Խողովակների յուրացում Սեւանո՞ւմ. քաղաքապետն ազատ արձակվեց (թարմացված)

23/09/2016 schedule15:30

16:23 Սեւանի քաղաքապետ Ռուդիկ Ղուկասյանը հեռացել է Գեղարքունիքի մարզային քննչական վարչությունից՝ պարտավորվելով քննիչի կանչով ավելի ուշ ներկայանալ հարցաքննության:

Այդ մասին տեղեկացանք ՀՀ քննչական կոմիտեի նախագահի խորհրդական Սոնա Տռուզյանից: Ղուկասյանը քննչական վարչություն էր բերման ենթարկվել սեպտեմբերի 5-ին ՀՀ քրեական օրենսգրքի 179 հոդվածի (Յուրացնելը կամ վատնելը) հատկանիշներով հարուցված քրեական գործի շրջանակներում: Ըստ Տռուզյանի՝ նա նախ հրավիրվել էր որպես վկա, սակայն քանի որ չէր ներկայացել՝ անհրաժեշտություն էր առաջացել բերման ենթարկելու: Բաժնում Ղուկասյանն ասել է, որ այս օրերին զբաղված է քարոզարշավով եւ պարտավորվելով ավելի ուշ քննիչի կանչով ներկայանալ հարցաքննության՝ հեռացել է:

Մեր տեղեկություններով, հարուցված քրեական գործը վերաբերում է Սեւանի ջրահեռացման խողովակների յուրացմանը: Օրերս գործով քննչական վարչություն է հրավիրվել Սեւանի ճարտարապետը, սակայն չի ներկայացել՝ փորձի փոխանակման նպատակով Սյունիքի մարզ գործուղվելու պատճառաբանությամբ: Ըստ մեր ունեցած տեղեկությունների՝ միայն դրանից հետո է քննիչը որոշել է քաղաքապետին կանչել հարցաքննության: Ենթադրվում է, որ ճարտարապետին Սյունիք գործուղելով քաղաքապետը ցանկացել է մեկուսացնել նրան: Իսկ թե ինչու՝ հավանաբար պարզ կդառնա առաջիկայում:

15:30 Սեւանի գործող քաղաքապետ, հոկտեմբերի 2-ին կայանալիք ընտրություններում քաղաքապետի թեկնածու, ՀՀԿ-ական Ռուդիկ Ղուկասյանն այսօր բերման է ենթարկվել Գեղարքունիքի մարզային քննչական վարչություն:

Քննչական կոմիտեից armtimes.com-ի հետ զրույցում հայտնեցին, որ բերման ենթարկելու պատճառը եղել է այն, որ Ղուկասյանը քննչական վարչությունում քննվող մի գործի շրջանակներում որպես վկա  հրավիրվել է հարցաքննության, սակայն չի ներկայացել: Ուստի, կայացվել է նրան բերման ենթարկելու մասին որոշում:

Հարուցված քրգործը, որի հետ կապված Սեւանի քաղաքապետը բերման է ենթարկվել, վերաբերում է գույքի յուրացմանը:

Մենք այսօր ընտրությունների վերաբերյալ զրուցել էինք գործող քաղաքապետի հետ: Քիչ առաջ, երբ կրկին զանգահարեցինք նրան, հեռախոսին պատասխանեց վարորդը՝ Արայիկ անունով, եւ վստահեցրեց, որ Ղուկասյանն այս պահին դպրոցում է՝ նախընտրական հանդիպում է անցկացնում, ուղղակի չի կարող հեռախոսին պատասխանել:

Նշենք, որ ՀՀԿ-ն առաջիկա ընտրություններում չի սատարում Ղուկասյանին:

Տպել
2163 դիտում

Կառավարությունը ՏՏ ոլորտը դիտարկում է որպես տնտեսության առանցքային ճյուղերից մեկը.վարչապետ

ՀՀ ԱԻՆ-ում էր ՄԱԿ-ի գրասենյակի անվտանգության գծով խորհրդատու Ինոք Փեննի-Լային

Վանաձորցի ծննդկանի մահվան մեջ մեղադրվող բժիշկ Շահվերդյանը շարունակում է աշխատել. ՀՔԱՎ

ՊԵԿ-ը կոծկում է հիփոթեքի տոկոսագումարների հավաքագրման խնդիրը. պարզաբանում է ներկայացրել

Գերմանիայում տապալվեցին կոալիցիոն բանակցությունները. Մերկելը երկընտրանքի առջեւ է

Սովամահություն, բռնություն, աղքատություն, ահաբեկչություն. 180 մլն երեխա`ծայրահեղ պայմաններ

ՀՀԿ կերակրատաշտից սնվող կայքին պատգամավորների ցուցակ է տրվել, որոնց պետք է ռասկրուտկա անել

Նաղդալյանը ոչ թե 2 մլն դրամի է խոսել, այլ՝ 1.4 միլիոնի. ԱԺ-ն ներողություն է խնդրում

ԼՂ հիմնախնդիրը կարող են կարգավորել միայն հակամարտության կողմերը. ԵԱՀԿ գլխավոր քարտուղար

Թոշակ հանապազօրյա. բնակչության 70 տոկոսը թոշակի հույսին է

Նման գործելաոճը դատապարտելի է. ՀՎԿ-ն՝ պատասխնել է Էդմոն Մարուքյանին

Թուրքիայում միայն 16 հայկական դպրոց է մնացել` 3.000 աշակերտով. Hürriyet

ՀՀ ՊՆ պատվիրակությունն այցելել է ՌԴ

Վիգեն Սարգսյանի տապալված իմիջը եւ Ծառուկյանի պահպանած իմիջը

ԵԱՀԿ ԺՀՄԻԳ-ը կարևոր գործընկեր է ՀՀ ընտրական գործընթացի բարելավման ոլորտում. ԱԳՆ

Հայաստանն ու Չինաստանը քննարկում են անվտանգության ոլորտում համագործակցությունը

Մխիթարյանը պայքարում է ՄՅՈՒ-ում իր կարիերան փրկելու համար. The Sun

ՊԵԿ-ը մարդկանցից ետ է պահանջում հիփոթեքի տոկոսագումարների համար վերադարձված եկամտահարկերը

ԵԱՏՄ-ից դուրս գալու «Ելք»-ի առաջարկի վերաբերյալ տեղի կունենան խորհրդարանական լսումներ

Պետք է ավելի շատ խստացնել, ոչ թե հանել կամ սահմանափակել տարկետման իրավունքը. զինծառայող