելելով, որ վերջին օրերին Հովսեփի ընտանիքը մեծ աջակցություն է ստացել բոլորից.

«Դրամական աջակցություն են ցուցաբերել եւ ՀՀ եւ ԼՂ պաշպանության նախարարները, Արմավիրի մարզպետը, ԱԺ պատգամավոր Հրանտ Գրիգորյանը, եւ համայնքի բնակիչները»:

Արտաշես Բարսեղյանը ընդգծեց նաեւ, որ այս պահին ստուգում է գյուղից Արցախում ծառայող զինծառայողների տվյալները, որպեսզի եթե ինչ-որ մեկին չկարողանա գտնել՝ ճանապարհվի Ղարաբաղ:

Տպել
6693 դիտում

Սումգայիթում իրավիճակը թեժանում է. արմատականների են ձերբակալել

Արմավիրի մարզում անչափահասն անզգուշաբար կրակել է 13 տարեկան աղջկա ոտքին

Ավագանու արտահերթ ընտրություն. Փոստանջյանը ԵԼՔ-ի եւ ՀՀԿ-ի վարքագծի հարցում տողատակ է դնում

ՎՏԲ-Հայաստան Բանկի քարտից քարտ փոխանցումների ծառայությունը մեծ ճանաչում է վայելում

Ավելացող նամակներից ոչ մեկը չի անտեսվելու. «Իմ քայլը» հիմնադրամի հայտարարությունը

Ինչ էին նշանակում Փաշինյանի եւ Մակրոնի ժեստերը. մեկնաբանում է արտակարգ եւ լիազոր դեսպանը

Գարեգին Բ-ի տեղաշարժը խոչընդոտելու գործով ոստիկանությունը ծառայողական քննություն է սկսել

Դիլիջանի ոլորաններում «Օպելը» 100 մետր գլորվել է ձորը. կան վիրավորներ

Արագածոտնում մեքենան բախվել է արգելապատնեշին, շրջվել. ուղևորը մահացել է, վարորդը վիրավոր է

Հայաստանի եւ Արցախի մարդու իրավունքների պաշտպանները հանդիպել են Գարեգին Բ-ի հետ

Սիսիան-Գորիս ճանապարհին մեքենան դուրս է եկել ճանապարհից, մոտ 20 մ սահել ձորակը, կա տուժած

Թուրքիայի հետախուզությունն Ադրբեջանում եւ Ուկրաինայում օպերացիա է իրականացրել

Կաթողիկոսը հանդիպել է ունեցավ Եգիպտոսի եւ ԱՄՆ Հայոց Արեւմտյան թեմերի ուխտավորների հետ

Ֆրասիայի թիմի հաղթանակի համար նախագահ Մակրոնի ու երկրպագուների հրճվանքը (լուսանկարներ)

Հրդեհ էր բռնկվել Այգեպատ գյուղի տներից մեկում, կից թոնրատանը

Լոռիում կարկտաբեր ամպերը ցրելու համար երեկ 110 կրակոց է արձակվել

Ռազմաքաղաքական իրավիճակը լարված է, ցանկացած պահի պետք է պատրաստ լինենք հակահարված տալու

Խղճի ազատության «տանիքի» տակ չարաշահման որեւէ դեպք ես թույլ չեմ տա. Փաշինյան

Այսօր Ամուլսարն ենք փակում վարչապետի կամքով, մի օր էլ ԶԼՄ-ները կփակենք. վարչապետ

Տրանսպորտի խնդիրը լուրջ է Երեւանում. վարչապետն՝ ապագա քաղաքապետին