Երևան
15 °C
ԵԱՀԿ Մինսկի խմբի ռուսաստանցի համանախագահ Իգոր Պոպովը դեռեւս չորսօրյա պատերազմական լայնամասշտաբ գործողություններից անմիջապես հետո տարածաշրջան կատարած համանախագահների այցն ամփոփելով՝ երեւանյան ասուլիսում հայտարարեց, որ Լեռնային Ղարաբաղի կարգավիճակի հարցը «ներկա պահին հանդիսանում է բանակցությունների նյութ»:
Պոպովը չմանրամասնեց, թե ինչ բանակցությունների մասին է խոսքը, ովքեր են այդ բանակցությունների կողմերը, երբ են սկսվել դրանք եւ այլն: Մինչեւ ապրիլի լույս 2-ի գիշերվա գործողությունները, ինչպես հայտնի է, արդեն երկար ժամանակ ղարաբաղյան հարցի խաղաղ կարգավորման բանակցությունները տապալվում էին, բանակցություններ որպես այդպիսին չէին էլ ընթանում: Անմիջապես մարտական գործողություններից հետո, երբ բազմաթիվ այլ հարցեր կային քննարկելու, սկսած զինադադարի հաստատումից մինչեւ դիակների փոխանակում եւ պարզաբանում, թե որ կողմն է սկսել ռազմական գործողությունները, դժվար թե Մինսկի խումբը ձեռնամուխ լիներ ինչ-որ բանակցությունների վերսկսման: Եվ այսօր էլ դեռ բանակցային սեղանի շուրջ վերադառնալու հեռանկարը չի երեւում, հաշվի առնելով Հայաստանի ղեկավարության ներկայացրած նախապայմանները դրա համար: Կողմերը հիմա ավելի շատ պատրաստվում են պատերազմի, քան՝ բանակցությունների: Եվ այնուամենայնիվ, ինչ-որ գործընթաց կարծես թե գնում է, ընդ որում՝ կենտրոնում հենց Ղարաբաղի կարգավիճակի հարցն է:
ՀՀ կառավարության առաջիկա նիստի օրակարգում «Արցախի Հանրապետությունը ճանաչելու մասին» օրենսդրական նախաձեռնությունն ընդգրկելը, ընդ որում՝ կառավարության կողմից բավական երկիմաստ ձեւակերպմամբ, առաջին հայացքից շանտաժի եւ իրադրությունը մաքսիմալ սրելու տպավորություն է թողնում: Ասենք՝ ռազմական գործողություններին այլընտրանք չթողնելուն միտված քայլ կամ զգուշացում: Սակայն երեկ ՀՀ փոխարտգործնախարար Շավարշ Քոչարյանը Հանրային ռադիոյի «Ստատուս քվո» հաղորդման ժամանակ որոշ հայտարարություններ է արել, որոնք որեւէ այլ գործընթացի գոյության մասին են հուշում:
Հաղորդման ժամանակ կետերով հիմնավորելով Ադրբեջանի՝ իր միջազգային պարտավորություններից եւ ստորագրությունից հրաժարվելու «սովորույթը», փոխարտգործնախարարն ասում է. «Ենթադրենք վաղը ինչ-որ համաձայնագիր ենք ստորագրում, ստորագրում է նաեւ Ղարաբաղը, չէ՞ որ Ադրբեջանը նույն ձեւով կարող է հրաժարվել: Պետք է հստակ գիտակցել, որ գործ ունենք այնպիսի սուբյեկտի հետ, որը ցանկացած պահի կարող է հրաժարվել: Իսկ դա նշանակում է, որ առանց դա հաշվի առնելու՝ չի կարելի առաջ գնալ: Հետեւաբար, այն, ինչ վերաբերում էր հենց կարգավիճակին, չի կարելի թողնել անորոշության մեջ»: Սա նշանակում է, որ ներկայում միջնորդները փորձում են այնուամենայնիվ մշակել կողմերի համար ընդունելի որեւէ փաստաթուղթ, որի հիման վրա կարող է վերսկսվել բանակցային գործընթացը:
Ադրբեջանի արտգործնախարար Էլմար Մամեդյարովը մի քանի օր առաջ հայտարարել էր, որ Ռուսաստանը հակամարտության կարգավորման փուլային տարբերակ է առաջարկել, որն Ադրբեջանին հետաքրքիր է: Շավարշ Քոչարյանը սրան ի պատասխան հայտարարել էր, որ Հայաստանի համար այդ տարբերակն ընդունելի է, եթե առաջին փուլում Ադրբեջանը կճանաչի Լեռնային Ղարաբաղի անկախությունը: Երկու դիվանագետների «բացահայտումներից» կարելի է ենթադրել, որ ռուսական կողմը որպես բանակցությունների հիմք առաջարկում է նույն Կազանի փաստաթուղթը, որը ժամանակին Ալիեւը մերժել է, իսկ Սերժ Սարգսյանը, ըստ իր խոսքերի՝ ընդունել: Ինչպես Սարգսյանը Բլումբերգի հարցազրույցում էր գաղտնազերծել, փաստաթղթում խոսքը Ղարաբաղի կարգավիճակի շուրջ հետաձգված հանրաքվեի մասին էր: Այժմ ստացվում է, որ թե՛ Հայաստանը, եւ թե՛ Ադրբեջանը մերժում են նույն այդ փաստաթուղթը: Ադրբեջանն, իհարկե, չի կարող ընդունել մի թուղթ, որը մեկ անգամ արդեն մերժել է, եւ որպես իրավիճակից ելք՝ հայտարարում է, թե համաձայն է դրան, եթե նշված կետերը փուլային տարբերակով կյանքի կոչվեն: Բնականաբար, Ադրբեջանի համար առաջին փուլը տարածքների վերադարձը պետք է լինի:
Հայաստանն, իհարկե, մեկ անգամ արդեն համաձայնել է նույն այդ փաստաթղթին, բայց Ադրբեջանի սանձազերծած պատերազմից, այդ ընթացքում թույլ տված միջազգային հումանիտար իրավունքի խախտումներից հետո լեգիտիմ իրավունք է ստացել այն այժմ մերժելու համար: Սակայն Հայաստանը նույնպես ոչ թե ուղիղ մերժում է առաջարկը, այլ որոշակի փոփոխություններ է ակնկալում փաստաթղթում: Մասնավորապես՝ եթե փուլային տարբերակն է հիմք ընդունվում, առաջին փուլում Ադրբեջանը ճանաչում է Ղարաբաղի անկախությունը, իսկ եթե փաթեթային, ապա կարգավիճակի շուրջ հանրաքվեի ժամկետները հստակ նշվում են, եւ խոսքը ոչ թե ապագայի, այլ ամենամոտ ժամկետների մասին է: «Հայկական կողմերը դեմ չեն փուլային կարգավորմանը, որի շրջանակներում Ադրբեջանը նախեւառաջ ճանաչելու է Լեռնային Ղարաբաղի Հանրապետության անկախությունը, վերադարձնելու է իր կողմից ԼՂ օկուպացված տարածքները եւ բանակցություններ է սկսելու Լեռնային Ղարաբաղի Հանրապետության հետ սահմանների հստակեցման շուրջ»,- երեկ ռադիոյի եթերում ասել է ՀՀ փոխարտգործնախարարը:
Չի բացառվում, որ կառավարության օրակարգում Ղարաբաղը ճանաչելու մասին օրինագիծն ընդգրկելով՝ Հայաստանը փորձում է ճնշում գործադրել վերոնշյալ գործընթացի վրա, որպեսզի փաստաթուղթն ի վերջո բերվի հայկական կողմի համար ընդունելի տեսքի, եւ Ադրբեջանը ստիպված լինի համաձայնել դրան: Երկար տարիներ ինքն իրեն համոզելուց հետո, թե Ադրբեջանի գերժամանակակից եւ հատուկ պատրաստված բանակը մի քանի օրում կվերցի Ղարաբաղը, ապրիլյան առաջին չորսնօրյակում դեմ հանդիման կանգնելով իրականության առաջ, Ալիեւը վերադարձել է հակամարտությունը բանակցությունների միջոցով լուծելու գաղափարին:
Երեկ ՀՀ ՊՆ մամուլի խոսնակ Արծրուն Հովհաննիսյանը ասուլիսում հայտարարեց, որ այժմ «հակառակորդի ավելի մեծ ծավալի կուտակում կա, քան ապրիլյան պատերազմից առաջ»: Հայաստանի զինված ուժերն իհարկե այս առիթով պատրաստության համապատասխան աստիճանի են բերվել, սակայն կարծում ենք, Ադրբեջանը մեծ ծավալի կուտակումներ է կազմակերպում շփման գծում, որովհետեւ ավելի շատ վախենում է հայկական կողմի հնարավոր հարձակումից:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ