Արթուր Բաղդասարյանը հիմա էլ ԱՄՆ-ի գրկում

Նախկին «Օրինաց երկիր» կուսակցությունը, անցնելով որոշակի ռեբրենդինգի գործընթաց եւ հանրությանը ներկայանալով «Հայկական վերածնունդ» (ՀՎԿ) վերամբարձ անունով, արեւմտյան գործընկերների աջակցությամբ սկսել է կադրերի վերապատրաստման գործընթաց:

Ըստ կուսակցության մամուլի ծառայության տարածած հաղորդագրության, ՀՎԿ-ն մտադիր չէ սահմանափակվել միայն կուսակցական ակտիվի ուղղակի եւ միանգամյա վերապատրաստմամբ: Այն Հանրապետական կուսակցության օրինակով հիմնում է Քաղաքական դպրոց, որը «հնարավորություն կտա ինչպես ՀՎԿ, այնպես էլ հասարակական-քաղաքական գիտելիքներով հետաքրքրվող բազմաթիվ երիտասարդների ձեռք բերել ժամանակակից քաղաքագիտական գիտելիքներ»:

Թե նախկին ՕԵԿ-ի կամ ներկայիս ՀՎԿ-ի քաղաքական դպրոցում առաջադեմ «հասարակական-քաղաքական գիտելիքներով հետաքրքրվող երիտասարդները» ինչ «ժամանակակից քաղաքագիտական գիտելիքներ» հնարավորություն կունենան ձեռք բերել, միայն կարող ենք ենթադրել: Նույնը, ի դեպ, վերաբերում է Հանրապետականին: Կուսակցությունն իր գործունեության ընթացքում՝ լինի ՕԵԿ, թե ՀՎԿ, բազմիցս ցուցադրել է կոնյունկտուրային հոտառության հրաշքներ: Կուսակցությունն անընդհատ ապահովել է իր ներկայությունը խորհրդարանում, մի քանի անգամ գնացել է գործարքների իշխանության հետ եւ մտել իշխող կոալիցիա, ինչը քաղաքականության մեջ, իհարկե, նորմալ երեւույթ է: Ուղղակի Բաղդասարյանի ղեկավարած կուսակցության պարագայում անցումները եղել են շատ կտրուկ, ինչը եւ հասարակության մեջ առաջացրել է բավական լուրջ նեգատիվ ռեակցիա: Կուսակցությունը ենթարկվել է մեծ ցնցումների է, երբ դուրս է եկել իշխանության համակարգից: Երկու դեպքում էլ ՕԵԿ-ի քվոտայով նշանակված նախարարների մեծ մասն իշխանությունից «ապահարզանի» ժամանակ մնացել են հարուստ «սիրեկանի» հետ, ոչ թե ազդեցության լծակներից զրկված «ամուսնու»:

ՀՎԿ-ի՝ քաղաքական դպրոց հիմնելու մասին տարածած հաղորդագրության մեջ հետաքրքիր է նաեւ այդ դպրոցին աջակցություն ցուցաբերողների վերաբերյալ հատվածը: ՀՎԿ-ն վերապատրաստման ծրագրեր է սկսել «Քաղաքացիական համաձայնություն» հասարակական կազմակերպության կողմից իրականացվող ԱՄՆ Ժողովրդավարության աջակցման ազգային հիմնադրամի (NED) ու ԱՄՆ Ազգային ժողովրդավարության ինստիտուտի (NDI) կողմից կազմակերպվող ծրագրի շրջանակներում: «Հայկական վերածնունդը» նմանատիպ վերապատրաստման դասընթացներ է իրականացնում նաեւ եվրոպական «Կոնրադ Ադենաուեր» հիմնադրամի հետ համագործակցության շրջանակում, ասված է հաղորդագրությունում: Հատկանշական է, որ ՀՎԿ նախագահ Արթուր Բաղդասարյանը, բացի Ֆրանսիական համալսարանի հոգաբարձուների խորհրդի նախագահից, հանդիսանում է նաեւ Երեւանում հիմնած ՀԱՊԿ ակադեմիայի հոգաբարձուների խորհրդի նախագահը: Այժմ նա միանշանակ կողմ է արտահայտվում հայ-ռուսական հարաբերությունների ընդարձակմանը, ինչպես նաեւ Հայաստանի եվրասիական ինտեգրացիայի վեկտորի խորացմանը: Այո, խոսքը նույն ՕԵԿ առաջնորդի մասին է, որը շուրջ տասը տարի առաջ՝ 2006 թ., երբ զբաղեցնում էր ՀՀ ԱԺ խոսնակի պաշտոնը եւ եվրոպամետ գործչի համբավ ուներ, գերմանական Frankfurter Allgemaine թերթին տված հարցազրույցում հայտարարեց. «ՀՀ ապագան Եվրամիությունն ու ՆԱՏՕ-ն են», իսկ Ռուսաստանը չպետք է խանգարի կամ խոչընդոտի այդ գործընթացին: Հատկանշական է նաեւ եւս մեկ բան, որ այժմ արդեն Հայաստանի եվրասիական ինտեգրացիայի ջատագով ուժի՝ ՀՎԿ-ի քաղաքական դպրոցին աջակից կազմակերպություններից երկուսը՝ NDI-ը եւ NED-ը ՀԱՊԿ-ի գլխավոր սպոնսոր եւ կնքահայր լինելով՝ Ռուսաստանում հայտարարված են որպես «անցանկալի» կառույցներ: Ինչպե՞ս կվերաբերեն ՌԴ քաղաքական շրջանակներն այս հանգամանքին՝ դժվար է ասել, բայց որ չեն ուրախանա՝ փաստ է:

Մյուս կողմից, Արեւմուտքում բավական լավ տեղեկացված են եւ գիտեն ներքին եւ արտաքին քաղաքական հարցերում ՀՎԿ-ի կամ այդ կառույցի ղեկավարի հեղհեղուկ մոտեցումների մասին: Արտաքին քաղաքականության հարցում շատ դեպքերում այն, իհարկե, համընկնում է իշխանության մոտեցումների հետ: Անգամ եթե այդ մոտեցումները համեմատենք, ապա դրանք չեն անցնի «հակապլագիատ» թեստը: Ինչեւէ, վերադառնանք Արեւմուտքում ՀՎԿ-ի կամ ՕԵԿ-ի մասին առկա կարծիքին: Հայտնի «Վիքիլիքս» կայքի հրապարակած ՀՀ-ում ԱՄՆ դեսպանատան գաղտնի փաստաթղթերում 2007 թ. դրությամբ ահա ինչպես է նկարագրվում «Օրինաց երկրի» առաջնորդը. «Արթուր Բաղդասարյանի ընդդիմադիր ՕԵԿ-ի գործոնը հավասարազոր է խաղաթղթի ջոկերին՝ պատրաստ մշտապես օգտագործվելու ցանկացած այլ խաղաքարտի փոխարեն»։ Կամ այսպես. «Բաղդասարյանը բավականին շահամոլ է իշխանություն վերադառնալու համար որոշակի գործարք ընդունելու համար… Բաղդասարյանի միակ ամբիցիան իշխանություն վերադառնալն է։ Նրա նախընտրած մարտավարությունը տեղավորվում է միաժամանակ «երկու աթոռի նստելու» շրջանակներում, նա փորձում է տեղ զբաղեցնել «չափավոր» եւ «ողջամիտ» ընդդիմադիր դաշտում՝ իշխանություններին չափավոր քննադատելով եւ չայրելով բոլոր կամուրջները»։

Քաղաքագետ Լեւոն Շիրինյանի համոզմամբ՝ ՀՎԿ-ի քաղաքական դպրոց հիմնելը 2017 թվականի ապրիլի խորհրդարանական ընտրություններին ընդառաջ նախընտրական քարոզչություն է: «Նախագահի ինստիտուտի վերացումը հայ ժողովրդին ցայտնոտի մեջ է գցել, բոլորը կուսակցություններով են զբաղված: Ամեն մեկը պատկերացնում է, որ իր ֆրակցիան կարող է ունենալ հաջորդ խորհրդարանում»,- ասաց Շիրինյանը: Ըստ նրա՝ նախկին ՕԵԿ-ը հենց այնպես չի ռեսուրսներ տրամադրում դպրոցի բացման համար. «Փող են ծախսում, որ ժողովուրդը լուսավորվի՞»: Շիրինյանի պնդմամբ՝ ՕԵԿ-ը միշտ էլ ճկուն է եղել. «Էդ պատգամավորները, որ հանկարծ չընտրվեն, ի՞նչ են անելու, նրանց ո՞վ աշխատանքի կընդունի, իրենց մասնագիտական որակներով վաղուց որակազրկված են, դրա համար կենաց-մահու պայքարի են վերածել ընտրությունները»:

Տպել
3067 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին