Երևան
3 °C
Վրաստանում հոկտեմբերի 8-ին սպասվող խորհրդարանական ընտրություններից առաջ նոր սկանդալ է ծագել:
Մասնավորապես, սեպտեմբերի 14-ին, Creative Georgia Newsyoutube-յան օգտատիրոջ կողմից համացանցում տարածվել է Վրաստանի ընդդիմադիր «Միացյալ ազգային շարժում» կուսակցությանը սատարող «Ռուսթավի 2» հեռուստաընկերության գլխավոր տնօրեն Նիկա Գվարամիայի եւ «Պետությունը ժողովրդի համար» շարժման ղեկավար Պաատա Բուրճուլաձեի հեռախոսազրույցի ձայնագրությունը:
Գվարամիան եւ Բուրճուլաձեն զրուցել են քաղաքական գործընթացների վերաբերյալ: «Ռուսթավի 2»-ի տնօրենը, մասնավորապես, ասել է, որ «Գիրչի» կուսակցության՝ «Վրացական երազանքի» հետ դաշինք կազմելու կողմնակից անդամներն ընտրացուցակում կարեւոր դիրքեր են զբաղեցնում:
Ձայնագրության տարածման հետ կապված Վրաստանի ներքին գործերի նախարարությունը հայտարարություն է տարածել, որտեղ, մասնավորապես, ասվում էր, որ «ՆԳՆ-ի կիբեր հանցագործությունների դեմ պայքարի բաժինն անձնական նամակագրության, հեռախոսազրույցի կամ այլ ճանապարհով հաղորդագրության գաղտնիությունը խախտելու փաստով հետաքննություն է սկսել»:
Ձայնագրության տարածումից անմիջապես հետո հեռախոսազրույցի վավերականությունը հաստատել են ինչպես Գվարամիան այնպես էլ Բուրճուլաձեն: Առաջին հայտարարությունը տարածել է Պաատա Բուրճուլաձեն: Ըստ նրա, հեռախոսազրույցից հանված է այն մասը, որտեղ ինքն ասել է, թե «Պետությունը ժողովրդի համար» դաշինքը չի պատկանում ո՛չ «Միացյալ ազգային շարժմանը» եւ ո՛չ էլ «Վրացական երազանքին»: Աշխարհահռչակ օպերային երգիչը գաղտնալսման եւ հեռախոսազրույցի տարածման մեջ հենց սկզբից մեղադրել է Վրաստանի պետական անվտանգությանը (ՊԱԾ):
«Հարմարվել եմ արդեն այն փաստի հետ, որ գաղտնալսումներ կան: Հիմա ոչ միայն լսում, այլ նաեւ ճնշումներ են գործադրում: Մեր կուսակցության վրա գործադրվող ճնշումները մեծանում են, սակայն մենք դրանք կհաղթահարենք: Ինչպես գիտեք, որքան մեծ է ճնշումը՝ այնքան մեծ է հակազդեցությունը»,- հայտարարել է Բուրճուլաձեն:
Իր հերթին Գվարամիան ֆեյսբուքյան իր էջում հաղորդագրություն է տեղադրել, որտեղ մեղադրում է Վրաստանի պետական անվտանգության ծառայությանը. «Երեք օր էլ պետք չեղավ (հեռախոսազրույցը գտնել): Ահա այսպիսի երկրում ենք ապրում»,- նշել է Գվարամիան: Միեւնույն ժամանակ, Գվարամիան հայտարարել է, որ հեռախոսազրույցը տեղի է ունեցել սեպտեմբերի 8-ին:
Թեմային անդրադարձավ «Սա քեզ է վերաբերվում» քաղաքացիական շարժումը, որը իր գործունեությունը սկսել է 2012 թվականին: Շարժման նպատակը ի սկզբանե ընտրական գործընթացին քաղաքացիների ներգրավումն էր, իսկ 2014 թվականից այն պայքարում է գաղտնի ձայնագրությունների դեմ: Այսօր կազմակերպության հիմնական նպատակն է խստացնել անձնական կյանքին վերաբերող նյութերի տարածման մասին Վրաստանի օրենքը:
Անդրադառնալով վերջին իրադարձություններին, կազմակերպությունը կոչ է արել Վրաստանի կառավարությանը՝ կոնկրետ քայլեր ձեռնարկել՝ պայքարելու ապօրինի հսկողության եւ գաղտնալսումների դեմ. «Գաղտնալսումը տարիներ շարունակ համակարգային խնդիր է հանդիսանում: Առայժմ պետությունը չի ապահովել դրանց արդյունավետ հետաքննությունը»՝ մասնավորապես, ասվում է կազմակերպության տարածած հայտարարության մեջ:
Սա թերեւս առաջին դեպքը չէ, երբ քաղաքական եւ հասարակական գործիչները գաղտնալսվում են: Նման ձայնագրություններ եւ տեսանյութեր էին տարածվում Սահակաշվիլիի կառավարության տարիներին եւս: Համացանցում անձնական կյանքին վերաբերող տեսանյութ տարածվեց նաեւ սույն թվականի մարտին: Այս անգամ թիրախը Վրաստանի նախկին արտգործնախարար Մայա Փանճիկիձեն էր: «Սա քեզ է վերաբերում» շարժումը բողոքի ակցիա կազմակերպեց մայրաքաղաք Թբիլիսիում:
Ընդդիմադիր «Միացյալ ազգային շարժում» կուսակցությունը տեսանյութերի տարածման մեջ մեղադրում էր իշխանություններին: Բողոքի ակցիային մասնակցեց նաեւ Եվրոպական ինտեգրման հարցերով նախկին նախարար Ալեքսի Պետրիաշվիլին: Վերջինիս խոսքերով, գաղտնի ձայնագրությունները տգեղ երեւույթներ են, եւ դրա զոհ է դառնում ամբողջ հասարակությունը: Նա պահանջում էր հարցի վերաբերյալ փոփոխություն մտցնել օրենսդրության մեջ:
2013 թ. օգոստոսի 15-ին Վրաստանում ստեղծվել է ապօրինի հսկողության եւ գաղտնի ձայնագրությունների հարցերով զբաղվող ժամանակավոր հանձնաժողով: Վերջինիս զեկույցի համաձայն՝ գաղտնալսված նյութերի երկարությունը կազմում է 94 740 րոպե, 635 էլեկտրոնային չիպեր: Ընդհանուր ֆայլերի թիվը կազմել է 28 687: Վերոնշյալ ժամանակավոր հանձնաժողովի զեկույցի համաձայն՝ ապօրինի ձայնագրությունները հիմնականում իրականացվել են գործակալների ներդրմամբ, համակարգչային վիրուսների եւ այլ տեխնիկական մեթոդների օգնությամբ:
Ապօրինի հսկողություն տեղի է ունեցել քաղաքական կուսակցությունների գրասենյակներում, պետական հաստատություններում, կալանավայրերում, հասարակական վայրերում եւ այլն: Միեւնույն զեկույցի համաձայն՝ այս բոլոր գաղտնալսումները իրականացվել են նախկին իշխանությունների կողմից, իսկ թիրախները հանդիսացել են ընդդիմադիր կուսակցությունների ներկայացուցիչներ, մշակույթի, տրանսպորտի եւ այլ բնագավառի ներկայացուցիչներ: Զեկույցի վերլուծական մասում նշվում է, որ ապօրինի ձայնագրությունները կատարվել են 2003-2012 թվականներին:
Անդրադառնալով թեմայի վերաբերյալ վերջին սկանդալին, հարկ է նշել, որ Նիկա Գվարամիան եւ Պաատա Բուրճուլաձեն հրավիրվել են Վրաստանի ՆԳՆ եւ հարցաքննվել: Նրանք երկուսն էլ հայտարարել են, որ հեռախոսազրույցը չի տարածվել իրենց կողմից: Բուրճուլաձեն հեռախոսազրույցի տարածման մեջ այլեւս չի մեղադրում ՆԳՆ-ին, իսկ փաստացի ընդդիմության շահերը ներկայացնող հեռուստաալիքի (Ռուսթավի 2)-ի տնօրեն Նիկա Գվարամիան շարունակում է մնալ իր կարծիքին:
Հ.Գ. Նշենք, որ Վրաստանում սպասվող խորհրդարանական ընտրություններին մասնակցելու է 23 կուսակցություն եւ կուսակցությունների դաշինք: Հիմնական ուժերը համարվում են իշխող «Վրացական երազանք» եւ ընդդիմադիր «Միացյալ ազգային շարժում» կուսակցությունները: Ընտրություններին մասնակցելու է նաեւ «Պետությունը ժողովրդի համար» շարժումը, որի կազմում, հիմնականում «Միացյալ ազգային շարժում» կուսակցության նախկին անդամների կողմից ստեղծված կուսակցություններ են՝ «Նոր Վրաստան» եւ «Նոր աջեր»: Այն ստեղծվել է սույն թվականի օգոստոսի 18-ին:
Նորայր Գասպարյան
Թբիլիսի
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են
Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը
Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված
Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին
200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան
Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին
Բախվել են շտապօգնության ավտոմեքենան և «Մերսեդես»-ը
Աֆղանստանում 5․7 մագնիտուդ ուժգնությամբ երկրաշարժ է տեղի ունեցել
Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
Ճամբարակի սննդի օբյեկտի գործունեության կասեցումը վերացվել է
Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները
Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել
Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը
Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը
Ինչ փոփոխություններ է արձանագրել տարադրամի շուկան մարտի 28-ին
Սերգեյ Նարիշկինը այց է կատարել Հյուսիսային Կորեա
Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել
«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան
Հայկ Մարությանը նոր կուսակցություն է հիմնում
© 2024 Հայկական ժամանակ