Բաղմանյանի գործով դատախազի ու քննիչի վեճը վերաճել է ծեծկռտուքի

Գեղարքունիքի մարզի ընդհանուր իրավասության դատարանումում քննվող՝ ««Մարտունու պանրագործարան» ԲԲԸ-ի տնօրեն Թաթուլ Բաղդասարյանի բողոքն ընդդեմ Գեղարքունքի մարզի դատախազ Էդիկ Հարությունյանի եւ քննչական կոմիտեի քննիչ Մարատ Ավետիսյանի որոշումների դեմ» դատական գործի առաջին նիստից հետո դատախազի եւ քննիչի մասնակցությամբ միջադեպ է գրանցվել:

Նշենք, որ նախորդ դատական նիստում, դատախազ  Էդիկ Հարությունյանի հայտարարությունը վերջինիս անհարմար դրության մեջ է գցել: Նա ասել էր, որ ՀՀ ԶՈՒ գլխավոր շտաբի պետի տեղակալ Հայկազ Բաղմանյանը հեռախոսով կադաստրի տարածքային կազմակերպության ղեկավարին ասել է կեղծիք անի, որն էլ հետեւել է գեներալի պահանջին եւ փաստաթուղթ է կեղծել:

Armtimes.com-ի տեղեկություններով՝ դատական նիստից հետո Էդիկ Հարությունյանին կանչել են գլխավոր դատախազություն, որից հետո նա հանդիպում է ունեցել գործով քննիչ Մարատ Ավետիսյանի հետ: Վերջինս դատախազին ասել է, թե նման փաստ գործով չի ապացուցվել, իսկ դատախազը հակառակն է պնդել՝ ասելով, թե իբր եղել է նման փաստ, որն արձանագրվել է, իսկ դատական նիստից հետո քննիչը դա վերացրել է: Սկսվել է վիճաբանություն, որը վերաճել է ծեծկռտուքի:

ՀՀ Գլխավոր դատախազության հանրային կապերի վարչությունից պարզաբանեցին, որ դատախազի ու քննիչի մասնակցությամբ ծեծկռտուքի մասին տեղեկատվությունը իրականությանը չի համապատասխանում, իսկ Էդիկ Հարությունյանի՝ Գլխավոր դատախազություն կանչվելու վերաբերյալ մեր հարցին առավել մանրամասն կպատասխանեն առաջիկայում:

Գեղարքունիքի մարզի ընդհանուր իրավասության դատարանում դատավոր Յուրա Իսկոյանի նախագահությամբ (նստավայրը Մարտունի քաղաք) այսօր շարունակվեց «Մարտունու պանրագործարան» ԲԲԸ-ի տնօրեն Թաթուլ Բաղդասարյանի բողոքի քննությունն ընդդեմ Գեղարքունքի մարզի դատախազ Էդիկ Հարությունյանի եւ քննչական կոմիտեի քննիչ Մարատ Ավետիսյանի որոշումների դեմ:

Հիշեցնենք, որ Թաթուլ Բաղդասարյանը դատարանում վիճարկել էր Մարտունի քաղաքի ավագանու որոշումը, որով իր ղեկավարած ընկերությանը պատկանող հողատարածքը համարել են համայնքային սեփականություն եւ օտարել: Գործը կարճվել էր, իսկ Թաթուլ Բաղդասարյանը բողոք էր ներկայացրել դատախազի եւ քննիչի՝ գործը կարճելու որոշումների դեմ:

Այսօրվա դատական նիստը մեկնարկեց առանց քննիչի՝ Մարատ Ավետիսյանի մասնակցության: Դատարան էին ներկայացնել բողոքաբերը՝ Թաթուլ Բաղդասարյանը, եւ դատախազը՝ Էդիկ Հարությունյանը: Դատավոր Յուրա Իսկոյանը հիշեցրեց դատավարության մասնակիցներին, որ նախորդ նիստից հետո պետք է կարճված քրգործը դատախազը ներկայացներ դատարան, սակայն այսօր այն դատարանի տրամադրության տակ չէ: Դատախազ Էդիկ Հարությունյանը դատարանին տեղեկացեց, որ իրենք գլխավոր դատախազությունից դեռ չեն ստացել գործը, սակայն ինքը տեղեկացել է, որ այն արդեն փոստով ուղարկել են եւ ստանալուն պես կներկայացնի դատարանին:

Մինչ դատավորը կպատրաստվեր նիստը հետաձգելու որոշում կայացնել, Թաթուլ Բաղդասարյանը փորձեց միջնորդություն ներկայացնել բողոքի քննությանը ներգրավել նաեւ Հայկազ Բաղմանյանին: Դատավորը բողոքաբերին բացատրեց, որ իր նախագահությամբ այժմ մեղադրական եզրակացությամբ գործ չի քննվում, այլ քննիչի եւ դատախազի որոշումն է բողոքարկվում, ուստի եւ նման միջնորդություն հնարավոր չի ներկայացնել:

Այնուհետեւ, Թաթուլ Բաղդասարյանը դատարանից խնդրեց նախորդ նիստիարձանագրությունը: «Գրեք դիմում, վերցրեք»,- ասաց դատավորը, իսկ երբ լսեց, որ Թաթուլ Բաղդասարյանը ցանկանում է այդ արձանագրությունը կցել նախորդ նիստի ձայնագրությանն ու ուղարկել ՀՀ գլխավոր դատախազություն՝ ասաց. «Ձեր իրավունքն է, ինչ ուզում եք արեք: Նենց եք ասում, որ ստեղ… հա, ինչ ուզում եք արեք, ինչ կամքով ուզում եք, օրենքի սահմաններում ինչքան կարող եք…»: Դատախազ Էդիկ Հարությունյանը շտապեց պարզել, թե ինչ ձայնագրության հետ է Թաթուլ Բաղդասարյանը ցանկանում արձանագրությունն ուղարկել դատախազություն եւ երբ տեղեկացավ, որ  նախորդ նիստի ձայնագրության մասին է խոսքը, դիմեց դատավորին. «Գաղտնի զապիս են արել»: Թաթուլ Բաղդասարյանը հարցրեց. «Դուք չգիտեի՞ք, որ ձայնագրվում է»:

«Տնաշեն, լուրջ գործով զբաղվի տղամարդուն վայել: Արա՛, գնա գործիդ»,- ասաց դատախազը, իսկ Թաթուլ Բաղդասարյանը հակադարձեց. «Փախար»:

Այս գործով դատական հաջորդ նիստը նշանակվեց նոյեմբերի 14-ին, ժամը 14:00-ին:

Տպել
7431 դիտում

Զարգացման ֆրանսիական գործակալության հետ քննարկվել են գյուղատնտեսության ոլորտում նախատեսվող համատեղ ծրագրերը

Երեւանում տեղի ունեցած վթարի արդյունքում մոտոցիկլետի վարորդը հոսպիտալացվել է

Վաղինակը սեփական սղոցով հատել էր 57 ծառ, ձիով տեղափոխել «Հախոյի գոմեր»-ի տարածքի իր տնակ. վնասի չափը պարզվում է

ՊՆ պատվիրակությունը Չինաստանում է. կքննարկվեն երկկողմ հետաքրքրություն ներկայացնող հարցեր

Էրդողանն առաջինն է 500 ամենաազդեցիկ մուսուլման առաջնորդների ցանկում

Արա Աբրահամյանի՝ Հյուսիսային պողոտայում հողատարածք ձեռք բերելու որոշումը չեղյալ է արվել

Բակո Սահակյանն այցելել է արցախա-ադրբեջանական սահմանագծի հարավարևելյան հատված

Տնտեսվարողները դժգոհ են ՊԵԿ-ի կողմից իրականացվող վարչարարությունից. նամակ ՊԵԿ նախագահին

Լոռու 3 գյուղերում գյուղապետեր ընտրվեցին անկուսակցական թեկնածուները

Ադրբեջանը բողոքի նոտա է հղել Ֆրանսիայի դեսպանին՝ Սենտ-Էտյենի քաղաքապետի՝ Արցախ այցելելու պատճառով

ԱԺ-ում խորը ճգնաժամ է, կրկին տապալվեց կարեւոր ընտրությունը. 10 օրվա ընթացքում կրկին կառաջադրե՞ն Վահե Գրիգորյանին

Առաջիկա ամիսներին ներդրումային համաժողովներ կկազմակերպվեն ՀՀ բոլոր մարզերում. Սուրեն Պապիկյան

«Նագլով չեն տալըմ մեր փողը». Գյումրի-Երեւան ճանապարհը պայմանով է բացվել

Երևանի քաղաքապետ Հայկ Մարությանը Նուբարաշեն վարչական շրջանի աշխատակազմին է ներկայացրել նորանշանակ ղեկավարին

Նախագահն առաջարկել է «Horasis»-ի գալիք հանդիպումներից մեկն անցկացնել Հայաստանում

Բարձր եմ գնահատում բոլոր նախաձեռնությունները, որ եղել են Ճապոնիայի կողմից. ԱԻ նախարարը՝ Ճապոնիայի դեսպանին

N42 դպրոցի փոխտնօրենը խոստանում է նստացույց ու հացադուլ նախաձեռնել, եթե ԿԳՆ-ից աջակցություն չլինի

Լենա Նազարյանը պարզաբանում է, թե ինչու պետք է առաջադրել վարչապետի թեկնածու և չընտրել նրան

Ռազմարդյունաբերության կոմիտեի նախագահի գլխավորած աշխատանքային խումբը մեկնել է Մոսկվա

Վանաձորցի տղամարդը սեփական տանը տարբեր ապրանքանիշի հարյուրավոր օղիներ է կեղծել, վաճառել (տեսանյութ)