Երևան
10 °C
searchclose
today
menuclose
Երևան
10 °C
Այսպիսով, ՀՀ նոր կառավարության ծրագիրը արդեն պատրաստ է եւ հոկտեմբերի 20-ին տեղի ունենալիք ԱԺ արտահերթ նիստում ձեռք կբերի պաշտոնական փաստաթղթի կարգավիճակ:
Նոր ծրագիրը ակնհայտորեն տարբերվում է նախորդներից իր հավակնոտությամբ, ձեւակերպումների ավելի խիստ բնույթով, կոնկրետությամբ... : Առաջինը, ինչը աչքի է զարնում նոր ծրագրում, այն է, որ դրա մշակողները ավելորդ «նրբանկատություն» չեն ցուցաբերել, չեն փորձել վիճակը շատ մեղմ ներկայացնել եւ ձեւակերպումներում բավական կոշտ են գտնվել:
Մի քանի մեջբերում: «Հայաստանի Հանրապետության մարտահրավերները պահանջում են րոպե առաջ իրագործել բարեփոխումներ` այդ գործում ներգրավելով եւ օգտագործելով Հայաստանի եւ հայության ամբողջ ներուժը». ահա այսպիսի սուր ու անսպասելի նախադասությամբ է սկսվում ծրագիրը: «Գլոբալ եւ տարածաշրջանային զարգացումների առկա փուլում զարգացման ստանդարտ մոտեցումները չեն կարող ձեւավորել առաջընթացի այն տեմպերը, որոնք համահունչ են մեր մարտահրավերներին».... «Տնտեսական վիճակի վերլուծությունը վկայում է, որ ստանդարտ գործիքակազմով ու մեթոդներով զարգացում ապահովելը չափազանց բարդ է»,- նշված է փաստաթղթում: Նմանատիպ ձեւակերպումներ նախկինում չեն եղել: Սրանից կարող ենք ենթադրել, որ նոր կառավարությունը ավելի լավ է պատկերացնում երկրի վիճակը, նրա գնահատականը համեմատաբար ավելի մոտ է իրականությանը, ինչը որոշակի հույսեր է ներշնչում:
Եվս մի մեջբերում. «Հաշվի առնելով նաեւ արտոնյալ ֆինանսական ռեսուրսների ներգրավման եւ ներքին շուկայի հաշվին արտադրողականության հետագա աճի սահմանափակ հնարավորությունները, անհրաժեշտ է վերլուծել եւ վերաիմաստավորել զարգացման մասին մեր պատկերացումներն ու մոտեցումները հատկապես պետական կառավարման տնտեսական զարգացման ուղղությունների, տնտեսական աճի ներուժի մրցակցության եւ մրցունակության վերաբերյալ»:
Այսքանը՝ իրավիճակի գնահատականի մասին: Իսկ ի՞նչ է պատրաստվում անել կառավարությունը իրավիճակը շտկելու ուղղությամբ: Ահա այստեղ է, որ կրկին ընկնում ենք կասկածների ու թերահավատության գիրկը: Ունի՞ արդյոք ծրագիրը հստակ, կանոնակարգված քայլերի հաջորդականություն, որը տանում է դեպի վիճակի էական բարելավման: Գոնե այս ծրագրում էական քայլեր նկարագրված չեն:
«... Կառավարությունն իր առջեւ պահանջ է դնում սեղմ ժամկետում իրականացնել կառավարման համակարգի եւ տնտեսության վիճակի խոր ախտորոշում, առաջարկել կարճաժամկետ միջոցառումների ծրագրեր, ինչպես նաեւ երկարաժամկետ ռազմավարական բարեփոխումների ծրագրեր` Հայաստանի տնտեսության զարգացման պայմանների նախանշմամբ»,- գրված է ծրագրում: Այլ կերպ ասած, այս ծրագիրը, ըստ էության, ընդամենը արձանագրում է որ կան խնդիրներ, լուրջ խնդիրներ, շատ լուրջ խնդիրներ, սակայն դրանց լուծման եղանակները կառաջարկվեն հետագայում:
Սա, իհարկե, հենց այն է, ինչի մասին իր պաշտոնին նշանակվելուց մի քանի օր անց հայտարարեց վարչապետ Կարեն Կարապետյանը: Նա ասաց, թե շուտով կներկայացնի առկա իրավիճակին համահունչ ծրագիր, իսկ հետագայում՝ ավելի խորը ու համապարփակ ծրագիր, որով արդեն կնախանշվեն խնդիրների լուծման եղանակներ: Այս առումով նոր վարչապետը չի շեղվել իր խոստումից:
Այդուհանդերձ, ծրագրում կան որոշակի խնդիրների լուծման նպատակադրումներ: Նշենք դրանցից մի քանիսը: 2017 թվականի ընթացքում կառավարությունը մտադիր է ֆինանսական հաստատություններում գրավադրված չաշխատող ակտիվների վերագործարկումը խթանող մեխանիզմներ ներդնել: Այսինքն, բանկերում գրավադրված, ասենք, արտադրամասը, որը վարկառուի անվճարունակության պատճառով արդեն անցել է բանկին, պետք է աշխատի, արտադրանք տա: Հաջորդ տարվա ընթացքում կառավարությունը նաեւ ցանկանում է մշակել հայեցակարգ, որով որոշակի գումարից ավելի ներդրում կատարած օտարերկրյա ներդրողները կստանան ՀՀ քաղաքացիություն:
Շատ հետաքրքիր են գազի սակագնին առնչվող կետերը: Մինչեւ այս տարվա վերջ կառավարությունը մտադիր է իրականացնել հետեւյալ քայլերը: «Բնական գազի սակագնային քաղաքականությամբ որոշակի գործունեության տեսակների համար (ջերմոցային տնտեսություններ, գյուղատնտեսական մթերքների վերամշակողներ եւ այլն) սահմանափակ ժամկետով գործող արտոնյալ սակագների սահմանում»: Կամ. «աջակցության ցուցաբերում, որպեսզի բնական գազ մատակարարող ընկերությունը սպառող կազմակերպությունների համար կիրառի գործունեության ընդլայնումը խթանող մոտեցումներ (օրինակ, որոշակի ծավալից ավելի գազ սպառելուց հետո ավելի ցածր սակագներ առաջարկելու միջոցով)»: Սրանք հետաքրքիր են այնքանով, որ եթե որեւէ սպառողի առաջարկվում է ավելի ցածր սակագնով գազ, նշանակում է մեկ ուրիշը պետք է ավելի շատ վճարի, այսինքն, այլ սպառողների համար գազը պետք է թանկանա: Իսկ եթե չթանկանա, կստացվի՝ ներկայումս գազի սակագինը ուռճացված է:
Կոռուպցիայի դեմ պայքարին ուղղված քայլերը բավական անորոշ են ձեւակերպված: «Պետական համակարգի աշխատանքի առօրյայից պետության զարգացմանը խանգարող ամենամեծ խոչընդոտների` հովանավորչություն, յուրացումներ, կաշառակերություն ու կոռուպցիայի այլ դրսեւորումներ, վերացնելու համար առավելագույն ջանքերի գործադրում»,- նշված է ծրագրում: Եռամսյա ժամկետում կառավարությունը մտադիր է քրեականացնել «ապօրինի հարստացումը», իսկ վեցամսյա ժամկետում փոխել կոռուպցիայի դեմ պայքարի խորհրդի կազմավորման սկզբունքները, ընդլայնել գույքի եւ եկամուտների հայտարարագրեր ներկայացնող անձանց շրջանակը, սահմանափակել կանխիկ գործառնությունները եւ այլն:
Թե որքանով այս քայլերը իրապես կնպաստեն կոռուպցիայի մակարդակի նվազմանը, ճիշտն ասած, անհասկանալի է: Ներկայումս եկամուտների հայտարարագրեր ներկայացնող անձանց շրջանակն էլ փոքր չէ, բայց դա ոչ մի կերպ չի նվազեցնում կոռուպցիան: Ծրագրի այլ մանրամասներին կանդրադառնանք առաջիկայում:
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան
Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան
Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան
Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել
Կողմերը կառաջնորդվեն Ալմա Աթայի 1991թ. հռչակագրով, մի բան, որից Ադրբեջանը արդեն տևական ժամանակ խուսափում էր․ Եղոյան
Հուսանք՝ այցից հետո կհայտնվի մեր հարաբերությունների զարգացման «ճանապարհային քարտեզ»․ Միրզոյանի հարցազրույցը Arab News-ին
Վկան գլխի ճակատային մասով 3 անգամ հարվածել է աշխատասեղանին․ ինչ է կատարվել Շենգավիթի քննչական բաժնում
Սահմանազատման հանձնաժողովների հրապարակած փաստաթղթում երկու բավականին դրական և հուսադրող միտում տեսա․ Արամ Սարգսյան
Առաջին անգամ կա հնարավորություն ունենալ սահմանազատված պետական սահման, որտեղ կտեղակայվեն սահմանապահներ. Հովհաննիսյան
Ողջունում ենք Հարավային Կովկասի վերաբերյալ «Մեծ յոթնյակի» երկրների ԱԳ ղեկավարների հայտարարությունը․ Արարատ Միրզոյան
Սեփական տան լոգարանում հայտնաբերվել է ՊՆ N զորամասի ջոկատի հրամանատարի 31-ամյա տեղակալի դին
Եթե հայ-ադրբեջանական հանձնաժողովի ձեռք բերած պայմանավորվածությունը կյանքի կոչվի, կլինի լուրջ հաջողություն. Իոաննիսյան
Հանձնաժողովների պայմանավորվածության մեջ չափազանց կարևոր է Ալմա-Աթայի սկզբունքի շուրջ համաձայնությունը. Խանդանյան
Կապան-Քաջարան ճանապարհահատվածում հարկադիր քարաթափում է իրականացվել
«Մեծ յոթնյակը» պետք է հրաժարվի Հայաստանի և Ադրբեջանի նկատմամբ հավասարական մոտեցումներից․ Գարդման-Շիրվան-Նախիջևան
Տավուշի մարզի ոչ մի սանտիմետր չի կարող տրվել որևէ մեկին, ՀՀ տարածքային ամբողջականությունը պաշտպանված է․ Կոնջորյան
Պետք է արդյունավետ հավասարակշռություն գտնենք արհեստական բանականության ընձեռած հնարավորությայն և ռիսկերի միջև. Ջուլհակյան
Պապոյանը ՀԱՀ ընկերություններին հրավիրել է մասնակցելու Հայաստանում պետական աջակցությամբ իրականացվող տնտեսական ծրագրերին
ՊՎԾ-ն ամփոփել է վարչապետի հանձնարարությամբ քաղշինկոմիտեում և ԿԳՄՍՆ-ում իրականացված ուսումնասիրությունների արդյունքները
էկոնոմիկայի նախարարությունը նոր գլխավոր քարտուղար ունի․ վարչապետը որոշում է ստորագրել (լուսանկար)
Սահմանազատման սկզբնական փուլում Հայաստանն ու Ադրբեջանը նախնական համաձայնեցրել են սահմանագծի առանձին հատվածները․ ԱԳՆ
Օլաֆ Շոլցը և Ադրբեջանի նախագահը բանակցություններ կվարեն Բեռլինում
Առաջին անգամ Հայաստանի և Ադրբեջանի միջև, 4 գյուղի հատվածում, կլինի սահմանազատված պետական սահման. քարտեզ
Ռոստովի մարզում ձերբակալվել են Ադրբեջանի քաղաքացին և ևս 2 անձ․ Շահին Աբբասովը կասկածվում է սպանության մեջ
Ալիևը կմեկնի Մոսկվա՝ Պուտինի հետ բանակցությունների
Թուրքիայում կրկին երկրաշարժ է տեղի ունեցել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 19-ին
