Զոհված զինծառայողների ընտանիքների համար կայուն եկամտի աղբյուր ստեղծելու ծրագիրը իրականանում է

ՀՀ էկոնոմիկայի նախարարության կողմից մշակվել է մարտական գործողությունների հետեւանքով զոհված զինծառայողների եւ նրանց հավասարեցված անձանց ընտանիքների համար կայուն եկամտի աղբյուր ստեղծելու ծրագիրը: Այս մասին մեր հարցմանն ի պատասխան տեղեկացրին ՀՀ Էկոնոմիկայի նախարարությունից: Նշենք, որ նման նախաձեռնությամբ կառավարությունը հանդես եկավ ապրիլյան քառօրյա պատերազմից հետո:

Սահմանված կարգով նախատեսվում է աջակցել զոհված անձանց ընտանիքներին` սեփական ձեռնարկատիրական գործունեության իրականացման, ինչպես նաեւ նրանց ինքնազբաղվածության ապահովման համար` կայուն եկամտի աղբյուրի հնարավորություն ստեղծելու եղանակով, որը կարող է լինել անտոկոս փոխառությունների (վարկ) կամ տարաժամկետ վճարման պայմանով գույքի տրամադրման միջոցով:

Շահառուներին տրամադրվող աջակցության (փոխառության) առավելագույն գումարը կազմելու է մինչեւ 5 մլն ՀՀ դրամ: Նշված աջակցությունը տրամադրվելու է այդ նպատակի համար ձեւավորված առանձին դրամագլխի միջոցների հաշվին, որն էլ ձեւավորվելու է ՀՀ պետական բյուջեի միջոցներից, ինչպես նաեւ ֆիզիկական եւ իրավաբանական անձանց նվիրատվություններից, ՀՀ օրենսդրությամբ չարգելված այլ աղբյուրներից:

2016 թվականի համար դրամագլխի սկզբնական մասի համալրման նպատակով 48 մլն ՀՀ դրամը նախատեսվում է տրամադրել 2016 թվականի համար ՀՀ պետական բյուջեով ՀՀ կառավարության պահուստային ֆոնդի համար նախատեսված ծախսերից, իսկ 52 մլն ՀՀ դրամը` ՀՀ էկոնոմիկայի նախարարության արտաբյուջետային միջոցներից: 

Աջակցությունը նախատեսվում է իրականացնել երկու եղանակով`անտոկոս փոխառության տրամադրման միջոցով, որը տրամադրվելու է գործարար ծրագիր իրականացնելու ցանկություն ունեցող շահառուներին: Տարաժամկետ վճարման պայմանով գույքի տրամադրման միջոցով, երբ կարգի համաձայն` համապատասխան մարմինների կողմից իրականացված շահառուների կարիքների եւ կարողությունների գնահատման արդյունքում պարզվում է, որ շահառուն, տարբեր պատճառներով, չի կարող կամ ցանկություն չունի իրականացնել  գործարար ծրագիր:

Գույքային աջակցության տրամադրման դեպքերը եւ ձեւերն առաջարկվելու են շահառուների կարիքների գնահատման հիման վրա եւ հաստատվելու են նախարարությունում ձեւավորված խորհրդի կողմից: Նման դեպքերում, հիմնված շահառուների կարիքների գնահատման վրա, կարող է տրամադրվել բազմաբնույթ աջակցություն (օրինակ` գույք, գյուղտեխնիկա, գյուղատնտեսական կենդանի, սարքավորումներ, գործիքներ եւ այլն, որոնք կամ որոնց արժեքը նույնպես ենթակա է վերադարձման):

Աջակցման կարգն ու կառավարության որոշման նախագիծը շահագրգիռ կողմերի հետ եւս մեկ անգամ քննարկելու համար ժամկետ էր սահմանվել օգոստոսի 31-ը, իսկ ստացված կարծիքներն ամփոփելու եւ լրամշակված նախագիծը ՀՀ կառավարություն ներկայացնելու համար ժամկետ է սահմանվել սեպտեմբերի 6-ը: Հանրային քննարկման նպատակով մշակված կարգը տեղադրված է նաեւ ՀՀ էկոնոմիկայի նախարարության կայքում:

Տպել
6400 դիտում

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին

Վեց տարեկան Իրինան շարունակում է պայքարել քաղցկեղի դեմ. հանգանակությունը շարունակվում է

Գնդապետ Նելլի Դուրյանի որդին՝ ՊԵԿ նախկին պաշտոնյան, 158 հազար դոլար եւ 53 հազար եվրո ունի

Ակադեմիայի տարածքների մի մասը 50 տարով ուզում են մասնավորին տալ. բողոքի ալիք է բարձրացել

Լարսի անցակետն ու ճանապարհը շարունակում է փակ մնալ. ձնահոսքի վտանգ կա

2019-ին կբարձրանա մոտ 11000 բուժաշխատողի աշխատավարձ, կներդրվի ապահովագրության համակարգ (տեսանյութ)

Պետք է առնվազն չկասկածեր ընդունակություններիս և գիտելիքներիս վրա. Ջուլֆալակյանը՝ լրագրողին

Ժամը 18:00-ի դրությամբ՝ համաներմամբ ազատ է արձակվել 491 դատապարտյալ

Աննա Հակոբյանը հյուրընկալել է ավետարանչական ընկերակցության Հայաստանի տնօրեն Հարութ Ներսեսսյանին

Բրյուսովի անվան համալսարանի դասախոսներն իրենց ուսանողուհիներին սթափության կոչ են անում

Դուք կարծում եք՝ Էդուարդ Շարմազանովը, Վիգեն Սարգսյանը ձայն չունե՞ն, ընտրող չեն ունենալո՞ւ. Շարմազանով

Բացահայտվել է պլանավորված գողությունների շարք Արարատի մարզում. 2 անձ կալանավորվել է

Նիկոլ Փաշինյանը հեռախոսազրույց է ունեցել Վլադիմիր Պուտինի հետ

ԱՄՆ-ն կարող է արտաքսել Ֆեթուլլահ Գյուլենին

«Մանկական եվրատեսիլի» ՀՀ մասնակիցն ուզում է Եվրոպային ցույց տալ՝ ինչ տաղանդավոր են հայերը

Փաշինյանը զինվորականներին պարգեւատրել է նույն հայկական արտադրության ժամացույցներով, որոնցից ինքն է կրում

Ալիեւը մեկնում է Մինսկ. հնարավո՞ր է ռազմական նոր գործարք

Թուրքիան ձեռք է բերում С-400 ՀՕՊ համակարգեր. ԱՄՆ շարունակում է արգելափակել F-35–երի ծրագիրը