Աղավնաձորցիները վերջին «շանսն» են տվել կառավարությանը

Վայոց Ձորի Աղավնաձոր գյուղի խաղողագործները մինչեւ երեկ շարունակել են իրենց բողոքի ակցիան՝ դպրոց եւ մանկապարտեզ չուղարկելով գյուղի երեխաներին: Երեկ նրանք կրկին փորձել են փակել Երեւան-Մեղրի միջպետական ճանապարհը, սակայն ոստիկանության Վայոց Ձորի մարզային կառույցի աշխատակիցները՝ մոտ 200 հոգի, թույլ չեն տվել ճանապարհ փակել: Այս մասին Armtimes.com-ի հետ զրույցում ասաց Աղավնաձոր համայնքի խաղողագործներից Հայկազ Ասատրյանը՝ նշելով, որ ոստիկանության մարզային վարչության պետն իրենց  ներկայությամբ հեռախոսազրույց է ունեցել ոստիկանապետ Վլադիմիր Գասպարյանի հետ: Վերջինս էլ տեղեկացրել է, որ Աղավանձորի խաղողագործների խնդրի վերաբերյալ կտեղեկացնի վարչապետ Կարեն Կարապետյանին: Դրանից հետո գյուղացիները չեն փորձել փակել ճանապարհը եւ սպասել են կառավարության նիստի ավարտին: Ապա տեղեկացել են, որ վարչապետը գյուղատնտեսության նախարարին հանձնարարական է տվել:

«Նիստից հետո, իրոք, լսեցինք իր ձայնը հեռուստացույցով: Նույնիսկ նոր նախարարը խոսեց եւ ասեց, որ առաջնահերթ խնդիրներից մեկն Աղավանձոր համայնքի խաղողագործների պարտքն է, ներկայիս խաղողի մթերման խնդիրն էլ կա: Վարչապետն էլ ասեց, որ մթերման համակարգը ժանգոտած է, պետք է մի հատ նայվի»,- ասաց Հայկազ Ասատրյանը՝ շարունակելով, որ մեկ շաբաթ կսպասեն, որպեսզի տեսնեն վարչապետի հանձնարարականը կյանքի կոչվում է, թե՝ ոչ: Հայկազ Ասատրյանի խոսքով՝ այսօր երեխաներին ուղարկել են ե՛ւ մանկապարտեզ, ե՛ւ դպրոց:

«Կախված է իր հանձնարարականից, որովհետեւ մոտ 140 միլիոն դրամ է ողջ գյուղին պարտք: Մեկին 1 միլիոն, մեկին երկու միլիոն դրամ»,- ասաց խաղողագործը:

ՀՀ գյուղատնտեսության նորանշանակ նախարար Իգնատի Առաքելյանի մամուլի խոսնակ Անի Սմբատյանն էլ մեզ փոխանցեց, որ ՀՀ գյուղատնտեսության նախարարը խնդրից տեղյակ է, այդ ուղղությամբ աշխատանք է կատարվում, որի մասին լրացուցիչ կտեղեկացնեն: «ՀՀ գյուղատնտեսության նախարարը հաջորդ շաբաթ Աղավնաձոր կմեկնի»,- ասաց նախարարի խոսնակը:

Հայկազ Ասատրյանը տեղեկանալով, որ նախարարը պետք է իրենց գյուղ այցելի, ասաց.«Նախարարը անպայման պետք է գա, քանի որ շատ հարցեր կան: Միայն այդ գումարը չի: Այս տարվա խաղողի մթերման վերաբերյալ որեւէ մթերող դեռ չի ասել, որ մթերելու դեպքում կանոնավոր վճարում կկատարի: Անհույս իրավիճակ է գյուղում»: Խաղողագործը հիշեցրեց, որ իրենց համայնքում հոկտեմբերի 2-ին ՏԻՄ ընտրություններ են նշանակվել, եւ եթե վարչապետի այս հանձնարարականը գործնական քայլերի չվերածվի, ապա ողջ գյուղով բոյկոտելու են ընտրությունները՝ չգնալով քվեարկության:

Հիշեցնենք, որ կառավարության սեպտեմբերի 22-ի նիստում ՀՀ վարչապետ Կարեն Կարապետյանը նորանշանակ նախարարներին ներկայացնելուց հետո գյուղատնտեսության նախարար Իգնատի Առաքելյանին խաղողի մթերման խնդրի վերաբերյալ առաջին հանձնարարականը տվեց: «Մենք ամեն տարի այս պրոբլեմի առաջ կանգնում ենք, եւ ամեն տարի այս պրոբլեմը մեզ համար ոնց, որ նոր պրոբլեմ լինի: Նախ՝ պետք է ունենանք հայեցակարգ՝ ոնց ենք անելու երկարատեւ: Այսօր ակտուալ խնդիր է, եթե չեմ սխալվում Վայոց Ձորի Աղավնաձոր գյուղում,  որտեղ «Վեդի Ալկո»-ն ունի պարտավորություններ, որը չի կատարել: Մենք քննարկում ենք տարբեր տարբերակներ՝ ինչպես այդ խնդիրը լուծենք, այդ թվում՝ պետությունը ֆինանսավորում է եւ ամբողջ կառավարումը վերցնում է իր վրա: Ես համոզված եմ, որ պետությունը լավագույն եւ էֆեկտիվ կառավարիչը չի, բայց այս պահին մենք որոշակի կերպով նոր մշակույթ պետք է ներգրավենք»,- ասել էր Կարեն Կարապետյանը եւ նշել, որ ամենօրյա հսկողություն պետք է սահմանել: «Մենք մեր վերամշակող ձեռնարկություններում ունենք բավականին, ինձ թվում է, ժանգոտած կառավարման համակարգ: Մենք մանրամասն դրա մասին կխոսենք»,- հայտարարել էր վարչապետը:

Նշենք, որ Աղավնաձորում, գրեթե, ամեն տարի խաղողի մթերման խնդիր է առաջանում, քանի որ այս գյուղում աճեցնում են Արենի տեսակի խաղողը, որի իրացումը դժվարություններ է առաջանում առանձնահատուկ լինելու պատճառով: 2014 թվականին աղավնաձորցիներն իրենց բերքի մի մասը հանձնել են տարբեր գործարանների, իսկ որոշակի քանակի խաղող իրացնել չեն կարողացել: «Վեդի Ալկո» ընկերությանն են դիմել, որտեղ էլ ստիպված ընդունել են խաղողը՝ միեւնույն ժամանակ նշելով, որ գումար չունեն: Գյուղացիներն այլ տարբերակ չունենալով՝ մթերել են տվյալ գործարանում:

Աղավնաձորցիների պնդմամբ՝ «Վեդի Ալկո» ընկերությանն էլ կառավարությունից են ստիպել, որպեսզի չիրացված ողջ բերքն ընդունի: ՀՀ գյուղատնտեսության փոխնախարար Ռոբերտ Մակարյանն էլ ավելի վաղ մեր զրույցում ասել էր, որ փորձում են աջակցել «Վեդի Ալկո» ընկերությունը՝ շահավետ պայմաններով վարկ վերցնելու հարցում, որպեսզի շրջանառու միջոցների ներգրավման միջոցով էլ վճարի գյուղացիների պարտքը:

Տպել
17052 դիտում

Մարտունիում ՔՊ ակտիվիստները փակել են Երևան-Վարդենիս-Մարտակերտ ճանապարհը՝ ռեյտինգային ցուցակի դեմ բողոքի համար

WikiLeaks-ի հիմնադիր Ջուլիան Ասանժի դեմ դատական հայց է ներկայացվում՝ լրտեսության մեղադրանքով

Գրոսմայստեր Լիլիթ Գալոյանը դատի է տվել Հայաստանի շախմատային ֆեդերացիային

Լարսի անցակետը փակ է բոլոր ավտոմեքենաների համար, Հայաստանում կան դժվարանցանելի ճանապարհներ

Աննա Հակոբյանն այցելել է բուժում ստացող երեխաների նկարների ցուցահանդես (լուսանկարներ)

Լոռիում ձյուն է տեղում, Բերդ քաղաքում և Դիլիջանի ոլորաններում մառախուղ է, Լարսի անցակետը՝ փակ

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին