Ինչպես տապալվեց Հովիկ Աբրահամյանի կառավարությունը. մի քանի անհերքելի ցուցանիշ

 ՀՀ վարչապետ Հովիկ Աբրահամյանը հեռացավ իր պաշտոնից, կառավարությունն էլ հրաժարական տվեց: Ի՞նչ հետք թողեց Հովիկ Աբրահամյանի կառավարությունն իր գործունեության գրեթե երկուսուկես տարիների ընթացքում: Ուսումնասիրենք մեր երկրի սոցիալ-տնտեսական մի քանի ցուցանիշներ:

Հովիկ Աբրահամյանը վարչապետ է նշանակվել 2014 թվականի ապրիլի 13-ին: 2014 թվականին մեր համախառն ներքին արդյունքը կազմեց մոտ 4.8 տրիլիոն դրամ: 2015-ին ՀՆԱ-ն 5 տրիլիոն 32 մլրդ դրամ էր: Սա ներկայացվեց որպես ՀՆԱ-ի, այսինքն տնտեսության 4.2 տոկոս աճ: Բայց այս աճը ապահովվեց դրամի մոտ 14 տոկոսանոց արժեզրկման շնորհիվ, ինչը տեղի ունեցավ 2014 թվականի դեկտեմբերին: Այլ կերպ ասած, ՀՆԱ-ի ծավալի դրամական արտահայտությամբ ներկայացնելը չի արտացոլում տնտեսության իրական պատկերը: Եթե մեր ՀՆԱ-ն դիտարկում ենք, ասենք, դոլարով, պատկերը ստացվում է ճիշտ հակառակը: 2014 թվականին մեր ՀՆԱ-ն կազմել էր 11.6 միլիարդ դոլար, իսկ 2015 թվականին՝ արդեն 10.5 միլիարդ դոլար: Այսինքն իրականում 2015 թվականին մենք ունեցել ենք ոչ թե տնտեսական 4.2 տոկոս աճ, այլ մոտ 10 տոկոս անկում: 

Մոտավորապես նույնն է իրավիճակը մեր պետական բյուջեի հավաքագրման տեսանկյունից: 2014 թվականին պետբյուջեի եկամուտները կազմեցին 1 տրիլիոն 137 միլիարդ դրամ, իսկ 2015-ին` 1 տրիլիոն 147 միլիարդ դրամ: Ընդամենը 10 միլիարդ դրամի աճ, որը ինքնին արդեն չափազանց փոքր ցուցանիշ է: Բայց եթե համադրելիություն ապահովելու եւ դրամի արժեզրկման ազդեցությունը բացառելու համար այս տվյալները կրկին դիտարկենք դոլարով, պատկերը  շատ տխուր կստացվի: 2014 թվականին դոլարով արտահայտած մեր բյուջեի եկամուտները կազմել են 2.7 միլիարդ դոլար, իսկ 2015-ին՝ արդեն 2.4 միլիարդ: Այլ կերպ ասած, բյուջեի եկամուտները առայժմ գործող կառավարության օրոք նվազել են 300 միլիոն դոլարով կամ 11 տոկոսով:

Այս կառավարության օրոք կտրուկ նվազել են նաեւ օտարերկրյա ներդրումները: Թվային ցուցանիշներ, ցավոք, չենք կարող ներկայացնել, քանի որ ներդրումների նվազմանը զուգահեռ ՀՀ ազգային վիճակագրական ծառայությունը պարբերաբար փոխում էր այդ ցուցանիշի հաշվարկման մեթոդոլոգիան: Ըստ որոշ փորձագիտական գնահատականների, օտարերկրյա ներդրումների ծավալները 2014-2015 թվականների ընթացքում կրճատվել է մոտ 65 տոկոսով: Իսկ այս տարվա առաջին կիսամյակի ընթացքում, ԱՎԾ-ի նոր մեթոդոլոգիայի համաձայն, օտարերկրյա ներդրումների զուտ ներհոսքը արդեն բացասական ցուցանիշ էր: Այսինքն ներդրումները ավելի քիչ էին, քան դրանց արդյունքում առաջացած գումարների արտահոսքը:

Բայց Հովիկ Աբրահամյանի կառավարության օրոք գրանցվել են նաեւ աճեր: Ընդ որում՝ կայուն աճեր: Խոսքը առաջին հերթին վերաբերվում է պետական պարտքին: 2014 թվականի սկզբին ՀՀ պետական պարտքը կազմում էր 4.4 միլիարդ դոլար: 2015 թվականի վերջին այն հասավ արդեն 5 միլիարդի: Իսկ այս տարվա առաջին կիսամյակի ավարտին մեր պետական պարտքը 5.3 միլիարդ դոլար էր: Այլ կերպ ասած, Հովիկ Աբրահամյանի կառավարության գործունեության 2.5 տարիների ընթացքում մեր պետական պարտքը աճեց 900 միլիոն դոլարով:

Եվս մի ցուցանիշ, որտեղ գրանցվել է աճ: 2014 թվականին Հայաստանից հեռացողների եւ վերադարձողների թվերի տարբերությունը կազմել է 47 հազար մարդ, հօգուտ հեռացողների: Սա, ըստ էության, արտագաղթի ցուցանիշն է: 2015 թվականին այդ տարբերությունը արդեն 47 հազար 600 էր: Աճը, իհարկե, չնչին է, բայց արդյունքում 2014-2015 թվականների ընթացքում Հայաստանից անվերադարձ հեռացել է մոտ 95 հազար մարդ: Դա Հայաստանի բնակչության մոտ երեք տոկոսն է:

Իսկ ինչ էր ծրագրում Հովիկ Աբրահամյանի կառավարությունը իր գործունեությունը սկսելիս: Դա արտացոլված է 2014 թվականի մայիսին ընդունված կառավարության ծրագրում: 70 էջանոց այդ փաստաթղթում թվական ցուցանիշներ գրեթե չկան: Խոսք կա միայն տարեկան միջինը 5 տոկոս տնտեսական աճ ապահովելու մասին, ինչը, սակայն, չի ապահովվել: Իսկ ընդհանուր առմամբ կառավարության այդ ծրագիրը գեղեցիկ ձեւակերպված, լավատեսությամբ ներծծված մի հեքիաթ է: Մի մեջբերում այդ ծրագրից:

«Միայն հավասար պայմաններ եւ իրական մրցակցություն ապահովող միջավայրն է, որ հնարավորություն կտա Հայաստանի Հանրապետության քաղաքացու մեջ արմատավորելու հավատն իր երկրում վաղվա օրվա, հպարտության զգացում հայրենիքի նկատմամբ: Միայն հասարակության կողմից արդարացիորեն ընկալվող տնտեսական համակարգն է ունակ ապահովելու ներդրումների աճ, ապագայի նկատմամբ հավատով լեցուն, համարձակ կառուցողական քայլերի նախաձեռնում: Նման տնտեսական միջավայրի հրամայականը Հայաստանի Հանրապետության կառավարությունը պետք է իրագործի թե՛ երկարաժամկետ հեռանկարում՝ սահմանադրական բարեփոխումների միջոցով աջակցելով բնականոն քաղաքական փոփոխությունների պայմաններում կայուն տնտեսական միջավայրի պահպանմանը, թե՛ անմիջապես՝ տնտեսական միջավայրի առկա խեղաթյուրումների դեմ կտրուկ եւ հետևողական քայլեր ձեռնարկելու միջոցով»,- ասված է ծրագրում: Համաձայնեք, որ գեղեցիկ է ձեւակերպված:

Պակաս գեղեցիկ չէր ձեւակերպված Հովիկ Աբրահամյանի հայտնի ելույթն այս տարվա մայիսին, որտեղ նա խոսում էր կոռուպցիայի ու մոնոպոլիաների դեմ պայքարի, պետական ծախսերի արդյունավետությունը բարձրացնելու եւ այլնի մասին: Դրանից էլ արդեն անցել է 100 օր, բայց բացի այդ պահին հարուցած գեղագիտական հաճույքից, այն ոչ մի կերպ չարտացոլվեց իրական կյանքում:

Տպել
7181 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում