Երևան
15 °C
Սեպտեմբերի 13-ին, իշխանական եւ ոչ իշխանական ուժերն Ընտրական օրենսգրքում կատարվելիք փոփոխությունների շուրջ հայտարարություն ստորագրեցին:
Քաղաքացիական հասարակության մի շարք ներկայացուցիչներ էլ հաջորդ օրը դրական գնահատեցին ձեռք բերված այդ պայմանավորվածությունները: Եվ նախատեսվում է, որ Կառավարությունը դրանք օրենսդրական փաթեթի վերածած՝ կներկայացնի հոկտեմբերի 3-ին սկսվող Ազգային ժողովի հերթական քառօրյա նիստերի դատին: Իսկ գլխավոր պայմանավորվածությունը կամ ԸՕ-ում նախատեսվող փոփոխությունը, հիշեցնենք, ընտրություններից հետո ընտրողների ստորագրված ցուցակների հրապարակումն է, ինչը տարիներ շարունակ պահանջում էին ընդդիմադիր բոլոր ուժերը, եւ որը կտրուկ մերժվում էր իշխանությունների կողմից: Այդպիսով, կարելի է ասել, որ իշխանությունները լուրջ զիջման են գնացել՝ նվազեցնելով ընտրակեղծիքներ անելու հնարավորությունը:
Սակայն պարզվում է, որ եթե անգամ այդ պայմանավորվածությունները օրենսդրական նախաձեռնության վերածվեն, միեւնույն է, դրանք կյանքի կոչելու համար չի կարելի վերջնական հանգրվան համարել: Ցանկացած պահի իշխանությունները կարող են դրանք ինչ-որ պատճառաբանություններով չեղյալ համարել կամ անբովանդակ դարձնել այնպես, ինչպես դա արեցին ԸՕ-ում կատարված առաջին խումբ փոփոխությունների դեպքում՝ պատճառաբանելով, թե տեխնիկական ապահովման համար անհրաժեշտ 16 մլն դոլարի ֆինանսավորումը միջազգային կազմակերպությունների կողմից ժամանակին չի հատկացվել: Անցած շաբաթ Հայաստանում Եվրամիության դեսպան Պյոտր Սվիտալսկին մեզ հետ զրույցում ասաց, որ այս անգամ անհրաժեշտ 9 մլն դոլարը կտրամադրեն թե՛ իրենք, թե՛ միջազգային այլ կազմակերպությունները: Եվ, կարծես թե, այդ պայմանավորվածությունները կյանքի կոչելու համար անհրաժեշտ ամեն ինչ՝ համաձայնությունը, քաղաքական կամքն ու ֆինանսական հնարավորություններն առկա են, եւ այլեւս ոչինչ չի կարող դրանք խաթարել:
Պարզվում է, սակայն իշխանություններն ունեն այն մերժելու մի հետաքրքիր տարբերակ՝ դա Սահմանադրական դատարանի 2012թ. մայիսի 5-ի որոշումն է, որով մերժվել է հակասահմանադրական ճանաչել ԸՕ այն դրույթները, որոնք թույլ չեն տալիս հրապարակել ստորագրված ցուցակները: Հիշեցնենք, որ 2012թ. խորհրդարանական ընտրություններից առաջ նման հայցով ՍԴ էին դիմել ՀԱԿ, «Բարգավաճ Հայաստան» եւ «Դաշնակցություն» կուսակցությունների պատգամավորները: Չի բացառվում, որ այս որոշումը նման մեկ այլ նախաձեռնության համար նախադեպ հանդիսանա, եթե հանկարծ 2017թ. խորհրդարանական ընտրություններին ընդառաջ իշխանությունները հասկանան, որ այդ ցուցակները հրապարակելով՝ իրենք կարող է ցանկալի արդյունքը չգրանցել: Չէ՞ որ ոչ իշխանականների՝ ստորագրված ցուցակների հրապարակմամբ կանխվում են հանրապետությունից բացակայող մոտ 500 հազար ՀՀ քաղաքացիների փոխարեն մինչ այժմ իշխանությունների օգտին կատարված քվեարկությունները: Ու այս անգամ էլ, ասենք, Հանրապետական խմբակցության պատգամավորները դիմեն ՍԴ՝ պնդելով, որ ձեռք բերված պայմանավորվածություններն ու դրանց հիմքի վրա կատարված օրենսդրական փոփոխությունները հակասում են ՍԴ վերը նշված որոշմանը եւ հակասահմանադրական են:
Մենք փորձեցինք ԸՕ-ի շուրջ տեղի ունեցած բանակցություններին երբեմն մասնակցած ԱԺ պետաիրավական հարցերի մշտական հանձնաժողովի նախագահ Հովհաննես Սահակյանից պարզել, թե հնարավո՞ր է արդյոք, որ 2012թ. այդ որոշման հիման վրա այս անգամ էլ ՍԴ դիմում ներկայացվի: «Ես չեմ կարող այդ հարցին ստույգ պատասխանել, քանի որ դա ՍԴ լիազորությունն է: Եթե ԸՕ-ում նոր փոփոխությունների նախագիծը բերենք ԱԺ, եւ ՍԴ դիմում լինի, ապա այդ դատարանը կարող է քննել հանգամանքները, պարզաբանել եւ հակասահմանադրական ճանաչելու կամ չճանաչելու վերաբերյալ որոշում կայացնել»,- պատասխանեց նա:
Իսկ հնարավո՞ր է, այս անգամ էլ նման նախաձեռնությամբ հանդես գան ՀՀԿ խմբակցության պատգամավորները: «Միայն ՀՀԿ-ն չէ, որ կարող է ՍԴ դիմելու համար անհրաժեշտ 27 պատգամավորի ստորագրություն հավաքել: Մենք մեր նախաձեռնությունը բերել ենք, հետագայի մասին չեմ կարող ասել»,- եզրափակեց Սահակյանը:
Համաձայնությանը միացած «Օրինաց երկիր» խմբակցության պատգամավոր Հովհաննես Մարգարյանն էլ, անդրադառնալով այդ խնդրին՝ հավելեց, որ մեր իրականության պայմաններում ոչինչ պետք չէ բացառել: «Ամեն ինչ էլ հնարավոր է, բայց հրապարակավ հինգ կուսակցությունների մասնակցությամբ մի փաստաթուղթ է ստորագրվել, որն իմ պատկերացումներով՝ պետք է այլեւս անբեկանելի իրականություն լինի: Բայց այնքան բան ենք տեսել, որ ես ոչինչ չեմ կարող բացառել: Այնուամենայնիվ, հույս ունեմ, որ իշխանությունները չեն գնա այդ քայլին: Ընդունել են այդ փոփոխությունները, ուրեմն պիտի հրապարակեն ու վերջ»,- ասում է Մարգարյանը:
Ավելին, վերջինիս խոսքերով՝ իշխանություններին ոչինչ չէր խանգարում, որ ընտրողների ստորագրած ցուցակների հրապարակման այդ պայմանավորվածությունը որպես փորձնական ծրագիր՝ կիրառեին հոկտեմբերի 2-ին Գյումրիում եւ Վանաձորում տեղի ունենալիք ավագանու ընտրությունների ժամանակ: Հատկապես որ այս երկու խոշոր քաղաքների դեպքում նույնպես ընդունվել է այնպիսի ընտրակարգ, որը հատուկ է գալիք խորհրդարանական ընտրություններին: «Այդ փորձը շատ արագ կարող են կիրառել Գյումրիում ու Վանաձորում, եթե իսկապես ցանկանում են հրաժարվել ընտրակեղծիքներից: Եվ հոկտեմբերի 2-ի ընտրությունները լավագույն առիթն են այդ փոփոխությունները ներդնելու համար: Հատկապես որ առանձնապես ներդրումներ չէին պահանջվում: Գյումրիում անհրաժեշտ է ընդամենը 82 պատճենահանման սարքավորում, որ ցուցակները պատճենեն ու հրապարակեն. Գյումրին ունի 82 ընտրատեղամաս: Նույնը նաեւ Վանաձորում: Իշխանությունները եթե կամք ու վճռականություն ցուցաբերեն, կարող են դա անել»,- ասաց Մարգարյանը:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ