Զորահանդեսին ամեն ինչ չի ցուցադրվել. ավելի էֆեկտիվ զենք ունենք, բայց ռազմական գաղտնիք է

ՀՀ անկախության 25-ամյակին նվիրված զորահանդեսը ՀՀ նորագույն պատմության  ընթացքում ամենահզորն է եղել ոչ միայն զինատեսակների տեսակետից, որոնք ցուցադրվել են, այլեւ իրենց հզորության տեսանկյունից:

Այս մասին լրագրողների հետ հանդիպմանն  ասաց  ՀՀ պաշտպանության նախկին նախարար Վաղարշակ Հարությունյանը: Հարությունյանի խոսքով՝ վերջին 6-7 տարիների ընթացքում բանակի մարտունակությունը մեծացել է մի քանի անգամ:

«Այս զորահանդեսում ցուցադրվեց նոր համակարգ, որը «S-300»-ից մի համակարգ ցածր է, բայց էֆեկտիվ է զորքերի հակաօդային պաշտպանության տեսանկյունից, «ԲՈՒԿ Մ-2» հակաօդային պաշտպանության համակարգն է, նորագույն բան, ինչը մենք չենք ունեցել»,- ասաց Հարությունյանը:

Ինչ վերաբերում է ՌԴ-ի կողմից ՀՀ-ին «Իսկանդեր» համակարգի վաճառքի մասին, Հարութունյանն այն բնորոշեց որպես ՀՀ-ի «ճշգրիտ արտաքին քաղաքականության արդյունք»:

«Բալանսը ընդհանուր չի խախտվել, խախտումներ եղել են ընդհանուր զինատեսակների տեսանկյունից, բայց ընդհանուր բալանսը չի խախտվել, որովհետեւ մենք ռազմավարական առավելություն ունենք: Սա եղել է ապացույց հայ-ռուսական դաշնակցային հարաբերությունների, որովհետեւ նման տեսակի զենք, որեւէ մի պետության չեն վաճառում»,- ասաց Հարությունյանը՝ ընդգծելով, որ իսկանդերն ի վիճակի է օգտագործել նաեւ միջուկային գլխիկ, ուստի միայն դաշնակցային պետությանն են նման զենք վաճառում:

Հարությունյանի խոսքով՝ զորահանդեսին ցուցադրված զինատեսակների միջոցով հայկական կողմն «ինչ ուզում էր հասկացրել է Ադրբեջանին»:

«Բայց ուզում եմ շեշտել, որ այն քաղաքական չի կարող լինել, ունի ռազմական հիմք, որը ծառայում է նաեւ քաղաքական նպատակներին ու զսպում Ադրբեջանին իր անխելք քայլերից»,- ասաց նա:

Armtimes.com-ի հարցին՝ ցուցադրված զինատեսակներից որո՞նք են ռուսական վարկի դիմաց գնված եւ ի՞նչ նկատ ուներ Սերժ Սարգսյանը 2014 թվականին, երբ հայտարարեց, որ «Հայաստանն ունի բալիստիկ հրթիռներ, որոնց գործողության շառավիղը 300 կմ-ից ավելի է, եւ որոնք շատ կարճ ժամանակում ցանկացած ծաղկուն բնակավայր կարող են վերածել այնպիսի ավերակների, ինչպիսին հիմա Աղդամի ավերակներն են» (այս մասին հոդվածով է հանդես եկել ԱԺ պատգամավոր Նիկոլ Փաշինյանը), Վաղարշակ Հարությունյանն ասաց.

«Ամեն ինչ չի ցուցադրվել, ինչ-որ մենք ունենք, մենք ունենք ավելի շատ եւ ավելի էֆեկտիվ զենք, բայց պետական գաղտնիք կա: Ինչ վերաբերում է Սերժ Սարգսյանի հայտարարությանը, այո, նա ճիշտ է հայտարարել, դա վերաբերում է սկադներին, որոնք մենք արդիականացրել ենք եւ ավելի հզորացրել»:

Մեր հարցին՝ այդ դեպքում ապրիլյան դեպքերի ժամանակ ինչո՞ւ չեն կիրառվել դրանք, Վաղարշակ Հարությունյանը պատասխանեց.

«Մեր ռազմաքաղաքական իշխանությունն ապրիլյան գործողությունների ժամանակ շատ սառնասիրտ, պատասխանատու մոտեցավ, եթե մենք սխալ թույլ տայինք, եւ հայկական բանակը մտցնեինք Ղարաբաղ, հայտարարեինք մոբիլիզացիա, հասկանում եք՝ Ադրբեջանը շանտաժ էր անում, նա չէր ուզում լայնածավալ պատերազմ, խնդիր չուներ Ստեփանակերտը վերցնել: Ուզում էր վերցնել մի քանի բնակավայր եւ հետո շանտաժի ենթարկել համանախագահներին ու ասել՝ տեսեք ես ուժեղ եմ, ես պատերազմով կվերցնեմ, բերեք ինձ նախագիծ, որը կվերադարձնի ինձ Ղարաբաղը: Նորից եմ շեշտում՝ մեր ռազմաքաղաքական ղեկավարությունը, եթե սառնասրտություն չցուցաբերեր, դա կբերեր լայնածավալ պատերազմի»:

Մեր դիտարկմանը,  որ այնուամենայնիվ, հայկական կողմը տարածքներ կորցրեց, Հարությունյանն ասաց.

«Մի քանի տարածքը... այո, դա տարածք է, որը մենք կորցրել ենք, որը լավ չի ստացվել, բայց նորից եմ ասում՝ Ադրբեջանն իր խնդիրը չլուծեց, կորցրեց ռազմաքաղաքական առումով, իսկ մենք շահեցինք: Երբ դրանից հետո քննարկում գնաց այդ տարածքները վերցնել, թե՞ չէ, այդ տարածքները ռազմավարական նշանակություն չունեն: Այո, կորցրած տարածք է, արյուն ենք թափել, բայց ստեղծված իրավիճակում, երբ ստացանք ռազմաքաղաքական դրական իրավիճակ, կարող ենք գնալ դրան, բայց այդ պահին նպատակահարմար չէր»:

Տպել
6928 դիտում

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը

Մշակույթի նախարարությունը Վահագն Մարգարյանի հիշատակին հուշ երեկո է կազմակերպելու

Արտակ Զեյնալյանը խորհրդակցություն է անցկացրել Քրեակատարողական ծառայության ղեկավարների հետ

Թաեքվոնդոյի ֆեդերացիայում հնարավոր իրավախախտումների վերաբերյալ քրգործ է հարուցվել. Խաչիկյան

Հնարավոր է ԳԹԿ-ն շտեմարաններ տպագրի. պահանջարկը մեծ է

Նոյեմբերի 21-ի դրությամբ` համաներմամբ ազատ է արձակվել 509 դատապարտյալ

ԱՊՀ անդամ երկրների ԱԽ քարտուղարների հանդիպմանը Ա. Գրիգորյանն անդրադարձել է ահաբեկչության դեմ պայքարին

Մհեր Մկրտչյանը Ֆրունզիկ Մկրտչյանի մասին ֆիլմ է նկարահանելու. այլեւս չի վախենում տապալումից

Չխառնել աշխատանքն ու քաղաքական գործունեությունը. քաղաքապետը հանդիպել է դպրոցների տնօրենների հետ

Երեխաները Հայաստանի Հանրապետության ամենաարժեքավոր քաղաքացիներն են. Արմեն Սարգսյան

Ոգեւորված եմ խաղաղության հաստատմանն ուղղված Ձեր կոչից. Կարին Մարմսոլերին՝ Աննա Հակոբյանին

Մի քանի հարյուր հազար դոլարի փոխանցում եւ հանձնառություն. «Իմ Քայլը» հիմնադրամի մոսկովյան այցի արդյունքները

Ներքին ճգնաժամ ՀԱՊԿ-ում. Բելառուսի սկանդալային դիվանագիտությունը

ԻՐԻՆԱ. քաղցկեղի դեմ պայքարի պատմություն

«Շերեմետեւո»-ում մահացած հայ տղամարդը փորձել էր մտնել ինքնաթիռի շասսիի մեջ

Եվրո 2020-ի վիճակահանությունից առաջ ՀՀ ֆուտբոլի հավաքականն ամենաթույլերի զամբյուղում չէ

Մերժվել է 23-ամյա արտիստի հրաժեշտը կազմակերպելու խնդրանքը. նախարարությունը դեռ չի կողմնորոշվել ընթացակարգի ժամկետներում