Խաղողի մթերումն այս տարի եւս դժվար կլինի. վերամշակողները միլիոնավոր դրամներ են պարտք խաղողագործներին

Հայաստանի խաղողագործների միության նախագահ Արտակ Սարգսյանը բարձրաձայնում է խաղողագործներին վերջին տարիներին հուզող ամենակարեւոր խնդիրը: Ըստ նրա, խաղողագործներն ու մթերող ձեռնարկությունները պետք է ունենան փոխշահավետ պայմանագրային պարտավորությունները, սակայն քչերն են պայմանագիր կնքում: Այս մասին «Մեդիա կենտրոնում» կազմակերպված քննարկման ժամանակ ասաց Արտակ Սարգսյանը՝ նշելով, որ բացի Երեւանի կոնյակի գործարանից, մնացածի մթերողները խաղողագործների հետ չունեն պայմանագրեր: «Մթերողները չեն կնքում պայմանագրեր: Առաջին բացն այս ոլորտում սա է: Խաղողագործը չգիտի, թե ով պետք է իր խաղողն ընդունի եւ ինչ գնով»,- ասաց խաղողագործների միության նախագահը՝ նշելով, որ հաջորդ կարեւոր խնդիրն այն է, որ խաղողագործները չեն կարողանում իրենց մթերքն իրացնել նորմալ գնով:

Նրանք վաճառում են այն գնով, որով ընդունում է մթերող ձեռնարկությունը: Արտակ Սարգսյանի տվյալներով՝ 2015 թվականից 1.5 միլիարդ դրամից ավելի պարտք են կուտակել մթերող ձեռնարկությունները խաղողագործներին:

Խաղողագործ Սոխակ Հովհաննիսյանն էլ հայտարարեց, որ նախորդ տարի ստացել է 147 տոննա խաղող, որից 47 տոննան հանձնել է ԲՀԿ նախկին առաջնորդ Գագիկ Ծառուկյանին պատկանող գործարանում եւ ստացել է գումարը, որով էլ կազմակերպել է մնացած բերքի հավաքման եւ իրացման գործընթացը: Գյուղատնտեսը խաղողի մի մասը հանձնել է «Շահնազարյանների» գինու գործարանում, իսկ մյուս մասը՝ «Պռոշյանի» գինու գործարանում: Սոխակ Հովհաննիսյան ասաց նաեւ, որ գործարանների հետ կնքած պայմանագրեր չունի, միայն բանավոր համաձայնության են եկել, սակայն մինչ օրս չի ստացել մթերած խաղողի գումարները:

ՀՀ գյուղատնտեսության փոխնախարար Ռոբերտ Մակարյանն ուշադիր լսելով նախորդ բանախոսներին, ասաց, որ նախորդ տարի ստեղծված իրավիճակի պատճառները ներկայացվել է բազմիցս: Ըստ նրա, հիմնական խնդիրմ եղել է ռուսական ռուբլու արժեզրկումն ու գնողունակության անկումը:

Մակարյանի խոսքով, նախարարությունը հասել է նրան, որ վերամշակողների եւ խաղողագործների միջեւ կնքած պայմանագրերի թիվը մինչեւ 2015 թվականը 2.5 անգամ աճել է: «Պայմանագրեր նախկինում չէի ուզում կնքել գյուղացիական տնտեսությունները, իսկ հիմա՝ վերամշակողները, քանի որ իրացման խնդիր են ունենում: Այս տարվա հետ կապված ամենօրյա աշխատանքներ տարվում են բոլոր վերամշակողների հետ: Ամենօրյա հանդիպումներ են լինում նախարարությունում: Երկու խնդիր ունենք՝ ծավալների ապահովում եւ վճարումների կատարում»,- ասաց Ռոբերտ Մակարյան՝ նշելով, որ վերամշակողներին տրամադրվում են վարկային միջոցներ, որոնք հիմնականում տրամադրվում են մթերումներ իրականացնելու համար:

Փոխնախարարը, խաղողագործների միության նախագահի տվյալներին հակասող տվյալներ ներկայացրեց պարտքերի մասին՝ նշելով, որ հաճախ է ստացվում, որ նախարարության տվյալներն այլ են, որոնք հավաստի են: « 31 մլդ. դրամ պարտքից մնացել է վճարել 800 միլիոն դրամ: Ընդհանուր 10 կազմակերպություններ են, բոլորը, բացի մեկ ընկերությունից, պարտքերը ժամանակացույցով կատարվում են»,- ասաց Ռոբերտ Մակարյանը: Անդրադառնալով Աղվանաձորի խաղողագործներին խնդիրին՝ նա նշեց, որ Վեդի Ալկոն ընկերությունը վարկավորման խնդիր դեռ ունի, իսկ նախարարությունը մթերողի պարտքերի մարման հետ կապված որեւէ խոստում չի տվել: Այս տարի նախարարությունն ակնկալում է մթերել 180 հազարից 190 հազար տոննա խաղող:

Հայաստանի գինեգործների միության նախագահ Ավագ Հարությունյանն էլ իր հերթին հայտարարեց, թե գյուղացիները 25 տարի ժամանակ են ունեցել իրենց սեփականաշնորհված այգիներից ստացված բերքն իրացնելու շուկան դիվերսիֆիկացնելու, սակայն մինչ օրս որեւէ քայլ չեն կատարել:

Տպել
15692 դիտում

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ