Ֆուտբոլ. Եվրոպայի առաջնություն. Չեմպիոնական զո՞ւյգ

06/07/2016 schedule11:34

«Ուելսը ընդդեմ Պորտուգալիայի խաղը ոչ թե Բեյլն է ընդդեմ Ռոնալդուի, այլ կիսաեզրափակիչ հասած 2 հավաքականների խաղն է՝ Եվրոպայի առաջնության եզրափակիչում հանդես գալու համար»,- հայտարարել է Ուելսի հավաքականի առաջատար եւ ավագ Գարեթ Բեյլը: Այսօր «Եվրո 2016»-ում կայանալու է առաջին կիսաեզրափակիչը. Լիոնի նորակառույց, 60 հազար նստատեղով «Ստադ դը Լյումեր» ստադիոնում, Երեւանի ժամանակով 23:00-ին մեկնարկելու է Պորտուգալիա - Ուելս հանդիպումը:

Նման կիսաեզրափակիչ դժվար էր կանխատեսել մրցաշարի մեկնարկից առաջ, ընդ որում, այն իրականություն դարձավ ոչ այնքան թիմերի ցուցադրած խաղի, այլ ինչ-որ չափով պատահականության շնորհիվ: Խմբային փուլի վերջին տուրում Իսլանդիան մրցավարի կողմից ավելացրած վերջին րոպեին գոլ խփեց Ավստրիային, հաղթեց 2-1 հաշվով, խմբում գրավեց 2-րդ տեղը, ինչի հետեւանքով նույն պահին Հունգարիայի հետ 3-3 խաղացող Պորտուգալիան հայտնվեց 3 -րդ տեղում եւ խուսափեց հզոր երկրների՝ Գերմանիայի, Իտալիայի, Իսպանիայի, Ֆրանսիայի, Անգլիայի հետ հանդիպումներից: Միեւնույն ժամանակ Ուելսը խմբային փուլում անակնկալ կերպով զբաղեցրեց 1-ին տեղը եւ նույնպես խուսափեց այդ հզոր երկրների հետ հանդիպումներից:

Մինչ կիսաեզրափակիչ Ուելսը խմբային փուլում հաղթել է Սլովակիային (2-1), պարտվել է Անգլիային (1-2), հաղթել է Ռուսաստանին (3-0), ապա փլեյ-օֆում կարողացել է պայքարից դուրս բերել Հյուսիսային Իռլանդիային (1-0), Բելգիային (3-1) եւ իր պատմության մեջ առաջին անգամ հանդես է գալու խոշոր մրցաշարերի կիսաեզրափակիչում: Ընդ որում, Ուելսը կարողացել է կիսաեզրափակիչ հասնել՝ առավելության հասնելով մրցակիցների նկատմամբ հիմնական ժամանակում: Կիսաեզրափակիչ հասած 4 թիմերից նման արդյունք ունի միայն Ֆրանսիան: Թերեւս Իսլանդիայից հետո Ուելսը մրցաշարի ամենահամակրելի թիմն է: Բայց կիսաեզրափակիչում Ուելսը հանդես է գալու առանց իր առաջատարներից մեկի՝ Աարոն Ռեմզիի, որը դեղին քարտերի պատճառով որակազրկվել է:

Իսկ ահա Պորտուգալիան փլեյ- օֆի 2 հանդիպումներ չի կարողացել հաղթել մրցակիցներին հիմնական ժամանակում. 1/8-րդում անցել է Խորվաթիայի արգելքը 117-րդ րոպեին խփած միակ գոլի շնորհիվ, իսկ քառորդ եզրափակիչում պայքարից դուրս է բերել Լեհաստանին հետխաղյա 11 մետրանոցների օգնությամբ (հիմնական ու լրացուցիչ ժամանակները՝ 1-1): Խմբային փուլում էլ Պորտուգալիան չի հաղթել. ոչ -ոքիներ Իսլանդիայի (1-1), Ավստրիայի (0-0) եւ Հունգարիայի (3-3) հավաքականների հետ: Ֆուտբոլի պատմության խոշոր մրցաշարերից միայն մեկի՝ «Ամերիկայի գավաթ 2011»-ի ընթացքում մի թիմ է կարողացել հասնել եզրափակիչ միայն ոչ-ոքիներով: Պարագվայը այդ ժամանակ 5 ոչ ոքիներով հասավ եզրափակիչ, բայց այստեղ պարտվեց Ուրուգվային 0-3 հաշվով:

Պորտուգալիան կիսաեզրափակիչում է, ընդ որում նման արդյունք արձանագրվել է վերջին 4 «Եվրոներից» 3-ում, եւ ոչ մի անգամ պորտուգալացիներին չի հաջողվել նվաճել Եվրոպայի չեմպիոնի կոչումը: Պորտուգալիան «Եվրո 2000»-ի կիսաեզրափակիչում պարտվել է ապագա չեմպիոն Ֆրանսիային, «Եվրո 2004»-ի եզրափակիչում զիջել է Հունաստանին, «Եվրո 2012»-ի կիսաեզրափակիչում էլ հետխաղյա 11 մետրանոցներով պարտվել է կրկին ապագա չեմպիոն Իսպանիային: Նկատում եք, հավանաբար, որ Պորտուգալիային հաղթողը անպայման նվաճում է Եվրոպայի չեմպիոնի կոչումը: Միգուցե այսպես ստացվի նաեւ «Եվրո 2016»-ո՞ւմ. չեմպիոն դառնա Ուելս -Պորտուգալիա զույգի հաղթողը: 

Տպել
1453 դիտում

ԵՄ-ն 850 000 եվրո է տրամադարում խորհրդարանական ընտրությունների վերահսկման համար

Որեւէ մեկը չփորձի ՀՀ քաղաքացուն նվաստացնել՝ 5 հազար դրամ առաջարկելով. վարչապետ

Ինչպե՞ս է հայ տղամարդը մահացել Մոսկվայի օդանավակայանում. ՌԴ ՔԿ-ն տեսանյութ է հրապարակել

Լենա Նազարյանը Facebook սոցիալական ցանցում հրապարակել է «Իմ քայլը» դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից

ԱՄՆ-ն տրամադրում է 8 մլն դոլար՝ ընտրություններում ՀՀ կառավարությանն օժանդակելու համար

Հենրիխ Մխիթարյանի հարսանիքի օրը դեռ որոշված չէ. նշել է նրա մայրը

Ծաղկաձորում կազմակերպվում է եռօրյա միջոցառում՝ հայերեն Վիքիպեդիայում բժշկական հոդվածների ստեղծման համար

ՀՀԿ-ն ներկայացրել է ռեյտինգային ընտրակարգով առաջադրված թեկնածուներին

ԱԱ չեմպիոն Ֆրանսիան, փոխչեմպիոն Խորվաթիան չհաղթեցին Ազգերի լիգայի իրենց խմբերում

Քննարկվում է 500 մլն դոլարի ներդրման ծրագիր, կառուցվելու է մի քանի գործարան. Նիկոլ Փաշինյան

Մեր բանակի համար առավել օգտակար կլինեն ուղղաթիռները. ռազմական փորձագետ

Հերմինե Նաղդալյանի ամուսինը անսահման անշարժ գույք ունի

Աստված մի արասցե՝ ընտրակաշառք բաժանելու փորձ արվի եւ ես իմանամ ոչ թե իրավապահներից, այլ՝ մամուլից. վարչապետ