ՊՆ մատակարարները գերշահո՞ւյթ են ստանում. «Կա խիստ հանձնարարական՝ հաշվարկներ իրականացնելու»

Համապատասխան մարմինները հաշվարկներ են կատարում՝ ստուգելու համար, թե արդյոք վարդենիսցիներից կարտոֆիլ գնող ՊՆ մատակարարները գերշահույթ են ստանում: Այդ մասին վարդենիսցիներին տեղեկացրել է գյուղատնտեսության նախարար Իգնատի Առաքելյանը, որը նախօրեին Վարդենիսում հանդիպել է նրանց հետ:

Մեզ հետ զրույցում կարտոֆիլագործներից Ռաֆայել Մելիքյանն ասաց, որ հանդիպման ընթացքում նախարարը վարդենիսցիներին խնդրել է 2-3 օր սպասել՝ մինչեւ համապատասխան մարմինները հաշվարկները ավարտեն եւ ամեն բան պարզ կդառնա:

«Մենք նախարարի հետ զրուցեցինք, ինքը Պաշտպանության նախարարի հետ էլ է խորհրդակցել, վարչապետի հետ էլ է խորհրդակցել: Մեզ ասաց, որ մատակարարները ներկայացրել են, որ իրենց ծախսերը շատ են, դրա պատճառով են այդքան էժան վերցնում: Ասել են՝ իբր տանում են, պահեստավորում, տեսակավորում, լցնում պարկերը, հետո տանում զորամասեր: Մենք նախարարին տեղեկացրինք, որ չկա նման բան, որ պահեստներից միանգամից բարձում ենք իրենց մեքենաները, տանում են զորամասեր: Նախարարը դա գրեց իր մոտ ու մեզ ասաց՝ 2-3  օր սպասեք, համապատասխան մարմինները հաշվարկներ են կատարում, կա խիստ հանձնարական, որ հարցը կարգավորվի: Ասաց՝ ես էլ եմ տեսնում, որ 40 դրամով կարտոֆիլ վաճառելն աբսուրդ է»,- նախարարի հետ զրույցի մանրամասները ներկայացրեց Մելիքյանը:

Նախարարության հաղորդագրությունում, իհարկե, այս մասին ոչինչ չկար: Փոխարենը նշված էր, որ նախարարը կարտոֆիլագործներին առաջարկել է միավորել ջանքերը, կոոպերատիվներ հիմնել ավելի հեշտ ձեւով մատակարարում իրականացնելու համար:

Այս կապակցությամբ Ռաֆայել Մելիքյանն ասաց, որ այդ մասին խոսք գնացել է, բայց դա հետոյի խոսակցություն է:

Հիշեցնենք, որ նախորդ շաբաթ ՀՀ Գեղարքունիքի մարզի Վարդենիս քաղաքի կարտոֆիլագործները փակել էին Վարդենիսից Քարվաճառ տանող ճանապարհը: Վարդենիսցիները պնդում էին, Պաշտպանության նախարարությունը իրենց ոչ ձեռնտու ցածր գնով է իրականացնում կարտոֆիլի գնումները: Ըստ կարտոֆիլագործների՝ մատակարարները կարտոֆիլն իրենցից վերցնում են 35-40 դրամով, իսկ ՊՆ-ին հանձնում 90 դրամով: Սրա հետեւանքով, վարդենիսցիների պնդմամբ, գների անկում է տեղի ունեցել կարտոֆիլի ամբողջ շուկայում:

Բողոքի ակցիայի ժամանակ վարդենիսցիների հետ հանդիպեց ԱԺ պատգամավոր Նիկոլ Փաշինյանը, որն ավելի ուշ ԱԺ-ում բարձրացրեց հարցը: «Այսօր առավոտյան ճշտել եմ, իրոք, ՊՆ-ին կարտոֆիլը հանձնվում է կիլոգրամը  80-104 դրամով: Կարծում եմ՝ այստեղ լուրջ խնդիր կա, եւ կարծում եմ՝ ԱԺ նախագահությունը, պատգամավորները խորհրդակցությունների շարք պետք է սկսեն ՊՆ-ի հետ, որովհետեւ գյուղացիները հերթական անգամ կանգնած են սնանկացման եզրին»,- ասաց պատգամավորը:

Երեկ հաղորդագրություն տարածվեց, որ գյուղատնտեսության նախարար Իգնատի Առաքելյանն ուղևորվել է Վարդենիս, որտեղ հանդիպել է կարտոֆիլագործների հետ: 

Նախարարության հաղորդագրության համաձայն՝ Իգնատի Առաքելյանը նշել է, որ խնդիրը քննարկվել է ՀՀ պաշպանության նախարարի հետ: Որպես շահավետ լուծում` նախարարն առաջարկել է գյուղացիներին  միավորվել, ստեղծել համատեղ ընկերություն, կոոպերատիվ, որն ինքը մատակարար կդառնա: 

Տպել
15388 դիտում

ՀՀ վարչապետ Նիկոլ Փաշինյանը մասնակցել է Դոնալդ Թրամփի կողմից տրված ընդունելությանը

Բողոք չունենք. Մխիթարյանի մայրը՝ տղայից դիվանագիտական անձնագիրը վերցնելու մասին

Ինչպե՞ս են լուծվելու մայրաքաղաքի տրանսպորտային խնդիրները. մանրամասնում է Սրբուհի Ղազարյանը

Վարչապետ Նիկոլ Փաշինյանն աշխատանքային այցով կմեկնի Տաջիկստան

Զորակցեք ու աջակցեք ՀՀ նոր եւ ժողովրդական կառավարությանը. կոչ Եվրամիության կառույցներին եւ միջազգային հանրությանը

Ավտովթար Լոռիում. հիվանդանոց տեղափոխված վիրավորները բրիտանացիներ են

Պուտինը դժվար թե մինչեւ տարեվերջ ժամանի Հայաստան. ՌԴ-ից արձագանքել են ՀՀ ԱԳՆ-ի հայտարարությանը

Երեւանում քննարկվել են երեխաների հանդեպ բռնությանը վերջ դնելու ճանապարհային քարտեզը

Սարգսյանը ֆրանսիական Dassault ընկերության հետ համատեղ գործակցության կոնկրետ ծրագրի մասին է պայմանավորվել

Զինծառայողի նկատմամբ բռնություն է գործադրվել. նրա մահվան դեպքով մեղադրանք է առաջադրվել համածառայակցին

Հայաստանում կհիմնվի ADS ընկերության ֆինանսական ծառայությունների տարածաշրջանային կենտրոն. հանդիպում Փարիզում

Գյումրիում քննությունների չեկած ուսանողները դիպլոմ են ստացել, կրթաթոշակները յուրացվել են. դատախազություն

Ինչո՞ւ է Մխիթարյանից վերցվել դիվանագիտական անձնագիրը

Նուրբ եւ սկզբունքային հարց. ի՞նչ է լինելու հուլիսի 5-ի հետ

Ի՞նչ է տեղի ունեցել. կարեւորը՝ անփորձանք տուն գամ

Ինչո՞ւ չմեկնեց. արա, մենք զանգի ենք սպասում

Փաստարկները օդից բերված չէին, պետք է փորձենք տարբերակներ գտնել. գյուղնախարար

Պաշտոնի չարաշահո՞ւմ է եղել Ավանի մշակույթի տանը. ում քույրն է 2008-ից «ընտրված» տնօրենը

«Սպիտակ»-ը արցունքների մասին չէ. տեղի ունեցավ երկրաշարժի 30-րդ տարելիցին նվիրված ֆիլմի պրեմիերան

Մենք գլուխներս կախ չենք ստորագրի ամեն մի փաստաթուղթ եւ չենք սեղմի ամեն մի կոճակ. Արման Աբովյան