Կառավարության «վեցամսյա» ծրագիրը ներկայացվել է ՀՀԿ-ին. 1-2 օրից կլինի խորհրդարանում

22.15 «Տեղի ունեցան ՀՀԿ գործադիր մարմնի, ապա խորհրդի նիստերը, որոնք վարում էր ՀՀԿ նախագահ Սերժ Սարգսյանը, օրակարգում մեկ հարց էր՝ կառավարության ծրագրի քննարկումը»:

Այս մասին լրագրողների հետ զրույցում ասաց ՀՀԿ խոսնակ, ԱԺ փոխնախագահ Էդուարդ Շարմազանովը:

«Վարչապետը ներկայացրեց Կառավարության ծրագրի նախնական տարբերակը, բնականաբար տասնյակից ավելի հարցեր եղան, մենք դեռ 1-2 օր ժամանակ ունենք, որ քննարկենք ու վերջնական տարբերակն ունենանք, բայց հիմնականում պետք է ասեմ, որ ծրագիրը բխում է հանրապետության նախագահի ծրագրային դրույթներից»,-ասաց Շարմազանովը:

Շարմազանովի խոսքով՝ նախնական տարբերակում կան առաջնահերթություններ, որոնցից առաջինն այն է, որ հանրային կյանքի բոլոր ոլորտները համակարգային բարեփոխումների կարիք ունեն.

«Ինչպես նախկինում, այս ծրագրում եւս շատ լուրջ տեղ է հատկացվում ՀՀ ներքին ու արտաքին անվտանգությանը, անվտանգության հիմնադիրները մնում են մեզ համար ամենաարդիականը: Հաշվի առնելով այն հանգամանքը, որ ՀՀ անվտանգության համակարգի պատասխանատուն նախագահն է, հիմնական թեզերը վերցված են նախագահի ծրագրային ելույթներից: Արտաքին քաղաքականության վերաբերյալ պետք է նշեմ, որ շարունակելու ենք մեր գործընկերների հետ հարաբերությունների զարգացումը, ԼՂ հիմնահարցում իշխող ուժի կարծիքը մնում է հստակ՝ պետք է քայլեր ձեռնարկենք բանակցությունների միջոցով հասնելու խնդրի կարգավորման, եւ մեր նպատակն է Արցախի ճանաչումը»,-ասաց նա:

Շարմազանովը հիշեցրեց, որ այս կառավարությունը փաստացի գործելու է մինչ ապրիլյան ընտրությունները, ուստի ծրագիրը երկարաժամկետ չէ, ամեն ինչ շատ կոնկրետ է գրված. «վեցամսյա ծրագիր է»:

Հարցին՝ ի՞նչ հնարավորություններ կան նոր ծրագրում, որոնք վեց ամսում կարելի է կյանքի կոչել, Շարմազանովն ասաց, որ այսօր միայն նախնական տարբերակի քննարկում է եղել.

«Քանի դեռ  չկա ամբողջական տարբերակը, ճիշտ չեմ համարում փակագծերը բացել»,-ասաց նա:

Armtimes.com-ի հարցին՝ նիստում արդյոք անդրադարձ եղե՞լ է առաջին նախագահ Լեւոն Տեր-Պետրոսյանի ահազանգին՝ դեֆոլտի վտանգի մասին, եւ արդյոք այն տեղ գտե՞լ է նոր կառավարության ծրագրում, Շարմազանովը պատասխանեց.

«Նման քննարկում պարոն նախագահի հետ չի եղել, հարգարժան պարոն առաջին նախագահին արձագանքել է ԿԲ-ն, ավելացնելու ոչինչ չունեմ, իսկ կառավարության ծրագրի մասով ասացի, որ դեռեւս նախնական տարբերակն է սա, դուք հնարավորություն կունենաք ծրագիրը լուսաբանել խորհրդարանական քննարկման ժամանակ»:

Ճշտող հարցին՝ այն ե՞րբ կլինի խորհրդարանում, Շարմազանովը հիշեցրեց, որ խորհրդարանում արտահերթ նիստ է գումարվել, եւ հավելեց, որ ամենայն հավանականությամբ կքննարկվի արտահերթ կարգով.

«Ժամկետների մեջ կտեղավորվենք, գիտեք, որ 23-ը վերջին ժամկետն է, կարծում եմ՝ մինչ ուրբաթ երեկոյան կավարտենք ու կքվեարկենք ծրագիրը»,-ասաց նա:

Լրագրողները հետաքրքրվեցին՝ նախկին վարչապետ Հովիկ Աբրահամյանը նիստին ներկա՞ էր, Շարմազանովն ասաց.

«Ե՛ւ պարոն Հովիկ Աբրահամյանը, ե՛ւ պարոն Գագիկ Բեգլարյանը մասնակցել են ԳՄ եւ խորհրդի նիստերին, նրանց տրամադրությունը շատ բարձր էր, շատ կառուցողական աշխատում են ու աշխատելու են մեր թիմի կազմում, մամուլի գրած բոլոր հեքիաթներին մի հավատացեք: Ե՛ւ Աբրահամյանը, ե՛ւ Բեգլարյանը մեր թիմի առանցքային անդամներն են»:

Հարցին՝ որքանո՞վ են հավաստի այն տեղեկությունները, որ վարչապետ Կարապետյանն առաջիկայում անդամցելու է ՀՀԿ-ին, Շարմազանովը ոչ հերքեց, ոչ էլ հաստատեց.

«Ես ասել եմ՝ օրը կգա բարին հետը, ինչպես ՀՀ ցանկացած քաղաքացի՝ ինքն է որոշում անդամակցել այս կամ այն կուսակցությանը, Կարեն Կարապետյանը մեր թիմի ներկայացուցիչ է, որի ղեկավարը ՀՀ նախագահն է, դա նորություն չէ, պարոն Կարապետյանը եղել է Երեւան ավագանու ՀՀԿ-ի ցուցակում, կլինի կուսակցական, թե՝ ոչ, կորոշի ինքը»,- ասաց ՀՀԿ խոսնակը:

Ինչ վերաբերում է ԼՂՀ ՊԲ նախկին հրամանատար Սամվել Բաբայանի հարցազրույցին, որտեղ վերջինս ասում է, որ պատերազմական վիճակում քաղաքացիական անձին Պաշտպանության նախարար նշանակելը նպատակահարմար չէ, Շարմազանովն արձագանքեց.

«Դա պարոն Բաբայանի կարծիք արտահայտելու իրավունքն է, բնականաբար անկախ պարոն Բաբայանի կարծիքից, մենք ունենք մեր կարծիքը՝ նոր Սահմանադրության իրողությունների ժամանակ զինվորական բարձրագույն պաշտոնը գլխավոր շտաբի պետն է, որը բարձրաստիճան, ուղի անցած զինվորական է, իսկ պաշտպանության նախարարի առջեւ ով քաղաքացիական անձ է, ոչ պակաս կարեւոր հիմնադիր է՝ ռազմաքաղաքական դիվանագիտությունը, արտաքին, ներքին գնումները, ռազմահայրենասիրական դաստիարակությունը: Միգուցե պարոն Սամվել Բաբայանը տարիներ անց վերանայի իր դիրքորոշումը»:

20.20 ՀՀԿ կենտրոնական գրասենյակում մեկնարկել է կուսակցության խորհրդի նիստը: Տեղեկացնենք, որ օրակարգում է Կառավարության ծրագիրը, որը պետք է հավանության արժանանա կուսակցության կողմից, ապա՝ ներկայացվի խորհրդարան:

Հիշեցնենք, որ Կառավարության կազմի ձեւավորումից հետո 20 օրյա ժամկետում պետք է ներկայացվի կառավարության ծրագիրը: Ենթադրելի էր, որ այսօր մեկնարկող ԱԺ արտահերթ նիստի օրակարգում ծրագիրը պետք է լիներ, սակայն այն ներառված չէր: Ամենայն հավանականությամբ, կուսակցության կողմից հաստատվելուց հետո կներառվի արտահերթ նիստի օրակարգ:

Հիշեցնենք, որ նախկին վարչապետ Հովիկ Աբրահամյանը հրաժարականի դիմում ներկայացրեց հոկտեմբերի 8-ին: Սերժ Սարգսյանի հրամանագրով Կարեն Կարապետյանը հոկտեմբերի 13-ին նշանակվեց ՀՀ 14-րդ վարչապետ:

Տպել
4658 դիտում

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան

Crocus City Hall-ի ահաբեկչության զոհերի թիվը հասել է 143-ի

Մտածում էի՝ այստեղ միակ հնդիկն եմ լինելու. գրող Արջուն Կրիշնա Լալիի արկածները Հայաստանում (տեսանյութ)

15 օրվա ընթացքում վճարելու դեպքում տուգանքը կնվազի 30 տոկոսով․ երբ կսկի գործել համակարգը

ՀՀ-ն պատրաստ է Ադրբեջանի հետ արդեն համաձայնեցված սկզբունքների հիման վրա գնալ խաղաղության պայմանագրի անհապաղ ստորագրմանը

Որևէ մեկի դեմ ուղղված լինելու պնդումները անհիմն և արհեստածին են․ ԱԳՆ խոսնակը ՀՀ-ԱՄՆ-ԵՄ բարձր մակարդակով հանդիպման մասին

Իրավիճակը հասարակներից չէ, մինչև ապրիլի 5-ը վտանգն առկախված է, ներքին առումով ևս հանգիստ չէ. Հարություն Մկրտչյան

Վերանորոգված և արդիականացված «Մհեր Մկրտչյան» արտիստական թատրոնն իր դռները կբացի առաջնախաղով (տեսանյութ)

ՀՀ-ն կարևորում է ԵՄ դիտորդական առաքելության տեղակայումը Հայաստան-Ադրբեջան սահմանին․ Ալեն Սիմոնյանը՝ Անն-Լորանս Պետելին

13-ամյա թոռը պապին հայտնաբերել է կախված վիճակում