Ստատուս քվոյի փոփոխություն առաջին հերթին Ադրբեջանի ուղեղում պետք է լինի

Ադրբեջանը ԼՂ հակամարտության լուծման տեսլականը տեսնում է նախկին ադրբեջանական ԽՍՀՄ տարածքը վերականգնելու միջոցով: Այս մասին Armtimes.com-ի հետ զրույցում ասաց ԼՂՀ նախագահի մամուլի խոսնակ Դավիթ Բաբայանը՝ անդրադառնալով այսօր Նյու Յորքում ՄԱԿ-ի Գլխավոր ասամբլեայի շրջանակներում Ադրբեջանի ԱԳՆ Էլմար Մամեդյարովի կողմից արված հայտարարությանը: Մամեդյարովի խոսքով, Բաքուն պատրաստ է առարկայական բանակցությունների, որոնք «ուղղված կլինեն ստատուս քվոյի փոփոխմանը»։

«Կարելի է եզրակացնել, որ հակամարտության լուծման իրենց տեսլականն այն է, որ ուզում են վերականգնել նախկին ադրբեջանական ԽՍՀՄ-ի տարածքային ամբողջականությունը եւ մի քանի հողակտոր պոկել ներկայիս ՀՀ տարածքից: Եթե խոսում ենք ստատուս քվոյի  փոփոխության եւ անհրաժեշտության մասին, պետք է այն համապարակ ձեւով դիտարկել, որովհետեւ ստատուս քվոյի փոփոխությունը միայն սահմանների փոփոխություն չի ենթադրում»,- ասաց Դավիթ Բաբայանը:

Բաբայանի համոզմամբ՝ Ադրբեջանն առաջնահերթ պետք է մոտեցումները վերանայի եւ նոր խոսի փոփոխությունների մասին.

«Ստատուս քվոյի փոփոխությունն առաջին հերթին իրենց ուղեղներում պետք է լինի, ինքը չի վերանայում իր մոտեցումները, ի՞նչ փոփոխության մասին է  խոսքը»,- ասաց Դավիթ Բաբայանը՝ հավելելով, որ Ադրբեջանի միակ նպատակը Ղարաբաղը զավթելն է:

Հարցին՝ ինչպե՞ս եք պատկերացնում ստատուս քվոյի փոփոխությունը, Բաբայանն ասաց, որ իհարկե ցանկանում են, որ փոփոխություն լինի, բայց պետք է փոփոխությունը մոտեցումներից սկսել:

«Ադրբեջանը քայլ կատարել հակամարտության կարգավորման ուղղությամբ, պատրաստ չի ճանաչել Ղարաբաղի անկախությունը, պետք է վերանայի իր ֆաշիստական գաղափարախոսությունը»,- ասաց Բաբայանը:

Ըստ Բաբայանի՝ փոփոխությունների գրավականը կարող է լինել այն, որ Ադրբեջանն ի վերջո,  Վիեննայի եւ Սանկտ Պետերբուրգի  գագաթաժողովներում ընդունած պայմանավորվածություններն ի կատար ածի (ղարաբաղա-ադրբեջանական շփման գծում հետաքննող մեխանզիմների տեղադրում, ԵԱՀԿ գործող նախագահի անձնական ներկայացուցիչ Անջեյ Կասպրշիկի գրասենյակի ընդլայնում):

«Այստեղ պետք  է Ադրբեջանը քայլ կատարի, այ դա արդեն կլինի ստատուս քվոյի փոփոխություն, եթե ուզում են իրավիճակ փոխել, շփման գծում կրակոցներ ու հրադադարի խախտումներ չլինեն, լինեն, պետք է  այդ մեխանիզմների վրա աշխատեն»,- ասաց Բաբայանը:

Ադրբեջանի ԱԳՆ Էլմար Մամեդյարովը ՄԱԿ-ի Գլխավոր ասամբլեայի շրջանակներում հանդիպել է նաեւ ԵԱՀԿ համանախագահների հետ եւ հայտարարել՝ հայկական զինված ուժերի կողմից  զորավարժություններ են սկսել Աղդամում, ինչը «միտված է բանակցային գործընթացի վիժեցմանը»:

Մեր հարցին՝ զորավարժությունները որեւէ կերպ վտանգո՞ւմ են բանակցությունների գործընթացը, Բաբայանն ասաց.

«Երեւի Մամեդյարովը մոռացել է՝ ինչ է տեղի ունեցել, եւ ինչ են իրենք արել, այն երեւի ուղղված էր բանակցային գործընթացի ամրապնդմանը՝ նոր որակ հաղորդելով բանակցային գործընթացին: Այդ դեպքում Ակնայի շրջանում տեղի ունեցող զորավարժություններն, այո, շատ մեծ հարված են հասցնում բանակցային գործընթացին: Պետք է ներողություն խնդրենք, որ նման բան ենք անում»:

Մեր դիտարկմանը՝ ԵԱՀԿ ՄԽ համանախագահներն, ըստ իրեն, ինչո՞ւ չեն համարժեք պատասխան տալիս Ադրբեջանի ներկայացուցիչների կողմից նման հայտարարություններին, Դավիթ Բաբայանն օրինակով մանրամասնեց.

«Հոգեկան խնդիրներ ունեցող հիվանդներին պարտադիր չի, որ բժիշկը միշտ ասի դու ապուշ ես, խփի գլխին, դրա համար պետք է ուղղակի ինչ-որ բա խոսել, որ խանգարում ունեցող  հիվանդն ավելի վատ վիճակի մեջ չընկնի: Հիմա նույն վիճակն է, ՄԽ համանախագահներն աշխատում են որպես հոգեբույժ, քանի որ կողմերից մեկն ունի լուրջ խանգարումներ»:

Անդրադառնալով Մամեդյարովի հայտարարություններին՝ քաղաքագետ Ստեփան Գրիգորյանն ասաց, որ այդ ամենն Ադրբեջանի «պրովոկացիոն քաղաքականության» մասին է խոսում:

«Ադրբեջանը, երբ ասում է ստատուս քվոյի փոփոխություն, կոնկրետ բան նկատի ունի, որ տարածքները պետք է վերադարձվեն, այսինքն՝ միակողմանի զիջումներ: Այլ կերպ որակել, քան պրովոկացիոն քաղաքականություն, չեմ կարող»,- ասաց Գրիգորյանը:

Ինչ վերաբերում է զորավարժություններին, Գրիգորյանն ասաց, որ այն էլ հայկական կողմի պատասխանն է Ադրբեջանի պրովոկացիային:

«Այսօր ոչ ոք երաշխիք չի տալիս Ղարաբաղի հայերի անվտանգության հարցում, թող Ադրբեջանը չվտանգի մարդկանց կյանքը, այդ դեպքում իրավունք կունենա ինչ-որ հարցերն բարձրացնել»,- ասաց քաղաքագետը:

Մեր այն դիտարկմանը, որ ԼՂՀ նախագահի մամուլի խոսնակի գնահատմամբ՝ Ադրբեջանի իշխանությունների ուղեղում պետք է առաջին հերթին ստատուս քվոյի փոփոխություն լինի, քաղաքագետը համաձայնեց.

«Շատ ճիշտ մեսիջ է, Ադրբեջանը պետք է փոխի իր քաղաքականությունը,  քանի որ իրենք, երբ ասում են, որ ստատուս քվոն պետք է փոխվի, նկատի չունեն խաղաղ ճանապարհով լուծում, այլ այն, որ եթե ՀՀ-ն միակողմանի զիջումների չգնա, իրենք հարցը պատերազմի միջոցով կլուծեն»,- ասաց Ստեփան Գրիգորյանը:

ՀՀ ՊՆ մամուլի քարտուղար Արծրուն Հովհաննիսյանը հրաժարվեց նշյալ հարցերին պատասխանել՝ ասելով, որ քաղաքական ենթատեքստով հարցերին չի պատասխանում:

Ընդգծենք, որ ժամեր առաջ ԵԱՀԿ ՄԽ ամերիկացի համանախագահ Ջեյմս Ուորլիքը թվիթերի իր միկրոբլոգում գրառում է արել՝ ասելով, որ ԵԱՀԿ Մինսկի խմբի համանախագահներն առաջընթաց են սպասում ԼՂ հակամարտության կարգավորման հարցում.

«Նյու Յորքում ավարտվել է Ղարաբաղի  հարցով Հայաստանի եւ Ադրբեջանի արտգործնախարարների հանդիպումը։ Մենք անհամբերությամբ սպասում ենք հիմնական հարցերում առաջընթացի»,- մասնավորապես գրել է նա:

Տպել
6784 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին